ARYNews.tv | Urdu – Har Lamha Bakhabar

Tag: tarbela dam

  • این ڈی ایم اے کا تربیلا ڈیم کے اسپل ویز آج کھولنے کا فیصلہ

    این ڈی ایم اے کا تربیلا ڈیم کے اسپل ویز آج کھولنے کا فیصلہ

    اسلام آباد (25 اگست 2025): این ڈی ایم اے نے تربیلا ڈیم کے اسپل ویز آج کھولنے کا فیصلہ کیا ہے۔

    این ڈی ایم اے سے جاری اطلاع کے مطابق آج تربیلا ڈیم کے اسپل ویز کھولے جائیں گے، جس کے باعث 2 لاکھ 50 ہزار کیوسک تک پانی کے بہاؤ کا امکان ہے۔

    اسپل ویز کھلنے سے دریائے سندھ میں پانی کے بہاؤ میں اضافے کا خدشہ ہے، اس لیے قریبی علاقوں کے مکینوں کو محتاط رہنے کی ہدایت کر دی گئی ہے۔ این ڈی ایم اے نے تمام متعلقہ اداروں کو پیشگی آگاہ کر دیا ہے۔

    این ڈی ایم اے کا کہنا ہے کہ نشیبی علاقوں کے مکین آبی گزرگاہوں کے قریب جانے سے گریز کریں، اور مقامی انتظامیہ سے تعاون اور احتیاطی تدابیر اختیار کریں۔

    کلاؤڈ برسٹ سے مکئی کی فصل کو شدید نقصان

    محکمہ انہار کے مطابق دریائے چناب میں قادر آباد کے مقام پر پانی کی سطح میں بتدریج اضافہ ہو رہا ہے، قادر آباد بیراج کے مقام پر پانی کی آمد 108724 کیوسک ہے، اور پانی کا اخراج 91724 کیوسک ہے۔

    سیالکوٹ کی ضلعی انتظامیہ کے مطابق دریائے جموں توی میں پانی کا اخراج 18 ہزار 467 کیوسک ریکارڈ کیا گیا ہے، سیلابی صورت حال میں 18 موضع جات متاثر ہونے کا خدشہ بڑھ گیا ہے، ممکنہ سیلاب میں 5 ہزار 47 افراد کے بے گھر یا متاثر ہونے کا خدشہ ہے، سیلاب سے ندالہ، سید پور، چک سلہریاں، ابدال، چک بالو صالح پور زد میں آ سکتے ہیں۔

  • تربیلہ ڈیم میں پانی کی سطح سے متعلق بڑی خبر

    تربیلہ ڈیم میں پانی کی سطح سے متعلق بڑی خبر

    ہری پور : شمالی علاقہ جات میں گلیشئر پگھلنے اور بارشوں سے تربیلہ ڈیم میں پانی کی آمد بڑھنے لگی اور اس میں مسلسل اضافہ ہو رہا ہے۔

    اے آر وائی نیوز کی رپورٹ کے مطابق اس حوالے سے ترجمان تربیلہ ڈیم کا کہنا ہے کہ ڈیم میں پانی کا ذخیرہ ڈیڈ لیول سے 67 فٹ بلند ہوگیا۔

     ڈیم میں پانی کی سطح1469.73فٹ ریکارڈ کی گئی، ڈیم کا ڈیڈ لیول1402فٹ اور پانی ذخیرہ کرنے کی گنجائش1550فٹ ہے۔

    ترجمان کا کہنا ہے کہ ڈیم میں پانی کی آمد 151800 کیوسک ریکارڈ کی گی ہے جبکہ ڈیم سے پانی کا اخراج140000کیوسک ہے۔

    مزید پڑھیں : منگلہ اور تربیلہ ڈیم 85 فیصد سے زائد پانی سے بھرگئے

    انہوں نے بتایا کہ اس وقت بجلی کے17پیداواری یونٹ کام کررہے ہیں، جن سے2694میگاواٹ بجلی بنائی جارہی ہے، ڈیم کے پاور ہاؤس میں لگے17پیداواری یونٹ4888میگا واٹ بجلی بنانے کی صلاحیت رکھتے ہیں۔

