Tag: T20 world cup

حارث رؤف نے اپنے آخری اوور میں کیا غلطیاں کیں؟ سوئنگ کے سلطان وسیم اکرم نے بتادیا۔

تفصیلات کے مطابق دنیائے کرکٹ کے معروف چینل ‘اے اسپورٹس’ کے پروگرام ‘دی پویلین’ میں گفتگو کرتے ہوئے وسیم اکرم کا کہنا تھا کہ حارث رؤف نے آخری دو گیندوں جو ویرات کوہلی کو ڈالی وہ آؤٹ آف اسپیس تھی، انہیں پتہ ہونا چاہیئے تھا کہ اگر ویرات کوہلی کو یہاں بال کرائیں گے تو وہ ضرور اسٹرائیک کرے گا۔

مصباح کا کہنا تھا کہ ہارڈیک پانڈیا کو کرائی گئی بول بہت اچھی تھی وہ اس پر آؤٹ ہونے سے بال بال بچے تھے،وسیم اکرم نے کہا کہ حارث رؤف کی اسپیل کی آخری دو گیندیں دیکھ کر مصباح تو اپنے بال نوچنے لگے تھے۔

پروگرام میں گفتگو کرتے ہوئے مصباح کا کہنا تھا کہ حارث رؤف نے عمدہ بولنگ کی، میچ میں اس سے غلطیاں بھی ہوئیں امید ہے کہ وہ اپنی غلطیوں کو قابو پالے گا۔

پروگرام دی پویلین کے میزبان فخر عالم کا بھی کہنا تھا کہ ہرڈیک پانڈیا اور ویرات کوہلی نے آج اپنی کلاس ثابت کی۔ اس میچ سے پاکستان ضرور سیکھے گا کہ اعصاب شکن مقابلے میں کس طرح بلے بازی کی جاتی ہے۔

پروگرام میں شریک قومی ٹیم کے مڈل آرڈر بیٹر شعیب ملک کا کہنا تھا کہ آج کے میچ سے ثابت ہوا کہ اینکر کا ٹیم میں رہنما بہت ضروری ہے۔

واضح رہے کہ پاک بھارت ٹاکرے میں حارث رؤف نے بھارتی کپتان روہت شرما اور ان فارم بیٹر سوریا کمار یادیو کی اہم ترین وکٹیں لیکربھارت پر پریشر ڈالا تھا تاہم میچ کے 19 ویں اوور میں ویرات کے ہاتھوں دو گیندوں پر دو چھکوں کے باعث میچ پاکستان کے ہاتھوں سے نکلا اور سنسنی خیز مقابلے کے بعد بھارت 4 وکٹوں سے فاتح رہا۔

قومی ٹیم کے سابق کپتان شاہد آفریدی نےپاک بھارت میچ پر بیان جاری کردیا ہے۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں بوم بوم آفریدی نے کہا کہ آج کا میچ اعصاب شکن تھا، ہمارے کھلاڑیوں نے 95 فیصد میچ کو اپنے ہاتھ میں رکھا۔

شاہد آفریدی نے کہا کہ پھر ویرات کوہلی نے دنیا کو بتایا کہ میچ جیتنے والی ورلڈ کلاس اننگز کون سی ہوتی ہے؟۔

اپنے ٹوئٹ میں سابق کپتان پاکستان کرکٹ ٹیم نے لکھا کہ واقعی یہ ایک زبردست میچ تھا، دونوں ٹیموں نے بہترین کھیلا۔

The game of nerves today but we had it on our side by 95% and then @imVkohli showed what a world class match winning innings looks like. Well played by both teams, great match! #PakVsInd

— Shahid Afridi (@SAfridiOfficial) October 23, 2022

واضح رہے کہ آج ٹی ٹوئنٹی ورلڈ کپ کے سپر 12 مرحلے کے اہم میچ میں سنسنی خیز مقابلے کے بعد بھارت نے پاکستان کو شکست سے دوچار کیا۔

پاکستان کی جانب سے دیا گیا 159 رنز کا ہدف بھارتی ٹیم نے اعصاب شکن مقابلے کے بعد میچ کی آخری گیند پر حاصل کیا، بھارتی بیٹر ویرات کوہلی 82 رنز بناکر مردآہن قرار پائے۔

یہ بھی پڑھیں:  بھارت کیخلاف میچ میں شکست کے بعد بابر اعظم کا بیان سامنے آگیا

شکست کے بعد بابر اعظم نے کہا کہ ہم نے بہت اچھی بولنگ کی، ویرات کوہلی اور پانڈیا جس طرح کھیلے ان کو کریڈٹ جاتا ہے، اس میچ سے ہمیں بہت سی مثبت چیزیں ملیں۔

بھارتی کرکٹ ٹیم کے کپتان روہت شرما کا کہنا تھا کہ میرے پاس بھی الفاظ نہیں ہیں، لڑکوں کو یہی پیغام دیتا رہا ہم اب بھی میچ میں ہیں،پچ میں بولرز کے لیے مدد تھی۔

میلبرن: ٹی ٹوئنٹی ورلڈکپ میں پاکستان کے خلاف تاریخ ساز اننگز کھیلنے والے ویرات کوہلی کا کہنا ہے کہ یہ فتح میری زندگی کا بہترین لمحہ ہے۔

تفصیلات کے مطابق پاکستان کے خلاف اعصاب شکن میچ میں فتح حاصل کرنے کے بعد میڈیا سے گفتگو میں ویرات کوہلی نے کہا کہ آج کی جیت پر میرے پاس الفاظ نہیں ہے، نہیں جانتا کس طرح میچ جیتے؟۔

ویرات کوہلی نے کہا کہ اندازہ تھا کہ محمد نواز کا ایک اوور باقی ہے اسی بات کو ذہن میں رکھتے ہوئے پلان ترتیب دے رکھا تھا، اس میں کامیابی حاصل کی۔

یہ بھی پڑھیں: سنسنی خیز مقابلے کے بعد بھارت نے پاکستان کو شکست دے دی

پاکستان کے خلاف فتح گر اننگز کھیلنے والے ویرات کوہلی کا کہنا تھا کہ میں نےآج کیریئرکی بہترین اننگزکھیلی، یہ میرے لیے بہت خاص لمحہ ہے۔

کوہلی کی عمدہ اننگز کے باعث بھارت نے ٹی ٹوئنٹی ورلڈکپ کے گروپ میچ میں اعصاب شکن مقابلے کے بعد 6 وکٹوں سے شکست دی۔

واضح رہے کہ ویرات کوہلی نے اپنے کیریئر کی بہترین اننگز میں سے ایک کھیلتے ہوئے ناقابلِ شکست 53 گیندوں پر 82 رنز بنائے اور مین آف دی میچ قرار پائے۔