ARYNews.tv | Urdu – Har Lamha Bakhabar

Tag: Tamil Nadu

  • خاتون کی ڈانس کے دوران روح قبض ہوگئی، ویڈیو وائرل

    خاتون کی ڈانس کے دوران روح قبض ہوگئی، ویڈیو وائرل

    بھارتی ریاست تامل ناڈو میں شادی کی خوشیاں ماتم میں تبدیل ہوگئیں، اسٹیج پر ڈانس کے دوران ایک خاتون اچانک گر کر اپنی جان گنوا بیٹھی۔

    بھارتی میڈیا رپورٹس کے مطابق ڈانس کے دوران مرنے والی خاتون کی شناخت 45 سالہ جیوا کے نام سے ہوئی ہے، جو کانچی پورم سے اپنے شوہر کے ساتھ تقریب میں پہنچی تھیں۔

    رپورٹس کے مطابق 45 سالہ جیوا ایک معروف میڈیکل شاپ کے مالک کی اہلیہ تھیں اور ان کے دو بیٹے ہیں، ایک ایم بی بی ایس اور دوسرا فارمیسی کی تعلیم حاصل کررہا ہے۔

     

    View this post on Instagram

     

    A post shared by India Today (@indiatoday)

    واقعہ اس رونما ہوا جب گلوکار حاضرین محفل کو مزید پرجوش بنانے کے لئے اسٹیج پر بلارہے تھے۔ جیوا بھی خوشی خوشی اسٹیج پر چڑھیں اور رقص کے دوران اچانک گر گئی۔ انہیں فوری طور پر اسپتال روانہ کیا گیا، جہاں ڈاکٹروں نے مردہ قرار دے دیا۔

    پرپوزل کیوں ٹھکرایا؟ شادی شدہ شخص نے خاتون کو قتل کردیا

    رپورٹس کے مطابق خوشیوں سے بھرا لمحہ دیکھتے ہی دیکھتے سوگ میں تبدیل ہوگیا، افسوسناک منظر تقریب میں موجود افراد کے کیمروں میں قید ہوگیا۔

  • بھارت کی کئی ریاستوں میں موسلا دھار بارش کا الرٹ جاری

    بھارت کی کئی ریاستوں میں موسلا دھار بارش کا الرٹ جاری

    بھارت کی مختلف ریاستوں میں مون سون کی بارشوں کا آغاز ہوچکا ہے، کیرالہ، کرناٹک، مہاراشٹر، آسام سمیت کئی ریاستوں موسلا دھار بارشیں ہوئیں، ایسے میں محکمہ موسمیات نے کئی ریاستوں کے لیے ریڈ الرٹ جاری کر دیا ہے۔

    غیر ملکی ذرائع ابلاغ کے مطابق بھارت کے محکمہ موسمیات کا کہنا ہے کہ دہلی میں کچھ دنوں تک آسمان میں بادل چھائے رہیں گے جبکہ جبکہ اگلے کچھ دنوں تک ہمالیائی مغربی بنگال اور میگھالیہ، اروناچل پردیش، ناگالینڈ، منی پور، میزورم اور تریپورہ میں شدید بارش متوقع ہے، اس کے علاوہ اتر پردیش، ہریانہ اور پنجاب میں تیز ہوائیں چلنے کا امکان ہے اور گرج و چمک کے ساتھ بارش ہوسکتی ہے۔

    محکمہ موسمیات نے پہاڑی علاقوں میں درمیانی سے شدید بارشوں کا امکان ظاہر کیا ہے جبکہ جموں کشمیرو لداخ میں تیز ہواؤں اور گرج-چمک کے ساتھ بارش کا امکان ہے۔

    رپورٹس کے مطابق ہماچل پردیش، ہریانہ، چنڈی گڑھ اور دہلی میں بھی درمیانی سطح کی بارش کا امکان ہے۔ یکم جون تک ان ریاستوں میں مزید بارشیں ہوسکتی ہیں۔ گجرات، مراٹھواڑہ اور گوا میں بھی درمیانی بارش ہو سکتی ہے جبکہ کیرالہ میں بھی بارش کا امکان ہے۔