  • تربیلا ڈیم سے بجلی کی پیداوار بند

    تربیلا ڈیم سے بجلی کی پیداوار بند

    لاہور: تربیلا ڈیم میں سلٹ آنے سے بجلی کی پیداوار بند ہوگئی، سلٹ سے مشینری کو نقصان پہنچنے کا خدشہ ہے، لاہور سمیت پنجاب بھر میں غیر اعلانیہ لوڈشیڈنگ پہلے ہی بڑھ چکی ہے۔

    تفصیلات کے مطابق تربیلا ڈیم میں سلٹ آنے سے بجلی کی پیداوار بند ہوگئی، ذرائع کا کہنا ہے کہ سلٹ سے مشینری کو نقصان پہنچنے کا خدشہ ہے۔

    ذرائع کا کہنا ہے کہ ملک میں بجلی کا بحران شدت اختیار کر چکا ہے، تربیلا سے 3 ہزار میگا واٹ پیداوار میں کمی کا سامنا ہے۔

    ذرائع کے مطابق مجموعی شارٹ فال 6 ہزار میگا واٹ سے زائد ہوگیا جس کے بعد لاہور سمیت پنجاب بھر میں غیر اعلانیہ لوڈشیڈنگ بڑھ گئی ہے۔ تربیلا سے پیداوار آنے میں 2 دن کا وقت لگے گا۔

    لیسکو حکام کا کہنا ہے کہ لیسکو میں بجلی کی طلب 5 ہزار میگا واٹ سے تجاوز کر گئی، بجلی کی سپلائی 4 ہزار میگا واٹ کے قریب ہے۔

  • تربیلا ڈیم میں کشتی الٹ گئی، 50 سے زائد افراد ڈوب گئے

    تربیلا ڈیم میں کشتی الٹ گئی، 50 سے زائد افراد ڈوب گئے

    ہری پور: خیبرپختونخوا میں واقع تربیلا ڈیم میں مسافروں سے بھری کشتی الٹنے سے متعدد افراد ڈوب گئے، ہلاکتوں کا اندیشہ ہے ، پاک فوج کی ٹیم ریسکیو آپریشن کے لیے روانہ ہوگئی۔

    تفصیلات کے مطابق یہ واقعہ آج بروز بدھ صبح 11 بجے کے قریب ناڑہ امازئی تھانے کے حدود میں برگ کے مقام پر پیش آیا۔ مقامی انتظامیہ کے مطابق ڈوبنے والی کشتی پر 50 سے 60 افراد سوار تھے جن میں عورتیں اور بچے بھی شامل ہیں۔

    انتظامیہ کے مطابق ڈوبنےوالےمسافروں کونکالنےکیلئےپاک فوج کی مددطلب کرلی گئی ہے، ریسکیو ٹیم غازی بیس سے ہیلی کاپٹر کے ذریعے جائے وقوعہ کی جانب روانہ کردی گئی ہے۔

    پولیس کے مطابق یہ کشتی طورغر سے ہری پور جا رہی تھی اور راستے میں ممکنہ طور پر بھنور میں پھنس کر الٹ گئی۔ پولیس حکام کے مطابق ڈوبنے والے افراد مقامی دیہات سے تعلق رکھتے ہیں۔

    کشتی الٹنے کے بعد مقامی افراد نے اپنی مدد آپ کے تحت دس کے قریب افراد کو بچایا ہے جبکہ تین افراد کی لاشیں بھی نکال لی گئی ہیں جن ایک دس سالہ بچی بھی شامل ہے۔

    خیال رہے کہ طورغر اور اس کے قریبی علاقوں کے لوگ موسمِ گرما میں تربیلا ڈیم میں پانی آنے کے بعد ہری پور تک رسائی کے لیے کشتیوں کا استعمال کرتے ہیں کیونکہ پانی پر سفر کا دورانیہ سڑک کے مقابلے میں کم ہے۔ ان کشتیوں پر لوگ اپنے مویشیوں کو بھی خریدوفروخت کی غرض سے ساتھ لے جاتے ہیں اور ابتدائی اطلاعات کے مطابق ڈوبنے والی کشتی پر بھی مویشی موجود تھے۔
    جس جگہ کشتی ڈوبی اس کے اردگرد پہاڑی علاقہ ہے اور وہاں تک کا زمینی راستہ بہت دشوار گزار ہے جبکہ کشتی میں بھی وہاں پہنچنے میں چار سے پانچ گھنٹے کا وقت درکار ہے۔

