ARYNews.tv | Urdu – Har Lamha Bakhabar

Tag: T20 world cup

آئی سی سی ٹی ٹوئنٹی ورلڈ کپ 2024، ویسٹ انڈیز اور امریکہ کی مشترکہ میزبانی میں، یکم جون سے 29 جون، 2024 تک کھیلا جائے گا۔ بیس ٹیمیں اس ٹائٹل کے لیے میدان میں اتریں گی

ٹورنامنٹ کے سب سے زیادہ اہم میچوں میں سے ایک انڈیا اور پاکستان کا ٹاکرا ہے، جو 9 جون 2024 کو نیویارک کے آئزن ہاور پارک میں شیڈول ہے

ICC T20 World Cup 2024, co-hosted by the West Indies and the USA, will take place from June 1 to June 29, 2024. Twenty teams will battle it out for the coveted title, with the top two teams from each group advancing to the Super Eight stage, followed by the semi-finals and the final.

One of the most highly anticipated matches of the tournament is the India-Pakistan clash, scheduled for June 9, 2024, at the Eisenhower Park in New York. This encounter promises to be a thrilling encounter between two arch-rivals, with a rich history of intense matches between them.

  • اسٹیڈیم کے بعد سوشل میڈیا پر آصف علی کا چرچا، ہر سو مبارک باد کے پیغامات

    اسٹیڈیم کے بعد سوشل میڈیا پر آصف علی کا چرچا، ہر سو مبارک باد کے پیغامات

    دبئی: افغانستان کی ٹیم سے فتح چھیننے والے آصف علی کی شاندار بیٹنگ کا ہر سو چرچا ہے۔

    میچ کے آخری لمحات میں شدید دباؤ کے باوجود ایک بار پھر اپنی جارحانہ بیٹنگ سے قومی ٹیم کو ٹی ٹوینٹی میچ میں فتح دلوانے والے کرکٹر آصف علی کی پاکستان کرکٹ بورڈ کے چیئرمین رمیز راجہ بھی تعریف کیے بغیر نہیں رہ سکے۔

    میچ میں فتح کے بعد سماجی رابطے کی ویب سائٹ پر رمیز راجہ نے اپنے ٹویٹ میں آصف علی کی بیٹنگ کی تعریف کرتے ہوئے کہا کہ آصف نے بہت خوبصورتی کے ساتھ پریشر اور سنسنی خیز مرحلے میں بھی جارحانہ کھیل پیش کیا۔

    چیئرمین پی سی بی نے فتح پر ٹیم کے تمام کھلاڑیوں کو مبارک باد پیش کی اور  کامیابی کے سلسلے کو جاری رکھنے پر زور دیا۔

    دوسری جانب قومی کرکٹ ٹیم کے ٹیسٹ کرکٹر فواد عالم نے پاکستانی ٹیم اور قوم کو مبارک باد دیتے ہوئے اللہ کا شکر ادا کیا۔ انہوں نے آصف علی کو مخاطب کرتے ہوئے لکھا کہ کیا شارٹ کھیلے ہیں۔

    گلوکار فلک شبیر نے بھی آصف علی کی بیٹنگ کی تعریف کرتے ہوئے پنجابی میں لکھا ’واہ واہ تسی چھا گئے ہو‘۔

  • پاکستان سے شکست پر اہم طالبان رہنما کا ردعمل

    پاکستان سے شکست پر اہم طالبان رہنما کا ردعمل

    ٹی 20 ورلڈ کپ میں پاکستان کے ہاتھوں افغان ٹیم کی شکست پر طالبان رہنما کا ردعمل آگیا۔

    ٹی 20 ورلڈ کپ کے گروپ 2 میں سپر 12 مرحلے کے میچ میں پاکستان نے آصف علی کے چار چھکوں کی بدولت افغانستان کو 5 وکٹوں سے شکست دی اور میگا ایونٹ میں جیت کی ہیٹ ٹرک بھی مکمل کرلی۔

    پاکستان نے 148 رنز کا ہدف 19ویں اوورز میں حاصل کرلیا۔

    پاکستان کی جیت کے بعد طالبان کے اہم رہنما انس حقانی نے سماجی رابطے کی ویب سائٹ ٹویٹر پر شاعرانہ انداز ردعمل کا اظہار کیا ہے۔

    انہوں نے افغانستان کا ہیش ٹیگ استعمال کرتے ہوئے شعر لکھا کہ جس کے الفاظ کچھ یوں ہیں۔

