پشاور: اے آروائی نیوزکی لائیوکوریج وین پرپشاورمیں نامعلوم افراد نے حملہ کردیا اوراے آروائی کی ٹیم کو چاقوؤں اورگھونسوں سے بدترین تشدد کا نشانہ بنایا۔
تفصیلات کے مطابق پشاورمیں اے آروائی نیوزکی لائیو کوریج وین ٹیم کو لے کر شی شاہ روڈ پرہونے والے بم دھماکے کی کوریج کے لئے جا رہی تھی کہ راستے میں نامعلوم افراد نے اچانک گاڑی پر حملہ کردیا اوراے آروائی ٹیم کو تشدد کا نشانہ بنایا۔
چاقوؤں سے لیس حملہ آوروں نے کیمرہ مین راہم ، ڈی ایس این جی انجینئر فیصل نوید اورڈرائیورعارف کو زبردستی گاڑی سے باہر نکال کرگھونسوں اورچاقو کے پے درپے وارکرکے زخمی کردیا ۔
ملزمان نے خاتون رپورٹر کا بھی خیال نہ کیا اوررپورٹر مدیحہ سنبل پربھی تشدد کیا۔ پولیس نے ملزمان کو گرفتار کر کے مقدمہ درج کرلیا ہے اوران سے تفتیش کی جارہی ہے۔
