Tag: T20 world cup

ٹی ٹوئنٹی ورلڈ کپ کے سپر 12 مرحلے میں سری لنکا نے افغانستان کو 6 وکٹوں سے شکست دے کر اپنے سیمی فائنل میں پہنچنے کی امیدوں کو برقرار رکھا ہے۔

برسبین میں کھیلے گئے میچ میں سری لنکا نے افغانستان کی جانب سے دیا گیا 145 رنز کا ہدف چار وکٹوں کے نقصان پر 9 گیندیں قبل ہی حاصل کرلیا۔

سری لنکا کی جانب سے دھننجایا ڈی سلوا نے ناقابل شکست 66 رنز بنائے، ان کے علاوہ وکٹ کیپر بلے باز 25 رنز بنا کر نمایاں رہے۔

افغان کپتان نے سری لنکنز کو قابو کرنے کے لیے 7 بولروں کا استعمال کیا لیکن ان کا یہ حربہ بھی کامیاب ثابت نہ ہوا، مجیب الرحمٰن اور راشد خان نے دو دو کھلاڑیوں کو آؤٹ کیا۔

افغان بیٹنگ میں دراڑ ڈالنے والے سری لنکن بولر ونندھو ڈی سلوا کو میچ کا بہترین کھلاڑی قرار دیا گیا۔

اس سے قبل افغانستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 144 رنز بنائے۔

افغانستان کی جانب سے کوئی بھی بلے باز نصف سنچری اسکور نہ کرسکا، اوپنر رحیم اللہ گُرباز اور عثمان غنی نے 28 اور 27 رنز اسکور کیے۔

سری لنکا کی جانب سے سب سے کامیاب بولر ونندھو ڈی سلوا رہے جنہوں نے اپنے کوٹے کے 4 اوورز میں صرف 13 رنز دے کر تین کھلاڑیوں کو آؤٹ کیا، لاہرو کمارا نے دو جب کہ دھننجایا ڈی سلوا اور کسون نے ایک ایک وکٹ حاصل کی۔

اس میچ کے ساتھ گروپ ون میں سری لنکا کے چار پوائنٹ کے ساتھ تیسرے نمبر پر آگئی ہے اور ابھی اس کے دو گروپ میچز باقی ہیں، گروپ کی دو سرفہرست ٹیمیں بالترتیب نیوزی لینڈ اور آسٹریلیا ہیں۔

آسٹریلیا میں کھیلے جا رہے ٹی ٹوئنٹی ورلڈ کپ سپر 12 مرحلے میں افغانستان نے سری لنکا کو جیت کے لیے 145 رنز کا ہدف دیا ہے۔

ٹی ٹوئنٹی ورلڈ کپ کے سپر 12 مرحلے میں برسبین میں گروپ ون کے اہم میچ میں افغانستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 144 رنز بنائے۔

افغان اوپنرز نے 42 رنز کا آغاز فراہم کیا اس مجموعے پر رحیم اللہ گرباز 28 رنز بنا کر کمارا کی گیند پر کلین بولڈ ہوگئے، 68 کے مجموعے پر دوسرے اوپنر عثمان غنی بھی ٹیم کا ساتھ چھوڑ گئے، انہوں نے 27 رنز اسکور کیے، اس بار کامیاب بولر ڈی سلوا تھے۔

افغانستان کی تیسری وکٹ 90 کے مجموعی اسکور پر گری جب ابراہیم زردان 22 رنز بنا کر چلتے بنے، نجیب اللہ زردان نے 18، کپتان محمد نبی نے 13 اور گلبدین نبی نے ٹیم کا مجموعہ 144 تک پہنچانے میں 12 رنز کا حصہ ڈالا۔

سری لنکا کی جانب سے سب سے کامیاب بولر ونندھو ڈی سلوا رہے جنہوں نے اپنے کوٹے کے 4 اوورز میں صرف 13 رنز دے کر تین کھلاڑیوں کو آؤٹ کیا، لاہرو کمارا نے دو جب کہ دھننجایا ڈی سلوا اور کسون نے ایک ایک وکٹ حاصل کی۔

گروپ ون میں دونوں ٹیموں کے 2 دو پوائنٹ ہیں اور جو اس میچ میں فتح حاصل کرے گا اس کے سیمی فائنل میں جانے کے امکانات باقی رہیں گے۔

ٹی 20 ورلڈ کپ میں پاکستان کی دو شکستوں اور بھارت کی جنوبی افریقہ کے خلاف ہار نے قومی ٹیم کا سیمی فائنل تک کا سفر مشکل ترین بنا چکا ہے تاہم اگر مگر کی صورتحال اب بھی برقرار ہے۔