    ’’گرتے ہیں شہسوار ہی میدان جنگ میں
    وہ طفل کیا گرے گا جو گھٹنوں کے بل چلے‘‘

    واضح رہے کہ افغانستان نے اپنے پہلے میچ میں اسکاٹ لینڈ کو 130 رنز سے شکست دی تھی جبکہ پاکستان کے خلاف افغان ٹیم کو 5 وکٹوں سے شکست کا سامنا کرنا پڑا۔

  • ’آصف علی کا نام یاد رکھیں‘ بین اسٹوکس کو اپنا درد یاد آگیا

    ’آصف علی کا نام یاد رکھیں‘ بین اسٹوکس کو اپنا درد یاد آگیا

    کراچی: قومی ٹیم کے جارح مزاج بیٹسمین آصف علی کی ہٹنگ نے انگلش آل راؤنڈر بین اسٹوکس کو بھی اپنا گرویدہ بنالیا۔

    تفصیلات کے مطابق انگلش ٹیم کے مایہ ناز آل راؤنڈر بین اسٹوکس نے سماجی رابطے کی ویب سائٹ ٹویٹر پر آصف علی کو خراج تحسین پیش کرتے ہوئے لکھا کہ ’آصف علی کا نام یاد رکھیں۔‘

    افغانستان کے خلاف آصف علی نے 19ویں اوور میں چار چھکے لگا کر قومی ٹیم کی جیت میں اہم کردار ادا کیا، جارح مزاج بیٹر نے 7 گیندوں پر 25 رنز کی ناقابل شکست اننگز کھیلی۔

    آصف علی کو شاندار اننگز کھیلنے پر میچ کا بہترین کھلاڑی قرار دیا گیا۔

    واضح رہے کہ ٹی 20 ورلڈ کپ میں ہی ویسٹ انڈیز کے کارلوس بریتھ ویت نے بین اسٹوکس کو چار چھکے لگا کر میچ کا نقشہ بدل دیا تھا۔

     

    View this post on Instagram

     

    A post shared by ICC (@icc)

    بین اسٹوکس نے آج ٹویٹ کیا کہ آصف علی کا نام یاد رکھئے گا، بین اسٹوکس کے ٹویٹس پر سوشل میڈیا صارفین کا کہنا تھا کہ آپ کو کارلوس بریتھ ویت کے چھکے یاد آگئے۔

    کارلوس بریتھ ویت نے ورلڈ کپ ٹی 20 فائنل میں بین اسٹوکس کو ایک اوور میں چار چھکے لگائے تھے اور ویسٹ انڈیز پہلی بار ٹی 20 کی عالمی چیمپئن بن گئی تھی۔

  • آصف علی نے افغانستان کے جبڑوں سے فتح چھین لی

    آصف علی نے افغانستان کے جبڑوں سے فتح چھین لی

    ٹی 20 ورلڈ کپ سپر 12 مرحلے کے میچ میں قومی ٹیم کے ہارڈ ہٹر آصف علی نے افغانستان کے جبڑوں سے فتح چھین لی۔

    تفصیلات کے مطابق دبئی میں کھیلے جانے والے میچ میں قومی ٹیم نے افغانستان کی جانب سے دیا جانے والا 148 رنز کا ہدف 5 وکٹوں کے نقصان پر 19ویں اوور میں حاصل کرلیا۔

    کپتان بابر اعظم 47 گیندوں پر 51 رنز کے ساتھ نمایاں رہے، آصف علی نے 7 گیندوں پر 25 رنز کی دھواں دار ناقابل شکست اننگز کھیلی، جارح مزاج بیٹر نے ایک اوور میں 4 چھکے لگائے۔

    محمد رضوان 8 رنز بنا کر آؤٹ ہوئے، فخر زمان نے 30 رنز کی ذمہ دارانہ اننگز کھیلی، شعیب ملک 19 اور حفیظ 10 رنز بنا کر کلین بولڈ ہوئے۔

    افغانستان کی جانب سے راشد خان نے دو وکٹیں حاصل کیں، مجیب الرحمان، محمد نبی اور نوین الحق ایک، ایک وکٹ حاصل کرسکے۔

    اس سے قبل افغان ٹیم نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 147 رنز بنائے اور پاکستان کو جیت کے لیے 148 رنز کا ہدف دیا تھا۔

    افغانستان کی اننگز کا آغاز اچھا نہیں تھا، 13 رنز کے مجموعی اسکور پر افغان اوپنرز پویلین لوٹ گئے، حضرت اللہ زازئی صفر اور محمد شہزاد 8 رنز بنا کر پویلین لوٹ گئے تھے۔

