ARYNews.tv | Urdu – Har Lamha Bakhabar

Tag: team

  • سال 2019 پاکستان کرکٹ ٹیم کے لیے کیسا ثابت ہوا؟

    سال 2019 پاکستان کرکٹ ٹیم کے لیے کیسا ثابت ہوا؟

    لاہور: سال 2019 پاکستان کرکٹ ٹیم کے لیے مایوس کن ثابت ہوا، ایک روزہ کرکٹ میں بھی پاکستان کی کارکردگی متاثر کن نہ رہی، 4 میں سے پاکستان نے صرف 1 سیریز جیتی، جبکہ ورلڈکپ میں بھی قومی ٹیم سیمی فائنل میں جگہ نہ بناسکی۔

    تفصیلات کے مطابق سال 2019 کا آغاز قومی ٹیم نے مثبت انداز میں کیا، پہلے میچ میں جنوبی افریقہ کو 5 وکٹوں سے شکست دی، دونوں ٹیموں کے درمیان ٹکر کا مقابلہ ہوا، دوسرا اور تیسرا میچ جنوبی افریقہ جب کہ چوتھا میچ پاکستان نے جیتا۔

    سیریز کے آخری اور فیصلہ کن معرکے میں میزبان ٹیم نے یکطرفہ مقابلہ جیت کر سیریز 3-2 سے اپنے نام کرلی، پاکستان نے اپنے اہم کھلاڑیوں کو آرام کروایا۔ یو اے ای میں آسٹریلیا نے پاکستان کو 5 میچز کی سیریز میں کلین سوئپ کیا۔

    حارث سہیل اور محمد رضوان کی سنچریوں کے باوجود پاکستان ایک بھی میچ نہ جیت پایا۔

    ورلڈکپ سے قبل انگلینڈ سے 5 میچز کی سیریز میں بھی قومی ٹیم بری طرح ناکام رہی۔ پہلا میچ بارش کی نذر ہوگیا، جبکہ بقیہ 4 میچز انگلینڈ کے نام رہے اور سیریز 4-0 سے جیت لی۔ آئی سی سی ورلڈکپ کے ابتدائی مرحلے میں قومی ٹیم شکستوں کے ملبے تلے دب گئی۔

    عالمی سطح پر 2019 پاکستان کی فتوحات کا سال

    علاوہ ازیں ویسٹ انڈیز، بھارت اور آسٹریلیا سے شکست ہوئی۔ پاکستان نے کم بیک کرتے ہوئے نیوزی لینڈ، جنوبی افریقہ، بنگلہ دیش اور افغانستان کو ٹھکانے لگایا لیکن قسمت نے ساتھ نہ دیا، قومی ٹیم سیمی فائنل میں جگہ نہ بناسکی۔

    سال کا اختتام پاکستان کے لیے اچھا رہا، 10 سال بعد ملک میں ون ڈے کرکٹ بحال ہوئی، سری لنکا کے خلاف 3 ون ڈے میچز کی سیریز 2-0 سے اپنے نام کی، پہلا میچ بارش کے باعث بغیر نتیجہ ختم ہوا، بقیہ 2 میچز پاکستان نے با آسانی جیت لیے۔

    پاکستان نے مجموعی طور پر 2019 میں 26 ون ڈے میچز کھیلے، 9 میچز جیتتے، 15 میں قومی ٹیم کو شکست ہوئی جب کہ 2 میچز بغیر نتیجہ ختم ہوئے۔

  • انڈر 19 ورلڈ کپ: قومی ٹیم 19 جنوری کو اسکاٹ لینڈ سے ٹکرائے گی

    انڈر 19 ورلڈ کپ: قومی ٹیم 19 جنوری کو اسکاٹ لینڈ سے ٹکرائے گی

    لاہور: آئی سی سی انڈر 19 کرکٹ ورلڈکپ 2020 اگلے ماہ جنوبی افریقہ میں شروع ہوگا، قومی ٹیم اپنے پہلے میچ میں 19 جنوری کو اسکاٹ لینڈ سے ٹکرائے گی۔

