تامل ناڈو : بھارت میں پولیس کو ایک گھر سے ماں اور اس کے تین سالہ دو جڑواں بیٹوں کی جلی ہوئیں لاشیں ملی ہیں، خیال کیا جارہا ہے کہ یہ واقعہ موبائل فون کے پھٹنے کے باعث پیش آیا ہوگا۔
تفصیلات کے مطابق بھارتی ریاست تامل ناڈو کے ضلع کرور میں واقع محلہ رائے نور میں گزشتہ روز موبائل فون میں دھماکے کی وجہ سے ایک گھر میں آگ لگ گئی جس میں جھلس کر ایک ہی خاندان کی ایک خاتون اور اس کے دو جڑواں بچوں کی موت ہوگئی۔
اس حوالے سے پولس ذرائع کا کہنا ہے کہ اس واقعہ کی اطلاع آج صبح ملی جب لوگوں نے گھر سے دھواں نکلتے دیکھا، پولیس نے جائے وقوعہ سے جلا ہوا ایک موبائل فون برآمد کیا ہے جس کے بعد خدشہ ظاہر کیا جا رہا ہے کہ فون کے دھماکے کے بعد ہی گھر میں آگ لگی ہوگی۔
ہلاک ہونے والی خاتون کی شناخت متو لکشمی اور اس کے تین سال کے دو جڑواں بیٹوں دیکشت اور رکشت کے طور پر کی گئی ہے۔ خاتون اپنے شوہر سے علیحدگی کے بعد وہاں رہ رہی تھی۔
پولیس کے مطابق متولکشمی کی ہلاکت جائے وقوعہ پر ہی ہوگئی تھی جبکہ اس کے دونوں بچوں کو نازک حالت میں اسپتال
لے جایا گیا جہاں ڈاکٹروں نے دونوں کو مردہ قرار دیا۔
پولیسا کا مزید کہنا ہے کہ چونکہ مذکورہ خاتون بھاری قرضوں میں ڈوبی ہوئی تھی اس لئے پولیس اس حادثے کے تفتیش خودکشی کو مدنظر رکھتے ہوئے بھی کر رہی ہے۔
