اسلام آباد پولیس نے آب پارہ کےعلاقے سے ایک دہشت گرد گرفتار کرلیا۔
ایس ایس پی کے مطابق دہشت گرد کا نام معراج خان ولد شمان گل ہے اور اس کاتعلق کالعدم تحریک طالبان سے ہے،ملزم جنوبی وزیرستان کا رہائشی ہے۔
پولیس نے ملزم کے قبضے سے دودستی بم،ڈیٹونیٹرز،و بیٹریاں،ریموٹ کنٹرول اور بارودی مواد برآمد کیا ہے۔
ملزم کے خلاف تھانہ آب پارہ میں مقدمہ درج کرکےدیگر ملزمان کی گرفتاری کے لیے پولیس خیبرپختونخوااور روانہ کردی گئی ہے۔
افغانستان کےعلاقے نورستان سے تعلق رکھنے والا مشتبہ شخص سیف اللہ جو پشاور سے آج ہی کراچی پہنچا تھا،ایم کیو ایم رہنمائوں کےمطابق مشتبہ شخص نائن زیرو کے قریب سے اس وقت حراست میں لیا گیا جب وہ نائن زیرو کے قریب مبینہ طور پر ریکی کے لیے موجود تھا اور ایم کیو ایم ہیڈکوارٹر اور اطراف کی ویڈیو بنا رہا تھا۔
ذرائع کے مطابق مشکوک شخص مسجد جانے کے بہانے نائن زیرو جانے والی گلی میں پہنچا جہاں رینجرز کو دیکھ کر وہ گھبرا گیا اور اس نے جناح گراونڈ کی جانب سے بھاگنے کی کوشش کی۔
افتخارعالم کا کہنا ہے کہ ملزم سے افغانستان کی جامعات کے کارڈز،موبائل فون،بیٹریز، سمیں،ریلوے ٹکٹ اور کالعدم تحریک طالبان کا لٹریچر سمیت حکیم اللہ محسود اور طالبان کمانڈر کی تصاویر بھی ملی ہیں۔
مشتبہ شخص کو عزیز آباد پولیس کے حوالے کردیا گیا ہے،واضح رہے متحدہ رہنمائوں پر اورنائن زیرو پر حملے کی دھمکیاں کئی عرصےسےایم کیو ایم کومل رہی تھیں۔
کراچی:غیرملکی خبر رساں ایجنسی کے مطابق عسکریت پسند تنظیم داعش نےشمال مشرقی شہر رقہ میں شامی فوجی اڈے پرحملے میں تقریبا پچاس شامی فوجیوں کو ہلاک کرنے کا دعوی کیا ہے۔
جس کے لیے خودکش حملہ آوراستعمال کئےگئےتھے جنہوں نے فوجی چوکیوں پر دھماکہ خیز مادوں سے بھری کاریں اڑا دی تھیں۔
رقہ حمص اور دیر الزورکے بعد شام کا تیسرا صوبہ ہے جہاں شامی فوج اور داعش کے دستوں کے درمیان وسیع پیمانے پرلڑائیاں ہو رہی ہیں۔
داعش شام کے شہر حلب سے عراق کے شمال مغربی شہر موصل تک پھیلے ہوئے وسیع علاقے اپنے کنٹرول میں لے چکا ہے۔