Tag: T20 world cup

ٹی ٹوئنٹی ورلڈ کپ کے پہلے راؤنڈ میں آئرلینڈ نے ویسٹ انڈیز کو 9 وکٹوں سے با آسانی شکست دے کر سپر 12 مرحلے کے لیے کوالیفائی کرلیا ہے۔

آسٹریلیا کے شہر ہوبارٹ میں کھیلے جا رہے میچ آئرلینڈ نے دو بار کی عالمی چیمپئن کو با آسانی 9 وکٹوں سے شکست دی ویسٹ انڈین بولر اپنے بلے بازوں کی جانب سے دیے گئے ہدف 147 رنز کا تحفظ نہ کرسکے اور مخالف ٹیم نے 147 رنز کا ہدف صرف ایک وکٹ کے نقصان پر اٹھارویں اوور میں 15 گیندیں قبل ہی حاصل کرلیا۔

آئرلینڈ کے افتتاحی بلے باز پال اسٹرلنگ 66 اور وکٹ کیپر بیٹر لورکن ٹکر 45 رنز کے ساتھ ناقابل شکست رہے، آئرش ٹیم کے واحد آؤٹ ہونے والے بلے باز کپتان اینڈی بالبرینی تھے جنہوں نے 37 رنز کی اننگ کھیلی اور ٹیم کو 73 رنز کا آغاز فراہم کیا۔

ویسٹ انڈیز کے بولروں میں واحد کامیابی اکیل حسین کو ملی انہوں نے 38 رنز دے کر ایک کھلاڑی کو آؤٹ کیا جب کہ دیگر بولرز صرف مخالف بلے بازوں کو رنز دیتے رہے۔

اس سے قبل ویسٹ انڈیز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 146 رنز بنائے۔

ویسٹ انڈین بلے باز برینڈن کنگ ناقابل شکست 62 رنز اسکور کیے، جانسن چارلس 24، اوڈن اسمتھ ناٹ آؤٹ 19 رنز بنا کر دیگر نمایاں بیٹر رہے۔

آئرلینڈ کی جانب سے گیرتھ ڈیلینی نے 16 رنز دے کر 3 وکٹیں حاصل کیں، بیری میک کریتھی اور سیمی سنگھ کے حصے میں ایک ایک وکٹ آئی۔

ٹی ٹوئنٹی ورلڈ کپ کے پہلے راؤنڈ میں ویسٹ انڈیز نے آئرلینڈ کو جیت کے لیے 147 رنز کا ہدف دیا ہے، فاتح ٹیم سپر 12 مرحلے میں پہنچ جائے گی۔

آسٹریلیا کے شہر ہوبارٹ میں کھیلے جا رہے میچ میں ویسٹ انڈیز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 146 رنز بنائے۔

ویسٹ انڈین بلے باز برینڈن کنگ ناقابل شکست 62 رنز اسکور کیے، انہوں نے 48 گیندوں کا سامنا کیا، ایک چھکے اور 6 چوکوں کی مدد سے اپنی ٹیم کی اننگ کا استحکام بخشا۔

جانسن چارلس 24، اوڈن اسمتھ ناٹ آؤٹ 19 رنز بنا کر دیگر نمایاں بیٹر رہے۔

آئرلینڈ کی جانب سے گیرتھ ڈیلینی نے 16 رنز دے کر 3 وکٹیں حاصل کیں، بیری میک کریتھی اور سیمی سنگھ کے حصے میں ایک ایک وکٹ آئی۔

آج کے میچ کی فاتح ٹیم ٹی ٹوئنٹی ورلڈ کپ کے سپر 12 مرحلے کے لیے کوالیفائی کرلے گی۔

ٹی ٹوئنٹی ورلڈ کپ سپر 12 مرحلے کی دو آخری ٹیمیں کون سی ہوں گی یہ فیصلہ آج ہوگا کوالیفائر مرحلے میں آج دو میچ کھیلیں جائیں گے۔

اے آر وائی نیوز کے مطابق آج پہلا میچ ویسٹ انڈیز اور آئرلینڈ کے مابین اور دوسرا میچ زمبابوے اور اسکاٹ لینڈ کی ٹیموں کے مابین کھیلا جائیگا، ان میچوں کی فاتح ٹیمیں سپر 12 مرحلے کے لیے کوالیفائی کرلیں گی۔

