ARYNews.tv | Urdu – Har Lamha Bakhabar

Tag: team

  • قومی کرکٹ ٹیم کے آسٹریلیا میں ڈیرے، کینگروز پر جھپٹنے کی تیاریاں

    قومی کرکٹ ٹیم کے آسٹریلیا میں ڈیرے، کینگروز پر جھپٹنے کی تیاریاں

    سڈنی: قومی کرکٹ ٹیم نے آسٹریلیا میں ڈیرے ڈال لیے، گرین شرٹس نے کینگروز کو ہرانے کے لیے جم کر پریکٹس کی۔

    تفصیلات کے مطابق کھلاڑیوں نے ٹریننگ سیشن میں بھرپور محنت کی، نمبر ون ٹیم کی آسٹریلیا میں کینگروز کو ہرانے کی تیاریاں زور وشور سے جاری ہیں۔

    گرین شرٹس نے سڈنی کرکٹ گراؤنڈ میں ٹریننگ سیشن لی، قومی کھلاڑیوں نے ہیڈکوچ مصباح الحق اور بولنگ کوچ وقار یونس کی سربراہی میں بیٹنگ اور بولنگ کی صلاحیتوں کو نکھارنے کی کوشش کی۔

    قومی ٹیم اکتیس اکتوبر کو آسٹریلیا الیون سے پریکٹس میچ کھیلے گی، گرین شرٹس نے آسٹرلیا کو شکست دینے کے عزم کا اظہار کیا ہے۔

    قومی ٹی 20 کرکٹ ٹیم کینگروز ٹیم پر جھپٹنے کے لیے سڈنی میں ہے، ٹی 20 ٹیم کی قیادت بابر اعظم کررہے ہیں، قومی ٹیم آسٹریلیا کے خلاف 3 ٹی 20 میچز کی سیریز کھیلے گی۔

    پہلا ٹی 20، آسٹریلیا نے سری لنکا کو بھاری مارجن سے شکست دے کر پاکستان کو خبردار کردیا

    پاکستان اور آسٹریلیا کے درمیان ٹی 20 سیریز کا پہلا میچ 3 نومبر کو کھیلا جائے گا، دوسرا اور تیسرا ٹی 20 میچ 5 اور 8 نومبر کو کھیلا جائے گا۔

    ٹی 20 سیریز سے قبل قومی ٹیم کرکٹ آسٹریلیا کے خلاف وارم اپ میچ کھیلے گی، دونوں ٹیموں کے درمیان وارم اپ میچ 31 اکتوبر کو کھیلا جائے گا۔

  • دورہ آسٹریلیا کے لیے قومی ٹی ٹوئنٹی اور ٹیسٹ ٹیم کا اعلان کل ہوگا

    دورہ آسٹریلیا کے لیے قومی ٹی ٹوئنٹی اور ٹیسٹ ٹیم کا اعلان کل ہوگا

    لاہور: دورہ آسٹریلیا کے لیے قومی ٹی ٹوئنٹی اور ٹیسٹ ٹیم کا اعلان کل ہوگا، جبکہ سابق کپتان سرفراز احمد کو کسی ٹیم میں شامل نہیں کیا گیا ہے۔

    تفصیلات کے مطابق ذرایع کا کہنا ہے کہ سابق کپتان سرفراز احمد کو دورے اسٹریلیا کے لیے منتخب نہیں کیا گیا ہے، دورہ آسٹریلیا کے لیے قومی ٹی ٹوئنٹی اور ٹیسٹ ٹیم کا اعلان کل ہوگا۔

    ذرایع نے بتایا کہ ہیڈکوچ اور چیف سلیکٹر مصباح الحق نے ٹیمیں فائنل کرلیں، شعیب ملک اور محمد حفیظ کو ٹی ٹوئنٹی ٹیم میں شامل نہیں کیا جائے گا۔

    محمدعرفان، محمدعامر، عثمان شنواری اور وہاب ریاض ٹی20ٹیم کا حصہ ہوں گے، راحت علی، عمران خان سینئر، محمدموسیٰ اور شاہین آفریدی ٹیسٹ ٹیم میں شامل ہوں گے۔