    رپورٹس کے مطابق گزشتہ سال مئی کے آخر میں موسم اس کے بالکل برعکس تھا، 31 مئی کو بھی اتر پردیش کے تقریباً 50 ضلعوں میں بارش ہوسکتی ہے، 31 مئی اور 1 جون کو بادل چھائے رہیں گے۔ کئی جگہوں پر 45 سے 55 کلومیٹر فی گھنٹہ کی رفتار سے ہوائیں چل سکتی ہیں۔

    محکمہ موسمیات کے مطابق کئی ضلعوں میں ہلکی سے درمیانی بارش اور تیز ہواؤں کے باعث درجہ حرارت میں کمی ہوسکتی ہے، ویشالی، پٹنہ، سیوان، چھپرہ، بھوجپور اور بکسر کے علاوہ کئی ضلعوں میں آندھی کے ساتھ بارش کا امکان ہے۔

    دوسری جانب نائیجیریا میں موسلادھار بارشوں اور سیلاب کی تباہ کاریاں جاری ہیں، مکانات تباہ، مختلف حادثات میں 100 سے زائد افراد لقمہ اجل بن گئے۔

    وسطی نائیجیریا کے مختلف علاقوں میں شدید بارشوں کے بعد سیلاب نے نظام زندگی درہم برہم کردی اور کم از کم 115 افراد ہلاک ہوگئے جبکہ یہ تعداد مزید بڑھنے کا خدشہ ہے۔

    بھارت: مون سون بارشوں کا پہلا اسپیل، نظام زندگی درہم برہم

    سیلاب بدھ کی رات سے جمعرات کی صبح تک ہونے والی موسلادھار بارشوں کے سبب آیا، جس نے ریاست نائیجر کے کنارے واقع شہر موکوا اور آس پاس کے علاقے شدید متاثر ہوئے۔

  • زہریلی شراب پینے سے ہلاکتوں کی تعداد 57 ہوگئی

    زہریلی شراب پینے سے ہلاکتوں کی تعداد 57 ہوگئی

    بھارت میں کچی زہریلی شراب پینے سے اب تک مرنے والوں کی تعداد 57 تک جا پہنچی جبکہ 117افراد اسپتال میں زندگی اور موت کی کشمکش میں مبتلا ہیں۔

    بھارتی میڈیا رپورٹ کے مطابق تامل ناڈو میں درجنوں افراد اسپتالوں میں داخل ہیں، گزشتہ روز تامل ناڈو کے وزیر اعلیٰ ایم کے اسٹالن نے کہا تھا کہ مقامی طور پر تیار کردہ اس غیر قانونی شراب میں زہریلی میتھانول کی آمیزش پائی گئی جو ہلاکتوں کا سبب بنی۔

    hospital

    خبر کے مطابق گزشتہ ہفتے جنوبی ریاست تامل ناڈو کے ضلع کالا کوریچی میں سینکڑوں لوگوں نے مقامی طور پر تیار کردہ شراب پی جس میں میتھانول ملایا گیا تھا۔ بھارت میں ہر سال سینکڑوں لوگ گلی محلوں میں تیار کی جانے والی سستی الکحل پینے سے مرجاتے ہیں۔

    ہلاکتوں کی اطلاعات سامنے آنے کے بعد پولیس بھی حرکت میں آگئی اور کچی شراب بیچنے والے 4 افراد کو گرفتار کرکے ان کے قبضے سے 200 لیٹر الکوحل برآمد کرلیا ہے جب کہ واقعے کے بعد فوری کارروائی کرتے ہوئے 10 افسران کو بھی معطل کردیا گیا ہے۔