  • تربیلا چوتھے توسیعی منصوبے سے بجلی کی پیداوار دوبارہ شروع

    تربیلا چوتھے توسیعی منصوبے سے بجلی کی پیداوار دوبارہ شروع

    اسلام آباد: تربیلا ڈیم کے چوتھے توسیعی منصوبے سے بجلی کی پیداوار دوبارہ شروع ہوگئی، اس منصوبے کی کُل صلاحیت 1410 میگا واٹ ہے۔

    تفصیلات کے مطابق واپڈا کی طرف جاری اعلامیے میں کہا گیا ہے کہ تربیلا ڈیم کے چوتھے توسیعی منصوبے نے بجلی کے پیداواری عمل میں اپنا حصہ ڈالنا شروع کر دیا ہے۔

    واپڈا کے مطابق تربیلا کے یونٹ نمبر 16 سے پیدا ہونے والی بجلی نیشنل گرڈ کو مہیا کی جا رہی ہے، اس کے دوسرے گیٹ کو بھی آج اٹھا لیا گیا ہے۔

    واپڈا کا کہنا ہے ’دوسرا گیٹ لفٹ کرنے کے بعد بجلی کے پیداواری عمل کا از سرِ نو آغاز کیا جا چکا ہے، چند روز میں باقی 2 یونٹس سے بھی بجلی کا پیداواری عمل شروع کر دیا جائے گا۔‘

    خیال رہے کہ رواں سال فروری میں تربیلا ڈیم کے چوتھے توسیعی منصوبے کے پہلے یونٹ سے بجلی کی پیداوار شروع ہوگئی تھی، یہ منصوبہ 92 کروڑ لاگت پر مشتمل ہے جس کی کُل صلاحیت 1410 میگا واٹ ہے، یہ اضافی سستی پن بجلی کا منصوبہ ہے۔

    یہ بھی پڑھیں:  تربیلا ڈیم بھر گیا، مزید پانی ذخیرہ کرنے کی گنجائش ختم

    واضح رہے کہ حالیہ بارشوں سے ملک کے دریاؤں اور ڈیموں میں پانی کی مسلسل آمد کی وجہ سے تربیلا ڈیم مکمل طور پر بھر چکا ہے، تربیلا ڈیم میں پانی کی آمد دو لاکھ 25 ہزار 100 کیوسک فٹ ہے جب کہ پانی کا اخراج دو لاکھ 24 ہزار 800 کیوسک فٹ ہے۔

  • تربیلا ڈیم میں قابل استعمال پانی کا ذخیرہ ختم

    تربیلا ڈیم میں قابل استعمال پانی کا ذخیرہ ختم

    اسلام آباد : ملک کے سب سے بڑے ڈیم تربیلا میں پانی کا قابل استعمال ذخیرہ ختم ہونے کے بعد پانی کی سطح ڈیڈ لیول ایک ہزار 386 فٹ پرآگئی ہے۔

    تفصیلات کے مطابق ملک میں پانی کی کمی مزید شدت اختیار کر گئی اور ملک کے سب سے بڑے ڈیم تربیلا میں پانی کا قابل استعمال ذخیرہ ختم ہونے کے بعد پانی کی سطح ڈیڈل لیول پرآگئی ہے۔

    ملک میں بارشوں کی کمی اور گلیشیرز کے نہ پگھلنے سے ملک کے آبی ذخائر جولائی میں بھی بہتر نہ ہوسکے اور آئندہ چند روز میں بارشیں نہ ہوئیں تو صورت حال مزید سنگین ہوسکتی ہے۔

    فلڈ فار کاسٹنگ ڈویژن کے مطابق آج تربیلا میں پانی کی آمد ایک لاکھ ایک ہزار اور اخراج 95 ہزار 500 کیوسک ہے جبکہ منگلا میں پانی کی آمد 39 ہزار اور اخراج 69 ہزار 127 کیوسک ریکارڈ کی گئی ہے۔

