Tag: target

  • دوسرا ون ڈے : ویسٹ انڈیز نے پاکستان کو شکست دے دی

    دوسرا ون ڈے : ویسٹ انڈیز نے پاکستان کو شکست دے دی

    ٹاروبا : پاکستان بمقابلہ ویسٹ انڈیز کے دوسرے ون ڈے میں ویسٹ انڈیز نے قومی ٹیم کو باآسانی 5 وکٹوں سے ہرا دیا، ویسٹ انڈیز نے 181 رنز کا ہدف 33.2 اوور میں پورا کردیا۔

    تفصیلات کے مطابق ویسٹ انڈیز نے سیریز کے دوسرے ون ڈے میچ میں پاکستان کو 5 وکٹوں سے شکست دے کر سیریز 1-1 سے برابر کر دی ہے، ویسٹ انڈیز نے مطلوبہ ہدف 5 وکٹوں کے نقصان پر 10 گیندوں قبل ہی حاصل کرلیا۔

    تین ون ڈے میچز کی سیریز کا دوسرا میچ ٹاروبا میں کھیلا گیا جس میں میزبان ویسٹ انڈیز نے پاکستان کے خلاف ٹاس جیت کر فیلڈنگ کا فیصلہ کیا تھا۔

    LIVE SCORE – WI  184/5 (33.2/35)
    Target – 181

    PAK 171/7 (37/40)

    بارش رکنے بعد میچ دوبارہ شروع ہوا تو اسے 35 اوورز تک محدود کردیا گیا پاکستان نے پہلے کھیلتے ہوئے 37 اوور میں7وکٹوں کے نقصان پر171رنز بنائے۔ پاکستان کی اننگز مکمل ہونے کے بعد ڈرک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف دیا گیا تھا۔

    پاکستان کی جانب سے حسن نواز 30گیندوں پر 36 رنز بنا کر ٹاپ اسکورر رہے جبکہ حسین طلعت31، عبداللہ شفیق 26 اور صائم ایوب نے23 رنز بنائے۔

    محمد رضوان16 ،سلمان آغا9 ،محمد نواز5 اور بابر اعظم صفر پر آؤٹ ہوئے، شاہین شاہ آفریدی7گیندیں کھیل کر 11 رنز بنا کر ناٹ آؤٹ رہے۔

    جیڈن سیلز نے 7اوورز میں 23 رنز دے کر 3 وکٹیں حاصل کیں جبکہ روسٹن چیز، شمار جوزف، گڈا کیش موتی اور بلیڈز نے 1،1کھلاڑی کو آؤٹ کیا۔

    Cricket

    ویسٹ انڈیز اننگز :

    پاکستان بمقابلہ ویسٹ انڈیز کے دوسرے ون ڈے میں ویسٹ انڈیز کے کھلاڑیوں نے مجموعی طور پر شاندار کھیل کا مظاہرہ کیا پاکستان کیخلاف ویسٹ انڈیز کی پہلی وکٹ11رنز پر گری، برینڈن کنگ ایک رن بنا کر حسن علی کی بال پر آؤٹ ہوئے۔

    ویسٹ انڈیز کے دوسرے کھلاڑی ایون لوئس 7 رنز بناکر پویلین لوٹ گئے انہیں بھی علی حسن کی بال پر محمد رضوان نے کیچ آؤٹ کیا۔

    ویسٹ انڈیز کی تیسری وکٹ 63 رنز کے مجموعی اسکور پر گری، کیچے کیرٹی 42 بال پر 16 رنز بناکر ابرار احمد کی بال پر آؤٹ ہوکر واپس پویلین چلے گئے۔

    Shai Hope

    ویسٹ انڈیز کے کی چوتھی وکٹ 103 رنز کے مجموعی اسکور پر گری جب شائے ہوپ 35 بالز پر 32 رنز بنا کر آؤٹ ہوئے انہیں محمد نواز کی بال پر محمد رضوان نے اسٹیمپ آؤٹ کیا۔

    ویسٹ انڈیز کے پانچویں بیٹسمین شیرفین رودرفورڈ 33 بالز پر 45 رنز بناکر محمد نواز کی بال پر عبداللہ شفیق کے ہاتھوں کیچ آؤٹ ہوئے۔