    شراب

    واضح رہے کہ گزشتہ سال مشرقی بھارتی ریاست بہار میں بھی زہریلی شراب نے کم از کم 27 افراد کی جان لے لی تھی جبکہ 2022 میں گجرات میں کم از کم 42 افراد ہلاک ہوئے تھے۔

    بھارتی میڈیا کی رپورٹس کے مطابق ضلع کالاکوریچی میں غریب مزدور باقاعدگی سے پلاسٹک کے تھیلوں میں شراب خریدتے تھے جس کی قیمت 60 روپے تھی جسے پینے کے بعد وہ کام پر جاتے تھے۔

    تامل ناڈو

  • فلمی انتقام، قاتل گینگ کو ایک ایک کر کے مارنے والا آخری قتل کرتے ہوئے گرفتار

    فلمی انتقام، قاتل گینگ کو ایک ایک کر کے مارنے والا آخری قتل کرتے ہوئے گرفتار

    چنئی: بھارتی ریاست تمل ناڈو میں ایک شخص نے اپنے بھائی کے قاتلوں کو ایک ایک کر کے قتل کر دیا تاہم گینگ کے آخری شخص کو قتل کرنے سے قبل وہ گرفتار ہو گیا۔

    بھارتی میڈیا رپورٹس کے مطابق تمل ناڈو پولیس نے نمککل کے علاقے سے ایک شخص کو گرفتار کیا ہے، جس نے اپنے بھائی کے قاتلوں سے فلمی انداز میں انتقام لیا، اور 4 سال کے عرصے میں 5 افراد کو مارا۔

    پولیس کا کہنا ہے کہ 42 سالہ سریش کمار کے بھائی گاؤں پنچایت کے صدر ایس وجے کمار کو 2012 میں کُپن، دوریداس، چندرو، سیکر، نتھیانندم اور وینکٹیسن پر مشتمل ایک گروہ نے سڑک پر قتل کر دیا تھا۔ اسی سال سریش کمار نے بھائی کا بدلہ لیتے ہوئے پہلے ملزم کو قتل کیا، کُپن چنئی کے راستے میں تھا جب سریش کمار نے اس کی کار کو روکا اور اسے سڑک پر مار ڈالا۔

    2014 میں اس نے گینڈی میں دوریداس کو قتل کیا، اسی سال کے آخر میں نتھیانندم کو اس کے گھر کے باہر قتل کر دیا، اور 2015 میں اس نے چنئی جا کر چندرو کو بھی قتل کر دیا، اس سے اگلے سال سیکر کو چنگل پیٹ ضلع میں دن دہاڑے قتل کر دیا۔

    دل چسپ بات یہ ہے کہ سریش کمار کو قتل کے پانچوں مقدمات میں گرفتار کیا گیا تھا، لیکن وہ ہر بار ضمانت پر باہر آیا اور روپوش ہو گیا، عدالت میں حاضری میں ناکامی پر پولیس نے سریش کمار کے خلاف عدالت سے تین ناقابل ضمانت وارنٹ بھی حاصل کیے۔

    لڑکے نے 50 روپے کی بریانی کے لیے مقتول کو 60 بار چاقو مارا

    سریش کمار نے پانچ افراد کو قتل کر دیا تھا تاہم سریش کے خوف سے گینگ کا آخری رکن وینکٹیسن روپوش ہو گیا تھا، حال ہی میں پولیس کو اطلاع ملی کہ وینکٹیسن نمککل میں چھپا ہوا ہے اور سریش کمار بھی اسے قتل کرنے کے لیے وہاں پہنچ گیا ہے، جس پر جمعہ کو ایک خصوصی ٹیم نمککل پہنچی اور سریش کمار کے ٹھکانے کو گھیرے میں لے کر اسے گرفتار کیا گیا اور چنئی لا کر عدالتی حراست میں بھیج دیا گیا۔

    سریش کمار کو اس وقت قتل کے پانچ مقدمات کا سامنا ہے، چھٹے حملے کی منصوبہ بندی کرتے ہوئے اسے گرفتار کیا گیا۔ پولیس حکام کے مطابق وہ اپنے بھائی کے قتل کا بدلہ لینے کی کوشش کر رہا تھا جس کا 11 سال قبل قتل کیا گیا تھا۔

