پاکستان نے گزشتہ روز سنسنی خیز مقابلے کے بعد افغانستان کو پانچ وکٹوں سے شکست دی، میچ کے ہیرو آصف علی تھے جنہوں نے آخری لمحات میں چار چھکے جڑ کر میچ کا پانسہ پلٹ دیا۔
پاکستانی شائقین کی جانب سے پاک افغان کو خوب انجوائے کیا گیا مختلف مقامات پر بڑی اسکرین لگا کر میچ دکھایا گیا اور پاکستان کی جیت پر شائقین کرکٹ کی خوشی بھی دیدنی تھی۔
ایسی ہی ایک ویڈیو شادی ہال سے سامنے آئی ہے جہاں باراتی دلہے کو چھوڑ کر میچ سے لطف اندوز ہوتے رہے، شادی ہال میں میچ دکھانے کے لیے خصوصی طور پر اسکرین نصب کی گئی تھی۔
ویڈیومیں دیکھا جاسکتا ہے کہ باراتی جیت کا جشن منارہے ہیں اور دلہے میاں پیچھے کھڑے سارا تماشہ دیکھ رہے ہیں۔
شائقین کرکٹ کو جیت کی خوشی میں نعرے لگاتے دیکھا جاسکتا ہے، ایک خاتون نے نعرہ لگایا کہ فائنلی ہم میچ جیت گئے ہیں۔
واضح رہے کہ پاکستان نے ٹی 20 ورلڈ کپ میں بھارت، نیوزی لینڈ اور افغانستان کو شکست دے کر جیت کی ہیٹ ٹرک مکمل کرلی، پاکستان ٹیم نمیبیا کو شکست دے کر سیمی فائنل میں پہنچنے کے لیے پرعزم ہے۔
