آئی سی سی ٹی ٹوئنٹی ورلڈ کپ 2024، ویسٹ انڈیز اور امریکہ کی مشترکہ میزبانی میں، یکم جون سے 29 جون، 2024 تک کھیلا جائے گا۔ بیس ٹیمیں اس ٹائٹل کے لیے میدان میں اتریں گی
ٹورنامنٹ کے سب سے زیادہ اہم میچوں میں سے ایک انڈیا اور پاکستان کا ٹاکرا ہے، جو 9 جون 2024 کو نیویارک کے آئزن ہاور پارک میں شیڈول ہے
ICC T20 World Cup 2024, co-hosted by the West Indies and the USA, will take place from June 1 to June 29, 2024. Twenty teams will battle it out for the coveted title, with the top two teams from each group advancing to the Super Eight stage, followed by the semi-finals and the final.
One of the most highly anticipated matches of the tournament is the India-Pakistan clash, scheduled for June 9, 2024, at the Eisenhower Park in New York. This encounter promises to be a thrilling encounter between two arch-rivals, with a rich history of intense matches between them.
کراچی: ٹی 20 ورلڈ کپ میں پاکستان کے ہاتھوں بھارت کی عبرتناک شکست پر شائقین کرکٹ کی جانب سے کپتان بابر اعظم اور محمد رضوان کی کارکردگی کو خوب سراہا جارہا ہے۔
پاکستان کی جیت کے ساتھ ہی بابر اعظم کا ٹرینڈ ٹویٹر پر تیسرے نمبر پر ہے اور مداحوں کی جانب سے بابر اعظم کی بیٹنگ کی خوب تعریف کی جارہی ہے۔
نیہا خان نامی بابر اعظم کی مداح نے سوشل میڈیا پر لکھا کہ ’پاکستان کے صرف دو ہی ہیرو ہیں، قائد اعظم اور بابر اعظم۔‘
نیہا خان قومی ٹیم کی جیت پر خوشی سے نہال ہیں ان کا کہنا ہے کہ اتنی خوشی مجھے کبھی بھی نہیں ہوئی جتنی آج ہوئی ہے، خاتون صارف کا مزید کہنا تھا کہ بھارت والے موقع موقع کہہ رہے تھے آج انہیں جواب بھی مل گیا۔
واضح رہے کہ گزشتہ روز ورلڈ کپ کے افتتاحی میچ میں گرین شرٹس نے بھارتی سورماؤں کا غرور خاک میں ملاتے ہوئے انہیں 10 وکٹوں سے شکست دی تھی، قومی ٹیم اپنا دوسرے میچ کل نیوزی لینڈ کے خلاف کھیلے گی۔
قومی ٹیم کے آل راؤنڈر اور سابق کپتان شعیب ملک کے لیے دبئی کے گراؤنڈ میں نعرے لگ گئے۔
بھارتی ٹینس اسٹار ثانیہ مرزا کے شوہر اور سابق کپتان شعیب ملک کے لیے اسٹیڈیم میں گزشتہ رز مداح ’جی جا جی‘ کے نعرے لگاتے رہے جس کی ویڈیو سوشل میڈیا پر وائرل ہوگئی۔
سماجی رابطے کی ویب سائٹ ٹویٹر پر ثانیہ مرزا نے ویڈیو شیئر کی جس میں دیکھا جاسکتا ہے کہ بھارتی کرکٹ شائقین باؤنڈری پر کھڑے شعیب ملک کو ’جی جا جی‘ کہہ کر پکار رہے ہیں۔
