Tag: T20 world cup

قومی ٹیم کے کپتان بابر اعظم نے زمبابوے کے ہاتھوں شکست کی وجہ بیان کردی۔

آئی سی سی ورلڈ کپ میں زمبابوے کے ہاتھوں ایک رن سے شکست کے بعد گفتگو کرتے ہوئے کپتان بابر اعظم نے کہا کہ زمبابوے نے میچ میں دس رنز زیادہ بنائے تھے۔

انہوں نے کہا کہ شروع کے چھ اوورز میں ہماری وکٹیں گریں جس کی وجہ سے ہدف کے تعاقب میں مشکل پیش آئی۔

قومی ٹیم کے کپتان نے کہا کہ ورلڈ کپ میں ہمارے ابھی اور میچز باقی ہیں ہم کم بیک کریں گے۔

بابر اعظم کا کہنا تھا کہ میچ میں ہم نے غلطیاں کیں آج جیسا کھیلا اس سے بہتر ٹیم ہیں کسے شعبے میں بھی اچھا نہیں کھیلا، زمبابوے کو کم اسکور پر روک لیا لیکن پھر بیٹنگ اچھی نہیں کی۔

انہوں نے کہا کہ شاداب کے آؤٹ ہونے کے بعد وکٹیں گریں جس کی وجہ سے میچ ہارے، ہمیں تمام میچز جیت کر رن ریٹ بھی بہتر کرنا ہوگا۔

 

View this post on Instagram

 

A post shared by ICC (@icc)

 پاکستان کی ورلڈ کپ کے سیمی فائنل میں رسائی مشکل ہوگئی ہے اگلے تینوں میچز جیت کر بھی چھ پوائنٹس ہوں گے جس کے بعد دوسری ٹیموں کی شکست پر انحصار کرنا ہوگا۔

واضح رہے کہ زمبابوے نے پاکستان کو ایک رن سے شکست دے کر اپ سیٹ کردیا۔

قومی ٹیم کے 131 رنز کے تعاقب میں 8 وکٹوں کے نقصان پر 129 رنز بناسکی، سکندر رضا کو تین وکٹیں حاصل کرنے پر میچ کا بہترین کھلاڑی قرار دیا گیا۔

پرتھ: ٹی ٹوئنٹی ورلڈ کپ میں ایک اور بڑا اپ سیٹ ہوا ہے جہاں پاکستان کو سنسنی خیز مقابلے کے بعد زمبابوے نے 1 رن سے شکست دے دی ہے۔

 تفصیلات کے مطابق پرتھ میں کھیلے جارہے میچ میں قومی ٹیم 131 رنز کے تعاقب میں129رنز بناسکی، زمبابوے کے بولرسکندر رضا میچ کا ٹرننگ پوائنٹ ثابت ہوئے ، جنہوں نے25رنزدے کر3وکٹیں حاصل کیں اور مین آف دی میچ قرار پائے۔

زمبابوے کے خلاف ہدف کے تعاقب میں قومی ٹیم آغاز سے ہی دباؤ کا شکار نظر آئی، کپتان بابراعظم 4، محمد رضوان 14 رنز بناکر چلتے بنے، مڈل آرڈر بیٹرز حیدر علی اور افتخار احمد بھی بُری طرح ناکام ہوئے۔

پاکستان کی جانب سے شان مسعودنے44رنزکی اننگزکھیلی تاہم وہ بھی ٹیم فتح نہ دلاسکے۔ شاداب خان 17 رنز بناسکے جبکہ محمد نوازنے 22 رنز کی اننگز کھیلی تاہم میچ کے آخری اوور میں وہ غلط شاٹ سلیکشن کے باعث پویلین لوٹے۔

سکندر رضا کے علاوہ بریڈ ایونس نے 2 کھلاڑیوں کو آؤٹ کیا جبکہ بلیسنگ موزاربانی اور لیوک جونگوی کے حصے میں ایک ایک وکٹ آئی۔