    تفصیلات کے مطابق آئی سی سی انڈر 19 کرکٹ ورلڈکپ 17 جنوری سے جنوبی افریقہ میں شروع ہوگا جو 9فروری تک جاری رہے گا، 24 روز تک جاری رہنے والے ایونٹ میں 16 ممالک کی ٹیمیں شرکت کریں گی۔

    آئندہ سال 17 جنوری سے شروع ہونے والے ایونٹ کا فائنل بینونی کے جے پی مارک اوول میں کھیلا جائے گا۔

    ایونٹ کے فاتح کا فیصلہ9 فروری کو ہوگا، ایونٹ میں پاکستان کا پہلا میچ 19جنوری کوسکاٹ لینڈ کے خلاف پوچیف اسٹروم میں کھیلاجائے گا، قومی انڈر 19 کرکٹ ٹیم ایونٹ میں اپنا دوسرا میچ 22 جنوری کو زمباوے کے خلاف بلوم فاؤنٹین میں کھیلے گی۔

    گروپ مرحلے میں پاکستان کا آخری میچ بنگلہ دیش کے خلاف ہوگا۔ دونوں ٹیمیں 24 جنوری کو جے پی مارک اوول میں مدمقابل آئیں گی۔ ہر گروپ سے 2 بہترین ٹیمیں سپر لیگ مرحلے میں رسائی حاصل کریں گی۔

    جبکہ باقی تمام ٹیمیں پلیٹ چمپئن شپ کے لیے نبردآزمائی کریں گی۔ ایونٹ میں سپر لیگ مرحلے کا آغاز 28 جنوری کو ہوگا۔ سپر لیگ مرحلے کے اختتام پر 4 ٹاپ ٹیمیں سیمی فائنل کے لیے کوالیفائی کریں گی۔

  • برٹش جونیئر اوپن: قومی ٹیم ٹورنامنٹ میں شرکت کے لیے روانہ

    برٹش جونیئر اوپن: قومی ٹیم ٹورنامنٹ میں شرکت کے لیے روانہ

    لاہور: پاکستان جونیئر اسکواش ٹیم برٹش جونیئر اوپن میں شرکت کے لیے برطانیہ روانہ ہوگئی۔

    تفصیلات کے مطابق برطانیہ کے شہر برمنگھم میں کھیلے جانے والے ایونٹ میں پاکستانی کھلاڑی 4 کیٹیگریز میں حصہ لیں گے، جونیئر کھلاڑیوں نے ایونٹ میں کامیابی حاصل کرنے لیے بھرپور محنت کی ہے۔

    انڈر19 ٹیم میں حارث قاسم حمزہ شریف اور اوزیر شوکت شامل ہیں۔ انڈر 17 ٹیم میں نورزمان اسداللہ اشہاب عرفان اور والد خلیل شامل ہیں۔ انڈر 15 ٹیم میں حمزہ خان اور انس علی بخاری شامل ہیں۔

    جبکہ انڈر 13 ٹیم میں سخی ترین اور عبداللہ نواز شامل ہیں، آصف خان ٹیم کوچ، آفتاب قریشی اور حسین ادوانی ٹیم مینیجرز ہیں، جونیئر کھلاڑیوں نے دورہ برطانیہ سے قبل ملک کے لیے جم کر کھیلنے کا عزم کیا۔

    ٹیکساس، حزیفہ ابراہیم نے انٹرنیشنل جونیئر اسکواش چیمپئن شپ جیت لی

    قومی کھلاڑیوں کا کہنا تھا کہ حوصلے بلند ہیں، میزبان کے میدان میں حریف کو شکست دیں گے۔

    خیال رہے کہ ملک میں اسکواش کے فروغ کے لیے بھی انتظامیہ اقدامات کررہی ہے۔ جبکہ پاکستان میں 2019 کھیل سے متعلق اہم سال ثابت ہوا ہے، شاہینوں نے جہاں عالمی سطح پر کئی ٹائٹل اپنے نام کیے وہیں ملک میں بھی عالمی کرکٹ بحال ہوئی۔