ویڈیو سوشل میڈیا پر تیزی سے وائرل ہورہی ہے جسے مداح سمیت ثانیہ مرزا بھی پسند کررہی ہیں۔
یاد رہے کہ پاک بھارت میچ سے قبل ثانیہ مرزا نے تنقید سے بچنے کے لیے اپنے پیغام میں کہا تھا کہ ’وہ پاک بھارت میچ کے دن سوشل میڈیا سے دور رہیں گی۔
واضح رہے کہ گزشتہ روز ورلڈ کپ کے افتتاحی میچ میں گرین شرٹس نے بھارتی سورماؤں کا غرور خاک میں ملاتے ہوئے انہیں 10 وکٹوں سے شکست دی تھی، قومی ٹیم اپنا دوسرے میچ کل نیوزی لینڈ کے خلاف کھیلے گی۔
دبئی: پاک بھارت میچ کے دوران پاکستانی ٹیم کے مداح نے کان پکڑنے کی وجہ بیان کردی۔
تفصیلات کے مطابق پاک بھارت میچ میں دوران پاکستانی مداح اسٹینڈ میں کھڑے کان پکڑے نظر آئے، ان کی تصویر کیمرے میں محفوظ ہوگئی اور بعدازاں سوشل میڈیا پر وائرل ہوگئی۔
پاکستانی مداح نے سوشل میڈیا پر اپنے کان پکڑنے کی وجہ بیان کردی۔
جواد غلام رسول نے ویڈیو پیغام میں بتایا کہ میری اس کان پکڑنے کی تصویر سوشل میڈیا پر وائرل ہورہی ہے اور لوگ جاننا چاہ رہے ہیں کہ ایسا کیا واقعہ تھا کہ میں نے کان پکڑلیے۔
انہوں نے بتایا کہ پاکستان کی اننگز جاری تھی محمد رضوان اور بابر اعظم بیٹنگ کررہے تھے، اسی دوران میں نے رضوان کی بیٹنگ دیکھتے ہوئے کہا کہ دیکھو تو صحیح یہ لڑکا کون ہے یہ ویرات کوہلی تونہیں کھیل رہا؟
اسی دوران پیچھے موجود بھارتی ٹیم کے مداح نے جواب دیا کہ ’رضوان ویرات کوہلی کی جوتی کے برابر بھی نہیں ہے۔‘ اس کے یہ کہنے پر میں نے کان پکڑلیے۔
پاکستانی مداح نے کہا کہ گراؤنڈ میں رضوان میں کرکٹ کھیلتے ہوئے بھی جب اسے موقع ملا تو اس نے اللہ کو یاد کیا اور نماز ادا کی اور اللہ تعالیٰ اس کے ساتھ ہے۔
جواد غلام نے بتایا کہ یہ وجہ تھی جو میں نے بھارتی مداح کی بات پر کان پکڑ لیے تھے۔
دبئی: ٹی ٹوینٹی ورلڈکپ کے بڑے ٹاکرے میں عمدہ کارکردگی دکھانے والے بولر شاہین شاہ آفریدی وکٹیں لینے کے علاوہ سیلفی کے بھی ماہر نکلے۔
یاد رہے کہ شاہین شاہ آفریدی نے بھارت کے خلاف میچ میں تین انتہائی اہم کھلاڑیوں کی وکٹیں حاصل کیں۔ انہوں نے ویرات کوہلی، کے ایل راہول اور روہت شرما کی وکٹیں لے کر بھارت پر دباؤ بڑھایا، جس کی وجہ سے مخالف ٹیم زیادہ اسکور نہ کرسکی۔
بولنگ میں شاندار کارکردگی دکھانے پر شاہین شاہ آفریدی کو مین آف دی میچ کے ایوارڈ سے نوازا گیا ہے۔ میچ سے قبل انہوں نے تین اہم وکٹیں لینے کی خواہش کا اظہار کیا تھا، جو پوری بھی ہوئی۔
شاہین شاہ قومی کرکٹ ٹیم کے جارحانہ کھلاڑی شاہد آفریدی کے نمبر کی ٹی شرٹ پہن کر میدان میں اترے اور وہ آئندہ میچز میں بھی 10 نمبر کی شرٹ زیب تن کریں گے۔