  • بیٹے کی موت : والدین نے ایسا کام کردیا کہ دیکھنے والے بھی رو پڑے

    بیٹے کی موت : والدین نے ایسا کام کردیا کہ دیکھنے والے بھی رو پڑے

    تامل ناڈو : بھارت میں بے بس والدین نے اپنے بیٹے کی موت کے بعد اس کی یادیں زندہ رکھنے کیلیے ایسا کام کیا کہ دیکھنے والے بھی غمزدہ ہوگئے۔

    کسی بھی حادثے میں اپنے پیارے کو کھودینا یقینی طور پر سب سے زیادہ تکلیف دہ چیز ہے جس سے کوئی بھی گزر سکتا ہے، اس نقصان سے زندگی میں جوخلاء پیدا ہوجاتا ہے وہ کبھی پورا نہیں ہوسکتا۔

    ہر انسان اپنے عزیز کی موت کے بعد اس کا غم اپنے انداز سے مناتا ہے جس سے اس کی اس م،رحوم سے محبت کا اندازہ لگایا جاسکتا ہے۔

    silicone statue of boy

    کچھ ایسا ہی بھارتی ریاست تامل ناڈو میں ہوا کہ جہاں ایک خاندان نے ٹریفک حادثے میں اپنے پیارے بیٹے کوکھونے کے بعد اس بات کو یقینی بنایا کہ وہ اس کی غیرموجودگی کو کبھی محسوس نہیں ہونے دیں گے۔

    پنڈ دورائی نامی 24 سالہ نوجوان سال 2020میں ایک سڑک حادثے میں اپنی جان گنوا بیٹھا اس کی موت کی اطلاع والدین کیلیے کسی قیامت سے کم نہیں تھی۔

    statue of boy

    کئی دن اس غم میں مبتلا رہنے کے بعد جب خاندان کے افراد نے اس حقیقت سے سمجھوتہ کرلیا کہ پنڈ دورائی اب ان کے ساتھ نہیں رہا تو انہوں نے اس کی یادوں کو محفوظ رکھنے کیلئے اس کا مجسمہ بنوا لیا۔

    والدین نے اس کا مجسمہ اس کے کمرے میں رکھوا لیا ہے جہاں وہ اکثر بیٹھ کر ٹی وی دیکھا کرتا تھا، نوجوان کے والد کا کہنا تھا کہ میں اب خوش ہوں کہ میں اپنے بیٹے کو دیکھ سکتا ہوں، حالانکہ یہ ایک سیلیکون سے بنا مجسمہ ہے۔

    متوفی کی والدہ کا کہنا تھا کہ ان کا بیٹا ہمیشہ کمرے میں ٹیلی ویژن دیکھتے ہوئے دیکھا جاتا تھا لہذا یہ مناسب اقدام تھا کہ اس کے مجسمے کو اسی کمرے میں رکھا جائے۔

  • بھارت: "ڈائنو سار کے انڈوں” کی وائرل تصاویر، حقیقت کیا ہے؟

    بھارت: "ڈائنو سار کے انڈوں” کی وائرل تصاویر، حقیقت کیا ہے؟

    نئی دہلی: بھارت میں سوشل میڈیا پر وائرل "ڈائنو سار کے انڈوں "کی تصاویر اور کہانیوں کی حقیقت سامنے آگئی، ماہرین نے مذکورہ شے کو ایک قدیم آبی جاندار کی رکازیات قرار دے دیا۔

    بھارتی ریاست تامل ناڈو میں دریافت ہونے والی مذکورہ شے کو ڈائنو سار کے انڈے کہا جارہا تھا اور اس کی تصاویر اور اس سے جڑی مختلف کہانیاں سوشل میڈیا پر وائرل تھیں۔