  • بنگلادیش کرکٹ ٹیم کی پاکستان نہ آنے کی اصل وجہ سامنے آگئی

    بنگلادیش کرکٹ ٹیم کی پاکستان نہ آنے کی اصل وجہ سامنے آگئی

    کراچی: بنگلادیش نے جو وعدہ کیا وہ پورا نہ کرسکا، دورہ پاکستان کے لیے کرکٹ ٹیم بھیجنے پر حیلے بہانے سے کام کیوں لے رہا ہے؟ اصل وجہ سامنے آگئی۔

    تفصیلات کے مطابق ذرائع نے دعویٰ کیا ہے کہ بنگلادیش کرکٹ ٹیم کا دورہ پاکستان سکیورٹی نہیں بلکہ سیاست کی وجہ سے غیر یقینی صورتحال ہے۔

    ذرائع نے بتایا کہ بنگلادیش بورڈ اراکین نے پاکستان کرکٹ بورڈ کے آئی سی سی میں جانے کی دھمکی کو پریشان کن قرار نہیں دیا، بنگلا دیش میں کچھ حلقے پاکستان کے دورے کے حق میں نہیں ہیں۔

    ذرائع کے مطابق کچھ حلقوں نے بورڈ اراکین پر دورے کی مخالفت کے لیے دباؤ ڈالا اور بورڈ اراکین نے اجلاس میں پاکستان کے دورے کی کھل کر مخالفت کی جبکہ بعض کرکٹرز بھی پاکستان کے دورے کے حامی نہیں ہیں۔

    اچھی ٹیم بنی تو ہی ٹی 20کھیلنے پاکستان جائیں گے، بنگلادیش کرکٹ بورڈ

    ذرائع کا کہنا ہے کہ بنگلا دیش بورڈ نے فوری طور پر پاکستان میں ٹیسٹ سیریز نہ کھیلنے کے حوالے سے پی سی بی کو بتایا ہے جب کہ اس کی کوئی مضبوط وجہ نہیں بتائی گئی۔

    خیال رہے کہ پی سی بی نے بنگلا دیش کو دو بار خط لکھ کر اس کی وجہ پوچھی ہے جس میں انہیں صدارتی لیول کی سیکیورٹی کی یقین دہانی کے ساتھ کہا گیا کہ سری لنکا کرکٹ ٹیم کے کامیاب دورے کے بعد بنگلا دیش کے پاس انکار کی کوئی وجہ نہیں ہے۔

    پی سی بی نے ٹیسٹ سیریز جب کہ بنگلا دیش نے پہلے ٹی ٹوئنٹی سیریز کھیلنے کا کہا ہے تاہم پی سی بی نیو ٹرل وینیو پر سیریز نہ کھیلنے کے اپنے فیصلے پر قائم ہے۔

  • سری لنکن ٹیم وطن روانہ، پاکستانیوں نے دل جیت لیے

    سری لنکن ٹیم وطن روانہ، پاکستانیوں نے دل جیت لیے

    کراچی: سری لنکن ٹیم پاکستان میں دو ٹیسٹ میچز کی سیریز کے بعد اپنے وطن روانہ ہوگئی، پاکستانی عوام اور شائقین نے مہمان ٹیم کے دل جیت لیے۔

    تفصیلات کے مطابق سری لنکن ٹیم کے کھلاڑیوں کو کڑی سیکیورٹی میں ہوٹل سے ایئرپورٹ پہنچایا گیا، جہاں سے وہ اپنے وطن کے لیے روانہ ہوگئے، سری لنکن ٹیم نے بہترین میزبانی پر پاکستان کا خصوصی شکریہ بھی ادا کیا۔

    سری لنکن کپتان دیمتھ کرونارتنے کی جانب سے بہترین انتظامات اور سیکیورٹی پر پاکستان سے اظہار تشکر کیا گیا۔ جبکہ اینجلومیتھیوز نے بھی شاندار مہمان نوازی پر پاکستانی عوام اور سیکیورٹی فورسز کا شکریہ ادا کیا۔

    مہمان ٹیم جہاں پاکستانی عوام کے پرستار ہوئے وہیں قومی کھانوں کے بھی شوقین ہوگئے۔

    شاندار فتح کے بعد قومی ٹیم کی ٹیسٹ چیمپئن شپ میں پوزیشن بہتر

    واضح رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کیا، قومی ٹیم نے سری لنکا کو کراچی ٹیسٹ میں 263 رنز سے شکست دی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے۔

    سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کی، قومی ٹیم کی اس شاندار فتح کے بعد ٹیسٹ رینکنگ میں بھی پاکستان کی پوزیشن مستحکم ہوگئی ہے۔

    خیال رہے کہ پاکستان کی سری لنکا کے خلاف ہوم سیریز میں فتح نے ٹیسٹ چیمپئن شپ میں پوزیشن بہتر کردی، قومی ٹیم نے 80 پوائنٹس کے ساتھ ٹیبل پر تیسرا نمبر حاصل کرلیا ہے۔

  • پاکستان محفوظ ملک ہے، سیکیورٹی بھی بہت اچھی ہے: کپتان سری لنکن ٹیم

    پاکستان محفوظ ملک ہے، سیکیورٹی بھی بہت اچھی ہے: کپتان سری لنکن ٹیم

    کراچی: سری لنکن ٹیم کے کپتان کرونارتنے کا کہنا ہے کہ پاکستان محفوظ ملک ہے اور سیکیورٹی بھی بہت اچھی ہے، یہاں ہمیں گھر جیسا ماحول ملا۔

    تفصیلات کے مطابق قومی ٹیم کے ہاتھوں دوسرے ٹیسٹ میچ میں شکست کے بعد میڈیا سے گفتگو کرتے ہوئے سری لنکن ٹیم کے کپتان کا کہنا تھا کہ پہلے 2دن اچھا کھیلا پھر ہم اچھا کھیل پیش نہ کرسکے، پاکستان ٹیم سے عابد علی نے شاندار بیٹنگ کا مظاہرہ کیا، ہمیں معلوم تھا کہ انہیں رنز کی بھوک تھی۔

    انہوں نے کہا کہ دیگر ٹیمیں ٹیسٹ، ون ڈے اور ٹی20 کھیلنے یہاں آئیں، نسیم شاہ کم عمری میں بھی بہت میچور باؤلنگ کررہا تھا، بابراعظم بہت زبردست کرکٹر ہے، عابد علی بہت محنتی ہے، محنت اس کی بیٹنگ میں نظر آتی ہے۔

    ہمیں اس جیت کی بہت ضرورت تھی: کپتان اظہرعلی

    کرونارتنے کا کہنا تھا کہ ہمارے کرکٹرز میں تجربےکی کمی رہی، ٹیسٹ صبر وتحمل کا کھیل ہے۔

    دوسری جانب قومی کرکٹ ٹیم کے کپتان اظہر علی کا کومنٹیٹر سے گفتگو کرتے ہوئے کہنا تھا کہ میچ کے دوران پریشر نہیں لیا، بھروسہ تھا کہ اچھا کھیل کر فتح اپنے نام کریں گے، سنچری بنا کر بہت اچھا لگا، ہمیں اس جیت کی بہت ضرورت تھی، سری لنکا کی ٹیم کا بھی بےحدشکر گزار ہوں۔

    واضح رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کرلیا، قومی ٹیم نے سری لنکا کو کراچی ٹیسٹ میں 263 رنز سے شکست دے دی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے، سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کرلی۔

  • ہمیں اس جیت کی بہت ضرورت تھی: کپتان اظہرعلی

    ہمیں اس جیت کی بہت ضرورت تھی: کپتان اظہرعلی

    کراچی: قومی کرکٹ ٹیم کے کپتان اظہر علی نے کہا ہے کہ میچ کے دوران پریشر نہیں لیا، بھروسہ تھا کہ اچھا کھیل کر فتح اپنے نام کریں گے۔

    تفصیلات کے مطابق سری لنکا کے خلاف ٹیسٹ سیریز اپنے نام کرنے کے بعد کومنٹیٹر سے گفتگو کرتے اظہر علی کا کہنا تھا کہ سنچری بنا کر بہت اچھا لگا، ہمیں اس جیت کی بہت ضرورت تھی، سری لنکا کی ٹیم کا بھی بےحدشکر گزار ہوں۔