میچ کے بعد قومی کھلاڑیوں نے جیت کا جشن منایا تو شاہین شاہ آفریدی نے تمام کھلاڑیوں کی انتہائی مہارت کے ساتھ سیلفی لی۔ پاکستان کرکٹ بورڈ کی جانب سے اس کو ’پرفیکٹ سیلفی‘ کہا گیا ہے۔
دوسری جانب انٹرنیشنل کرکٹ کونسل (آئی سی سی) نے بھی اپنے ٹویٹر اکاؤنٹ کے کور فوٹو پر شاہین آفریدی کی سیلفی لگائی ہے۔ عام طور پر ایونٹ کی فاتح ٹیم کی تصویر آئی سی سی آئی ڈی کی پروفائل یا کور پر لگائی جاتی ہے۔
یاد رہے کہ قومی ٹیم نے ٹی ٹوینٹی ورلڈکپ کے پہلے اور اہم میچ میں بھارت کو دس وکٹوں سے شکست دے کر تاریخی فتح اپنے نام کی ہے۔ بابر اعظم اور وکٹ کیپر محمد رضوان کی ذمہ دارانہ بیٹنگ کی بدولت پاکستان کو فتح حاصل ہوئی۔
ریاض: وزیراعظم عمران خان، صدر مملکت ڈاکٹر عارف علوی اور چیف آف آرمی اسٹاف جنرل قمر جاوید باجوہ نے ٹی ٹوینٹی ورلڈکپ میں تاریخی فتح حاصل کرنے پر قومی ٹیم کو مبارک باد پیش کی ہے۔
تفصیلات کے مطابق وزیراعظم عمران خان نے بھارت کے خلاف تاریخی فتح حاصل کرنے پر قومی کرکٹ ٹیم کو مبارک باد دپیش کرتے ہوئے کہا کہ ’قوم کو آپ سب پر فخر ہے‘۔
وزیراعظم نے کپتان بابراعظم کو قیادت اور عمدہ بلے بازی جبکہ شاہین آفریدی کو عمدہ گیند بازی اور محمد رضوان کو اچھی بلے بازی پر خصوصی مبارک باد بھی پیش کی۔
وزیراعظم عمران خان نے سعودی عرب میں تاریخی میچ اپنی ٹیم کے ہمراہ دیکھا۔ اُن کے ہمراہ مشیر خزانہ شوکت ترین اور وفاقی وزیر حماد اظہر بھی موجود تھے۔
Congratulations to the Pakistan Team & esp to Babar Azam who led from the front, as well as to the brilliant performances of Rizwan & Shaheen Afridi. The nation is proud of you all. pic.twitter.com/ygoOVTu37l
صدر مملکت ڈاکٹر عارف علوی نے بھی تاریخی فتح حاصل کرنے پر قومی ٹیم کو مبارک باد پیش کی۔
شاباش گرین شرٹس۔
مکمل صفایا۔
دس وکٹوں سے میچ جیت لیا۔
ہمیں آپ پر فخر ہے۔
ایک اچھا میچ تھا مزا آگیا۔
پاکستنیوں آپ سب کو مبارک ہو۔ pic.twitter.com/sJVgINW4FU
آرمی چیف کی قومی کرکٹ ٹیم کو شاندار کامیابی پر مبارکباد پیش کی۔ پاک فوج کے شعبہ تعلقات عامہ کے مطابق آرمی چیف نے کہا کہ قومی کرکٹ ٹیم نے بھارت کوبدترین شکست دی، پاکستانی کرکٹ ٹیم نےہم سب کاسرفخرسےبلندکردیا۔
COAS congratulates Pakistan Cricket Team for outstanding performance and comprehensive win against India in ICC T 20 World Cup Match. “Pakistan Cricket Team has made us all proud”
COAS.