پاکستان نے گزشتہ روز نیدر لینڈ کو شکست دے کر نہ صرف ٹورنامنٹ میں اپنی پہلی فتح حاصل کی بلکہ سیمی فائنل مرحلے میں جانے کی امیدوں کو بھی روشن رکھا تاہم اس میچ کے چند گھنٹے بعد ہی بھارت کی جنوبی افریقہ کے ہاتھوں شکست کے بعد یہ امکانات انتہائی مدہم ضرور ہوگئے ہیں تاہم ناممکن نہیں، کرکٹ میں جیسا کہ کہا جاتا کہ کوئی چیز ناممکن نہیں تو یہاں بھی اگر امگر کا کھیل ابھی بھی باقی ہے۔

پاکستان نے اگر سیمی فائنل تک رسائی حاصل کرنی ہے تو سب سے پہلے اسے اپنے اگلے دونوں میچز بھاری مارجن سے جیتنے ہوں گے لیکن یہی کافی نہیں ہوگا بلکہ گروپ ٹو کی دیگر ٹیموں کے میچز کے نتائج اپنے حق میں کرنے کے لیے دعائیں بھی کرنا ہوں گی۔

اس وقت پوائنٹ ٹیبل پر گروپ ٹو میں جنوبی افریقہ تین میں سے دو میچز جیت کر 5 پوائنٹ کے ساتھ پہلے، بھارت تین میں سے دو میچز جیت کر چار پوائنٹ کے ساتھ دوسرے نمبر پر ہے، بنگلہ دیش نے بھی تین میں سے دو میچز جیت رکھے ہیں تاہم رن ریٹ کے باعث وہ پوائنٹ ٹیبل پر تیسرے نمبر پر ہے، زمبابوے چوتھے، پاکستان پانچویں اور نیدر لینڈ چھٹے نمبر پر موجود ہے اور تمام ٹیموں کے ابھی دو دو میچز باقی ہیں۔

پاکستانی اسکواڈ جو سپر 12 مرحلے کے اپنے بقیہ دو میچز کھیلنے کے لیے پرتھ سے سڈنی روانہ ہوگیا ہے جہاں وہ جمعرات کو سخت حریف جنوبی افریقہ کے مدمقابل ہوگا جب کہ آخری میچ بنگلہ دیش سے ہوگا۔

پاکستان کے ان دو میچز کے علاوہ گروپ ٹو میں جنوبی افریقہ اور نیدر لینڈ کا میچ بھی پاکستان کے لیے اہمیت اختیار کر گیا ہے کہ اس میچ میں پروٹیز کی فتح قومی ٹیم کے لیے سودمند ثابت ہوگی۔

قومی ٹیم سیمی فائنل تک رسائی کیلیے روایتی حریف بھارت کی زمبابوے اور بنگلہ دیش سے ہارنے کی دعائیں کرنا ہوں گی صرف یہی نہیں بلکہ حسب منشا مذکورہ بالا میچوں کے نتائج حاصل ہو بھی گئے تو بھی زمبابوے کو نیدر لینڈ کو پچھاڑنا ہوگا یوں پاکستان کے سیمی فائنل تک پہنچنے کی راہ ہموار ہوگی۔

اگر یہ سب ایسے ہی ہوا جیسا کہ بیان کیا گیا ہے تو پھر پوائنٹس ٹیبل پر جنوبی افریقہ سات پوائنٹ کے ساتھ پہلے نمبر پر آجائے گی اور اگر بھارت اپنے دونوں میچز ہار جاتا ہے تو پاکستان اور بنگلہ دیش دونوں کے چھ چھ پوائنٹ ہو جائیں گے اور یہاں بات رن ریٹ پر آئے گی جس ٹیم کا بہتر رن ریٹ ہوگا وہی اس گروپ سے جنوبی افریقہ کے ساتھ سیمی فائنل کے لیے کوالیفائی کرے گی۔

اگر بھارت بنگلہ دیش کو شکست دے دیتا ہے لیکن زمبابوے سے ہار جاتا ہے تو پھر پاکستان اور بھارت چھ چھ پوائنٹ کے ساتھ برابر ہوں گے اور یہاں بھی رن ریٹ ان میں سے ایک ٹیم کی فائنل فور میں رسائی کا فیصلہ کرے گا۔

آسٹریلیا میں جاری ٹی 20 ورلڈ کپ کے سپر 12 مرحلے میں پاکستانی ٹیم اپنے اگلے دو میچز کھیلنے کے لیے پرتھ سے سڈنی روانہ ہوگئی ہے۔