    بیضوی شکل کی یہ شے تامل ناڈو کے ایک قصبے میں زیر زمین ٹینک سے برآمد ہوئی تھی۔ بعد ازاں چند مقامی ماہرین ارضیات اور آثار قدیمہ نے مذکورہ جگہ کا دورہ کیا۔

    ماہرین نے اس بیضوی شے کو ایک قدیم آبی جاندار امونائٹ کی باقیات قرار دے دیا۔

    ماہرین کا کہنا تھا کہ امونائٹ کی باقیات اکثر جگہوں پر جمع ہوجاتی ہے اور اس کے بننے کی وجہ کسی مقام پر اس کا لاکھوں سال تک موجود رہنا ہے۔

    اسے اکثر ڈائنو سار کے انڈے سمجھا جاتا ہے۔ مذکورہ آبی جانور امونائٹ 41 کروڑ سال قبل ہماری زمین پر موجود ہوا کرتا تھا۔

    اسی مقام سے ماہرین نے ایک قدیم درخت کی رکازیات بھی دریافت کیں، ان رکازیات کی لمبائی 7 فٹ تھی اور ماہرین کے مطابق درخت اپنی اصل حالت میں 20 فٹ تک اونچا رہا ہوگا۔

    اس سے قبل بھی ریاست اتر کھنڈ میں ایک بندر نما جاندار کی 1 کروڑ 30 لاکھ سال قدیم رکازیات دریافت ہوئی تھیں۔

  • بھارت کے ایک اسپتال میں نرس کا نوزائیدہ بچوں کی فروخت کا انکشاف

    بھارت کے ایک اسپتال میں نرس کا نوزائیدہ بچوں کی فروخت کا انکشاف

    نئی دہلی : بھارتی ریاست تامل ناڈو میں نوزائیدہ بچوں کی فروخت کا مکروہ دھندہ سامنے آگیا، ایک نرس نے انکشاف کیا ہے کہ وہ گزشتہ 30 برس سے شیر خوار بچوں کو فروخت کررہی ہے۔

    تفصیلات کے مطابق بھارت کی ریاست تامل ناڈو کی ایک خاتون نے بچوں کی فروخت سے متعلق ہولناک انکشافات کیے ہیں، سماجی رابطوں کی ویب سائٹس پروائرل ہونے والی ایک آڈیو کلپ میں ایک بھارتی نرس نے انکشاف کیا کہ وہ گزشتہ 30سال سے شیرخوار بچے بغیر کسی دشواری کے فروخت کررہی ہے۔

    نرس کا کہنا تھا اس کام میں ان کا 30 سالہ تجربہ ہے، آڈیو کلپ کے وائرل ہوتے ہی تامیل ناڈو کے سیکرٹری صحت بیلا راجیش نے محکمہ صحت اور دیہی بہبود کے ڈائر یکٹر کو معاملے میں نظرثانی کا حکم جاری کردیا۔

    خاتون نے آڈیو کلپ میں بتایا کہ ’اگر آپ کو لڑکی کی چاہیے‘ تو اس کی قیمت 2 لاکھ 70 ہزار ہے اور اگر بچی تین کلو کے برابر ہو، رنگ صاف ہو تو اس کی قیمت تین لاکھ روپے ہوگی۔

    دوسری جانب نرس خاتون نے بتایا کہ اگر آپ کو نوزائیدہ لڑکا چاہیے تو اس کی قیمت 3 لاکھ روپے جبکہ خوبصورت اور صاف رنگ کے لڑکوں کی قیمت ساڑھے 3 سے 4 لاکھ ہوگی۔

    بھارتی خبر رساں ادارے کا کہنا تھا کہ صرف یہی نہیں بلکہ خاتون نے یہ بھی بتایا کہ وہ 70 ہزار روپے میں برتھ سرٹیفیکٹ بھی بنوا کر دیتی ہے۔

