Tag: T20 world cup

 ٹی 20 ورلڈ کپ میں پاکستان کی بنگلہ دیش سے جیت کے بعد قومی کپتان بابر اعظم نے کہا ہے کہ یقین تھا ہم سیمی فائنل میں جاسکتے ہیں۔

ایڈیلیڈ میں کھیلے گئے گروپ ٹو کے ڈو اور ڈائی میچ میں پاکستان نے بنگلہ دیش کو 5 وکٹوں سے زیر کرکے سیمی فائنل کے لیے کوالیفائی کرلیا، میچ کے بعد تقسیم انعامات کی تقریب میں قومی کپتان بابر اعظم ٹیم کی اس فتح پر انتہائی مسرور نظر آئے۔

بابر اعظم نے کہا کہ یقین تھا کہ ہم سیمی فائنل میں جا سکتے ہیں، اس میچ کو بہت انجوائے کیا اور اب اگلے میچ پر نظریں ہیں۔

قومی کپتان کا کہنا تھا کہ آج کی وکٹ تھوڑی مشکل تھی، رضوان اور مین نے کنڈیشن کے مطابق کھیلا، اس جیت کے بعد اب ٹیم سیمی فائنل مقابلے کے لیے پرجوش ہے۔

ٹی 20 ورلڈ کپ کے سپر 12 کے اہم ترین میچ میں پاکستان کی فتح میں اہم کردار ادا کرکے ٹیم کو سیمی فائنل میں پہنچانے پر شاہین آفریدی نے اللہ تعالی کا شکر ادا کیا ہے۔

قومی ٹیم کے اسٹار فاسٹ بولر شاہین شاہ آفریدی نے بنگلہ دیش کے خلاف میچ میں کفایتی اور تباہ کن بولنگ کی اور کوٹے کے چار اوورز میں صرف 22 رنز دے کر 4 قیمتی وکٹیں حاصل کیں جس میں بنگلہ دیش کے ہارڈ ہٹر بیٹر لٹن داس کی اہم ترین وکٹ بھی شامل تھی۔

شاہین شاہ آفریدی کو اس بے مثال کارکردگی پر مین آف دی میچ قرار دیا گیا۔

شاہین آفریدی نے میچ کا بہترین کھلاڑی ہونے کا اعزاز حاصل کرنے کے بعد گفتگو کرتے ہوئے کہا کہ میچ میں بھرپور کارکردگی دکھانے کی کوشش کی اور سیمی فائنل میں کوالیفائی کرنے پر اللہ کا شکر گزار ہوں۔

فاسٹ بولر کا کہنا تھا کہ اب ہماری توجہ سیمی فائنل پر ہے جس میں کامیابی حاصل کرکے فائنل جیتنے کی کوشش کریں گے۔

واضح رہے کہ پاکستان نے بنگلہ دیش کو 5 وکٹوں سے شکست دے کر سیمی فائنل کے لیے کوالیفائی کیا ہے۔

یہ بھی پڑھیں: ٹی 20 ورلڈ کپ، چاروں سیمی فائنلسٹ ٹیموں کا فیصلہ ہوگیا

سیمی فائنل مرحلے میں پہنچنے والی ٹیموں میں پاکستان کے علاوہ بھارت، نیوزی لینڈ اور انگلینڈ شامل ہیں۔

آسٹریلیا میں کھیلے جا رہے ٹی 20 ورلڈ کپ میں پاکستان کی بنگلہ دیش سے جیت کے ساتھ ہی ٹورنامنٹ کے سیمی فائنل مرحلے کے لیے چاروں ٹیموں کا فیصلہ ہوگیا ہے۔

ٹورنامنٹ کے گروپ ون میں نیوزی لینڈ اور انگلینڈ نے تو گزشتہ روز ہی سیمی فائنل کے لیے کوالیفائی کرلیا تھا تاہم گروپ ٹو میں اگر مگر کی دلچسپ صورتحال تھی اور آج کا دن نکلنے سے قبل کوئی پیشگوئی نہیں کرسکتا تھا کہ پاکستان، جنوبی افریقہ اور بھارت میں سے کون سی دو ٹیمیں سیمی فائنل کھیلیں گی۔

ایڈیلیڈ میں جنوبی افریقہ کی نیدر لینڈ کے ہاتھوں بڑی اپ سیٹ شکست نے پاکستان کے سیمی فائنل تک رسائی کو مزید آسان بنایا اور رن ریٹ کا گورکھ دھندا ختم کرکے صرف جیت ہی اسے اگلے مرحلے میں پہنچا سکتی تھی۔