اے آر وائی نیوز کے مطابق آسٹریلیا میں جاری ٹی 20 ورلڈ کپ کے سپر 12 مرحلے میں پاکستانی ٹیم اپنے اگلے دو میچز کھیلنے کے لیے پیر کو پرتھ سے سڈنی کے لیے روانہ ہوگئی ہے۔

ایونٹ میں پاکستان گروپ ٹو میں شامل ہے اور اس کا اگلا مقابلہ جنوبی افریقہ سے ہوگا جب کہ اس کے بعد قومی ٹیم بنگلہ دیش کے مدمقابل ہوگی۔

جاری ورلڈ کپ میں پاکستان کی کارکردگی اب تک انتہائی ناقص رہی ہے اور وہ سپر 12 کے تین میں سے دو میچز ہار کر پوائٹس ٹیبل پر دو پوائنٹ کے ساتھ پانچویں نمبر پر ہے۔

پاکستان نے روایتی حریف بھارت سے جیتا ہوا میچ ہارا، پھر زمبابوے نے شاہینوں کا اپ سیٹ شکست سے دوچار کیا۔

یہ بھی پڑھیں: پاکستان نے ٹی ٹوئنٹی ورلڈ کپ میں پہلی کامیابی حاصل کرلی

قومی ٹیم نے گزشتہ روز نیدر لینڈ کو ہرا کر ٹورنامنٹ میں پہلی کامیابی حاصل کی، بولرز نے نیدر لینڈ کو 91 رنز تک محدود کردیا تھا تاہم پاکستانی بلے بازوں کو یہ میچ جیتنے کیلیے بھی 14 اوورز کھیلنے اور چار وکٹیں گنوانی پڑی تھیں۔

پرتھ: آئی سی سی ٹی ٹوئنٹی ورلڈکپ کے اہم ترین میچ میں جنوبی افریقا نے بھارت کو 5 وکٹوں سے شکست دے دی ہے، انڈیا کی شکست کے بعد پاکستان کا سیمی فائنل کا راستہ مزید مشکل ہوگیا ہے۔

تفصیلات کے مطابق پرتھ میں کھیلے جارہے گروپ ٹو کے اہم میچ میں جنوبی افریقا نے بھارت کو پانچ وکٹوں سے شکست دی، ڈیوڈ ملر اورایڈن مارکرم نے شانداربلے بازی کے باعث میچ انڈیا سے چھینا۔

بھارت کی جانب سے 134 رنز ہدف کے تعاقب میں جنوبی افریقا نے ہدف کا تعاقب کیا تو 24 کے اسکور پر پروٹیز کے 3 کھلاڑی پویلین لوٹ گئے، بعد ازاں ڈیوڈ ملر اور ایڈن مارکرم نے شانداربیٹنگ کرتے ہوئے اپنی ٹیم کوفتح دلوائی۔

ایڈن مارکرم نے 41 گیندوں پر 52رنزکی عمدہ اننگز کھیلی جبکہ ڈیوڈ ملر نے ناقابل شکست 59 رنز بنائے۔

بھارت کی جانب سے ارشدیپ سنگھ نے دو کھلاڑیوں کو آؤٹ کیا۔اس سے قبل بھارت نے ٹاس جیت کر پہلے بیٹنگ کا فیصلہ کیا۔روہت شرما کے فیصلے کو اس وقت غلط ثابت کیا جب جنوبی افریقا کے فاسٹ بولر لنگی نگیڈی بھارتی ٹیم پر قہر بن کر ٹوٹے، جنہوں نے بھارت کی ٹاپ آرڈر کو تہس نہس کرڈالا۔

لنگی نگیڈی نے 4 اوورز میں 29  رنز کے عوض 4 وکٹیں حاصل کیں، جن میں بھارتی کپتان روہت شرما 15، کےایل راہول 9،ویرات کوہلی 12 اور ہاردیک پانڈیا صرف 2 رنز بنا کر پروٖٹیز فاسٹ بولر کا شکار بنے۔

سوریا کمارنے ٹیم کو مکمل تباہی س بچایا اور شاندار اننگز کھیل کر بھارتی ٹیم کے مجموعے کو 133 رنز تک پہنچانے میں اہم کردار ادا کیا، سوریا کمار نے 40 گیندوں پر68رنز اسکورکیے۔

جنوبی افریقا کی جانب سے وائن پارنیل نے بھی تین وکٹیں حاصل کیں۔

یہ بھی پڑھیں:  پاکستان نے ٹی ٹوئنٹی ورلڈ کپ میں پہلی کامیابی حاصل کرلی

جنوبی افریقا کی فتح کے بعد پاکستان کے سیمی فائنل تک پہنچنے کے امکانات مزید معدوم ہوگئے ہیں۔

