Tag: target killers

کراچی: شہر قائد کے علاقے اورنگی ٹاؤن میں پولیس کی کارروائی، دو مبینہ ٹارگٹ کلرزگرفتار کرلیے گئے، ملزمان متعدد جرائم میں مطلوب تھے۔

تفصیلات کےمطابق پولیس نے گزشتہ رات اورنگی میں کامیاب کارروائی کرتے ہوئے دو مبینہ ٹارگٹ کلرز کو حراست میں لینے کا دعویٰ کیا ہے جن کے نام فراز فجو اور ذیشان چلی بتائے جارہے ہیں۔

پولیس ذرائع کا کہنا ہے کہ فراز اور ذیشان کا تعلق ایم کیو ایم لندن سے بتایا جارہا ہے اور یہ بھی کہا جارہا ہے کہ گرفتارملزمان پولیس اہلکاراوردیگرافرادکے قتل میں ملوث ہیں۔

بتایا جارہا ہے کہ حراست میں لیے ملزمان کا تعلق جاویدبندھا اور اجمل پہاڑی گروپ سے ہے، اور یہ ٹارگٹ کلنگ سمیت متعدد وارداتوں میں ملوث رہے ہیں۔

دوسری جانب سندھ کے ایک اور شہر جیکب آباد میں پولیس نے کار سے 60کلو چرس اور 32کلو افیون برآمد کی، تلاشی کے دوران ملزم کی گرفتاری بھی عمل میں‌ آئی۔

ایس ایس پی بشیر بروہی نے پریس کانفرنس کے دوران پولیس ٹیم کے لیے انعام کا اعلان کیا۔ صدر پولیس نے شمبے شاہ پولیس چوکی کے قریب تلاشی کے دوران کوئٹہ سے آنے والی ایک کار ٹیوٹانمبرakf769 سے 60کلو چرس اور 32کلو افیون بر آمد کرکے ایک ملزم حافظ محمد موسی ولد عبد لمنان پٹھان کو گرفتار کر لیا ہے۔

یادرہے کہ  کچھ روز قبل کراچی کے علاقے گلستان جوہر میں ایس ایچ او سرور کمانڈو کی سالی کی ہلاکت کا واقعہ پیش آیا تھا اور اس واقعے میں ملوث ملزم فیصل کالا کو شاہ فیصل کالونی سے گرفتار کرلیا گیا۔

 26 اگست کی صبح گلستان جوہر میں ڈاکوؤں نے گھر میں گھس کر ڈکیتی کی کوشش کی تھی اور مزاحمت کرنے پر سرور کمانڈو کی سالی ڈاکٹر عائشہ کو ہلاک کردیا تھا۔