    تامیل پولیس کے مطابق یہ خاتون بھارت کے ایک سرکاری اسپتال کی سابقہ نرس ہے جسے اسپتال کے عملے کے ساتھ مل کر بچوں کی فروخت میں ملوث ہونے کے الزام میں نوکری سے نکالا گیا تھا۔

    میڈیا رپورٹس کے مطابق تامیل ناڈو پولیس وائرل آڈیو کلپ کی مزید تحقیقات میں مصروف ہے۔

  • بھارتی الیکشن، ووٹ خریدنے کیلئے رکھی گئی 1 کروڑ روپے سے زائد کی رقم برآمد

    بھارتی الیکشن، ووٹ خریدنے کیلئے رکھی گئی 1 کروڑ روپے سے زائد کی رقم برآمد

    نئی دہلی : بھارت کے عام انتخابات میں الیکشن کمیشن کی نگرانی ٹیم اور محکمہ انکم ٹیکس کے تامل ناڈو کے ایک حلقے میں مشترکہ چھاپے میں ایک دکان سے ووٹرز میں تقسیم کےلئے رکھے گئے ایک کروڑ 48 لاکھ بھارتی روپے برآمد کرلیے۔

    تفصیلات کے مطابق ان دنوں بھارت میں لوک سبھا کے الیکشن جاری ہیں جس میں کامیابی کےلیے انتخابات میں حصّہ لینے والی سیاسی جماعتیں مختلف ہتھکنڈے اپنا رہی ہیں، بھارتی ریاست تامل ناڈو میں لوک سبھا کے حلقے تھینی میں واقع ایک دکان سے تقریباً ڈیڑھ کروڑ روپے برآمد کیے ہیں جو ووٹرز میں تقسیم کرنے تھے۔

    مقامی خبر رساں ادارے کا کہنا تھا کہ مذکورہ دکان کو مبینہ طور پر تامل ناڈو کی ایک سیاسی جماعت (اے ایم ایم کے) کا ہمدرد چلاتا تھا۔

    بھارتی میڈیا کے مطابق چھاپے کے دوران اس کارروائی پر اعتراض کرنے والے سیاسی جماعت کے ہمدردوں کو منتشر کرنے کےلئے اہلکاروں کو ہوائی فائر بھی کرنے پڑی۔

    سینئر عہدیدار نے بتایا کہ فائرنگ سے کوئی زخمی نہیں ہوا اور سیاسی جماعت کے 4 کارکنان کو اس سے تعلق کے شبے میں گرفتار بھی کیا گیا، ٹیم نے عمارت میں نقد رقم چھپائے جانے کی اطلاع پر چھاپہ مارا تاہم دکان کا مالک موقع سے فرار ہونے میں کامیاب ہوگیا۔

    حکام کے مطابق قبضے میں لی گئی نقد رقوم کے پیکٹس پر ووٹرز کے نام، وارڈ نمبر درج تھے اور ہر پیکٹ پر 3 سو بھارتی روپے لکھا گیا تھا۔

    غیر ملکی میڈیا کا کہنا ہے کہ اس سے قبل الیکشن کمیشن نے غیر قانونی رقم کے ذریعے ووٹرز کو لالچ دینے کے الزام پر ویلور کے پارلیمانی حلقے میں بھی انتخابات ملتوی کردیے تھے۔

    مزید پڑھیں : بھارت میں انتخابات کے دوسرے مرحلے میں ووٹنگ جاری

    یاد رہے کہ بھارت میں لوک سبھا کے انتخابات کے لیے پولنگ کے دوسرے مرحلے میں (آج) ووٹنگ کا عمل جاری ہے، ملک کی 13 ریاستوں کی 97 نشستوں پر عوام اپنے ووٹ کا حق استعمال کررہے ہیں۔ انتخابات میں 90 کروڑ ووٹر حق رائے دہی استعمال کررہے ہیں، یہ تعداد امریکا اور یورپی یونین کی مجموعی آبادی سے بھی زیادہ ہے۔