    روسٹن چیز 49اور شرفین ردرفورڈ45رنز بنا کر نمایاں رہے۔ پاکستان کی جانب سے حسن علی اور محمد نواز نے 2،2 وکٹیں لیں جبکہ ابرار احمد نے ایک کھلاڑی کو آؤٹ کیا۔

    دونوں ٹیموں کے درمیان 3میچوں کی سیریز 1-1سے برابر ہوگئی ہے، سیریز کا تیسرا اور آخری میچ انتہائی اہمیت کا حامل ہوگا جو منگل کو کھیلا جائے گا۔

    واضح رہے کہ تین ایک روزہ میچوں کی سیریز میں پاکستان کو ایک صفر کی برتری حاصل تھی۔ پہلے میچ میں گرین شرٹس نے ویسٹ انڈیز کو پانچ وکٹوں سے ہرایا تھا۔

    یہ سیریز ویسٹ انڈیز کے لیے انتہائی اہمیت کی حامل ہے۔ میزبان ٹیم اگر سیریز ہاری تو اس کے 2027 کے ون ڈے ورلڈ کپ میں براہ راست رسائی اور میگا ایونٹ کھیلنے کی امیدوں کو دھچکا لگ سکتا ہے۔

  • کراچی کنگز کا زوردار پنچ، ملتان سلطانز کو پلے آف کی دوڑ سے باہر کردیا

    کراچی کنگز کا زوردار پنچ، ملتان سلطانز کو پلے آف کی دوڑ سے باہر کردیا

    کراچی کنگز نے پی ایس ایل 10 کے اہم مقابلے میں ملتان سلطانز کو یکطرفہ طور پر شکست دے کر پلے آف مرحلے کی دوڑ سے باہر کردیا۔

    تفصیلات کے مطابق کراچی کنگز نے پاکستان سپر لیگ کے 20 ویں میچ میں ملتان سلطانز کو 87 رنز کے بڑے مارجن سے شکست دیدی، ملتان کی ٹیم 205 رنز کے ہدف کا تعاقب کرتے ہوئے محض 117 رنز پر ڈھیر ہوگئی۔

    شکست خوردہ ٹیم کے کامران غلام نے سب سے زیادہ 29 رنز اسکور کیے جبکہ یاسر خان 26 رنز بناسکے، کرس جارڈن 14 رنز بناکر ناٹ آئوٹ رہے۔

    کراچی کنگز کے آف اسپنر محمد نبی نے شاندار بولنگ کرتے ہوئے 14 رنز دیکر 3 کھلاڑیوں کو پویلین پہنچایا، خوشدل شاہ کے حصے میں 2 وکٹیں آئیں، عامر جمال، میر حمزہ اور عباس آفریدی نے 1، 1 وکٹ حاصل کی، جیمز ونس کو ان کی شاندر اننگز پر پلیئر آف دی میچ قرار دیا گیا۔

    اس سے قبل ایچ بی ایل پی ایس ایل 10 کے 20ویں میچ میں کراچی کنگز نے پہلے بیٹنگ کرتے ہوئے ملتان سلطانز کو جیت کے لیے 205 رنز کا ہدف دیا۔

     

    View this post on Instagram

     

    A post shared by Pakistan Super League (@thepsl)

    پی ایس ایل میں دنوں ٹیموں کے درمیان ہونے والا میچ لاہور کے قذافی اسٹیڈیم میں کھیلا گیا جہاں کراچی کنگز نے ملتان سلطانز کے خلاف ٹاس جیت کر پہلے بیٹنگ کا فیصلہ کیا۔

    کراچی کنگز  نے 4 وکٹوں کے نقصان پر 204 رنز اسکور کیے، کراچی کنگز کے کھلاڑی جیمز ونس 65 رنز کی شاندار اننگز کھیلی جبکہ عرفان خان نے بھی 40 رنز کی ذمہ دارانہ اننگز کھیلی۔