     

    View this post on Instagram

     

    A post shared by ICC (@icc)

    رحمت اللہ گرباز 10، اصغر افغان بھی 10 رنز بنا کر چلتے بنے، کریم جنت 15 رنز کے مہمان ثابت ہوئے، نجیب اللہ زردان نے 22 رنز کی اننگز کھیلی۔

    کپتان محمد نبی 35 رنز کے ساتھ ناٹ آؤٹ رہے۔گلبدین نائب نے 35 رنز کی ذمہ دارانہ اننگز کھیلی۔

    پاکستان کی جانب سے عماد وسیم نے دو کھلاڑیوں کو پویلین کی راہ دکھائی، شاہین شاہ آفریدی، شاداب خان، حسن علی اور حارث رؤف نے ایک، ایک وکٹ حاصل کی۔

     

    View this post on Instagram

     

    A post shared by ICC (@icc)

    دبئی کے انٹرنیشنل اسٹیڈیم میں کھیلے جارہے میچ میں افغانستان کے کپتان محمد نبی نے ٹاس جیتا اور بیٹنگ ‏کو ترجیح دی تھی۔ دونوں ٹیموں نے وننگ کمبینیشن کو برقرار رکھتے ہوئے کوئی تبدیلی نہیں کی گئی تھی۔

    افغان کپتان محمد نبی نے کہا کہ ہم پاکستان کے خلاف ساتھ کھیلتے آئے ہیں ہمیں ان کی مضبوطی اور ‏کمزوریوں کا علم ہے۔ گرین شرٹس کے کپتان بابراعظم نے کہا کہ جیت کے تسلسل کو برقرار رکھتے ہوئے آگے ‏بڑھیں گے جیت سے ہمشیہ اعتماد ملتا ہے اس میچ میں بھی اچھی کارکردگی دکھائیں گے۔

    Image

    گروپ ٹو میں موجود پاکستان نے اپنے پہلے میچ میں بھارت اور دوسرے میچ میں نیوزی لینڈ کو شکست دی تھی، ‏افغانستان کے بعد پاکستان کو نمیبیا اور اسکاٹ لینڈ سے میچز کھیلنے ہیں۔
    ‏
    اسکاٹ لینڈ کو ایک سو تیس رنز سے شکست دیکر افغان ٹیم دیگر ٹیموں کے لئے خطرے کی گھنٹی بجاچکی ‏ہے۔
    قومی ٹیم کے عبوری بولنگ کوچ ثقلین مشتاق کا کہنا ہے کہ دو میچز جیت کر اعتماد ملا، افغانستان کے خلاف ‏پلان کےمطابق کھیل کر جیتیں گے۔

  • راشد خان نے حفیظ کو آؤٹ کرکے اہم اعزاز حاصل کرلیا

    راشد خان نے حفیظ کو آؤٹ کرکے اہم اعزاز حاصل کرلیا

    افغانستان کرکٹ ٹیم کے مایہ ناز لیگ اسپنر راشد خان نے ٹی 20 انٹرنیشنل کرکٹ میں اہم اعزاز اپنے نام کرلیا۔

    تفصیلات کے مطابق دبئی میں کھیلے جانے والے میچ میں افغانستان کرکٹ ٹیم کے لیگ اسپنر راشد خان نے محمد حفیظ کی وکٹ لے کر اہم سنگ میل عبور کرلیا۔

    راشد خان نے حفیظ کی وکٹ لے کر ٹی 20 انٹرنیشنل کرکٹ میں اپنی 100 وکٹیں مکمل کرلیں، حفیظ 10 رنز بنا کر راشد کی گیند پر گلبدین کو کیچ دے بیٹھے۔

    راشد خان نے اپنی دوسری وکٹ کپتان بابر اعظم کی حاصل کی، بابر اعظم 51 رنز بنا کر راشد خان کی گیند پر کلین بولڈ ہوگئے۔

    اس سے قبل راشد خان کو ٹی 20 انٹرنیشنل کرکٹ میں 100 ویں مکمل کرنے کے لیے ایک وکٹ درکار تھی۔

  • بابر اعظم نے ویرات کوہلی کو پیچھے چھوڑ دیا

    بابر اعظم نے ویرات کوہلی کو پیچھے چھوڑ دیا

    کراچی: قومی ٹیم کے کپتان بابر اعظم نے بھارتی کپتان ویرات کوہلی کو پیچھے چھوڑ دیا۔