دوسری جانب وفاقی وزیر حماد اظہر نے کہا کہ دنیاکےبہترین کرکٹر اور ہمارےوزیر اعظم کےساتھ پاکستان کی فتح دیکھی، میچ کے دوران عمران خان کی بصیرت اورکھیل کےتجزیےسے لطف اندوز بھی ہوا۔
Watched Pak victory with the best cricketer in the world and our PM. Enjoyed his insights and analysis of the game. Well-done boys on the stunning victory. #TeamPakistanpic.twitter.com/oRpuJYo0iy
یاد رہے کہ قومی کرکٹ ٹیم نے ٹی ٹوینٹی میچ میں بھارت کے خلاف فتح حاصل کر کے تاریخ رقم کی ہے۔ 152 رنز کے ہدف کے تعاقب میں محمد رضوان اور کپتان بابر اعظم نے شاندار بلے بازی کرتے ہوئے نصف سنچریاں اسکور کیں جبکہ شاہین آفریدی نے تین اہم کھلاڑیوں روہت شرما، راہول اور ویرات کوہلی کو پویلین کی راہ دکھائی۔
بہترین کھیل پیش کرنے اور #T20WorldCup2021 کے پہلے مقابلے میں بھارت کو تاریخی شکست سے دو چار کرنے پر قومی کرکٹ ٹیم کو مبارکباد پیش کرتا ہوں۔ پوری قوم آپ کی فتح پر شاد اور عالمی کپ میں آپ کی حتمی کامیابی کیلئے دعاگو ہے۔ pic.twitter.com/Jmu1bf5S6A
— Senator Saifullah Khan Nyazee (@SaifullahNyazee) October 24, 2021
وفاقی وزرا، سیاسی جماعتوں کے رہنماؤں سمیت دیگر قابل ذکر شخصیات نے بھی تاریخی فتح حاصل کرنے پر قومی ٹیم کو دل کی اتہہ گہرائیوں سے مبارک باد پیش کی اور کامیابی کے سلسلے کو جاری رکھنے کی دعا بھی کی۔
Pakistan cricket was cornered by conspiracies & cancelling international series, #teamgreen just showed this is how ‘cornered tigers’ 🐅 play.
Pakistan is victorious today, in the game and in showing the world we are invincible.
اسٹیڈیم میں بیٹھے تماشائیوں اور صحافیوں نے اُن کی نماز ادائیگی کے دوران بنائی جانے والی تصاویر سماجی رابطے کی ویب سائٹ پر شیئر کیں، جنہیں صارفین نے پسند کیا۔
یاد رہے کہ پاکستانی کپتان بابر اعظم نے ٹاس جیت کر پہلے فیلڈنگ کا فیصلہ کیا۔ شاہین شاہ آفریدی نے شاندار بولنگ کا مظاہرہ کرتے ہوئے تین اہم کھلاڑیوں کے ایل راہول، ویرات کوہلی، روہت شرما کی وکٹیں حاصل کیں۔
دبئی: قومی کرکٹ ٹیم کے فاسٹ بولر شاہین شاہ آفریدی کی خواہش پوری ہوگئی۔
ٹی ٹوینٹی ورلڈکپ کا انتہائی اہم میچ پاکستان اور بھارت کی ٹیموں کے درمیان دبئی انٹرنیشنل اسٹیڈیم میں کھیلا جارہا ہے، جس میں بابر اعظم نے ٹاس جیت کر پہلے فیلڈنگ کا فیصلہ کیا۔
