کوٹ ادو : دریائے سندھ میں تونسہ بیراج کے مقام پر درمیانے درجے کا سیلاب ہے اور ریڈ الرٹ جاری کردیا گیا ہے۔
تفصیلات کے مطابق بارشوں کے باعث دریائے سندھ میں پانی کی سطح میں اضافہ ہونے سے نشیبی علاقے زیرآب آگئے ہیں، کوٹ ادو کے مقام پر متعدد بستیوں میں پانی داخل ہونے سے زمینی رابطہ منقطع ہوگیا ہے، لوگ اپنے گھروں میں محصور ہوکر رہ گئے ہیں۔
ضلعی انتظامیہ نے متاثرین کو محفوظ مقام پر منتقل کرنے کے لئے تاحال کوئی اقدامات نہیں کئے ہیں، جس کے باعث لوگوں کو اپنی مدد آپ کے تحت نقل مکانی میں مشکلات کا سامنا ہے۔
سیلابی پانی سے بستیوں کا زمینی راستہ بھی منقطع ہوگیا ،لوگ کشتیوں پر اورخواتین بچے تیر کر دریا پارکرنے پر مجبور ہوگئے ہیں جبکہ زمینی راستہ منقطع ہونےسے خواراک کی بھی قلت پیدا ہورہی ہے۔
