انقرہ: وزیراعظم عمران خان اور ترک صدررجب طیب اردوان میں ملاقات ہوئی، جس میں پاکستان اورترکی کے درمیان دوطرفہ تعلقات پرتبادلہ خیال کیا گیا۔
تفصیلات کے مطابق اس اہم ملاقات میں دونوں رہنماؤں کے مابین تعلقات کی مضبوطی اورمختلف شعبوں میں تعاون کےفروغ پربات چیت ہوئی.
دونوں سربراہان نے علاقائی اوربین الاقوامی امورپربھی تبادلہ خیال کیا، صدارتی محل آمد پر وزیراعظم عمران خان کو گارڈ آف آنر پیش کیا گیا.
یاد رہے کہ اس وقت وزیر اعظم عمران خان ترکی کے اہم دورے پر ہیں، جہاں دونوں ممالک میں اہم معاہدے متوقع ہیں.
مزید پڑھیں: وزیر اعظم عمران خان سے ترک وزیر صحت کی ملاقات
اس موقع پر جہاں وزیر اعظم نے اہم ترک حکام سے ملاقات کی، وہیں ترکی میں پاکستان ترک بزنس کاؤنسل سے خطاب بھی کیا۔
اپنے خطاب میں ان کا کہنا تھا کہ 60 کی دہائی میں پاکستان ملائشیا اور جنوبی کوریا کے لیے رول ماڈل تھا، 60 کی دہائی کے بعد منافع کمانے کو برا سمجھا جانے لگا، جس سے معیشت کو نقصان پہنچا۔
یاد رہے کہ آج وزیر اعظم نے ترکی کے تاجروں اور صنعت کاروں سے بھی ملاقات کی تھی، جہاں انھوں نے پاکستان میں سرمایہ کاری کے وسیع مواقع ہیں، پاکستان اور ترقی کے درمیان دو طرفہ تجارت کا فروغ ضروری ہے