بھارت نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 151 رنز بنائے اور پاکستان کو جیت کے لیے 152 رنز کا ہدف دیا۔ویرات کوہلی نے57، ریشبھ پنتھ نے39رنز بنا کر نمایاں بلے باز رہے۔
قومی ٹیم کے گیند باز شاہین شاہ آفریدی نے بھارت کے تین انتہائی اہم کھلاڑیوں روہت شرما، کے ایل راہول اور ویرات کوہلی کی وکٹیں حاصل کیں جبکہ حسن علی دو، شاداب خان اور حارث رؤف ایک ایک وکٹ حاصل کرسکے۔
اننگز اختتام پر گفتگو کرتے ہوئے ہوسٹ نے شاہین شاہ آفریدی کو مخاطب کرتے ہوئے کہا کہ ’آپ نے میچ سے پہلے تین اہم وکٹیں لینے کی خواہش کا اظہار کیا تھا، آپ کامیاب ہوگئے، اب کیسا لگ رہا ہے؟‘۔
شاہین شاہ آفریدی نے کامیابی پر اللہ کا شکر ادا کرتے ہوئے کہا کہ یہی کوشش تھی کہ جلد وکٹیں لیں، جوپلان تھا اس کے مطابق بولنگ کی، کوشش یہی تھی بھارت کو کم سے کم اسکور تک محدود کریں۔
شارجہ: ٹی ٹوئنٹی ورلڈکپ کے گروپ میچ میں سری لنکا نے سنسنی خیز مقابلے کے بعد بنگلہ دیش کو پانچ وکٹوں سے شکست دے دی۔
تفصیلات کے مطابق شارجہ کرکٹ اسٹیڈیم میں کھیلے گئے میچ میں سری لنکا کے بلے بازوں چاریت اسلانکا اور بھانوکا راجا پاکسے نے بہترین کارکردگی کا مظاہرہ کرتے ہوئے میچ کا پانسہ پلٹ دیا۔
چاریت اسلانکا نے پانچ بلند وبالا چھکوں کی مدد سے ناقابل شکست 80 رنز بنائے، جبکہ بھانوکا راجا پاکسے 31 گیندوں پر نصف سینچری کرتے ہوئے 53 رنز کی اننگز کھیلی اور اپنی ٹیم کی فتح میں اہم کردار ادا کیا، دونوں کھلاڑیوں کے درمیان پانچویں وکٹ کی شراکت میں 86 رنز بنے۔
بنگلہ دیشی بولرز دونوں بلے بازوں کے سامنے بے بسی کی تصویر نظر آئے، شکیب الحسن اور نسیم احمد نے 2 دو کھلاڑیوں کو آؤٹ کیا۔
اس سے قبل بنگلہ دیش نے مقررہ بیس اوورز میں چار وکٹوں کے نقصان پر 171 رنز بنائے تھے، محمد نعیم 62 اور مشفق الرحیم نے 31 گیندوں پر 53 رنز کی عمدہ اننگز کھیلی تھی۔
واضح رہے کی سری لنکا کوالیفائنگ راؤنڈ میں کامیابی حاصل کرنے کے بعد سپر بارہ میں جگہ بنانے میں کامیاب ہوا تھا جبکہ بنگلہ دیش نے بھی کوالیفائی راؤنڈ میں کامیابی حاصل کرتے ہوئے سپر بارہ مرحلے تک رسائی حاصل کی تھی۔
ٹی ٹوئنٹی ورلڈکپ کے دوران آٹھ مرتبہ پاکستان اور بھارت کی ٹیمیں آپس میں ٹکرائیں لیکن سخت مقابلے کے باوجود فتح روائتی حریف نے سمیٹی۔
تفصیلات کے مطابق ٹی ٹوئنٹی ورلڈکپ کا سب سے بڑا مقابلہ آج دبئی انٹرنیشنل اسٹیڈیم میں ہوگا، جہاں روایتی حریف پاکستان اور بھارت کی ٹیمیں ٹکرائیں گی، میچ پاکستانی وقت کے مطابق شام 7 بجے شروع ہوگا۔