    ڈیموں میں پانی کی کمی کے باعث صوبوں کو ملنے والے پانی کی مقدار میں بھی کمی آئے گی اور صرف سندھ کے گڈو، سکھر اور کوٹری بیراج میں پانی کی قلت 40 سے 50 فیصد تک پہنچ جائے گی جس کے باعث چاول سمیت مختلف فصلوں کے متاثرہونے کا خدشہ بڑھ گیا ہے۔

    پاکستان میں سالانہ 25 ارب روپے کا پانی ضائع

    یاد رہے کہ گزشتہ سال جولائی میں واٹر اینڈ پاور ڈویلپمنٹ اتھارٹی (واپڈا) کے چیئرمین لیفٹننٹ جنرل (ر) مزمل حسین نے انکشاف کیا تھا کہ پاکستان میں ہر سال 25 ارب روپے کی مالیت کا پانی ضائع کردیا جاتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

     

  • ملک میں آبی بحران کا خدشہ، تربیلا اور منگلا ڈیم خالی ہونے کے قریب

    ملک میں آبی بحران کا خدشہ، تربیلا اور منگلا ڈیم خالی ہونے کے قریب

    لاہور : دریاؤں کے بہاؤ میں خطرناک حد تک کمی کے بعد ملک میں آبی بحران کا خدشہ پیدا ہوگیا ہے، تربیلا اور منگلاڈیم خالی ہونے کے قریب پہنچ گئے۔

    تفصیلات کے مطابق دریائے سندھ اور جہلم میں پانی کے بہاؤ میں خطرناک حد تک کمی ہوگئی ہے، جس کے بعد ملک میں پانی اور بجلی کے نئے بحران کا خدشہ بڑھ گیا جبکہ تربیلا ڈیم میں پانی کی سطح 1386 اور منگلا میں پانی کی سطح 1050 ڈیڈ لیول پر برقرار ہے۔

    گرمی کی شدت میں اضافہ کے باوجود دریاؤں میں پانی کی آمد میں اضافہ نہیں ہوا، دریائے سندھ اور جہلم سے نکلنے والی متعدد نہریں پانی کی کمی کے باعث یا تو بند ہیں جو چل رہی ہیں انکو پورا پانی فراہم نہیں کیا جا رہا۔

    تربیلا، منگلاڈیم میں پانی کی سطح میں مسلسل کمی سے بجلی کی پیداوارمیں کمی ہورہی ہے ، جس سے لوڈشیڈنگ میں اضافہ ہوسکتا ہے جبکہ پانی کی موجودہ صورتحال برقراررہی توآئندہ فصلوں کوپانی کی کمی کاخدشہ ہے۔

    صوبوں میں پانی کی تقسیم کرنے والے ادارے ارسا نے خبردار کیا ہے کہ آئندہ فصل خریف، کپاس مکئی اور گنے کے لیے صوبوں کو پانی کی کٹوتی میں واضع کمی کی جائے گی۔

    آبی ماہرین کا کہنا ہے کہ گندم کی موجودہ فصل کو بھی پانی کی اشد ضرورت تھی،جو اسے نہیں ملا اور آئندہ فصلوں کی کاشت بھی متاثر ہوگی اور  اگر ڈیمو ں میں پانی ختم ہو گیا تو بجلی کی پیداوار مزید کم ہو جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تربیلا ڈیم میں پانی کی سطح ڈیڈ لیول پر، آج کسی بھی وقت خالی ہو سکتا ہے

    تربیلا ڈیم میں پانی کی سطح ڈیڈ لیول پر، آج کسی بھی وقت خالی ہو سکتا ہے

    لاہور : تربیلا ڈیم میں پانی کی سطح ڈیڈ لیول پر پہنچ گئی، ڈیم آج کسی بھی وقت خالی ہو سکتا ہے۔

    ذرائع کے مطابق تربیلا ڈیم میں پانی کی سطح ڈیڈ لیول پر پہنچ گئی ہے، ڈیم آج کسی بھی وقت خالی ہو سکتا ہے۔ ڈیم میں پانی کی کم سے کم سطح 1380فٹ ہے جبکہ اس وقت تربیلا ڈیم میں صرف 1380.56 فٹ پانی موجود ہے۔ اگر ڈیم خالی ہو گیا تو بجلی کی پیداوار بند اور لوڈشیڈنگ میں اضافہ ہوگا۔