    ذرایع کا کہنا تھا کہ یاسرشاہ اور ظفرگوہر ٹیسٹ اسپن اٹیک کا حصہ ہوں گے۔ جبکہ امام الحق، عابدعلی اور شان مسعود ٹیسٹ اسکواڈ کے اوپنرز ہوں گے۔

    سرفراز احمد کو کپتانی سے ہٹا کر پی سی بی نے خود میرٹ کا پول کھول دیا، مشاہداللہ خان

    ٹیسٹ اور ٹی ٹوئنٹی ٹیم میں محمد رضوان وکٹ کیپرہوں گے، ٹی ٹوئنٹی ٹیم میں کامران اکمل کا نام بھی زیرغور ہے۔

    واضح رہے کہ پاکستان کرکٹ بورڈ نے سرفراز احمد کو قومی ٹیسٹ ٹیم کی کپتانی سے ہٹاتے ہوئے اظہر علی کو قیادت سونپ دی ہے جبکہ ٹی ٹوینٹی کی کپتانی نوجوان بلے باز بابر اعظم کے سپرد کردی گئی ہے۔

    پی سی بی اعلامیے کے مطابق اظہرعلی آسٹریلیا کے خلاف دو ٹیسٹ میچزمیں قومی ٹیسٹ ٹیم کی قیادت کریں گے جبکہ اسی دورے میں کھیلے جانے والے 3 ٹی ٹوینٹی میچز میں بابراعظم ٹیم کے کپتان ہوں گے۔

  • سری لنکن ٹیم نجی ائیرلائن سے براستہ دبئی وطن روانہ ہوگئی

    سری لنکن ٹیم نجی ائیرلائن سے براستہ دبئی وطن روانہ ہوگئی

    لاہور: سری لنکن کرکٹ ٹیم دورہ پاکستان مکمل کرکے لاہور ائیرپورٹ سے نجی ایئرلائن کے ذریعے براستہ دبئی وطن روانہ ہوگئی۔

    تفصیلات کے مطابق سری لنکن کرکٹ ٹیم دورہ مکمل کرکے قذافی اسٹیڈیم سے ایئرپورٹ پہنچی، جہاں ٹیم کوسخت سیکیورٹی کے حصارمیں رکھا گیا بعد ازاں نجی ایئرلائن کے ذریعے ٹیم اپنے ملک روانہ ہوگئی۔

    سری لنکن ٹیم کے پرامن طریقے سے کامیاب دورے کو پزیرائی ملی، اور عالمی کرکٹ کے لیے پاکستان کے دروازے کھل گئے، دیگر ملکوں کے بھی پاکستان آکر کرکٹ کھیلنے کے امکانات ہیں۔

    اس دورے میں سری لنکن ٹیم کو پاکستان میں ایک روزہ سیریز میں شکست کا سامنا کرنا پڑا تھا، جبکہ ٹی20 سیریز میں سری لنکن ٹیم نے پاکستان کو وائٹ واش کیا۔

    ’’پاکستان سے ملنے والی محبتوں کو ہمیشہ یاد رکھیں گے‘‘

    یاد رہے کہ سری لنکن ٹیم دس سال کے طویل عرصے کے بعد پاکستان آئی تھی، جہاں دونوں ٹیموں کے مابین تین ون ڈے اور تین ٹی ٹوئنٹی میچز کی سیریز کھیلی گئی، پہلا ون ڈے بارش کی وجہ سے نہیں کھیلا جاسکا تھا جبکہ دو میں پاکستان نے فتح اپنے نام کرلی تھی، اسی طرح ٹی ٹوئنٹی سیریز میں سری لنکا نے قومی ٹیم کو وائٹ واش کر کے ٹرافی اپنے نام کی۔

    اپنے ملک روانگی سے قبل سری لنکا کی ٹیم کے کوچ رمیش رنا ئیکے کا کہنا تھا کہ پاکستان آکر کھیلنے میں بہت خوشی ہوئی، یہاں سے ملنی والی محبتوں کو ہمیشہ یاد رکھیں گے۔

