Tag: target killer arrest

کراچی: سندھ پولیس نے شہر قائد کے علاقے شاہ لطیف ٹاؤن میں کارروائی کرتے ہوئے صرف 13 سیکنڈز میں موٹرسائیکل چوری کرنے والے ملزم کو گرفتار کرلیا۔

تفصیلات کے مطابق شاہ لطیف ٹاؤن پولیس نے ایک ایسے ملزم کو گرفتار کیا ہے جس نے ایک ایسا آلہ بنایا ہوا تھا جو موٹرسائیکل کا ہینڈل لاک اور اس کا اگنیشن صرف 13 سیکنڈز میں توڑ تاتھا۔

پولیس کی جانب سے ملزم کو طریقہ واردات کی ویڈیو بنوانے کے لیے کہا گیا کہ تو پہلے اس نے وہ آلہ نکالا جو پیچ کس جیسا تھا، ملزم نے آلہ موٹرسائیکل کے ہینڈل لاک میں ڈالا  اور چار سیکنڈز میں لاک توڑ دیا، پھر اس نے اگنیشن میں یہی آلہ ڈالا اور 3 سیکنڈز میں اگنیشن توڑ کر اسے آن کرلیا۔

ملزم کو پوری واردات مکمل کرنے میں صرف 13 سیکنڈز لگے اور موٹر سائیکل پر بیٹھ کر اسے اسٹارٹ کرنے میں مزید 10  سیکنڈز لگے۔

یاد رہے کہ کراچی میں رواں سال شہری ساڑھے 22 ہزار موٹرسائیکلوں سے محروم کیے جاچکے ہیں۔

کراچی، گلشن اقبال سے ٹارگٹ کلر وسیم کمانڈو ساتھی سمیت گرفتار

دوسری جانب کراچی کے علاقے گلشن اقبال میں پولیس نے کامیاب کارروائی کرتے ہوئے ٹارگٹ کلر وسیم کمانڈو کو ساتھی سمیت گرفتار کرلیا، گینگ لوگوں سے بھتہ لینے میں ملوث تھا۔

ایس ایس پی ایسٹ غلام اظفر مہیسر کا کہنا ہے کہ اس گینگ کا سرغنہ وسیم کمانڈو ہے، ملزمان کے قبضے سے 52 لاکھ روپے اور 25 لاکھ روپے کے زیورات برآمد کرلیے گئے ہیں۔

ایس ایس پی ایسٹ کے مطابق ملزمان نے پی ای سی ایچ ایس، ڈیفنس، درخشاں میں وارداتیں کی ہیں، یہ گینگ 100 کے قریب وارداتیں کرچکا ہے۔

غلام اظہر مہیسر کا کہنا ہے کہ وسیم کمانڈو کا سیاسی جماعت سے بھی تعلق رہا ہے، ملزم وسیم نے بچی کو بھی قتل کیا، جلاؤ گھیراؤ، بھتے میں بھی ملوث ہے۔