    کراچی کنگز کے کپتان ڈیوڈ وارنر  نے 30 اور ٹم سائفرٹ نے 22 رنز اسکور کیے جبکہ آل راونڈر خوشدل شاہ نے 33 رنز بنائے، ملتان سلطان کی جانب سے عبید شاہ نے 2، ڈیوڈ ولی اور کرٹس کیمفر  نے ایک ایک وکٹ لی۔

     

    View this post on Instagram

     

    A post shared by Pakistan Super League (@thepsl)

    ملتان سلطان کے خلاف آج کے میچ میں کراچی کنگز کی ٹیم میں دو تبدیلیاں کی گئییں، شان مسعود اور حسن علی کو آج آرام دیا گیا جبکہ ان کی جگہ ٹیم میں عرفان نیازی اور عامر جمال کو شامل کیا گیا۔

    کراچی کنگز اور ملتان سلطانز پی ایس ایل کے آغاز سے اب تک کرکٹ کے میدان میں 15 بار آمنے سامنے آچکے ہیں۔ ملتان سلطانز نے 15 میچوں میں کل سات فتوحات حاصل کی ہیں جبکہ کراچی کنگز نے چھ فتوحات حاصل کیں۔

    واضح رہے کہ گزشتہ روز ایچ بی ایل پاکستان سپر لیگ (پی ایس ایل) 10 کے 19ویں میچ میں لاہور قلندرز نے اسلام آباد یونائیٹڈ کو 88 رنز سے شکست دی تھی۔

  • ٹی20 ورلڈ کپ : جنوبی افریقا نے نیپال کو جیت کیلئے ہدف دے دیا

    ٹی20 ورلڈ کپ : جنوبی افریقا نے نیپال کو جیت کیلئے ہدف دے دیا

    کنگز ٹاؤن : ویسٹ انڈیز میں کھیلے جارہے ٹی ٹوئنٹی ورلڈ کپ کے میچ میں جنوبی افریقا نے نیپال کو 116 رنز کا ہدف دے دیا۔

    تفصیلات کے مطابق ٹی ٹوئنٹی ورلڈ کپ میں آج کے پہلے میچ میں جنوبی افریقا نے نیپال کو جیتنے کیلئے 116 رنز کا ہدف دیدیا،

    میچ کی خاص بات نیپال کے کشال بھرٹیل کی چار وکٹیں ہیں ان کی نپی تلی بالنگ نے جنوبی افریقی بلے بازوں کو 115 تک محدود رکھا۔ ان کے 7 کھلاڑی آؤٹ ہوئے۔

    گروپ ڈی میں شامل سری لنکا اور جنوبی افریقا کی ٹیمیں کنگز ٹاؤن کے آرنس ویل گراؤنڈ میں مدمقابل ہیں، نیپال نے جنوبی افریقا کیخلاف ٹاس جیت کر پہلے فیلڈنگ کا فیصلہ کیا تھا۔

     Kingstown

    آئی سی سی مینز ٹی 20 ورلڈ کپ 2024 کے 31 ویں میچ میں ریزا ہینڈرکس کی 43 رنز کی اننگز کے باوجود جنوبی افریقہ کی ٹیم قابل ذکر اسکور نہ کرسکی۔

    تین میچوں میں کامیابی کے ساتھ جنوبی افریقا کی ٹیم سپر ایٹ مرحلے کیلئے کوالیفائی کرچکی ہے جبکہ نیپال کی ٹیم ورلڈ کپ میں اپنا سفر جاری رکھنے کیلئے جیت کیلئے کوشش کریگی۔

     

    View this post on Instagram

     

    A post shared by ICC (@icc)

    یاد رہے کہ آج کا دوسرا میچ نیوزی لینڈ اور یوگنڈا کی ٹیموں کے درمیان کھیلا جارہا ہے، تیسرا میچ بھارت اور کینیڈا کے درمیان جبکہ آج کا چوتھا میچ انگلینڈ اور نمیبیا کے درمیان کھیلا جائے گا۔

  • قومی ٹیم میں واپسی، حسنین نے اپنا ہدف بتادیا

    قومی ٹیم میں واپسی، حسنین نے اپنا ہدف بتادیا

    بولنگ ایکشن میں درستگی کے بعد فاسٹ بولر محمد حسنین نے اپنا ہدف بتادیا۔

    فاسٹ بولر محمد حسنین نے کہا کہ بولنگ ایکشن کلیئر ہونے پر بے حد خوش ہوں، نئے ایکشن پر کوچز نے انتھک محنت کی، خاص طور پر عمر رشید نے بہت کام کیا، جس کا مجھے فائدہ ہوا۔