آج کے میچ میں فتح کے بعد پروٹیز 5 پوائنٹس کے ساتھ گروپ میں پہلی پوزیشن پر آگئی ہے۔

ٹی 20 ورلڈ کپ کے سپر 12 مرحلے کے اہم میچ میں پاکستان نے نیدر لینڈ نے 6 وکٹوں سے شکست دے کر ٹورنامنٹ میں پہلی فتح حاصل کرلی۔

پرتھ میں کھیلے جا رہے میچ میں نیدرلینڈ نے پاکستان کو جیت کے لیے 92 رنز کا ہدف دیا جو قومی ٹیم نے 4 وکٹوں کے نقصان پر 14 ویں اوور میں حاصل کرلیا۔

92 رنز کے ہدف کے تعاقب میں کپتان بابر اعظم ایک بار پھر ناکام رہے اور صرف چار رنز بنا کر رن آؤٹ ہوگئے، پاکستان کی دوسری وکٹ 53 رنز کے مجموعے پر گری جب حیدر علی کی جگہ ٹیم میں واپس آنے والے جارح مزاج بلے باز فخر زمان بھی صرف 20 رنز بنا کر آؤٹ ہوگئے۔

پاکستان نے مطلوبہ 92 رنز کا ہدف 14  ویں اوور میں 4 وکٹوں کے نقصان پر اوور میں حاصل کرلیا، شان مسعود نے 12 رنز بنائے، نیدر لینڈ کی جانب سے گلوور نے دو اور میکرین نے ایک وکٹ حاصل کی۔

پاکستانی نائب کپتان شاداب خان کو شاندار بولنگ پر میچ کا بہترین کھلاڑی قرار دیا گیا۔

اس سے قبل نیدر لینڈ نے ٹاس جیت کر پہلے بیٹنگ کا فیصلہ کیا تو آغاز ہی تباہ کن ہوا اور کوئی بلے باز شاہینوں کے سامنے ٹک نہ سکا، کولن ایکرمین 27رنز بنا کر ٹاپ اسکورر رہے اور وکٹ کیپر بلے باز اسکاٹ ایڈورڈز 15 رنز بنا کر نمایاں رہے، ان کے علاوہ کوئی اور بلے باز ڈبل فیگرز میں داخل نہ ہوسکا۔

پاکستان کی جانب سے شاداب خان نے شاندار بولنگ کا مظاہرہ کرتے ہوئے 22 رنز کے عوض تین کھلاڑیوں کا شکار کیا، محمد وسیم جونیئر نے دو کھلاڑیوں کو آؤٹ کیا، شاہین آفریدی، نسیم شاہ اور حارث روؤف نے ایک ایک کھلاڑی کو پویلین بھیجا۔

اس جیت کے باوجود پاکستان کو سیمی فائنل میں رسائی کے لیے اپنے جنوبی افریقہ اور بنگلہ دیش سے دونوں میچز نہ صرف بھاری مارجن سے جیتنا ہوں گے بلکہ گروپ کے دیگر میچز کے نتائج پر بھی انحصار کرنا ہوگا۔

ٹی 20 ورلڈ کپ کے سپر 12 مرحلے کے اہم میچ میں نیدر لینڈ نے جیت کے لیے صرف 92 رنا کا آسان ہدف دیا ہے۔

پرتھ میں کھیلے جا رہے میچ میں نیدرلینڈ نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں صرف 91 رنز ہی بناسکی جو موجودہ ٹورنامنٹ کا دوسرا کم ترین اسکور ہے۔

نیدر لینڈ کی بیٹنگ کا آغاز ہی تباہ کن ہوا اور کوئی بلے باز شاہینوں کے سامنے ٹک نہ سکا، کولن ایکرمین 27رنز بنا کر ٹاپ اسکورر رہے اور وکٹ کیپر بلے باز اسکاٹ ایڈورڈز 15 رنز بنا کر نمایاں رہے، ان کے علاوہ کوئی اور بلے باز ڈبل فیگرز میں داخل نہ ہوسکا۔

پاکستان کی جانب سے شاداب خان نے شاندار بولنگ کا مظاہرہ کرتے ہوئے 22 رنز کے عوض تین کھلاڑیوں کا شکار کیا، محمد وسیم جونیئر نے دو کھلاڑیوں کو آؤٹ کیا، شاہین آفریدی، نسیم شاہ اور حارث روؤف نے ایک ایک کھلاڑی کو پویلین بھیجا۔

ایک اننگ کی تکمیل کے بعد قومی فاسٹ بولر حارث رؤف نے کہا کہ گزشتہ میچ میں آگے بولنگ کر کےغلطی کی، تاہم آج پلان کے مطابق بولنگ کی اور پیچھے گیند کرنے سے فائدہ ہوا۔