پاکستان نے بنگلہ دیش کو 5 وکٹوں سے زیر کرکے سیمی فائنل کے لیے کوالیفائی کرلیا بلکہ بھارت اور زمبابوے کے ہونے والے میچ کو بھی نمائشی بنا کر رکھ دیا کیونکہ گروپ میں پاکستان اور بھارت دونوں ٹیمیں چھ چھ پوائنٹ کے ساتھ سیمی فائنل میں پہنچ گئی ہیں۔

ٹورنامنٹ کا پہلا بدھ 9 نومبر کو سیمی فائنل سڈنی اور دوسرا جمعرات 10 نومبر کو ایڈیلیڈ میں کھیلیں جائیں گے، دونوں میچز پاکستانی وقت کے مطابق دوپہر ایک بجے شروع ہوں گے۔

یہ بھی پڑھیں: پاکستان ٹی 20 ورلڈ کپ کے سیمی فائنل میں پہنچ گیا

تاہم سیمی فائنل میں کون سی ٹیم کس کے مدمقابل ہوگی اس کا فیصلہ بھارت اور زمبابوے کے میچ کے رن ریٹ کی بنیاد پر گروپ ٹو میں پہلی اور دوسری ٹیم کا فیصلہ ہونے کے بعد ہوگا۔

آسٹریلیا میں جاری ٹی ٹوئنٹی ورلڈ کپ کے سپر 12 کے اہم ترین میچ میں بنگلہ دیش نے پاکستان کو جیت کے لیے 128 رنز کا ہدف دیا ہے، فاتح ٹیم سیمی فائنل کھیلے گی۔

ایڈیلیڈ میں کھیلے جا رہے گروپ ٹو کے اہم ترین میچ میں بنگلہ دیش نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 127 رنز بنائے، سوائے اوپنر نجم الحسین کے علاوہ کوئی اور بلے باز پاکستانی بولرز کا دلیری کے ساتھ سامنا نہ کرسکا۔

بنگلہ دیش کی پہلی وکٹ 21 کے مجموعی اسکور پر گری جب بھارت کے خلاف دھواں دھار بلے بازی کرنے والے لٹن داس 10 رنز بنا کر پویلین لوٹ گئے ان کی قیمتی وکٹ شاہین شاہ آفریدی نے شان مسعود کا کیچ بنوا کر حاصل کی، سومیہ سرکار اور نجم الحسین کے درمیان 52 رنز کی قیمتی پارٹنر شپ ہوئی۔

اس سے قبل کہ یہ پارٹنر شپ مزید خطرناک ہوتی، قومی ٹیم کے نائب کپتان شاداب خان نے سومیہ سرکار کو 20 کے انفرادی اسکور پر چلتا کیا اس بار بھی کیچ شان مسعود نے تھاما، اپنی اگلی ہی گیند پر شاداب خان نے بنگلہ کپتان شکیب الحسن کو کھاتہ کھولے بغیر ایل بی ڈبلیو آؤٹ کرکے بنگلہ دیش کو بڑا دھچکا پہنچایا۔

بنگلہ دیشی اوپنر نجم الحسین نے نصف سنچری اسکور کی تاہم ان کی پیش قدمی کو پارٹ ٹائم بولر افتخار احمد نے روکا پاکستان کے لیے خطرہ بنتے بلے باز کو 90 کے مجموعے پر کلین بولڈ کردیا، انہوں نے 54 رنز اسکور کیے۔

107 کے مجموعے پر بنگلہ دیش کے مصدق حسین کو شاہین شاہ آفریدی نے بولڈ کیا تو آدھی بنگلہ ٹیم پویلین لوٹ چکی تھی، اسی اوور میں شاہین نے نئے آنے والے بلے باز نور الحسن کو بغیر کوئی رن بنائے آؤٹ کردیا۔

اگلے ہی اوور میں شاہین آفریدی نے کپتان بابر اعظم کی مدد سے تسکین احمد ایک رن بنانے کے بعد ہی واپس بھیج دیا، بنگلہ دیش کی اننگ کے آخری اوور میں حارث رؤف نے 7 رنز پر نسوم احمد کو آؤٹ کردیا۔

شاہین شاہ آفریدی نے اپنے کوٹے کے 4 اوور میں 22 رنز دے کر 4 وکٹیں حاصل کیں، شاداب خان نے 30 رنز دے کر 2 کھلاڑیوں کو آؤٹ کیا، افتخار احمد نے 15 رنز دے کر نصف سنچری بنانے والے نجم الحسین کی قیمتی وکٹ لی۔

قومی ٹیم کے کپتان بابر اعظم نے ٹاس ہارنے کے بعد کہا تھا گزشتہ میچ کی جیت سے اعتماد ملا ہے اور اس مومینٹم کو لے کر چلیں گے، یہ میچ اہم ہے اور اس کو جیتنے کی بھرپور کوشش کریں گے۔