اس سے قبل زمبابوے کپتان محمد رضا نے ٹاس جیتا اور پہلے بیٹنگ کا فیصلہ کیا، زمبابوین ٹیم مقررہ 20 اوورز میں 8 وکٹوں کے نقصان پر 130 رنز بنائے۔

زمبابوے کی جانب سے شان ولیمز31رنزبناکرٹاپ اسکورر رہے، ایونزاوراروائن 19،19 جبکہ مدھی ویرے17رنزبناسکے۔پاکستان کی جانب سے وسیم جونیئرنے تباہ کن بولنگ کرتے ہوئے 4شکارکیے، شاداب خان نے3کھلاڑیوں کو آؤٹ کیا۔

ٹاس کے بعد گفتگو میں کپتان بابراعظم نے کہا کہ ہم بھی پہلے فیلڈنگ ہی کرنا چاہتے تھے تا کہ ابتدا میں بالرز سوئنگ سے فائدہ اٹھاسکیں۔پرتھ میں کھیلے جانے والے میچ میں قومی کرکٹ ٹیم میں ایک تبدیلی کی ہے۔ آصف علی کی جگہ محمد وسیم کو فائنل الیون میں شامل کیا گیا ۔

Our playing XI for today's match 👇#WeHaveWeWill | #T20WorldCup | #PAKvZIM pic.twitter.com/cqhISBubVF

— Pakistan Cricket (@TheRealPCB) October 27, 2022

پاکستان ٹیم میں بابر اعظم، شاداب خان، محمد رضوان، شان مسعود، افتخار احمد، حیدر علی، محمد نواز، محمد وسیم جونیئر، شاہین آفریدی، نسیم شاہ اور حارث رؤف شامل ہیں۔

یہ بھی پڑھیں:  ٹی 20 ورلڈ کپ، پاکستان اور زمبابوے آج مدمقابل ہوں گے

واضح رہے کہ پاکستان اپنا پہلا میچ سنسنی خیز مقابلے کے بعد بھارت سے ہار چکا ہے جب کہ زمبابوے اور جنوبی افریقہ کا میچ بارش کے سبب مکمل نہ ہونے کے باعث منسوخ کردیا گیا تھا اور دونوں ٹیموں کو ایک ایک پوائنٹ دے دیا گیا تھا۔

آئی سی سی ٹی 20 ورلڈ کپ میں بھارت اور نیدرلینڈز کے خلاف کھیلے گئے میچ میں بھارتی مداح نے گرل فرینڈ کو پروپوز کردیا جس کی ویڈیو سوشل میڈیا پر وائرل ہورہی ہے۔

ورلڈ کپ گروپ ٹو کے میچ میں بھارت نے نیدرلینڈز کو باآسانی 56 رنز سے شکست دی، بھارت نے مقررہ اوورز میں 2 وکٹوں کے نقصان پر 179 رنز بنائے ڈچ ٹیم ہدف کے تعاقب میں 123 رنز تک محدود رہی۔

بھارت کی جانب سے سوریا کمار یادیو اور کپتان روہت شرما نے ںصف سنچریاں اسکور کیں۔

میچ کے ساتویں اوورز میں نیدرلینڈز کی بیٹنگ جاری تھی اس وقت دلچسپ صورتحال دیکھنے میں آئی جب اسٹینڈ میں بیٹھے ایک مداح نے گرل فرینڈ کو پروپوز کیا۔

وائرل ویڈیو میں دیکھا جاسکتا ہے کہ اسٹینڈ میں لڑکا گھٹنوں کے بل بیٹھ کر لڑکی کو انگوٹھی پہنانے کی پیشکش کررہا ہے۔

Khelo dimaag se pic.twitter.com/YSCcKkyPiT

— Vaishnavi Iyer (@Vaishnaviiyer14) October 27, 2022

پروپوزل پر پہلے تو لڑکی حیران رہ گئی لیکن اس نے بعد میں ہاں کہتے ہوئے انگوٹھی پہن لی پھر دونوں نے ایک دوسرے کو گلے لگایا۔