    میچ کے بعد سری لنکن کوچ رمیش رتنائیکے اور کپتان داش شناکا نے مشترکا پریس کانفرنس کی جس میں انہوں نے شائقین کرکٹ کا سپورٹ کرنے پر شکریہ بھی ادا کیا۔

  • قومی کرکٹ ٹیم آئندہ برس آئرلینڈ اور نیدرلینڈز کے خلاف سیریز کھیلے گی

    قومی کرکٹ ٹیم آئندہ برس آئرلینڈ اور نیدرلینڈز کے خلاف سیریز کھیلے گی

    لاہور: قومی کرکٹ ٹیم آئندہ برس آئرلینڈ اور ندرلینڈز کے خلاف سیریز کھیلے گی، یہ سیریز پاکستان کرکٹ ٹیم کے دورہ انگلینڈ سے قبل ہوگی۔

    تفصیلات کے مطابق ہالینڈ اور نیدرلینڈز کے خلاف سیریز ایک روزہ اور ٹی20 مقابلوں پر مشتمل ہوگی جس کا شیڈول جولائی میں طے کیا جا رہا ہے۔

    قومی کرکٹ ٹیم کی نیدرلینڈز کے خلاف سیریز 3 ون ڈے میچز پر مشتمل ہوگی جب کہ پاکستان اور آئرلینڈ کے درمیان 2 ٹی20 مقابلے ہوں گے۔

    خیال رہے کہ پاکستان نے دورہ انگلینڈ میں تین ٹیسٹ اور تین ٹی20 میچز کھیلنے ہیں۔ قومی کرکٹ ٹیم کا دورہ انگلینڈ 30 جولائی سے شروع ہو کر دو ستمبر 2020 تک جاری رہے گا۔

    پاک سری لنکا دوسرا ٹی ٹوینٹی میچ آج قذافی اسٹیڈیم میں آج کھیلا جائے گا

    دورے کے دوران 3 ٹیسٹ اور 3 ٹی 20 میچز کھیلے جائیں گے جبکہ مذکورہ 3 ٹیسٹ میچز ورلڈ ٹیسٹ چمپئن شپ کا حصہ ہوں گے۔ پاکستان اور انگلینڈ کے درمیان پہلا ٹیسٹ میچ 30 جولائی سے 3 اگست 2020 تک لارڈز میں کھیلا جائے گا۔

    دوسرا ٹیسٹ میچ 7 سے 11 اگست 2020 تک اولڈ ٹریفورڈ میں ہوگا اور تیسرا ٹیسٹ میچ 20 سے 24 اگست تک ٹرینٹ برج کرکٹ گراؤنڈ میں کھیلا جائے گا۔

    دونوں ٹیموں کے درمیان پہلا ٹی20 مقابلہ 29 اگست کو لیڈز میں ہوگا، دوسرا 31 اگست 2020 کو کارڈف اور تیسرا ٹی 20 میچ 2 ستمبر 2020 کو ساؤتھ ہمپٹن میں ہوگا۔

  • سری لنکا کے خلاف ٹی 20 سیریز کے لیے قومی ٹیم کا اعلان

    سری لنکا کے خلاف ٹی 20 سیریز کے لیے قومی ٹیم کا اعلان

    لاہور: سری لنکا کے خلاف سیریز کے لیے قومی ٹی 20 کرکٹ ٹیم کا اعلان کردیا گیا، ون ڈے کھیلنے والے اسکواڈ میں 3 تبدیلیاں کی گئی ہیں۔

    تفصیلات کے مطابق سری لنکا کے خلاف سیریز کے لیے قومی ٹی 20 کرکٹ ٹیم کا اعلان کردیا گیا۔ ہیڈ کوچ مصباح الحق نے 16 رکنی ٹیم کا اعلان کیا۔

    ٹیم کے زیادہ تر پلیئر ون ڈے اسکواڈ والے ہی ہیں جس میں صرف 3 تبدیلیاں کی گئی ہیں۔ عابد علی، امام الحق اور محمد رضوان کو ٹی 20 اسکواڈ سے باہر کردیا گیا۔ امام الحق کو انجری کی وجہ سے ٹی 20 سیریز میں شامل نہیں کیا گیا۔

