Tag: Taiwan Lantern Festival

  • تائیوان میں موسم خزاں کو خوش آمدید کہنے کا منفرد انداز

    تائیوان میں موسم خزاں کو خوش آمدید کہنے کا منفرد انداز

    تائی پے: تائیوان کا آسمان موسم خزاں کی آمد پر روشنیوں سے جگمگا اٹھا ہے، فضا میں ہزاروں کاغذی لالٹینیں چھوڑی گئیں۔

    تفصیلات کے مطابق مشرقی ایشیا کے ملک تائیوان میں موسم خزاں کو منفرد انداز میں خوش آمدید کہا جاتا ہے، گزشتہ روز شہر تائی پے میں رات میں دن کا سماں ہو گیا تھا جب آسمان ہزاروں لالٹینوں سے سج گیا، ہزاروں لوگوں نے سالانہ فیسٹیول میں جوش و خروش کے ساتھ شرکت کی۔

    چھبیسویں سالانہ لالٹین فیسٹول میں بچوں اور بڑوں نے اچھی صحت اور خوش قسمتی کی دعاؤں کے پیغامات لکھ کر ہزاروں کاغذی لالٹینیں فضا میں چھوڑیں، رات کی تاریکی میں جلتی لالٹینوں کے دلکش نظاروں سے رات حسین ہو گئی۔

    لینٹرن فیسٹیول میں تائیوان کے شہری روایتی طور پر لالٹینوں پر اپنی خواہشات لکھ کر اس یقین کے ساتھ فضا میں چھوڑتے ہیں کہ یہ ان کے لیے وافر فصل لے کر آئیں گی، خواتین ایک اور بیٹے کی خواہش کرتی ہیں تاکہ کام کرنے والے ہاتھوں میں اضافہ ہو۔ عقیدے کے مطابق یہ لالٹینیں آسمان کی طرف اڑتی ہیں اور لوگوں کی خواہشات کو خدا تک پہنچاتی ہیں۔

    لالٹین فیسٹیول کو ’چھوٹا نیا سال‘ بھی کہا جاتا ہے، اس موقع پر تین کام کیے جاتے ہیں یعنی لالٹینیں فضا میں چھوڑنا، خدا کی عبادت کرنا، اور چاول کے آٹے سے بنائے گئے خاص قسم کے سموسے (ڈمپلنگز) کھانا۔

  • تائیوان میں روشنیوں کا میلہ

    تائیوان میں روشنیوں کا میلہ

    تائی پے: موسم بہار کا آغاز ہوتے ہی تائیوان میں سالانہ لالٹین فیسٹیول کا آغاز ہوگیا۔ ہزاروں چمکدار روشنیوں سے رات میں دن کا سماں پیدا ہوگیا۔

    تائیوان میں آسمان سینکڑوں کاغذی لالٹینوں سے جگمگا اٹھا۔

    تائیوان میں قمری سال کو روایتی طور پر منایا گیا اور لوگوں نے روشنیوں سے سجی ہزاروں کاغذی لالٹینیں فضا میں اڑائیں جن سے رات کی تاریکی مدھم ہوگئی۔

    سینکڑوں افراد نے تھیلیوں پر نئے سال کے لیے اپنی خواہشات لکھیں اور نیچے آگ لگا فضا میں اڑا دیا۔

    روشنی سے جگمگاتے آسمان کے نظاروں سے بھرپور لطف اٹھانے کے لیے مقامی اور غیر مقامی افراد بڑی تعداد میں موجود تھے۔

    دیوہیکل روشنی کے مجسموں نے شہر کو بھی بقعہ نور بنا دیا۔ بچے بڑے سب ہی روشنیوں کے میلے میں خوش دکھائی دیے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