    محمد حسنین نے کہا کہ پابندی کے دوران مثبت رہا،کبھی یہ نہیں سوچا کہ دوبارہ کھیل پاؤ گا یا نہیں؟ خود پر یقین تھا کہ بولنگ ایکشن کلیئر کرانے میں کامیاب ہوجاؤگا۔

    بولنگ رفتار میں کمی بیشی سے متعلق سوال پر فاسٹ بولر نے کہا کہ نئے بولنگ ایکشن کی وجہ سے اسپیڈ پر زیادہ فرق نہیں پڑے گا، پریکٹس جاری ہے جب میچز کھیلوں گا تو ساری صورتحال واضح ہوجائے گی۔

    یہ بھی پڑھیں: بولنگ ایکشن کلیئر ہوتے ہی حسنین کو بیرون ملک سے بڑی آفر مل گئی

    فاسٹ بولر کا کہنا تھا کہ میرا اس وقت ایک ہی ٹارگٹ ہے کہ جلد از جلد پاکستان ٹیم میں کم بیک کروں اور پاکستان کے لیے اچھی کارکردگی دوں۔

    واضح رہے کہ رواں ماہ ہی فاسٹ بولر محمد حسنین کو بولنگ کرانے کی اجازت ملی تھی، آسٹریلیا کے ماہرین نے مکمل جانچ پڑتال کے بعد محمد حسنین کا بولنگ ایکشن کلئیر قرار دیا۔

    یاد رہے کہ محمد حسنین کا بولنگ ایکشن رواں برس کے آغاز میں بگ بیش لیگ میں رپورٹ ہوا تھا۔

    پاکستان کی طرف سے 8 ون ڈے انٹرنیشنل اور 18 ٹی 20 انٹرنیشنل میچوں میں مجموعی طور پر 29 وکٹیں حاصل کرنے والے محمد حسنین پاکستان سپرلیگ (پی ایس ایل) کےعلاوہ بگ بیش، کیریبین پریمیئر لیگ اور لنکن پریمئیر لیگ میں بھی حصہ لے چکے ہیں۔

  • آسٹریلیا نے ویسٹ انڈیز کو 8 وکٹوں سے شکست دے دی

    آسٹریلیا نے ویسٹ انڈیز کو 8 وکٹوں سے شکست دے دی

    ابوظبی: ٹی 20 ورلڈ کپ کے سپر 12 مرحلے کے میچ میں آسٹریلیا نے ویسٹ انڈیز کو باآسانی 8 وکٹوں سے شکست دے دی۔

    تفصیلات کے مطابق ابوظبی کے شیخ زید اسٹیڈیم میں کھیلے گئے میچ میں آسٹریلیا نے ویسٹ انڈیز کی جانب سے دیا جانے والا 158 رنز کا ہدف 16.1 اوورز میں 2 وکٹوں کے نقصان پر حاصل کرلیا۔

    اوپنر ڈیوڈ وارنر نے 56 گیندوں پر 89 رنز کی ناقابل شکست اننگز کھیلی ، ان کی اننگز میں 9 چوکے اور چار چھکے شامل تھے۔

    کپتان ایرون فنچ 9 رنز بنا کر آؤٹ ہوئے، مچل مارش نے 53 رنز کی ذمہ دارانہ اننگز کھیلی۔

    ویسٹ اندیز کی جانب سے اکائل حسین اور کرس گیل نے ایک، ایک وکٹ حاصل کی۔

    اس سے قبل ویسٹ انڈیز نے پہلے بیٹنگ کرتے ہوئے مقررہ اوورز میں 7وکٹوں کے نقصان پر 157رنز بنائے اور آسٹریلیا کو جیت کیلئے 158رنز کا ہدف دیا تھا۔

     

    View this post on Instagram

     

    A post shared by ICC T20 World Cup (@t20worldcup)