آج پہلے میچ میں ویسٹ انڈیز نے آئرلینڈ کیخلاف ٹاس جیت کر بیٹنگ کا فیصلہ کیا ہے۔

یہ بھی پڑھیں: نیدرلینڈز کو شکست دے کر سری لنکا سپر 12 مرحلے میں پہنچ گیا

واضح رہے کہ ٹی ٹوئنٹی ورلڈ کپ کے پہلے راؤنڈ میں گروپ اے سے سری لنکا اور نیدر لینڈ چار چار پوائنٹس کے ساتھ پہلے ہی سپر 12 مرحلے  کے لیے کوالیفائی کرچکی ہیں۔

بھارتی ٹیم کے وکٹ کیپر بیٹر رشبھ پنت نے پاک بھارت میچ سے متعلق اظہار خیال کردیا۔

آئی سی سی ٹی 20 ورلڈ کپ میں 23 اکتوبر بروز اتوار کو کھیلے جانے والے پاک بھارت ٹاکرے کا سب کو بے صبری سے انتظار ہے شائقین کی جانب سے اپنے پسندیدہ کرکٹرز کے لیے پوسٹس بھی شیئر کی جارہی ہیں۔

موجودہ اور سابق کرکٹرز بھی پاک بھارت میچ سے متعلق اپنی رائے دے رہے ہیں۔

بھاتی کرکٹ ٹیم کے وکٹ کیپر بیٹر رشبھ پنت کا کہنا ہے کہ وہ بھی میچ کے لیے پرجوش ہیں پاکستان کے خلاف کھیلنا ہمیشہ سے اہم رہا ہے میچ کو لے کر جوش و جذبہ ہوتا ہے اس میں مداحوں کے جذبات شامل ہوتے ہیں۔

رشبھ پنت کا کہنا تھا کہ پاک بھارت میچ میں آپ فیلڈنگ، بیٹنگ اور بولنگ ہر لمحے مختلف احساس میں ہوتے ہیں، ہر طرف لوگوں کا شور ہوتا ہے جب کہ قومی ترانے کے وقت ایک الگ ہی ماحول ہوتا ہے۔

انہوں نے ویرات کوہلی کی تعریف کرتے ہوئے کہا کہ ویرات کوہلی ہمیں سکھاتے ہیں کہ کس صورتحال میں کس طرح کھیلنا ہے جو ہمیں آگے کے سفر میں مدد دے سکتا ہے ان سے بہت کچھ سیکھنے کو بھی ملتا ہے۔

واضح رہے کہ گزشتہ سال کھیلے گئے ٹی 20 ورلڈ کپ میں پاکستان نے بھارت کو دس وکٹوں سے شکست دی تھی، قومی ٹیم کو کوارٹر فائنل میں آسٹریلیا سے شکست کا سامنا کرنا پڑا تھا۔

سابق بھارتی کرکٹر آکاش چوپڑا نے ٹی ٹوئنٹی ورلڈ کپ کیلیے حارث رؤف کو شاہین شاہ آفریدی سے زیادہ خطرناک بولر قرار دے دیا ہے۔

آکاش چوپڑا نے سماجی رابطوں کی ویب سائٹ ٹوئٹر پر پاکستان کے فاسٹ بولرز سے متعلق تبصرہ کرتے ہوئے کہا ہے کہ پاک بھارت میچ میں حارث رؤف شاہین شاہ آفریدی سے زیادہ خطرناک ثابت ہوسکتے ہیں۔

اپنے ٹوئٹ میں سابق بھارتی کرکٹر نے لکھا ہے کہ پاک بھارت میچ میں جو بولر غیر متوقع کارکردگی دکھا سکتے ہیں وہ شاہین شاہ آفریدی نہیں بلکہ حارث رؤف ہیں کیونکہ ممکن ہے کہ 23 اکتوبر کو کھیلے گئے پاک بھارت میچ میں پاکستان کو شاہین شاہ دستیاب ہی نہ ہوں۔

تاہم آکاش چوپڑا نے وارم اپ میچ میں افغانستان کے اوپنر کو آؤٹ کرنے پر شاہین شاہ آفریدی کے ان سوئنگ یارکر کی تعریف کی۔

But I do feel the bowler to be wary of on Sunday isn’t Shaheen. It’s Haris Rauf. Afridi is getting close to his best but isn’t there yet…and unlikely to be by the 23rd either. Rauf will bowl the tougher overs and has the potential to make a difference. #IndvPak #T20WorldCup

