پشاور: صوبہ خیبرپختونخوا کے وزیر خزانہ تیمور سلیم جھگڑا کورونا وائرس کا شکار ہوگئے۔
اے آر وائی نیوز کی رپورٹ کے مطابق خیبرپختونخوا کے وزیر خزانہ تیمور سلیم جھگڑا میں کورونا وائرس کی تشخیص ہوئی ہے جس کے بعد انہوں نے خود کو گھر میں قرنطینہ کرلیا ہے۔
تیمور سلیم جھگڑا کا کہنا تھا کہ طبیعت خراب ہونے پر کورونا ٹیسٹ کروایا جس کی رپورٹ مثبت آئی ہے۔
انہوں نے کہا کہ خود کو آئیسولیٹ کرلیا ہے تمام امور گھر سے جاری رکھوں گا۔
یہ پڑھیں: ڈپٹی چیئرمین سینیٹ کورونا وائرس میں مبتلا
واضح رہے کہ چند روز قبل ڈپٹی چیئرمین سینیٹ سلیم مانڈوی والا میں کورونا وائرس کی تشخیص ہوئی تھی جس کے بعد انہوں نے خود کو گھر میں قرنطینہ کرلیا تھا۔
پی پی ذرائع کا کہنا تھا کہ سلیم مانڈوی والا کو چند روز سے بخار اور جسم میں درد کی شکایت تھی، ابتدائی علامات ظاہر ہونے پرڈپٹی چیئرمین سینیٹ نےکورونا ٹیسٹ کرایا تھا۔
یاد رہے کہ ملک میں کورونا کیسز کی تعداد 3 لاکھ سے تجاوز کرچکی ہے، گزشتہ چوبیس گھنٹوں کے دوران 9 افراد جاں بحق ہوگئے اور 566 نئے کیسز رپورٹ ہوئے۔