    ویسٹ انڈیز کی طرف سے کیرون پولارڈ شاندار 44 رنز بنا کر نمایاں رہے جبکہ شمرون 27 رنز بنانے میں کامیاب ہوئے۔

    ویسٹ انڈیز کی جانب سے کرس گیل اور ایون لیوس نے میدان میں اتر کر کھیل کا آغاز کیا ۔ کرس گیل نے 9 گیندوں پر 15 رنز بنائے اور کیومنز کی گیند پر ان سائیڈ ایج کے ذریعے بولڈ ہو گئے۔

     

    View this post on Instagram

     

    A post shared by ICC (@icc)

    ان کے ساتھ آنے والے ایون لیوس نے 26 گیندوں پر 29 رنز کی اننگ کھیلی اور زمپا کی گیند پر اسمتھ کے ہاتھوں کیچ آوٹ ہو کر پولین لوٹ گئے۔ ان کے علاوہ شمرون 27 رنز اور ڈوائن براوو 10 اسکور بنانے میں کامیاب ہوئے اور باؤنڈری کے قریب کیچ آوٹ ہوگئے۔

    آسٹریلیا کی ٹیم میں ڈیوڈ وانر، ایرون فنچ، مچل مارش، سٹیو سمتھ ، گلین میکسویل ، مارکس سٹونس، میتھیو ویڈ ، پیٹ کیومنز، مچل سٹارک ، جوش ہیزل ووڈ، ایڈم زامپاشامل ہیں ۔

    ویسٹ انڈیز کی ٹیم میں کرس گیل، الیون لیوس، نکولس پورن ، روسٹن چیز، شرمون ، ہٹمیئر ، آندرے رسل ، کیرون پولارڈ، جیسن ہولڈر، ڈوائن براوو، اکیل حسین، ہیڈن والش شامل ہیں ۔

  • قومی انسداد پولیو مہم: کتنے بچوں کو قطرے پلائے گئے؟

    قومی انسداد پولیو مہم: کتنے بچوں کو قطرے پلائے گئے؟

    اسلام آباد: قومی انسداد پولیو مہم کا ہدف پورا ہوگیا، پولیو پروگرام کا کہنا ہے کہ رواں سال اب تک 33 ملین سے زائد بچوں کو انسداد پولیو کے قطرے پلائے گئے۔

    تفصیلات کے مطابق پولیو پروگرام پاکستان کا کہنا ہے کہ رواں سال اب تک 33 ملین سے زائد بچوں کو پولیو کے قطرے پلائے گئے، انسداد پولیو مہم 124 اضلاع میں ہوئی۔

    ترجمان پولیو پروگرام کے مطابق 2 لاکھ 25 ہزار صحت تحفظ فرنٹ لائن ورکرز نے مہم میں حصہ لیا، مہم میں کرونا وائرس کی حفاظتی تدابیر پر عمل درآمد کیا گیا۔ عوام کے تعاون سے مہم کا ہدف کامیابی سے حاصل کیا گیا۔

    دوسری جانب معاون خصوصی برائے صحت فیصل سلطان کا کہنا ہے کہ انسداد پولیو کے ہدف کے حصول میں صوبائی حکومتوں کا کردار قابل ستائش ہے، پولیو کے خاتمے کے لیے کامیاب مہمات کی ضرورت ہے۔

    یاد رہے کہ رواں سال اب تک پاکستان میں صرف ایک پولیو کیس رپورٹ ہوا ہے جو بلوچستان میں سامنے آیا تھا۔

  • امریکا کا جلد حزب اللہ کے اتحادیوں پر بھی پابندیاں عائد نے کا عندیہ

    امریکا کا جلد حزب اللہ کے اتحادیوں پر بھی پابندیاں عائد نے کا عندیہ

    بیروت : لبنان کے سیاسی حلقوں کی طرف سے خدشہ ظاہر کیا جا رہا ہے کہ امریکا جلد ہی ایران نواز حزب اللہ ملیشیا کے اتحادیوں پر بھی پابندیاں عاید کر سکتی ہے، امکان ہے کہ دو لبنانی سیاسی جماعتیں اور دو مرکزی وزراء کو بلیک لسٹ کیا جائے۔

