Tag: T20 world cup

سابق قومی کرکٹر کامران اکمل کا کہنا ہے کہ ٹی 20 ورلڈ کپ کے فائنل میں اگر بھارت نے پہلے بیٹنگ کی تو جنوبی افریقہ کو مشکل ہوگی۔

اے آر وائی نیوز کے پروگرام ’ہر لمحہ پرجوش‘ میں گفتگو کرتے ہوئے سابق کرکٹر کامران اکمل نے کہا کہ فائنل میں بھارت کے جیتنے کا چانس 75 فیصد ہے، بھارتی کارکردگی کا کریڈٹ ان کی ٹیم اور ڈومیسٹک سسٹم کو جاتا ہے۔

انہوں نے کہا کہ مجھے نہیں لگتا کہ بھارتی ٹیم میں اب کوئی تبدیلی ہوگی اور ہونی بھی نہیں چاہیے، پہلے ٹاس جیتنے والی ٹیم کو فائدہ ہوگا۔

کامران اکمل نے کہا کہ ارشدیپ سنگھ اور بمراہ بہترین بولنگ کررہے ہیں، ویرات کوہلی رنز نہیں کررہے لیکن دیگر کھلاڑی ذمہ داری دکھا رہے ہیں۔

دوسری جانب سابق کرکٹر باسط علی نے کہا کہ کل کے میچ میں ٹاس اہم نہیں ہے، بھارت کے حالیہ میچز میں کامیابی کا پریشر جنوبی افریقہ پر ہوگا۔

باسط علی نے کہا کہ بھارت اس وقت بہترین فارم میں ہے، انہوں نے سارے میچ آسانی سے جیتے اس لیے ٹیم پرفارم کررہی ہے، ویرات کوہلی کو اپنے نمبر پر ہی بھیجنا چاہیے۔

انہوں نے مزید کہا کہ زمبابوے کے دورے پر بھارت کی نئی ٹیم جارہی ہے پاکستان میں کسی ملک کی سی ٹیم بھی آئے تو ہم اپنے ٹاپ کھلاڑی کھلاتے ہیں۔

واضح رہے کہ ٹی 20 ورلڈ کپ کا فائنل آج بھارت اور جنوبی افریقہ کے درمیان کھیلا جائے گا، میچ پاکستانی وقت کے مطابق شام ساڑھے 7 بجے شروع ہوگا۔

قومی ٹیم کے سابق کپتان انضمام الحق کا کہنا ہے کہ روہت شرما ہمیں نہیں بتائیں گیند ریورس سوئنگ کس طرح ہوتا ہے۔

نجی ٹی وی سے گفتگو کرتے ہوئے سابق کپتان و چیف سلیکٹر انضمام الحق نے روہت شرما کے بیان پر ردعمل دیتے ہوئے کہا کہ دماغ تو ہم اپنا ضرور کھول لیں گے، انہوں نے مانا کہ گیند ریورس سوئنگ ہورہا ہے لیکن انہیں ہمیں یہ بتانے کی ضرورت نہیں ہے کہ ریورس سوئنگ کس طرح ہوتا ہے اور کس پچ پر ہوتا ہے۔

انضمام الحق نے کہا کہ جو سکھانے والے ہوتے ہیں ان کو یہ چیز نہیں سکھایا کرتے، اس طرح کی باتیں اچھی نہیں ہیں۔

انہوں نے کہا کہ روہت شرما سے غلط سوال پوچھا گیا میں نے امپائر کو مشورہ دیا تھا کہ پندرہ اوور میں گیند ریورس سوئنگ ہورہا ہے تو آنکھیں کھلی رکھیں اور اب میں یہی کہوں گا۔

انضمام الحق نے مزید کہا کہ اگر امپائر آنکھیں اور دماغ کھلا رکھیں گے تو زیادہ بہتر ہوجائے گا۔

واضح رہے کہ چند روز قبل سابق کپتان انضمام الحق نے کہا تھا کہ میچ کے 15ویں اوور میں ارشدیپ سنگھ گیند کو ریورس سوئنگ کررہے تھے جبکہ نئی گیند اتنی جلدی ریورس سوئنگ نہیں ہوتی اس کا مطلب ہے کہ گیند 12 ویں یا 13ویں اوور تک ریورس سوئنگ کے لیے تیار تھی، امپائر کو ان چیزوں پر آنکھیں کھلی رکھنی ہوں گی۔

روہت شرما نے صحافی کے سوال کے جواب میں کہا تھا کہ اگر آپ شدید گرمی میں کھیل رہے ہیں اور پچز خشک ہیں تو گیند خود ریورس ہونا شروع جائے گی۔

