کراچی: متحدہ قومی موومنٹ نے چنیسر گوٹھ میں اپنے کارکنان کی ٹارگٹ کلنگ کے خلاف آواز بلند کرتے ہوئے سندھ حکومت سے قاتلوں کی گرفتاری کا مطالبہ کیا۔
پریس کانفرنس سے خطاب کرتے ہوئے ایم کیو ایم کی رابطہ کمیٹی کے ممبر غازی صلاح الدین کا کہنا تھا کہ اگر کاروائی نہ کی گئی تو چنیسرگوٹھ دوسرا لیاری بن جائے گا۔
رابطہ کمیٹی کے ایک اورممبر نے اس موقع پرکہا کہ آخر چیف منٹر کب جاگیں گے کب انہیں شہر کا خیال آئیگا۔
انہوں نے مزید کہا کہ ابھی تک آپریشن کی نگرانی کرنے والی مانیٹرنگ کمیٹی نہیں بن سکی۔
ایم کیو ایم کے رہنماء نے سوال کیا کہ بے شمار مجرمانہ کاروائیوں کے باوجود اب تک رینجرز نے چنیسر گوٹھ میں آپریشن کیوں نہیں کیا؟۔
انہوں نے الزام عائد کیا کہ کراچی میں بیشتر ملزمان کو سرکاری سرپرستی حاصل ہے۔