    انہوں نے یہ بھی کہا کہ میچ کے دوران ڈریسنگ روم کا ماحول بہت اچھا تھا۔

    دوسری جانب گورنرپنجاب چوہدری محمد سرور نے سری لنکا کے خلاف ٹیسٹ سیریز جیتے پر قومی ٹیم کو مبارکباد پیش کی، ان کا کہنا تھا کہ قومی ٹیم نے زبردست کھیل کا مظاہرہ کیا، 13 سال بعد ہوم گراؤنڈ پر ٹیسٹ سیریز میں فتح تاریخی ہے۔

    پاکستان نے سری لنکا کو 263 رنز سے شکست دے دی

    انہوں نے یہ بھی کہا کہ نوجوان کھلاڑی عابدعلی اور شان مسعود نے جیت میں اہم کردار ادا کیا، سری لنکا کی ٹیم اور مینجمنٹ کے پاکستان آنے پر شکر گزار ہیں۔ جبکہ کرکٹ کے مداحوں کی جانب سے بھی ٹیم کو مبارکباد پیش کی جارہی ہے۔

    وفاقی وزیر فواد چوہدری نے سماجی رابطے کی ویب سائٹ ٹوئٹر پر ٹوئٹ کیا کہ پاکستان کرکٹ ٹیم کا شکریہ ادا کرتا ہوں، دن کا اچھا آغاز ہوا۔ یاسرشاہ، نسیم شاہ اور شاہین آفریدی کو مبارکباد پیش کرتا ہوں، آپ لوگ پاکستان کا فخر ہیں۔

    خیال رہے کہ پاکستان نے 13 سال بعد ہوم گراؤنڈ پر ٹیسٹ میچ اپنے نام کرلیا، قومی ٹیم نے سری لنکا کو کراچی ٹیسٹ میں 263 رنز سے شکست دے دی، سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے، سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کرلی۔

  • پاکستان نے سری لنکا کو 263 رنز سے شکست دے دی

    پاکستان نے سری لنکا کو 263 رنز سے شکست دے دی

    کراچی: پاکستان نے 13 سال بعد ہوم گراؤنڈ پر ٹیسٹ میچ اپنے نام کرلیا، قومی ٹیم نے سری لنکا کو کراچی ٹیسٹ میں 263 رنز سے شکست دے دی، عابد علی کو مین آف دا میچ قرار دیا گیا۔

    تفصیلات کے مطابق سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے، سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کرلی۔

    پاکستان کی جانب سے نسیم شاہ نے 5وکٹیں حاصل کیں۔ یاسرشاہ نے 2، عباس، شاہین اور حارث نے ایک ایک وکٹ حاصل کی، نسیم شاہ 5 وکٹیں حاصل کرنے والے ٹیسٹ کرکٹ کے سب سے کم عمر کھلاڑی بن گئے۔

    قومی ٹیم نے دوسرے ٹیسٹ کا مایوس کن آغاز کیا تاہم میچ کے تیسرے روز سے ہی ٹیم سری لنکا پر حاوی ہوگئی، عابد علی اور شان مسعود نے ٹیم کو فتح دلانے میں اہم کردار ادا کیا۔ خیال رہے کہ چوتھے روز قومی ٹیم نے 555رنز 3کھلاڑی آؤٹ پر اپنی  اننگز ڈکلیئر کی اور سری لنکا کو جیت کے لیے 476رنز کا ہدف دیا تھا جس کے تعاقب میں سری لنکا کی بیٹنگ لائن ریت کی دیوار ثابت ہوئی۔

    عابد علی نے ٹیسٹ کرکٹ میں ایک اورریکارڈ بنادیا

    دوسری اننگز کے آغاز سے ہی سری لنکن ٹیم مشکلات کا شکار رہی، اُن کی پہلی وکٹ 39رنز پر اُس وقت گری جب کپتان کرونارتنے 16رنز پر محمدعباس کی گیند پر آؤٹ ہوئے۔ بعد ازاں 40 رنز کے مجموعی اسکور پر کوشال مینڈس بغیر کوئی رن بنائے پویلین لوٹے، جبکہ اینجلو میتھیوز 19رنز بناکر شاہین شاہ آفریدی کی گیند پر آؤٹ ہوئے۔