ان کا کہنا تھا کہ تمام ٹیموں کو ریورس سوئنگ مل رہا ہے، صرف ہمارے لیے تھوڑی ہورہی ہے، کبھی کبھی اپنا دماغ کھولنا ضروری ہوتا ہے، آپ کو سمجھنا ہوگا کہ ہم کہاں کھیل رہے ہیں ہم انگلینڈ یا آسٹریلیا میں نہیں کھیل رہے ہیں۔

انٹرنیشنل کرکٹ کونسل آئی سی سی نے ٹی 20 ورلڈ کپ فائنل کے لیے میچ آفیشلز کا اعلان کردیا۔

آئی سی سی ٹی 20 ورلڈ کپ کے فائنل میں کل بھارت اور جنوبی افریقہ کی ٹیمیں مدمقابل آئیں گی، دونوں ٹیمیں میگا ایونٹ میں ناقابل شکست رہی ہیں۔

میگا ایونٹ کے فائنل میں رچرڈ ایلنگ ورتھ اور کرس گیفانی آن فیلڈ امپائرز ہوں گے۔

رچرڈ کیٹلبرو تھرڈ امپائر کے فرائض انجام دیں گے جبکہ روڈنی ٹکر فورتھ امپائر ہوں گے۔

واضح رہے کہ جنوبی افریقہ نے افغانستان کو شکست دے کر فائنل میں رسائی حاصل کی ہے جبکہ بھارتی ٹیم انگلینڈ کو ہرا کر فائنل میں پہنچی ہے۔

دوسرے سیمی فائنل میں بھارت نے  172 رنز کا ہدف کا دفاع  کرتے ہوئے انگلینڈ کو 68 رنز سے شکست دی تھی۔

بھارت نے مقررہ 20 اوورز میں 7 وکٹوں کے نقصان پر 171 رنز بنائے،کپتان روہت شرما 57 رنز بناکر نمایاں رہے۔ انگلینڈ کی پوری ٹیم 16.4 اوورز میں 103 رنز بنا کر آل آؤٹ ہو گئی تھی۔

ٹی 20 ورلڈ کپ کی 17 سالہ تاریخ میں پہلی بار کسی ایک میگا ایونٹ میں چھکوں کی ایسی برسات ہوئی کہ 500 سے زائد چھکے لگ گئے۔

امریکا اور ویسٹ انڈیز کی مشترکہ میزبانی میں کھیلا جانے والا آئی سی سی ٹی ٹوئنٹی ورلڈ کپ کا فائنل کل بھارت اور جنوبی افریقہ کے درمیان کھیلا جائے گا۔ اب تک کھیلے گئے ایونٹ میں 502 بولرز کو 502 چھکے لگ چکے ہیں اور جب کہ فائنل میں اس کی تعداد میں مزید اضافہ ہو سکتا ہے۔

گزشتہ روز دوسرے سیمی فائنل میں انگلینڈ کے خلاف بھارتی کرکٹر اکشر پٹیل نے میگا ایونٹ کی تاریخ کا 500 واں چھکا لگایا۔

اس میگا ایونٹ میں اب تک 51 میچز کھیلے گئے ہیں اور اس حساب سے اوسطاً ہر میچ میں لگ بھگ 10 چھکے لگائے گئے۔

اس سے قبل سب سے زیادہ چھکے 2021 کے ورلڈ کپ میں لگائے گئے تھے جہاں 45 میچز میں بلے بازوں نے 405 بار گیند کو ہوا کے دوش پر باؤنڈری کے باہر بھیجا تھا۔ 2022 کے ٹورنامنٹ کے 42 میچز میں 331 جب کہ 2016 کے ایونٹ میں 314 اور 2014 میں 300 چھکے لگائے گئے تھے۔

بات کریں رواں ایونٹ میں چھکے چھڑانے والے بلے بازوں کی تو اس فہرست میں سپر ایٹ میں ہی میگا ایونٹ سے باہر ہونے والی میزبان ٹیم ویسٹ انڈیز کے بیٹر پورن سر فہرست ہیں جنہوں نے 7 میچز میں 17 چھکے لگائے۔

ان کے بعد سیمی فائنل تک پہنچنے والی افغان ٹیم کے اوپنر رحمان اللہ گرباز ہیں جنہوں نے 8 میچز میں 16 چھکے لگائے۔

https://urdu.arynews.tv/ahmed-shahzad-statement-india-pakistan-semi-final-of-world-cup-2011/

تیسرے نمبر پر آسٹریلیا کے اوپنر ٹریوس ہیڈز اور بھارتی کپتان روہت شرما ہیں جنہوں نے 15، 15 چھکے لگا رکھے ہیں۔

