تاجکستان میں جیل سے فرار ہونے کی کوشش کرنے کے دوران 5 قیدیوں کو سیکورٹی اہلکاروں نے فائرنگ کرکے ہلاک کردیا۔
غیر ملکی ذرائع ابلاغ کے مطابق تاجکستان میں سیکیورٹی فورسز کے ذرائع کا اس حوالے سے کہنا ہے کہ ہلاک ہونے والے قیدیوں کا تعلق داعش سے تھا، جنہوں نے جیل سے فرار ہونے کی کوشش کی۔
سیکیورٹی ایجنسی کے ذرائع کے مطابق تاجک وزارتِ انصاف کا کہنا ہے کہ 9 قیدیوں نے چاقو سے جیل کے گارڈز پر حملہ کیا تھا۔ واقعے میں 5 قیدی ہلاک اور 3 جیل کے اہلکار زخمی ہوئے ہیں۔
دوسری جانب اسرائیلی جیلوں سے رہا ہونے والے فلسطینیوں قیدیوں کی جانب سے انکشاف کیا گیا ہے کہ قید کے دوران انھیں بدترین تشدد کا نشانہ بنایا گیا۔
رہا فلسطینی نے گفتگو کرتے ہوئے بتایا کہ ہم بہت تکلیف سے گزرے، روزانہ تشدد کا نشانہ بنایا جاتا تھا، اسرائیلی فوجیوں کی کوشش ہوتی تھی کہ ہم جیل میں ہی مرجائیں، کھانے کیلئے تین دن بعد سوکھی روٹی دی جاتی تھی، روزانہ مارا پیٹا جاتا تھا۔
اسرائیلی فوجیوں کے بہیمانہ تشدد کے حوالے سے رہا فلسطینی قیدی نے بتایا کہ تشدد کے دوران زخمی فلسطینیوں کا علاج نہیں کیا جاتا تھا۔
غزہ جنگ بندی کے بعد حماس نے 183 فلسطینیوں کے بدلے 3 اسرائیلی اسیران کو رہا کردیا ہے، فلسطینیوں کی رہائی جنگ بندی معاہدے کے تحت چوتھے تبادلے میں ہوئی، رہافلسطینیوں میں 73 طویل عرصے سے قید اور عمرقید کی سزا کاٹ رہے تھے۔
رہا 183 فلسطینیوں میں سے 111 کو 7 اکتوبر 2023 کے بعد حراست میں لیا گیا تھا، رہا فلسطینیوں میں 7 ایسے بھی شامل ہیں جنھیں مصر کے راستے ملک بدر کیا گیا ہے۔
افغانستان میں 60 لاکھ افراد کو صرف ’’چائے، روٹی‘‘ پر گزارا کرنا پڑے گا؟
فلسطینی قیدی گروپ کے مطابق اسرائیلی جیلوں میں 4 ہزار 500 قیدی موجود ہیں، فلسطینی قیدی گروپ نے بتایا کہ رہا فلسطینیوں میں بھوک، بیماری کے آثار اور تشدد کے نشانات ہیں، بدترین اسرائیلی تشدد کا شکار رہا ہونے والے کئی فلسطینیوں کو اسپتال منتقل کردیا گیا ہے۔