    تفصیلات کے مطابق امریکا کی طرف سے لبنانی شیعہ ملیشیا حزب اللہ کی اتحادی نیشنل فریڈم موومنٹ پر اقتصادی پابندیاں عاید کی جاسکتی ہیں،حال ہی میں امریکی وزیرخزانہ کے معاون برائے انسداد دہشت گردی نے لبنانی وزیر خارجہ جبران باسیل پر الزام عاید کیا تھا کہ وہ اپنے عیسائی طرز عمل کو تحفظ دینے کے لیے حزب اللہ کی حمایت کرنے کی کوشش کر رہے ہیں۔

    لبنان کی نیشنل فریڈم پارٹی بھی بلیک لسٹ ہونے والی لبنانی قوتوں میں شامل ہوسکتی ہے، فریڈم پارٹی سے تعلق رکھنے والے جبران باسیل اپنے عیسائی مذہب سے تعلق پر پردہ ڈالنے کے لیے حزب اللہ کی حمایت کر رہے ہیں۔

    اس ضمن میں لبنانی وزیر محنت یوسف فنیانوس، وزیر مملکت برائے صدارتی امورسلیم جریصاتی اور ڈیموکریٹک پارٹی کے سربراہ طلال ارسلان پر حزب اللہ کے ساتھ تعاون کے عہد و پیمان کرنے پر امریکا کی جانب سے بلیک لسٹ کیے جاسکتے ہیں۔

  • رواں برس ٹیکس وصولی کا ہدف 5600 ارب رکھا ہے، فواد چوہدری

    رواں برس ٹیکس وصولی کا ہدف 5600 ارب رکھا ہے، فواد چوہدری

    اسلام آباد : وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ موجودہ حکومت 9.8 ارب ڈالر قرضوں کی مد میں واپس کرچکے ہیں۔

    تفصیلات کے مطابق وفاقی وزیر سائنس اینڈ ٹیکنالوجی فواد چوہدری کی جانب سے بیان دیا گیا ہے کہ موجودہ حکومت کی جانب سے 9 ارب روپے ڈالر سے زائد کی رقم قرضوں کی مد میں واپس کی گئی ہے جس میں 7 ارب قرض اور 2.8 ارب ڈالر سود کی مد میں ادا کیے گئے ہیں۔

    فواد چوہدری کا کہنا تھا کہ ہمارا اصل چیلنج ٹیکس وصولی ہے، اس سال ٹیکس وصولی کا ہدف 5ہزار 6سو ارب رکھا گیا ہے۔

    وفاقی وزیرسائنس اینڈ ٹیکنالوجی نے کہا کہ موجودہ حکومت کے ہوتے ہوئے خارجہ امور میں تبدیلی آرہی ہے، برطانوی شہزادہ اور اہلیہ بھی پاکستان آرہے ہیں جبکہ یورپی یونین اور دیگر ممالک پاکستان کیے لیے ایڈوائزری تبدیل کررہے ہیں۔

    ان کا کہنا تھا کہ وزیر خارجہ نے برسلز میں جو معاہدہ کیا ان میں بڑا حصّہ سائنس اینڈ ٹیکنالوجی کا ہے۔

    فواد چوہدری نے کہا کہ ہمیں امید ہے کہ ہمیں بھارت سے بھی اچھا جواب ملے گا، ایک شروعات کی ہے، قندھار میں کامسیٹ کا ایک کیمپس کھولیں گے۔

    وفاقی وزیر فواد چوہدری نے پاک امریکا تعلقات سے متعلق بتایا کہ دونوں ممالک کے درمیان تعلقات میں بہت اچھی تبدیلی آئی ہے، پاکستان کے لیے اچھی خبریں اپوزیشن کےلیے بری خبریں ہیں۔

    فواد چوہدری نے شہباز شریف سے متعلق کہا کہ شہبازشریف تمام کمیٹیوں سےمستعفی ہوچکےہیں، شہبازشریف اپنی کشتی سےبوجھ ہٹارہےہیں جبکہ مریم نوازنےشہبازشریف کی قیادت پرشب خون مارا۔