    تفصیلات کے مطابق قومی ٹیم کے کپتان بابر اعظم ٹی 20 انٹرنیشنل کرکٹ میں میں بطور کپتان تیز ترین ایک ہزار رنز بنانے والے بیٹسمین بن گئے۔

    قومی ٹیم کے کپتان بابر اعظم نے افغانستان کے خلاف میچ میں بیٹنگ کرتے ہوئے اہم سنگ میل عبورکیا۔

    بابر اعظم نے بطور کپتان 26 اننگز میں ایک ہزار رنز بنا کر بھارتی کرکٹ ٹیم کے کپتان ویرات کوہلی کو بھی پیچھے چھوڑ دیا، کوہلی نے 32 اننگز میں ایک ہزار رنز مکمل کیے تھے۔

    قومی ٹیم کے کپتان آسٹریلوی کپتان ایرون فنچ اور جنوبی افریقہ کے فاف ڈوپلیسی سے بھی آگے نکل گئے، فنچ نے 32 اور ڈوپلیسی نے 31 اننگز میں ایک ہزار رنز بنائے تھے۔

    واضح رہے کہ پاکستان اور افغانستان کے درمیان میچ جاری ہے، پاکستان نے 6 اوورز میں ایک وکٹ کے نقصان پر 37 رنز بنالیے ہیں۔

    محمد رضوان 8 رنز پر مجیب الرحمان کو وکٹ دے بیٹھے، فخر زمان 19 اور بابر اعظم 10 رنز کے ساتھ کریز پر موجود ہیں۔

  • شاہد آفریدی کی پاک افغان میچ دیکھتے تصویر وائرل

    شاہد آفریدی کی پاک افغان میچ دیکھتے تصویر وائرل

    قومی ٹیم کے سابق آل راؤنڈر بوم بوم آفریدی کی پاک افغان میچ دیکھتے ہوئے تصویر وائرل ہوگئی۔

    اے آر وائی نیوز کے مطابق سابق آل راؤنڈر شاہد آفریدی نے سماجی رابطے کی ویب سائٹ ٹویٹر پر تصویر شیئر کی جس میں دیکھا جاسکتا ہے وہ  فیملی کے ساتھ میچ سے لطف اندوز ہورہے ہیں۔

    بوم بوم آفریدی کی گود میں ان کی چھوٹی بیٹی موجود ہیں جبکہ آگے کی سیٹوں پر آفریدی کی بڑی بیٹیاں بھی موجود ہیں۔

    سماجی رابطوں کی ویب سائٹ ٹوئٹر پر جاری تصویر اور پیغام میں شاہد آفریدی نے لکھا کہ ’کبھی کھیل کر انجوائے کرتا تھا اور دیکھ کر لطف اندوز ہورہا ہوں۔‘

    سوشل میڈیا صارفین کی جانب سے شاہد آفریدی کی تصویر کو خوب سراہا جارہا ہے۔

    ایک صارف نے لکھا کہ ’لالہ گیا ہے میچ دیکھنے اب تو پاکستان پکا میچ جیت جائے گا۔‘

    ایک اور صارف نے لکھا کہ ’لالہ میچ کو انئجوائے کریں۔‘

    واضح رہے کہ دبئی میں پاکستان اور افغانستان کے درمیان میچ جاری ہے، 13 اوورز میں 76 رنز پر افغانستان کے چھ کھلاڑی پویلین لوٹ گئے۔

    پاکستان کی جانب سے عماد وسیم نے دو کھلاڑیوں کو پویلین کی راہ دکھائی، شاداب خان، حسن علی، حارث رؤف نے ایک، ایک وکٹ حاصل کی۔

  • پاکستان سے میچ، افغان وزارت داخلہ نے وارننگ جاری کردی

    پاکستان سے میچ، افغان وزارت داخلہ نے وارننگ جاری کردی

    افغانستان کی وزارت داخلہ نے پاکستان اور افغانستان کے میچ کے لیے اہم وارننگ جاری کردی۔

    ٹی 20 ورلڈ کپ میں پاکستان اور افغانستان کی ٹیمیں دبئی میں مدمقابل ہیں اور ایسے میں افغان وزارت داخلہ نے سماجی رابطے کی ویب سائٹ ٹویٹر پر اعلامیہ جاری کردیا۔

    افغان وزارت داخلہ کا کہنا ہے کہ پاکستان اور افغانستان کا میچ ہے اور امید ہے کہ افغان ٹیم یہ میچ جیتے گی۔

    وزرات نے وارننگ جاری کی کہ افغان ٹیم کی جیت کی خوشی میں ہوائی فائرنگ پر پابندی لگادی ہے تاہم خلاف ورزی پر سخت سزا دی جائے گی۔


    واضح رہے پاکستان اور افغانستان کے درمیان میچ جاری ہے، 64 رنز پر افغانستان کی آدھی ٹیم پویلین لوٹ گئی۔

  • آندرے رسل نے بنگلہ دیش سے فتح چھین لی

    آندرے رسل نے بنگلہ دیش سے فتح چھین لی

    شارجہ: ٹی 20 ورلڈ کپ کے سپر 12 مرحلے میں ویسٹ انڈیز نے بنگلہ دیش کو سنسنی خیز مقابلے کے بعد 3 رنز سے شکست دے دی۔

    تفصیلات کے مطابق شارجہ میں کھیلے جانے والے میچ میں بنگلہ دیش کی ٹیم ویسٹ انڈیز کی جانب سے دیے جانے والے 143 رنز کے تعاقب میں مقررہ اوورز میں 5 وکٹوں کے نقصان پر 139 رنز بناسکی۔

    بنگلہ دیش کی ٹیم میگا ایونٹ میں مسلسل تین شکستوں کے بعد سیمی فائنل کی دوڑ سے باہر ہوگئی۔

    لٹن داس کی 44 اور کپتان محمود اللہ کی 31 رنز کی ناٹ آؤٹ اننگز بھی بنگلہ دیش کو شکست سے نہ بچاسکی۔

    شکیب الحسن 9، اوپنر محمد نعیم 17 رنز بنا کر پویلین لوٹ گئے، مشفیق الرحیم 8 اور سومیا سرکار 17 رنز بناسکے۔ویسٹ انڈیز کی جانب سے روی رامپال، جیسن ہولڈر، آندرے رسل نے ایک، ایک وکٹ حاصل کی۔

    اس سے قبل ویسٹ انڈیز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 142 رنز اسکور کیے تھے۔

    نکولس پوران نے 40 رنز کی ذمہ دارانہ اننگز کھیلی، روسٹن چیز39 رنز کے ساتھ نمایاں رہے۔

    بنگلہ دیش کی جانب سے مستفیض الرحمان ، مہدی حسین اور اسلام نے دو، دو وکٹیں حاصل کیں۔

     

     

  • قومی ٹیم میں تبدیلی سے متعلق وسیم اکرم کا اہم مشورہ

    قومی ٹیم میں تبدیلی سے متعلق وسیم اکرم کا اہم مشورہ

    سابق کپتان وسیم اکرم نے افغانستان کے خلاف فائنل الیون میں تبدیلی سے متعلق قومی ٹیم کو مشورہ دے دیا۔

    تفصیلات کے مطابق سابق کپتان وسیم اکرم اے اسپورٹس کے پروگرام میں گفتگو کرتے ہوئے کہا کہ افغانستان کے خلاف فائنل الیون میں کسی قسم کی تبدیلی نہیں کرنی چاہیے۔

    وقار اور مصباح نے اسمارٹ اور اٹیکنگ کرکٹ کھیلنے کی ہدایت کی۔

    تینوں لیجنڈز اے اسپورٹس کے پروگرام ’دی پویلین میں گفتگو کررہے تھے، وسیم اکرم نے کہا کہ وننگ کمبی نیشن برقرار رکھنا ہوگا اور اٹیکنگ کرکٹ کھیلنی ہوگی۔

    مصباح الحق نے کہا کہ راشد اور مجیب کو وکٹ نہ دیں رنز خود بنیں گے۔

    سابق فاسٹ بولر عاقب جاوید کا کہنا ہے کہ افغانستان کی ٹیم اسپنرز پر ہی انحصار کرتی ہے، حیرت ہے کہ پاکستان میں پٹھان تیز بولنگ کرتے ہیں لیکن افغانستان کے فاسٹ بولرز کی اسپیڈ 130 سے زیادہ نہیں ہے۔

    واضح رہے کہ پاکستان اور افغانستان کے درمیان اہم معرکہ آج شام 7 بجے کھیلا جائے گا، پاکستان کا بھارت اور نیوزی لینڈ کو شکست دینے کے بعد حوصلہ بلند ہے جبکہ افغانستان بھی اسکاٹ لینڈ کو 130 رنز سے شکست دے چکی ہے۔