Tag: tax

اسلام آباد: نجکاری کمیشن کے چئیر مین اور وفاقی وزیر اطلاعات و نشریا ت پرویز رشید نے پریس کانفرنس میں پی ٹی آئی اور ان کے رہنما جہانگیر ترین پر ٹیکس چوری کے ساتھ ساتھ قرضو ں کی معافی کے الزامات عائد کئے۔

اسلام آباد میں مشترکہ پریس کانفرنس میں وفاقی وزیراطلاعات نے کہا کہ الزامات کی سیاست میں نہیں آنا چاہتے تھے مگر عمران خان نے جواب دینے پر مجبور کردیا ہے ۔ سیاست میں تہذیب میں رہ کر اپنا نکتہ نظر دوسروں تک پہنچایا جاتا ہے، قوم کو معلوم ہونا چاہیئے کہ عمران خان مسلسل قانون کی خلاف ورزی کررہے ہیں، پرویزرشید کا کہنا تھا ہم نے اگر اس وقت عمران خان کو گرفتار کیا گیا تو لوگ اسے انتقامی کارروائی سمجھیں گے۔

چیئرمین نجکاری کمیشن محمد زبیر کا کہنا تھا جہانگیر ترین نے اپنی ٹیکسٹائل ملز کے لیے چوبیس کروڑ ستر لاکھ روپے کا قرض معاف کرایا، انھوں نے غیر ملکی فنڈز بھی اپنی شوگر ملز پر لگائے۔ ان کا کہنا تھا پولیٹیکل پارٹیز ایکٹ کے تحت کوئی کمپنی کسی سیاسی جماعت کو مالی مدد نہیں دے سکتی،مشرف دور میں جہانگیرترین کی دولت میں تیزی سے اضافہ ہوا ۔ تحریک انصاف کے 82فیصد اراکین ٹیکس ادا نہیں کرتے ۔ مشیر نجکاری کا کہنا تھا عمران خان نے 90 کی دہائی میں ٹیکس ریٹرن جمع نہیں کرایا، عمران نےبجلی کا بل جلادیا،جہانگیرترین تمام ٹیکس ادا کرتے ہیں ۔