پاکستان اور بھارت سمیت دنیا بھر کے کروڑوں کرکٹ شائقین اس مقابلے کا شدت سے انتظار کررہے ہیں لیکن کیا آپ جانتے ہیں کہ دونوں ٹیموں کا ٹی ٹوئنٹی ورلڈکپ کے دوران کتنی مرتبہ آمنا سامنا ہوا ہے۔
پہلا ٹی ٹوئنٹی ورلڈکپ 2007
ٹی ٹوئنٹی کرکٹ ورلڈ کپ کا آغاز 2007 میں ہوا جس میں پاکستان اور بھارت کے درمیان دو مقابلے ہوئے، جس میں قومی ٹیم کی کپتانی شعیب ملک کررہے تھے۔
پہلا مقابلہ 14 ستمبر 2007 میں ڈربن میں کھیلا گیا جس میں بھارتی ٹیم نے 7 وکٹوں کے نقصان پر پاکستان کو 141 رنز کا ٹارگٹ دیا تھا۔
قومی ٹیم نے مقررہ اوورز میں 7 وکٹ گنواں کر 141 رنز بناکر میچ برابر کردیا تھا جس کے بعد بول آؤٹ پیٹرن کے ذریعے میچ کے فاتح کا فیصلہ کیا گیا جس میں بھارت نے فتح اپنے نام کی۔
واضح رہے کہ بول آؤٹ پیٹرن میں دونوں ٹیم کے پانچ گیند بازوں کو ایک ایک بال خالی پچ پر پھینک کر وکٹ کا نشانہ لینا ہوتا ہے، جس میں تین گیندیں اسٹمپ یعنی وکٹ پر لگنا ضروری ہے۔
اس ورلڈ کپ میں قومی ٹیم فائنل تک پہنچنے میں کامیاب ہوئی، جہاں روئتی حریف بھارت نے دوسرا ٹاکرا 24 ستمبر 2007 کو جوہانسبرگ میں ہوا۔
اس مقابلے میں بھارت نے پہلے بیٹنگ کرتے ہوئے 20 اوورز میں 157 رن اسکور کیے جس کے تعاقب میں پاکستانی کھلاڑی 19.3 اوورز میں 152 رنز بناکر آل آؤٹ ہوگئے۔
کرکٹ پر تجزیہ کرنے والوں کا کہنا ہے کہ 2007 ٹی ٹوئنٹی ورلڈکپ کے فائنل میں مصباح الحق نے اچھا کھیل پیش کیا لیکن ان کا ایک غلط شارٹ ٹیم کی شکست کا باعث بنا۔
دوسرا ٹی ٹوئنٹی ورلڈ کپ 2009
دوسرے ٹی ٹوئنٹی ورلڈ کپ میں پاکستان اور بھارت کے درمیان کوئی مقابلہ نہیں ہوا جب کہ اس ورلڈ کپ میں پاکستان نے یونس خان کی کپتانی میں فائنل تک رسائی حاصل کی اور قومی کھلاڑیوں نے سخت مقابلے کے بعد ٹی ٹوئنٹی ورلڈکپ کے فاتح کا لقب اپنے نام کرنے میں کامیاب ہوئے۔
تیسرے ٹی ٹوئنٹی ورلڈ کپ کا انعقاد 2010 میں ہوا جس میں روائتی حریف پاکستان اور بھارت کے درمیان کوئی مقابلہ نہیں ہوا۔
چوتھا ٹی ٹوئنٹی ورکپ 2012
30 ستمبر 2012 کو محمد حفیظ کی کپتانی میں پاکستان کی ٹیم ایک مرتبہ پھر بھارت ٹکرائی، جس میں پاکستان نے پہلے بیٹنگ کرتے ہوئے روایتی حریف کو 128 رنز کا ٹارگٹ دیا جو بھارتی کھلاڑیوں نے 17 اوورز میں 2 وکٹ کے نقصان پر باآسانی مکمل کرکے کامیابی اپنے نام کرلی۔
پانچواں ٹئی ٹوئنٹی ورلڈ کپ 2014
