لاہور: ایچ بی ایل پی ایس ایل 10 کی ٹیم آف دی ٹورنامنٹ کا اعلان کردیا گیا۔
پاکستان سپر لیگ (پی ایس ایل) 10 میں لاہور قلندرز کو ٹائٹل دلانے والے شاہین شاہ آفریدی کو رواں ایونٹ کی ٹیم کا کپتان مقرر کیا گیا ہے جبکہ کراچی کنگز کے 3 کھلاڑی پی ایس ایل الیون کا حصہ ہیں،
پی ایس ایل کی ٹیم آف دی ٹورنامنٹ میں شاہین آفریدی کے علاوہ لاہور قلندر کے 2 کھلاڑی بھی شامل ہیں جس میں سکندر رضا اور فخر زمان ہے، دونوں نے نے ٹورنامنٹ میں شاندار کارکردگی کی بدولت پی ایس ایل ٹیم میں جگہ حاصل کی ہے۔
اس کے علاوہ کراچی کنگز کے بھی 3 کھلاڑی اس پی ایس ایل ٹیم میں شامل ہیں جس میں کپتان ڈیوڈ وارنر، اوپننگ پارٹنر جیمز ونس، فاسٹ بولر حسن علی ٹیم کا حصہ ہیں جبکہ خوشدل شاہ 12ویں کھلاڑی کے طور پر ٹیم میں شامل کیے گئے ہیں۔
پی ایس ایل کی ٹیم میں کوئٹہ گلیڈی ایٹرز کے 3 کھلاڑی شامل ہیں، جس میں 23 سالہ حسن نواز، تجربہ کار آل راؤنڈر فہیم اشرف اور 27 سالہ ابرار احمد شامل ہیں۔
اسلام آباد یونائیٹڈ کے صاحبزادہ فرحان اور پشاور زلمی کے نوجوان باصلاحیت فاسٹ بولر علی رضا بھی ٹیم میں شامل ہیں۔