سوشل میڈیا صارفین کی جانب سے بھارتی مداح کی ویڈیو پر تبصرے بھی کیے جارہے ہیں۔

ٹی 20 ورلڈ کپ میں جنوبی افریقہ نے بنگلہ دیش کو 104 کے بھاری مارجن سے ہرا دیا، بنگلہ دیش کی پوری ٹیم 101 رنز پر ہی ڈھیر ہوگئی۔

سڈنی کرکٹ گراؤنڈ میں کھیلے جا رہے میچ میں جنوبی افریقہ کی جانب سے دیے گئے 206 رنز کے پہاڑ جیسے ہدف کے تعاقب میں بنگلہ دیش کی ٹیم ابتدا ہی میں لڑکھڑا گئی اور 66 کے مجموعے پر آدھی ٹیم پویلین لوٹ چکی تھی۔ کوئی بھی بلے باز جنوبی افریقی بولرز کا مقابلہ نہ کرسکا۔

بنگلہ دیش کی جانب سے لٹن داس 34 رنز بنا کر نمایاں رہے، سومیہ سرکار نے 15، مہدی حسن نے 11 اور تسکین احمد نے 10 رنز بنائے، ان کے علاوہ کوئی بھی بلے باز ڈبل فیگر میں داخل نہ ہوسکا۔

بنگلہ ٹیم مقررہ 20 اوورز بھی پورے نہ کھیل سکی اور 16 اعشاریہ 3 اوورز میں آؤٹ ہوگئی۔

جنوبی افریقہ کی جانب سے انریچ نارٹج نے صرف 10 رنز دے کر چار کھلاڑیوں کو آؤٹ کیا، کیگسو ربادا نے 24 رنز دے کر 3 کھلاڑیوں کا شکار کیا، روسو کو ان کی شاندار بلے بازی پر میچ کا بہترین کھلاڑی قرار دیا گیا۔

اس سے قبل جنوبی افریقہ نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 205 رنز بنائے، جنوبی افریقی بیٹنگ کی خاص بات رلی روسو اور کوئنٹن ڈی کوک کی جارحانہ بلے بازی تھی، دونوں کے درمیان 163 رنز کی قیمتی پارٹنر شپ قائم ہوئی، دونوں بلے بازوں نے بنگلہ بولروں پر حاوی ہوتے ہوئے گراؤنڈ کے چاروں طرف کھل کر شاٹ کھیلے۔

رلی روسو نے 8 بلند وبالا چھکوں اور 7 چوکوں کی مدد سے صرف 56 گیندوں پر 109 رنز بنائے، وکٹ کیپر بلے باز کوئنٹن ڈی کاک 38 گیندوں پر 63 رنز بنائے۔

بنگلہ دیش کی جانب سے جنوبی افریقی بلے بازوں کا لاٹھی چارج روکنے کیلیے 7 بولروں کا استعمال کیا، شکیب الحسن نے دو، تسکین احمد، حسن محمود، عاطف حسین نے ایک ایک وکٹ حاصل کی۔ بنگلہ دیش کی جانب سب سے مہنگے بولر تسکین احمد رہے جنہوں نے اپنے کوٹے کے چار اوورز میں 46 رنز کی مار برداشت کی۔

اس جیت کے ساتھ ٹی ٹوئنٹی ورلڈ کپ کے گروپ ٹو میں جنوبی افریقہ 3 پوائنٹ کے ساتھ پہلے نمبر پر آگیا ہے، بھارت دو پوائنٹ کے ساتھ دوسرے نمبر پر ہے۔

آج بقیہ دو میچز بھی اسی گروپ کے ہیں نتائج کے بعد گروپ پوزیشن میں تبدیلی کا امکان ہے۔