آسٹریلیا میں جاری ٹی 20 ورلڈ کپ کے سپر 12 کے اہم میچ میں بنگلہ دیش نے پاکستان کیخلاف ٹاس جیت پر پہلے بیٹنگ کا فیصلہ کیا ہے۔

میچ ایڈیلیڈ کرکٹ گراؤنڈ میں کھیلا جائیگا جہاں کچھ دیر قبل ہی نیدر لینڈ نے جنوبی افریقہ کو اپ سیٹ شکست دی ہے جس کے بعد پاکستان اور بنگلہ دیش کے مابین میچ اہمیت اختیار کر گیا ہے اس میں جو ٹیم میچ جیتے گی وہ سیمی فائنل کے لیے ٹکٹ کٹا لے گی جب کہ ہارنے والی ٹیم کو خالی ہاتھ وطن واپس لوٹنا پڑے گا۔

ٹاس کے بعد قومی ٹیم کے کپتان بابر اعظم نے کہا ہے گزشتہ میچ کی جیت سے اعتماد ملا ہے اور اس مومینٹم کو لے کر چلیں گے، یہ میچ اہم ہے اور اس کو جیتنے کی بھرپور کوشش کریں گے۔

میچ کے لیے پاکستان اور بنگلہ دیش نے اپنی اپنی ٹیموں میں کوئی تبدیلی نہیں کی ہے اور گزشتہ میچز کے اسکواڈ کو برقرار رکھا ہے۔

واضح رہے کہ اس سے قبل سپر 12 کے اہم میچ میں نیدر لینڈ نے جنوبی افریقہ کو ہرا کر ٹورنامنٹ کا بڑا اپ سیٹ کردیا ہے، نیدر لینڈ کی اس جیت سے اسے کوئی فائدہ نہیں ہوا لیکن پاکستان کے سیمی فائنل میں پہنچنے کے امکانات کافی روشن ہوگئے ہیں۔

آسٹریلیا میں جاری ٹی ٹوئنٹی ورلڈ کپ کے سپر 12 مرحلے کے فیصلہ کن میچ میں نیدر لینڈ نے ٹورنامنٹ کی مضبوط ٹیم جنوبی افریقہ کو شکست دے کر بڑا اپ سیٹ کردیا۔

ایڈیلیڈ کرکٹ گراؤنڈ میں کھیلے گئے سپر 12 کے اہم میچ میں نیدر لینڈ نے جنوبی افریقہ کو ہرا کر ٹورنامنٹ کا بڑا اپ سیٹ کردیا ہے، نیدر لینڈ کی اس جیت سے اسے کوئی فائدہ نہیں ہوا لیکن پاکستان کے سیمی فائنل میں پہنچنے کے امکانات کافی روشن ہوگئے ہیں۔

نیدر لینڈ کی جانب سے دیے گئے 159 رنز کے  ہدف کے تعاقب کرنے میں جنوبی افریقی بیٹرز ناکام رہے اور مضبوط ٹیم 20 اوورز میں 8 وکٹوں کے نقصان پر صرف 145 رنز ہی بناسکی کوئی بھی کھلاڑی نصف سنچری اسکور نہ کرسکا۔

جنوبی افریقہ کی جانب سے رلی روسو 25 رنز بنا کر ٹاپ اسکورر رہے، کلاسین نے 21 اور ٹیمبا نے 20 رنز اسکور کیے۔

نیدر لینڈ کے برینڈن گلوور نے جنوبی افریقہ کی بیٹنگ کو دھچکا پہنچایا اور صرف 9 رنز دے کر 3 قیمتی وکٹیں حاصل کیں، فریڈ کلاسین اور ڈیلی نے دو دو کھلاڑی آؤٹ کیے، میکرین کے حصے میں ایک وکٹ آئی۔

نیدر لینڈ کے بیٹر ایکر میں کو مین آف دی میچ قرار دیا گیا۔

اس سے قبل جنوبی افریقہ نے ٹاس جیت کر پہلے فیلڈنگ کا فیصلہ کیا، نیدر لینڈ نے مقررہ 20 اوورز میں 4 وکٹوں کے نقصان پر 158 رنز بنائے، ایکرمین نے ناقابل شکست 41 رنز بنائے، اسٹیفن نے 37 اور کوپر نے 35 رنز جوڑے۔

جنوبی افریقہ کی جانب سے مہاراج نے دو، اینرچ اور میکرم نے ایک ایک کھلاڑی کو آؤٹ کیا۔

پاکستان کو سیمی فائنل میں پہنچنے کے لیے بنگلہ دیش کو ہرانا لازمی ہوگا بصورت دیگر بنگلہ دیش سیمی فائنل میں پہنچ جائے گی۔