    سری لنکا کی چوتھی وکٹ 96 کے مجموعی اسکور پر اُس وقت گری جب چندی مل نسیم شاہ کی گیند کو سمجھ نہ سکے جبکہ ایک رن اضافے کے بعد ہی مہمان ٹیم کو پانچویں نقصان کا سامنا کرنا پڑا، اسی طرح ڈی سلوا بغیر کوئی رن بنائے یاسر شاہ کی گیند پر آؤٹ ہوئے، اسی طرح سری لنکن ٹیم کے کھلاڑی آتے گئے اور ایک کے بعد ایک پویلین لوٹتے گئے۔

    قومی ٹیم کراچی ٹیسٹ جیتنے کی پوزیشن میں ہے: سرفراز احمد

    قبل ازیں قومی ٹیم کے بلے بازوں نے دوسری اننگز میں شاندار بیٹنگ کی، عابدعلی، اظہرعلی، شان مسعود اور بابراعظم نے سنچریاں اسکور کیں، یہ پہلا موقع ہے کہ پاکستان کے ٹاپ فور کھلاڑیوں نے ٹیسٹ میچ میں ایک ساتھ سنچریاں بنائیں۔

    پاکستان نے 2 وکٹوں پر 395 رنز بنائے تھے، سری لنکا کے خلاف پاکستان کی پہلی وکٹ 278 رنز پر گری، شان مسعود 135رنز بناکر لہیروکمارا کی گیند پر آؤٹ ہوئے تھے، جبکہ دوسری وکٹ 355 رنز پرگری تھی، عابد علی ایل بی ڈبلیو آوٹ ہوئے، ٹیسٹ کرکٹ میں پاکستان کی دوسری بڑی اوپننگ شراکت شان مسعود اور عابد نے 278 رنز کی قائم کی۔

    عابد علی نے جاوید میانداد کی یاد تازہ کردی: رمیز راجہ

    اوپنر عابد علی 174 رنز کی شاندار اننگز کھیل کر اؤٹ ہوئے، شان مسعود نے بھی 135 رنز کی ذمہ دارانہ اننگز کھیلی تھی، میچ کے چوتھے روز پاکستان کی تیسری وکٹ 503رنز پر گری، کپتان اظہر علی 118رنز پر آؤٹ ہوئے، انہوں نے ذمے دارانہ بیٹنگ کا مظاہرہ کیا اور سنچری جڑی، کپتان اظہر نے 142گیندوں پر سنچری اسکور کی، اظہرعلی کے کیریئر کی یہ 16ویں سنچری ہے، بعد ازاں بابراعظم بھی پیچھے نہ رہے اور سنچری داغ دی۔ چوتھے روز کا پہلا سیشن ختم ہونے کے بعد بابراعظم اور محمد رضوان اننگز ڈکلیئر کرے پولین لوٹ گئے۔

    واضح رہے کہ مہمان ٹیم نے اپنی پہلی اننگ میں 271 رنز بنائے تھے تاہم قومی ٹیم اپنی پہلی اننگز میں 191 رنز پر ڈھیر ہوگئی تھی، بابر اعظم اور اسد شفیق نے نصف سنچریاں اسکور کی تھیں۔

  • قومی ٹیم کراچی ٹیسٹ جیتنے کی پوزیشن میں ہے: سرفراز احمد

    قومی ٹیم کراچی ٹیسٹ جیتنے کی پوزیشن میں ہے: سرفراز احمد

    کراچی: قومی کرکٹ ٹیم کے سابق کپتان سرفراز احمد کا کہنا ہے کہ 10 سال بعد پاکستان میں ٹیسٹ کرکٹ کی واپسی خوش آئند ہے، قومی ٹیم کراچی ٹیسٹ جیتنے کی پوزیشن میں آچکی ہے۔

    تفصیلات کے مطابق سرفراز احمد میچ دیکھنے نیشنل اسٹیڈیم کراچی پہنچ گئے ہیں، اس موقع پر میڈیا سے گفتگو کرتے ہوئے ان کا کہنا تھا کہ اس وقت ٹیم کو بہت مس کررہا ہوں، پاکستان ٹیم کی پوزیشن اچھی ہے امید ہے جیتیں گے۔

