ڈھاکہ: پاکستان کرکٹ ٹیم دورہ بنگلہ دیش کا آغاز کل وارم اپ میچ سے کرے گی۔
پاکستان کرکٹ ٹیم تین ون ڈے، دو ٹیسٹ اور ایک ٹی ٹوئنٹی کی سیریز کھیلنے کے لئے بنگلہ دیش پہنچ گئی ہے،ڈھاکہ آمد کے موقع پر سیکورٹی کے انتہائی سخت انتظامات کئے گئے تھے، کھلاڑی آج بھر پور ٹریننگ کررہے ہیں، بدھ کو فتح اللہ میں پاکستان اور بنگلہ دیش الیون کے درمیان پریکٹس میچ کھیلا جائے گا۔
سترہ مارچ کو دونوں ٹیمیں پہلے ایک روزہ میچ میں ٹکرائیں گی،سینئیر کھلاڑی شاہد آفریدی اور مصباح الحق ون ڈے ٹیم کا حصہ نہیں ہیں، ایسے میں نوجوان کھلاڑیوں پر بھاری ذمہ داری عائد ہوگی۔
اظہر علی پہلی بار ٹیم کی قیادت کریں گے، گرین شرٹس دوہزار گیارہ کے بعد بنگلہ دیش کے دورے پر ہیں، میزبان کھلاڑیوں نے پاکستان کو ہرانے کے آنکھوں میں بڑے سپنے سجالئے ہیں۔
بنگلہ دیش آج تک پاکستان کو ٹیسٹ اور ون ڈے سیریز نہیں کراسکا، ٹی ٹوئنٹی میں بھی شاہین ناقابل شکست ہیں۔