ٹی 20 ورلڈ کپ کا فائنل کل بھارت اور جنوبی افریقہ مدمقابل ہوں گے ٹرافی کون اٹھائے گا پاکستان کے سابق اسپیڈ اسٹار شعیب اختر نے پیشگوئی کی ہے۔

آئی سی سی ٹی 20 ورلڈ کپ کا فائنل میچ کل بھارت اور جنوبی افریقہ کے درمیان برج ٹاؤن میں کھیلا جائے گا۔ دونوں ٹیمیں ہی  رواں میگا ایونٹ میں نا قابل شکست رہتی ہوئی اس فائنل مقابلے تک پہنچی ہیں اور شائقین کانٹے کا مقابلہ متوقع کر رہے ہیں۔

تاہم جب بات ہو دو ٹیموں میں فائنل مقابلے کی تو بہرصورت ایک ٹیم نے جیتنا اور ایک نے ہارنا ہوتا ہے۔ پاکستان کے سابق اسپیڈ اسٹار شعیب اختر نے اس حوالے سے پیشگوئی کرتے ہوئے ٹیم انڈیا کو ٹی 20 ورلڈ کپ 2024 کا فاتح قرار دیا ہے۔

شعیب اختر نے اپنے یوٹیوب چینل پر فائنل میچ کے حوالے سے کہا کہ اب بھارت کو کوئی نہیں روک سکتا۔ انگلینڈ کے خلاف سیمی فائنل میں بھارت نے شاندار کارکردگی کا مظاہرہ کیا اور تمام کھلاڑی بہترین کھیلے پھر چاہے روہت شرما ہو یا سوریا۔ سب سے اپنا کردار نبھایا۔

انہوں نے بھارتی کپتان کی قائدانہ صلاحیتوں کی تعریف کرتے ہوئے کہا کہ گزشتہ ورلڈ کپ میں وہ چوک گئے تھے لیکن اب روہت شرما کو یہ ورلڈ کپ جیتنا چاہیے۔ میں اس کا بہت بڑا مداح ہوں، اس نے اپنی بلے بازی اور کپتانی سے میرا دل جیت لیا ہے۔

راولپنڈی ایکسپریس نے کہا کہ بھارتی ٹیم بہت مضبوط نظر آ رہی ہے اور اس کو یہ ٹرافی جیتنی چاہیے، میرے خیال میں وہی اس کی حقدار ہے اور میری مکمل حمایت اس کے ساتھ ہے۔

اس موقع پر شعیب اختر نے جنوبی افریقہ کی ٹیم کو بھی مشورہ دیا کہ اگر وہ ٹاس جیت جائیں تو پہلے بیٹنگ کرنے کو ترجیح دیں، اس طرح آپ کا میچ میں کچھ چانس بن سکتا ہے ورنہ آپ جانتے ہیں کہ کیا ہوسکتا ہے۔

واضح رہے کہ بھارت تیسری بار جب کہ جنوبی افریقہ پہلی بار ورلڈ کپ کا فائنل کھیل رہے ہیں۔ بلیو شرٹس 2007 کا ورلڈ کپ جیت کر اولین ٹرافی اپنے نام کر چکے ہیں۔

ٹی 20 ورلڈ کپ کے دوسرے سیمی فائنل میں ویرات کوہلی کے کلین بولڈ ہونے کی ویڈیو وائرل ہوگئی۔

گیانا میں کھیلا جارہا دوسرا سیمی فائنل میچ پہلے ہی تاخیر سے شروع ہوا تھا، بھارت نے پہلے کھیلتے ہوئے 8 اوورز میں دو وکٹوں کے نقصان پر 65 رنز بنائے جس کے باعث دوبارہ بارش شروع ہوئی تو میچ روک دیا گیا۔

رشبھ پنت 4 رنز بنا کر آؤٹ ہوئے، کپتان روہت شرما 37 اور سوریا کمار یادیو 13 رنز بنا کر کریز پر موجود ہیں۔

انگلینڈ کی جانب سے ریس ٹوپلی اور سیم کرن نے ایک، ایک وکٹ حاصل کی ہے۔

ویرات کوہلی کو 9 رنز پر ریس ٹوپلی نے پویلین کی راہ دکھائی۔

ویڈیو میں دیکھا جاسکتا ہے کہ ویرات کوہلی نے ٹوپلی کو چھکا لگانے کے بعد ایک بار پھر بڑا شاٹ مارنے کی کوشش کی تو وہ کلین بولڈ ہوگئے۔

ٹی 20 ورلڈ کپ میں ویرات کوہلی خاطر خواہ کارکردگی نہیں دکھا سکے ہیں۔

View this post on Instagram

A post shared by ICC (@icc)