    تربیلا ڈیم میں پانی کی آمد 12 ہزار 400 کیوسک اور اخراج 28 ہزار کیوسک ہے، منگلا ڈیم میں پانی کی آمد 25 ہزار 200 کیوسک اور اخراج 22 ہزار کیوسک ہے۔ اس وقت منگلا ڈیم میں صرف 9 فٹ پانی موجود ہے۔

    مزید پڑھیں : تربیلا اور منگلا ڈیم میں پانی کی سطح میں خطرناک حد تک کمی

    ماہرین کے مطابق اگر ڈیموں میں پانی ختم ہو گیا تو گندم کی فصل میں بڑے پیمانے پر کمی کا اندیشہ ہے، تربیلا ڈیم سے 3 ہزار 478 میگا واٹ کی بجائے صرف 550 میگاواٹ جبکہ منگلا ڈیم سے ایک ہزار کی بجائے صرف 280 میگاواٹ بجلی پیدا ہو رہی ہے۔ اگر ڈیمو ں میں پانی ختم ہو گیا تو بجلی کی پیداوار مزید کم ہو جائے گی۔

  • تربیلا اور منگلا ڈیم میں پانی کی سطح میں خطرناک حد تک کمی

    تربیلا اور منگلا ڈیم میں پانی کی سطح میں خطرناک حد تک کمی

    اسلام آباد : تربیلا اور منگلا ڈیم میں پانی کی سطح ڈیڈ لیول کے قریب پہنچ گئی، آئندہ چند روز کے دوران ملک میں پانی اور بجلی کے نئے بحران کا خدشہ بڑھ گیا۔

    تفصیلات کے مطابق تربیلا اور منگلا ڈیم میں پانی کی سطح میں خطرناک حد تک کم ہو گئی ہے، اگر بالائی علاقوں میں بارشیں نہ ہوئیں تو آئندہ چند روز میں تربیلا اور منگلا ڈیم میں پانی ختم ہو جائے گا۔

    اس وقت تربیلا ڈیم میں پانی کی آمد صرف 13 ہزار 100 کیوسک اور اخراج 28 ہزار کیوسک ہے جبکہ منگلا ڈیم میں پانی کی آمد صرف 19 ہزار 100 کیوسک اور اخراج 22 ہزار کیوسک ہے۔

    ماہرین کے مطابق اگر ڈیموں میں پانی ختم ہو گیا تو گندم کی فصل میں بڑے پیمانے پر کمی کا اندیشہ ہے، تربیلا ڈیم سے 3 ہزار 478 میگا واٹ کی بجائے صرف 550 میگاواٹ جبکہ منگلا ڈیم سے ایک ہزار کی بجائے صرف 280 میگاواٹ بجلی پیدا ہو رہی ہے۔ اگر ڈیمو ں میں پانی ختم ہو گیا تو بجلی کی پیداوار مزید کم ہو جائے گی۔

  • تربیلا اورمنگلا ڈیم میں پانی ذخیرہ کرنے کی گنجائش ختم

    تربیلا اورمنگلا ڈیم میں پانی ذخیرہ کرنے کی گنجائش ختم

    لاہور : تربیلا ڈیم میں پانی ذخیرہ کرنے کی گنجائش بدستور ختم ہوگئی، جبکہ منگلا ڈیم بھی مکمل طور پر پانی سے بھر گیا ہے۔

    ترجمان واپڈا کے مطابق منگلا ڈیم میں پانی کی سطح بارہ سو چالیس فٹ سے زائد تک پہنچ چکی ہے جبکہ اس میں پانی ذخیرہ کرنے کی صلاحیت بھی اتنی ہی ہے۔

    جبکہ تربیلا ڈیم میں پانی ذخیرہ کرنے کی صلاحیت بدستور ختم ہے جہاں پانی کی سطح پندرہ سو پچاس فٹ تک پہنچ چکی ہے۔

    تربیلا ڈیم میں پانی کی آمد دو لاکھ دو ہزار پانچ سو کیوسک اور اخراج دو لاکھ آٹھ ہزار ایک سو کیوسک ہے منگلا ڈیم میں پانی کی آمد انتیس ہزار کیوسک اور اخراج پندرہ ہزار کیوسک ہے۔