ARYNews.tv | Urdu – Har Lamha Bakhabar

Tag: tando alahyar

  • سندھ ہائیکورٹ کا پولیس افسران و اہلکاروں کیخلاف مقدمہ درج کرنے کا حکم

    سندھ ہائیکورٹ کا پولیس افسران و اہلکاروں کیخلاف مقدمہ درج کرنے کا حکم

    کراچی : سندھ ہائی کورٹ نے ٹنڈوالہ یار کے پولیس افسران و اہلکاروں کیخلاف لوٹ مار کا مقدمہ درج کرنے کا حکم دے دیا ہے۔

    تفصیلات کے مطابق عوام کے محافظ اور قانوں کے رکھوالوں پر سندھ ہائی کورٹ کراچی کے حکم پر سابق ایس ایس پی ٹنڈوالہ یار جاوید بلوچ سمیت چھ پولیس افسران اور دو پولیس اہلکاروں کے خلاف ٹنڈوالہ یار کے بی سیکشن تھانے میں مقدمہ درج کرلیا گیا۔

    سندھ ہائی کورٹ کے حکم پر دو سال قبل پشاور آرمری پر مبینہ غیر قانونی چھاپے کا مقدمہ فریادی ارشاد علی راجپوت کی فریاد پر سابق ایس ایس پی ٹنڈوالہ یار جاوید بلوچ ،سی آئی اے انچارج حیدرآباد منیر عباسی ،سابقہ سی ،آئی ،اے انچارج ٹنڈوالہ یار انور لاکھو ،سابق بی سیکشن ایس ایچ او مظھر مہندی ،سی آئی اے اسپیکٹر غلام حسین میرانی ،اے ایس آئی ظھیراحمد گاہو،کانسٹیبل غلام مصطفی کانسٹیبل علی احمد پر 395/220-34 پی پی سی کے قانون کے ایکٹ کے تحت مقدمہ درج کیا گیا ہے۔

    ایف آئی آر میں فریادی ارشاد راجپوت نے اپنا بیان میں کہا ہے کہ 17.06.2014 کو رات کے وقت مذکورہ پولیس افسران و اہلکاروں نے ہماری بکیرا روڈ پر قائم پشاور آرمری پر مبینہ طور پرغیر قانونی چھاپہ مار کر ہماری دکان میں موجود بھاری مقدار میں رجسٹرڈ اسلحہ ،اسلحے کے لائسنس ،اور سولہ لاکھ بتیس ہزار چار سو روپے لوٹ کر لے گئے۔ جس کا مقدمہ سندھ ہائی کورٹ کے حکم پر آج درج کیا گیا ہے۔

     

  • نیب کی کارروائیاں صرف سندھ تک کیوں محدود ہیں، مولا بخش چانڈیو

    نیب کی کارروائیاں صرف سندھ تک کیوں محدود ہیں، مولا بخش چانڈیو

    ٹنڈوالہیار: مشیر اطلاعات سندھ مولا بخش چانڈیو نے کہا ہے کہ ڈاکٹرفاروق ستارنے صفائی مہم کے دوران دھمکیاں دیں ۔ان کا کہنا تھا کہ نیب کی کارروائیاں صرف سندھ تک کیوں محدود ہیں پنجاب کیا دودھ کا دھلا ہے۔

    ان خیالات کا اظہار انہوں نے ٹنڈو الہ یارمیں صحافیوں سے گفتگو کرتے ہوئے کیا، مولا بخش چانڈیو ایم کیوایم پر گرجتے برستے رہے۔

    ان کا کہنا تھا کہ کیا آفاق احمد اورعامرخان کی وفادارایاں پیپلز پارٹی نے تبدیل کرائیں تھیں؟ ہم کسی کی وفاداری تبدیل نہیں کرا رہے، ایم کیوایم پیپلزپارٹی پراعتراضات کے بجائے اپنے معاملات دیکھے۔

    ان کا کہنا تھا کہ ڈاکٹرفاروق ستارنے صفائی مہم میں دھمکیاں دیں، ایم کیو ایم اپنے قیدی کارکنان پر تشدد کی باتیں اپنی ناکامی کو چھپانے کے لئے کررہی ہے۔

    نیب پر تیربرساتے ہوئے ان کا کہنا تھا کہ پنجاب میں کارروائیاں کی جائیں تو وفاق کی چیخیں نکل جاتی ہیں، نیب سندھ میں کارروائی کرے تو سب ٹھیک ہے کا راگ الاپا جاتا ہے اورپنجاب میں جائے تو پھر اعتراضات شروع ہوجاتے ہیں۔

    پنجاب کے حکمران نیب کے اختیارات سے کیوں ڈر رہے ہیں، پنجاب میں نیب کی کارروائی سے ظاہر ہوتا ہے کہ کس کی دم پر کس کا پاؤں ہے۔

    رینجرزکی جانب سے الگ تھانوں کے قیام کے مطالبے کو انہوں جمہوری اور آئینی راستوں کو بند کے کرنے مترادف قرار دیا۔