سنہ 2014 میں بھارت نے پاکستان کو 7 وکٹوں سے شکست دی، اس مقابلے میں بھارت نے ٹاس جیت کر پاکستان کو پہلے بیٹنگ کی پیشکش کی۔
قومی ٹیم نے روایتی حریف کی پیشکش قبول کرتے ہوئے پہلے بیٹنگ کی اور بھارت کو 130 رنز کا ہدف دیا جو مخالف ٹیم نے 18 اعشاریہ 3 اوررز میں 7 وکٹ کے نقصان پر باآسانی حاصل کرلیا۔
2014 ورلڈ کپ میں بھی محمد حفیظ ہی قومی ٹیم کے کپتان تھے۔
چھٹا ٹی ٹوئنٹی ورلڈ کپ 2016
ٹی ٹوئنٹی ورلڈ کپ میں شکست کی روایت برقرار رہی، اس میچ میں بھی بھارت نے ٹاس جیت پر پہلے باؤلنگ کا فیصلہ کیا اور پاکستان کی جانب سے دئیے گئے 118 رنز کا ہدف 6 وکٹ کے نقصان پر حاصل کرلیا۔
اس ورلڈ کپ میں شاہد آفریدی پاکستان کرکٹ ٹیم کی کپتانی کے فرائض انجام دے رہے تھے، جب کہ مخالف ٹیم کے کپتان ایم ایس دھونی تھے۔
واضح رہے کہ یہ رپورٹ صرف ٹی ٹوئنٹی ورلڈ کپ میں کھیلے گئے میچز سے متعلق ہے۔ پاکستان ٹی ٹوئنٹی کرکٹ سیریز کی فہرست میں طویل وقت تک پہلے نمبر پر براجمان رہا ہے اور اب بھی پاکستانی ٹیم آئی سی سی کی رینکنگ میں تیسرے نمبر پر موجود ہے۔
لاہور : ٹی ٹوئنٹی ورلڈ کپ کا ہائی وولٹیج ٹاکرا (پاک بھارت مقابلہ) آج ہوگا، پاک بھارت میچ کا مظاہرہ قومی کھلاڑیوں کی فیملیز بھی گراؤنڈ میں بیٹھ کر کریں گی۔
تفصیلات کے مطابق انٹرنیشنل کرکٹ کاؤنسل ٹی ٹوئنٹی ورلڈ کپ کا سب سے بڑا مقابلہ آج دبئی انٹرنیشنل اسٹیڈیم میں ہوگا، جہاں روایتی حریف پاکستان اور بھارت آمنے سامنے نظر آئیں گے، میچ پاکستانی وقت کے مطابق شام 7 بجے شروع ہوگا۔
ذرائع کا کہنا ہے کہ کھلاڑیوں کی فیملیز بھی پاک بھارت میچ گراؤنڈ میں بیٹھ کر دیکھیں گی، جن کےلیے بائیو سیکیور ماحول کا انتظام کیا گیا ہے۔
ذرائع کا کہنا ہے کہ سرفراز احمد، حسن علی، عثمان قادر، محمد حفیظ ، عماد وسیم کے اہلخانہ میچ دیکھیں گے جب کہ شعیب ملک ،فخر زمان ، کوچ ثقلین مشتاق کی فیملیز گراؤنڈ میں میچ ہائی وولٹیج ٹاکرے سے لطف اندوز ہوں گی۔
واضح رہے کہ پاکستان اور بھارت سمیت دنیا بھر کے کروڑوں کرکٹ شائقین اس میچ کا شدت سے انتظار کررہے ہیں۔
پا کستان کی 12 رکنی ٹیم کا اعلان
آئی سی سی ٹی 20 ورلڈ کپ 2021 میں بھارت کے خلاف میچ کے لیے پاکستان کی 12 رکنی ٹیم کا اعلان کیا جاچکا ہے، ٹیم کے کپتان بابر اعظم ہوں گے جبکہ محمد رضوان، فخر زمان، شعیب ملک، محمد حفیظ، عماد وسیم، شاہین آفریدی،حسن علی،حارث روؤف، شاداب خان، آصف علی اور حیدر علی ٹیم میں شامل ہوں گے۔