    انہوں نے کہا کہ پاکستان کے سابق کپتانوں کو آنر کرنا پی سی بی کا خوش آئند اقدام ہے، میچ سے قبل تمام کھلاڑیوں سے ملاقات کی، ٹیم جیت کی پوزیشن میں ہے، قومی ٹیم نے ٹیسٹ میچ کے تیسرے روز سے اچھا کھیلا اور تمام کھلاڑیوں نے پرفارم کیا۔

    خیال رہے کہ پاکستان اور سری لنکا کے درمیان دوسرے اور فیصلہ کن ٹیسٹ کا چوتھا روز ہے، قومی ٹیم نے میچ پر گرفت مضبوط کرلی، کھلاڑیوں نے رنز کے انبار لگا دیے۔ پاکستان نے 3 وکٹوں کے نقصان پر 540 رنز عبور کرلیے، شاہینوں کو مہمان ٹیم پر 400 سے زائد رنز کی برتری حاصل ہے، بابر اعظم اور محمد رضوان کریز پر موجود ہیں۔

    فیصلہ کن ٹیسٹ کا چوتھا روز، قومی ٹیم کی پوزیشن مستحکم، رنز کے انبار

    کراچی میں کھیلے جانے والے دوسرے ٹیسٹ کے تیسرے روز کھیل کے اختتام پر پاکستان نے 2 وکٹوں پر 395 رنز بنائے تھے، اظہر علی 57 اور بابر اعظم 22 رنز کے ساتھ کریز پر تھے۔ جبکہ اوپنر عابد علی 174 رنز کی شاندار اننگز کھیل کر اؤٹ ہوئے، شان مسعود نے بھی 135 رنز کی ذمہ دارانہ اننگز کھیلی تھی۔

  • پی سی بی کا سخت مؤقف، بنگلادیش کرکٹ بورڈ پریشان

    پی سی بی کا سخت مؤقف، بنگلادیش کرکٹ بورڈ پریشان

    لاہور: بنگلادیش کرکٹ ٹیم کے دورہ پاکستان سے متعلق پاکستان کرکٹ بورڈ(پی سی بی) کے سخت مؤقف سے بنگلادیش کرکٹ بورڈ پریشان ہوگیا۔

    تفصیلات کے مطابق پی سی بی نے مکمل دورہ نہ کرنے پر بنگلادیش کرکٹ بورڈ (بی سی بی) کو خط لکھ دیا، اور خط میں انتہائی سخت مؤقف اختیار کیا گیا ہے۔ خیال رہے کہ بنگلادیش دورہ پاکستان کے لیے مکمل ٹیم نہیں بھیجنا چاہتا جس پر پاکستان کو شدید تشویش ہے۔

    ذرائع پی سی بی کا کہنا ہے کہ پاکستانی بورڈ کے مؤقف پر جواب کے لیے بنگلادیش کے پاس کوئی مضبوط دلائل موجود نہیں ہیں، پی سی بی کے مضبوط مؤقف پر بنگلادیش بورڈ مشکل میں پڑگیا۔

    بنگلادیش بورڈ نے تاحال پی سی بی کو خط کا جواب نہیں دیا۔ پاکستان کی جانب سے لکھے گئے خط کے متن میں کہا گیا ہے کہ بنگلادیش کا مکمل دورہ نہ کرنا منظورشدہ سیکیورٹی پلان کی نفی ہوگی۔

    پی سی بی نے بنگلادیش کو سیریز کا شیڈول بھیج دیا

    خط کے مطابق بنگلادیش کی 2ٹیمیں پاکستان آسکتی ہیں تو تیسری مکمل دورہ کیوں نہیں کرسکتی؟ البتہ پاکستان کرکٹ بورڈ بنگلادیش کرکٹ ٹیم کے مکمل دورہ پاکستان کے لیے پر امید ہے۔

    خیال رہے کہ حال ہی میں بی سی بی نے دورہ پاکستان پر صرف ٹیسٹ میچ کھیلنے کی خواہش کا اظہار کیا تھا جس پر پاکستان شدید برہم ہے، ذرائع کے مطابق رواں ہفتے بنگلادیش کرکٹ ٹیم کے دورہ پاکستان کا اعلان ہونے کا امکان ہے۔