— Aakash Chopra (@cricketaakash) October 19, 2022

سابق بھارتی بلے باز نے کہا کہ شاہین ٹی ٹوئنٹی ورلڈ کپ کےلیے دو وارم اپ میچز افغانستان اور انگلینڈ کے خلاف کھیل چکے ہیں جس میں انہوں نے افغانستان کے خلاف 2 وکٹیں حاصل کی جب کہ حارث رؤف نے بھی افغانستان کے خلاف دو وکٹیں حاصل کیں، حارث رؤف نے ستمبر میں پاکستان میں کھیلی گئی سیریز میں انگلینڈ کے خلاف بھی وکٹیں حاصل کی تھیں۔

ٹی 20 ورلڈ کپ میں اتوار کو ہونے والے پاک بھارت میچ کا انتظار کرنے والے شائقین کیلیے بری خبر ہے کہ میچ بارش سے متاثر ہوسکتا ہے۔

ماحولیاتی تبدیلی کے اثرات نے آسٹریلیا میں کھیلے جا رہے ٹی ٹوئنٹی ورلڈ کپ کو بھی اپنی لپیٹ  میں لے لیا ہے اور پورا ٹورنامنٹ آسٹریلیا میں ہونے والی برساتوں سے متاثر ہوسکتا ہے جس کے میں راؤنڈ کا آغاز اتوار کو میلبرن میں پاکستان اور بھارت کے مابین میچ سے ہو رہا ہے۔

پاک بھارت میچ کسی بھی ایونٹ کا سب سے بڑا معرکہ کہلاتا ہے اور دنیا بھر کے شائقین کی نظریں اس پر ہوتی ہیں تاہم ان شائقین کے لیے یہ خبر کسی دھماکے سے کم نہیں ہے کہ لانینا نامی موسم نے  مسلسل تیسرے برس آسٹریلیا کو اپنی لپیٹ میں لے لیا ہے جو بارشوں کا باعث بن گیا ہے اور بارشوں کا یہ سلسلہ دسمبر کے آخر تک جاری رہنے کا امکان ہے۔

میگا ایونٹ کے وارم اپ میچز کو بھی بارش نے متاثر کیا ہے، پاکستان اور افغانستان کے مابین وارم اپ میچ بارش کے باعث مکمل نہیں ہوسکا تھا۔ پاکستان اور بھارت کے درمیان 23 اکتوبر کو میلبورن میں شیڈول میچ کیلیے پہلے ہی موسم خراب کی وارننگ سامنے آچکی ہے۔

ورلڈ کپ میں صرف پاک بھارت ٹاکرا ہی نہیں بلکہ ایونٹ کے دیگر میچز کو بھی خراب موسم متاثر کرسکتا ہے جس کی وجہ سے مقابلوں کا دورانیہ محدود یا پھر مکمل طور پر بھی بارش کی نذر ہوسکتے ہیں۔

آئی سی سی کی جانب سے سیمی فائنلز اور فائنل کیلیے ریزرو ڈیز مختص کیے گئے مگر راؤنڈ روبن میچز میں ایسا کچھ نہیں ہے، جس کی وجہ سے بارش ہونے پر تاخیر سے آغاز اور مقابلے مکمل طور پر واش آؤٹ ہونے کا سامنا کرنا پڑے گا، اس صورت میں ٹیموں کو میدان میں کارکردگی سے زیادہ قسمت پر انحصار کرنا پڑسکتا ہے۔

واضح رہے کہ2020 میں آسٹریلیا میں کھیلے جانے والے ویمنز ورلڈ کپ کا انگلینڈ اور بھارت کے درمیان سیمی فائنل بارش کی نذر ہوگیا تھا، جس پر بلو شرٹس کو گروپ مرحلے میں زیادہ فتوحات کی بنا پر فائنل کھیلنے کا حقدار قرار دے دیا گیا تھا۔

موسم کی خرابی نے کرکٹ کے دلدادہ افراد میں بے چینی پھیلا دی ہے اور شائقین کرکٹ آئی سی سی سے میچز کو موسمی اثرات سے محفوظ بنانے کیلیے انڈور اسٹیڈیم بنانے کا مطالبہ کر رہے ہیں جب کہ کئی شائقین نے آئی سی سی سے درخواست ہے کہ ورلڈ کپ کے راؤنڈ میچز کو فیصلہ کن بنانے کیلیے اقدام کرے۔