    اب بیانیہ شہبازشریف نہیں مریم نوازکاچل رہاہے،شہبازشریف کی حیثیت اب رفیق تارڑکی سی ہوگئی ہے جبکہ خواجہ آصف بالکل پلٹ گئے اورمریم نوازکی حمایت کردی۔

    ان کا کہنا تھا کہ جولوگ رات کوگئےہیں وہ توپہلی قسط ہےاور جولوگ جارہےہیں ان کومریم نوازکی اہلیت کاپتہ ہے، مریم نوازاتنی جہاندیدہ ہیں کہ پہلےوالدکونااہل کرایااب جیل کرادی۔

    اپوزیشن پر تنقید کرتے ہوئے فواد چوہدری نے کہا کہ مریم نوازکی سیاست پراب لوگوں کواعتمادنہیں ہے،ن لیگ میں اب قیادت کےلیےلڑائی ہورہی ہے۔

    ان کا کہنا تھا کہ ہم نےپاکستان کےلیےجوپلان بنایاہےاس کولےآگےچل رہےہیں، خارجہ پالیسی کےہمارےبڑےہدف حاصل ہونےجارہےہیں۔ آج سے6ماہ بعدہماری معیشت کی حالت کچھ اورہوگی، ہم اس طرح سےاوپرجائیں گےکہ 60کی دہائی کولوگ بھول جائیں گے۔

  • ایران امریکا کیشدگی، خلیج فارس سے گزرنے والے مسافر طیاروں کے نشانہ بننے کا خدشہ

    ایران امریکا کیشدگی، خلیج فارس سے گزرنے والے مسافر طیاروں کے نشانہ بننے کا خدشہ

    ابوظبی : امریکی سفارت کاروں کو خدشہ ہے کہ مسافر طیارے کشیدگی میں اضافے کی وجہ سے ایرانی فوج کی جانب سے غلطی یا غلط پہچان کی صورت میں نشانہ بنائے جاسکتے ہیں۔

    تفصیلات کے مطابق امریکا کی جانب سے مشرق وسطیٰ میں حالیہ کشیدگی میں اضافے کے بعد ایئر سیفٹی کی وارننگ کے باوجود متحدہ عرب امارات (یو اے ای) کی ایئرلائنز نے معمول کے مطابق اپنے آپریشنز جاری رکھی ہیں۔

    واضح رہے کہ گزشتہ روز امریکی سفارتکاروں نے خدشہ ظاہر کیا تھا کہ خلیج فارس سے گزرنے والے مسافر طیارے خطے میں کشیدگی میں اضافے کی وجہ سے ایرانی فوج کی جانب سے ‘غلطی یا غلط پہچان کی صورت میں نشانہ بنائے جاسکتے ہیں۔

    غیر ملکی خبر رساں ادارے کا کہنا تھا کہ اتحاد ایئرویز، الامارات اور فلائی دبئی نے اتوار کے روز بتایا کہ انہوں نے اپنی پرواز کے منصوبوں میں کوئی تبدیلی نہیں کی جبکہ وہ صورتحال پر کڑی نظر رکھ رہے ہیں۔

    یو اے ای کے ترجمان کا کہنا تھا کہ اس وقت ہمارے فلائیٹ آپریشنز میں کوئی تبدیلی نہیں کی گئی ہے، ہم متعلقہ متحدہ عرب امارات اور عالمی حکام سے رابطے میں ہیں اور صورتحال پر کڑی نظر رکھے ہوئے ہیں۔

    غیر ملکی خبر رساں ادارے کا کہنا تھا کہ ایئر لائن نے یقین دہانی کرائی کہ ان کے آپریشنز کی حفاظت سب سے اولین ترجیح ہے اور اس پر کوئی سمجھوتہ نہیں کیا جائے گا۔

    اتحاد کا کہنا تھا کہ وہ بھی یو اے ای کے جنرل سول ایوی ایشن اتھارٹی اور عالمی سطح پر ایئر نیوی گیشن سروس فراہم کرنے والے ادارے سے رابطے میں ہیں۔

    فلائی دبئی کے ترجمان نے کہا کہ پائلٹ بین الاقوامی سطح پر منظور شدہ راستوں پر جہاز اڑا رہے ہیں، ہمیں خدشات کے بارے میں علم ہے اور ہم صورتحال کا جائزہ لے کر ہمارے ریگولیٹر سے رابطہ جاری رکھیں گے۔