    خیال رہے کہ بھارت میں لوک سبھا کی 543 نشستوں کے لیے مرحلہ وار انتخابات کا انعقاد کیا جارہا ہے، اب تک ایک مرحلہ ہوا جس میں دورانِ ووٹنگ پرتشدد واقعات میں 4 افراد ہلاک جبکہ متعدد زخمی ہوئے۔

  • بھارت: آئی پی ایل میچز رکوانے کے لیے سیکڑوں افراد کا احتجاج

    بھارت: آئی پی ایل میچز رکوانے کے لیے سیکڑوں افراد کا احتجاج

    نئی دہلی: بھارتی شہر چنائی میں شہری انڈین پریمئر لیگ (آئی پی ایل) کے خلاف میں میدان آگئے، انہوں نے مطالبہ کیا ہے کہ حکومت پہلے پانی کے مسئلے کو حل کرے بعد میں کرکٹ ٹورنامنٹ کا انعقاد کیا جائے۔

    بھارتی میڈیا کے مطابق ریاست چنائی میں پانی کی عدم فراہمی کے خلاف سیکڑوں افراد نے مظاہرہ کیا اور مطالبہ کیا کہ آئی پی ایل کے میچز کو فی الفور روک کر پانی کے مسئلے کو حل کیا جائے، مظاہرین کی قیادت بالی ووڈ کے معروف اداکار رجنی کانت کررہے تھے جو اب باقاعدہ سیاسی میدان میں اتر چکے ہیں۔

    ہاتھوں میں کالے غبارے تھامے اور سیاہ کپڑوں میں ملبوس شہری اُس وقت  اسٹیڈیم کے باہر جمع ہوئے کہ جس روز چنائی سپر کنگ اور کلکتہ نائٹ رائڈز کے مابین مقابلہ ہونا تھا۔

    ریاست تامل ناڈو سے تعلق رکھنے والے شرکاء نے حکومت کے خلاف نعرے بازی کرتے ہوئے مطالبہ کیا کہ جو وسائل میچ کے لیے استعمال کیے جارہے ہیں اُن کو عوام کی بنیادی ضروریات کے لیے بھی پورا کیا جاسکتا ہے۔

    مظاہرین نے مطالبہ کیا کہ کرناٹک کے لیے جانے والے دریا سے جنوبی بھارت کو بھی پانی فراہم کیا جائے تاہم اگر ایسا نہ کیا گیا تو آئی پی ایل کے میچز کا انعقاد حکومت کے لیے مشکل ہوجائے گا۔

    دوسری جانب دھرنوں اور احتجاجی مظاہروں کے پیش نظر حکومت نے آئی پی ایل انتظامیہ کو مشورہ دیا ہے کہ وہ بقیہ چینائی میں ہونے والے میچز کو کسی دوسرے شہر منتقل کرلیں۔

    تامل ناڈو پولیس کے ترجمان کا فرانسیسی خبر رساں ادارے سے بات کرتے ہوئے کہنا تھا کہ ’کسی بھی ناخوشگوار واقعے سے نمٹنے کے لیے اسٹیڈیم اور اطراف میں 4 ہزار سے زائد پولیس اہلکار تعینات کیے گئے ہیں‘۔

    اُن کا کہنا تھا کہ ’ہماری کوشش ہے کہ 10 اپریل اور 20 مئی کو چنائی میں ہونے والے میچز اپنے شیڈول کے مطابق کھیلے جائیں تاہم احتیاط کے طور پر متبادل انتظام بھی بے حد ضروری ہے‘۔

    بھارتی کرکٹ بورڈ کے ترجمان نے الزام عائد کیا ہے کہ کچھ سیاستدان اپنی سیاست کے چکر میں پورے ایونٹ کو خراب کرنا چاہتے ہیں جو کسی بھی صورت قابل قبول نہیں ہے، اس ضمن میں تمام تر وسائل بروئے کار لاکر میچز کا انعقاد کروانے کی ہر ممکن کوشش کی جائے گی‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں