Tag: T20 world cup

ٹی 20 ورلڈ کپ کے سیمی فائنل میں انگلینڈ کے ہاتھوں عبرت ناک شکست کے ساتھ ٹورنامنٹ سے خالی ہاتھ باہر ہونے کے بعد ہردیک پانڈیا نے جذباتی پیغام سوشل میڈیا پر پوسٹ کردیا۔

بھارتی جارح مزاج بلے باز نے سوشل میڈیا ایپ انسٹا گرام پر ٹیم کی ناکامی پر جذباتی پیغام پوسٹ کیا ہے جس میں انہوں نے لکھا ہے کہ یہ لمحات تباہ شدہ، دل توڑ کر زخمی کرنے والے ہیں جس کو ہم سب کے لیے تسلیم کرنا مشکل ہے لیکن ہم نے اس ٹورنامنٹ میں جو محنت کی اور جو بانڈ ہم نے بنایا تھا میں اس سے لطف اندوز ہوا، ہم راستے کے ہر قدم پر ایک دوسرے کے لیے لڑے۔

پانڈیا نے مزید لکھا کہ میں اپنے معاون عملے کی بھرپور کاوشوں اور محنتوں کو سراہتے ہوئے ان کا بھی شکریہ ادا کرتا ہوں ساتھ ہی مداحوں کا بھی مشکور ہوں جنہوں نے ہر جگہ ہماری حمایت کی۔
بھارتی کھلاڑی نے جذباتی پیغام کا اختتام ان الفاظ کے ساتھ کیا کہ جو ہوا یہ نہیں ہونا تھا لیکن اب ہم سوچیں گے، ہار نہیں مانیں گے اور لڑتے رہیں گے۔

ہندوستانی شائقین کے پاس بہترین دن نہیں گزرے کیونکہ نیلے رنگ کے مردوں نے ایک بار پھر آئی سی سی ایونٹ کے ناک آؤٹ مرحلے میں شکست کا سامنا کرنا پڑا۔ T20 ورلڈ کپ 2022 کی مہم کے

دوران مخالفین پر غلبہ حاصل کرنے کے بعد، کسی کو بھی توقع نہیں ہوگی کہ ہندوستان کو سیمی فائنل میں انگلینڈ کے خلاف دس وکٹوں سے شکست کا سامنا کرنا پڑے گا۔ کھیل میں ہندوستان کی جدوجہد کے باوجود، ٹیم کے لیے واحد مثبت ہاردک پانڈیا تھے جنہوں نے ٹیم کو بلے اور میدان میں شکار کے لیے رکھا۔

View this post on Instagram

A post shared by Hardik Himanshu Pandya (@hardikpandya93)

واضح رہے کہ ٹی 20 ورلڈ کپ کے دوسرے سیمی فائنل میں انگلینڈ نے بھارت کو ہر شعبے میں آؤٹ کلاس کرتے ہوئے 10 وکٹوں سے عبرت ناک شکست دی تھی۔

بھارت کی جانب سے ہردیک پانڈیا کے 33 گیندوں پر برق رفتار 63 رنز بھی انڈین ٹیم کو شکست سے بچانے کے لیے ناکافی ثابت ہوئے تھے، بھارت کا ایک مرحلے پر 150 رنز بنانا بھی مشکل لگتا تھا تاہم پانڈیا کی طوفانی اننگ کی بدولت انگلینڈ کو 169 رنز کا ہدف ملا تھا جو اس نے بغیر کوئی وکٹ گنوائے با آسانی حاصل کرلیا تھا۔

ٹی 20 ورلڈ کپ کے سیمی فائنل میں بھارت کی انگلینڈ سے 10 وکٹوں سے شرمناک شکست کے بعد انڈین میڈیا ہوش کھو بیٹھا اور آئیں بائیں شائیں شروع کردی۔

آسٹریلیا میں کھیلے جا رہے ٹی 20 ورلڈ کپ میں بھارت کو لگاتار دو صدمے ملے پہلے سیمی فائنل مین پاکستان جیتا اور اگلے روز بھارتی سورما انگلینڈ کے خلاف ڈھیر ہوکر شرمناک شکست کے بعد خالی ہاتھ وطن واپس لوٹنے پر مجبور ہوگئے، اس وقت پورا ہندوستان تو صدمے سے دوچار ہے ہی لیکن بھارتی میڈیا بھی اپنے ہوش کھو بیٹھا ہے اور بوکھلاتے ہوئے اس نے اپنی ٹیم کی شرمناک شکست پر پردہ ڈالنے کے لیے ینیوزی لینڈ پر پاکستان سے جان بوجھ کر ہارنے کا الزام عائد کردیا۔

بھارتیوں اور ان کے میڈیا کو ابھی تو پاکستان کی فائنل میں انٹری بھی ہضم نہیں ہوئی تھی کہ ان کے سورماؤں کو ایڈیلیڈ میں انگلینڈ نے دھول چٹا دی، بھارت کی انگلینڈ سے ہار پر جہاں عام بھارتی فینز آگ بگولہ ہوئے وہیں جلتی پر تیل ڈالنے والا بھارتی میڈیا بھی آپے سے باہر ہوگیا۔

ادھر اسٹیڈیم کے باہر بھارتی مداح آؤٹ آف کنٹرول ہوئے اور اپنے ہی ملک کے صحافیوں سے الجھ پڑے تو دوسری جانب سابق کرکٹرز بھی ذلت آمیز ہار پر سر پکڑ کر بیٹھ گئے اور کھلاڑیوں کو آڑے ہاتھوں لیا لیکن بھارتی میڈیا نے تو حد ہی کردی بجائے اپنی ٹیم کے بخیے ادھیڑنے کے اس نے شرمناک شکست کو سازش کا پردہ اڑانے کی کوشش کی۔

دوسرے سیمی فائنل سے پہلے بھارتی ہی میڈیا پاکستان کی کامیابی پر الزام تراشیاں کر رہا تھا لیکن اس ڈرامے میں گھروں کے شیروں کے دیار غیر میں ڈھیر ہونے کے بعد تیزی آگئی اور کہا کہ نیوزی لینڈ جان بوجھ کر پاکستان سے سیمی فائنل ہارا، اگر لامحالہ یہ بات مان بھی لی جائے تو اس مبینہ سازش سے بھارت کے سیمی فائنل میں شرمناک شکست اور ٹورنامنٹ سے باہر ہونے کو کیا جواز فراہم ہوگیا؟ اس سوال کا جواب دینے سے بھارتی جنونی میڈیا قاصر ہے۔

واضح رہے کہ ٹی 20 ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے شرمناک شکست سے دوچار کرکے خالی ہاتھ وطن واپس لوٹنے پر مجبور کردیا۔

پاکستان اور انگلینڈ کے درمیان فائنل اتوار کو میلبرن کرکٹ گراؤنڈ میں کھیلا جائے گا یہ وہی گراؤنڈ ہے جہاں 30 سال قبل 1992 میں پاکستان نے عمران خان کی قیادت میں انگلینڈ کو ہرا کر ورلڈ کپ جیتا تھا۔

پاکستان میں تعینات برطانوی ہائی کمشنر ڈاکٹر کرسچن ٹرنر بھی اپنی ٹیم کے ٹی 20 ورلڈ کپ کے فائنل میں پہنچنے پر خوشی سے نہال اور پُرجوش ہیں۔

برطانوی ہائی کشمنر ڈاکٹر کرسچن ٹرنر نے ٹی ٹوئنٹی ورلڈ کپ کے سیمی فائنل میں بھارت کو شرمناک شکست دے کر فائنل میں پہنچنے پر اپنی ٹیم انگلینڈ کی بھرپور ستائش کی ہے۔

کرسچن ٹرنر نے کہا ہے کہ سیمی فائنل میں ہیلز اور بٹلر نے حیرت انگیز بیٹنگ کی، ان کی بلے بازی دیکھ کر لگ رہا تھا کہ دونوں بابر اور رضوان کے موڈ میں ہیں، اب ایک پرفیکٹ فائنل کا انتظار ہے۔

برطانوی ہائی کمشنر نے ساتھ ہی کہا کہ کیا 1992 کی یاد تازہ ہوگئی؟ دیکھا جائے تو انگلش اور پاکستانی ٹیم گزشتہ ٹی ٹوئنٹی سیریز کے باعث ایک دوسرے کو اچھی طرح جانتے ہیں۔

ڈاکٹر کرسچن ٹرنر نے اس حوالے سے اپنی ایک ٹوئٹ میں چیئرمین پی سی بی کو بھی ٹیگ کیا ہے۔

واضح رہے کہ انگلینڈ نے گزشتہ روز آسٹریلیا میں کھیلے جا رہے ٹی 20 ورلڈ کپ کے دوسرے سیمی فائنل میں بھارت کو شرمناک شکست دے کر فائنل کے لیے کوالیفائی کیا ہے۔

اتوار کو میلبرن میں پاکستان اور انگلینڈ کے مابین فائنل ہوگا جس کو دنیائے کرکٹ میں 1992 کے ورلڈ کے ری پلے سے تشبیہہ دی جا رہی ہے۔

پاکستان کرکٹ بورڈ کے چیئرمین رمیز راجا نے کہا ہے کہ قومی ٹیم محنت کرکے فائنل میں پہنچی ہے مگر ہمیں نیدر لینڈ کی ٹیم کا بھی شکریہ ادا کرنا پڑے گا۔

پی سی چیئرمین رمیز راجا ٹی 20 ورلڈ کپ کا فائنل دیکھنے اور قومی ٹیم کی حوصلہ افزائی کے لیے آسٹریلیا پہنچ چکے ہیں، جہاں انہوں نے میڈیا سے گفتگو کرتے ہوئے کہا کہ قومی ٹیم محنت کرکے فائنل میں پہنچی ہے اور اب قوم کو ٹیم سے بڑی امیدیں ہیں تاہم ہمیں نیدر لینڈ کی ٹیم کا بھی شکریہ ادا کرنا پڑے گا۔

ان کا مزید کہنا تھا کہ روانگی سے قبل کہا تھا یہ ٹیم ورلڈ کپ جیت سکتی ہے لیکن اس وقت پی سی بی میں میرے بیان کو اچھا نہیں سمجھا گیا تھا، ٹیم کو خواب دیکھنے ہوتے ہیں کیونکہ خوابوں کی ہی تعبیر ملتی ہے۔

رمیز راجا نے قومی ٹیم کے کھلاڑیوں سے ملاقات کرکے ان کی حوصلہ افزائی کی اور اس موقع پر انہوں نے 1992 میں کپتان عمران خان کی تقریر کو دہراتے ہوئے کہا کہ یہ موقع پھر نہیں آنا، گراؤنڈ میں 100 فیصد کارکردگی دیں۔

مزید پڑھیں: رمیز راجا نے 92 والی کپتان عمران خان کی تقریر دہرا کر کھلاڑیوں کی حوصلہ افزائی کی

واضح رہے کہ ٹی 20 ورلڈ کپ سپر 12 مرحلے کے اختتامی روز نیدر لینڈ نے جنوبی افریقہ کو اپ سیٹ شکست دے کر پاکستان کی سیمی فائنل میں رسائی کا سفر آسان کیا تھا، اگر نیدر لینڈ وہ میچ نہ جیتتا تو پاکستان بنگلہ دیش کو شکست دینے کے باوجود سیمی فائنل کے لیے کوالیفائی نہیں کرسکتا تھا۔

ٹی 20 ورلڈ کپ کا فائنل اتوار کو میلبرن میں پاکستان اور انگلینڈ کے مابین کھیلا جائے گا، قومی ٹیم کی حوصلہ افزائی کیلیے پی سی بی چیئرمین رمیز راجا میلبرن پہنچ گئے ہیں۔

پاکستان کرکٹ بورڈ کے چیئرمین رمیز راجا ٹی 20 ورلڈ کپ کے فائنل دیکھنے کے لیے میلبرن پہنچ گئے انہوں نے کھلاڑیوں سے ملاقات کرکے انہیں 1992 کے ورلڈ کپ کی فتح یاد دلا کر حوصلہ بڑھایا اور کہا کہ ورلڈ کپ فائنل سے پہلے قومی تیم کے حوصلے بلند ہیں۔

رمیز راجا نے کہا کہ ورلڈ کپ جیتنے کا اس سے بہترین موقع نہیں ملے گا، ٹیم نے بہت محنت کی، بھارت سے فائنل ہوتا تو بڑا فائنل ہوتا۔۔ انگلینڈ کی ٹیم سے ہم حال ہی میں ہوم سیریز کھیلی ہے، مشکل صورتحال میں بھی پاکستان ٹیم ایک بن کر رہی۔

پی سی بی چیئرمین رمیز راجا نے کہا کہ کھلاڑیوں سے ملاقات کرکے 1992 کی یادیں شیئر کیں اور اس وقت کپتان عمران خان نے جو تقریر کی تھی وہ ہی میں نے دہرائی، کھلاڑیوں کو کہا ہے کہ یہ موقع پھر نہیں آنا، گراؤنڈ میں 100 فیصد کارکردگی دیں، کپتان بابر اعظم سمیت ہر کھلاڑی کو کہا کہ زندگی میں ایسےموقع کم ملتے ہیں، 1992 کے فائنل سے قبل ہم تھوڑا سا خوفزدہ تھے، لیکن اس وقت کھلاڑی دلیرہیں اور فائنل سے قبل دباؤ نہیں لے رہے۔

رمیز راجا نے مزید کہا کہ 1992 میں ون ڈے ورلڈ کپ کا فائنل جیتنے کے بعد سے میلبرن گراؤنڈ نہیں گیا، 30 سال بعد آج ملبورن گراؤنڈ دیکھوں گا، ۔

1992 کی ورلڈ کپ فاتح ٹیم کے اہم رکن رمیز راجا کا مزید کہنا تھا کہ لوگوں سے بھی اپیل ہے کہ خراب کارکردگی پر ٹیم پر تنقید ضرور کریں لیکن ہاتھ ذرا ہولہ رکھا کریں، ایجنڈا بیس شو یا رائے نہیں ہونی چاہیے۔

ان کا کہنا تھا کہ روانگی سے قبل کہا تھا یہ ٹیم ورلڈ کپ جیت سکتی ہے لیکن اس وقت پی سی بی میں میرے بیان کو اچھا نہیں سمجھا گیا تھا، ٹیم کو خواب دیکھنے ہوتے ہیں کیونکہ خوابوں کی ہی تعبیر ملتی ہے۔

رمیز راجا بھی بابر اور رضوان کی اوپننگ جوڑی توڑنے کے مخالف ہیں اور کہتے ہیں کہ بابر، رضوان سے متعلق اتنے واٹس ایپ آئے کہ انہیں تبدیل کریں لیکن یہ موجودہ کرکٹ کی نمبر ون جوڑی ہے اس کو توڑنا نہیں چاہیے۔