    سعودی عرب کے حکام کی جانب سے یہ اعلان ایسے موقع پر کیا گیا ہے جب گزشتہ ہفتے ملک کی تیل کمپنی پر ڈرون حملے اور متحدہ عرب امارات کے ساحل پر تیل بردار جہازوں کو تخریب کاری کا نشانہ بنایا گیا تھا اور ان حملوں کو ایران اور امریکا کے درمیان جاری کشیدگی کی کڑی قرار دیا جارہا ہے۔

    خدشات میں کہا گیا کہ ایران کا مسافر طیارے کو نشانہ کا کوئی ارادہ نہیں ہے لیکن کشیدگی کی صورتحال میں متعدد دور تک ہدف کا نشانہ بنانے والے اور جدید اینٹی ایئرکرافٹ کی صلاحیت رکھنے والے ہتھیاروں کی موجودگی میں غلطی یا غلط شناخت کرکے مسافر طیارے پر حملے ہونے کا خدشہ ہے۔

    یہ بھی کہا گیا کہ طیاروں کے نیوی گیشن آلات کو بھی مسائل کا سامنا کرنا پڑسکتا ہے جس میں بغیر اطلاع دیے رابطہ منقطع کیا جاسکتا ہے۔

  • فاصلہ کتنا ہی ہو، امی کا نشانہ کبھی خطا نہیں‌ ہوتا

    فاصلہ کتنا ہی ہو، امی کا نشانہ کبھی خطا نہیں‌ ہوتا

    کبھی کبھار زندگی میں ایسے لمحات آتے ہیں جب اہل خانہ کے درمیان ہونے والی ہلکی پھلکی نوک جوک ہمیشہ کیلئے ذہن نشین ہوجاتی ہے۔

    ایسا ہی کچھ میکسکیو کی ایک فیملی کے ساتھ ہوا جب والدین کے ساتھ شرارت کے بعد گھر سے بھاگنے والی بیٹی کو والدہ اپنی سینڈل کے ذریعے روکا۔

    یہ سیدھا سادا لیکن مزاحیہ لمحہ کیمرے میں قید ہوگیا جسے سوشل میڈیا پر اب تک لاکھوں لوگ دیکھ چکے ہیں۔

    سوشل میڈیا پر وائرل ہونے والی ناقابل یقین ویڈیو میں دیکھا جاسکتا ہے کہ ایک خاتون اپنی بیٹی پر چیختی ہوئی اس کا تعاقب کررہی ہیں، تیزی سے بھاگتی بیٹی کو روکنے کیلئے خاتون نے اپنی ربڑ کی سینڈل اتاری اور بیٹی کی جانب اچھال دی۔

    لڑکی کی جانب پھینکی گئی سینڈیل اتفاقاً 30 میٹر کی دوری پر بھاگنے والی لڑکی کے کندھے پر جالگی اور وہ لڑکی زمین پر گر گئی، جس کے بعد لڑکی کی والدہ زور زور سے ہنسے لگی۔

    سوشل میڈیا پر وائرل ہوتی ویڈیو میں ایک مرد کی آواز بھی سنی جاسکتی ہے جو شاید اس لڑکی کا والد یا بھائی ہے، جو خاتون نے کہہ رہا ہے ’جاؤ جاؤ، مارو مارو‘۔

    سماجی رابطے کی ویب سائٹ پر پوسٹ ہونے والی اس ویڈیو کو اب تک 10 لاکھ سے زائد لوگ دیکھ چکے ہیں 27 ہزار سے زائد صارفین اسے ری ٹویٹ جبکہ 31 ہزار افراد ویڈیو کو لائک کیا ہے۔

    ویڈیو پر کمنٹس کرنے والے صارفین نے والدہ کے فوری اور درست فیصلے و ناقابل یقین ہنر کو سراہتے ہوئے اولمپک گیمز میں شرکت کا کہا جبکہ ایک صارف نے خاتون کو ایونجرز میں شمولیت کا مشورہ دے دیا۔