    ان کی جگہ احمد شہزاد، عمر اکمل اور فہیم اشرف کو ٹی 20 اسکواڈ میں شامل کرلیا گیا۔ سرفراز احمد کپتان اور بابر اعظم نائب کپتان مقرر کیے گئے ہیں۔

    ٹی 20 ٹیم کے دیگر کھلاڑیوں میں آصف علی، فخر زمان، محمد حسنین، حارث سہیل، افتخار احمد، عماد وسیم، محمد نواز، محمد عامر، شاداب خان، عثمان شنواری اور وہاب ریاض بھی اسکواڈ کا حصہ ہیں۔

    دونوں ٹیموں کے درمیان 3 ون ڈے انٹرنیشنل میچز کی سیریز کا پہلا میچ شیڈول کے مطابق جمعہ کو کراچی میں ہونا تھا جو بارش کے باعث منسوخ کر دیا گیا تھا۔

    موسم کی صورتحال کو دیکھتے ہوئے پاکستان کرکٹ بورڈ نے دوسرے میچ کا شیڈول تبدیل کر دیا اور دوسرا ون ڈے میچ 30 ستمبر کو کھیلا گیا۔

    دوسرے ون ڈے میں پاکستان نے مہمان ٹیم کو 67 رنز سے شکست دے کر سیریز میں 0-1 کی برتری حاصل کرلی تھی۔

    ون ڈے سیریز کے بعد دونوں ٹیموں کے درمیان 3 ٹی ٹونٹی میچز کی سیریز کا آغاز 5 اکتوبر سے لاہور میں ہوگا۔ تینوں ٹی 20 میچز 5، 7 اور 9 اکتوبر کو قذافی اسٹیڈیم لاہور میں کھیلے جائیں گے۔

    یاد رہے کہ سری لنکن ٹیم 10 سال بعد پاکستان آئی ہے، مہمان ٹیم کےلئے سیکیورٹی کے فول پروف انتظامات کیے گئے ہیں۔

  • سری لنکا کیخلاف سیریز قومی کھلاڑیوں کے اعتماد کی بحالی کیلئے ضروری تھی: رمیز راجہ

    سری لنکا کیخلاف سیریز قومی کھلاڑیوں کے اعتماد کی بحالی کیلئے ضروری تھی: رمیز راجہ

    لاہو: پاکستان کرکٹ ٹیم کے سابق کھلاڑی اور کمنٹیٹر رمیز راجہ نے کہا ہے کہ سری لنکا کے خلاف سیریز قومی کھلاڑیوں کے اعتماد کی بحالی کے لیے ضروری تھی۔

    تفصیلات کے مطابق سری لنکن کرکٹ ٹیم 25 ستمبر کو پاکستان پہنچے گی اور 27 ستمبر سے 2 اکتوبر تک کراچی کے نیشنل سٹیڈیم میں تین میچوں کی ون ڈے سیریز جبکہ 5 اکتوبر سے 9 اکتوبر تک لاہور میں ٹی 20 سیریز کھیلے گی۔

    رمیز راجہ کے مطابق یہی وقت ہے قومی ٹیم دفاعی سوچ سے نکل کر نڈر کرکٹ کھیلے اور مختلف شاٹس اور ورائٹی کا استعمال کرے۔

    انہوں نے کہا کہ ہم اس وقت تک ایک بہترین ٹیم نہیں بن سکتے جب تک مختلف سوچ کے ساتھ جارحانہ کرکٹ نہیں کھیلیں گے۔

    ان کا کہنا تھا کہ سری لنکا کی پاکستان آنے والی ٹیم اوسط درجے کی ہے اس لئے قومی ٹیم کو اس کا دباﺅ لینے کی ضرورت نہیں بلکہ قومی سکواڈ میں انڈر 23 اور انڈر 19 میں بہترین کارکردگی دکھانے والے کھلاڑی بھی شامل کرنا چاہئے تھے۔

    پاک سری لنکا سیریز، آئی سی سی نے میچ آفیشلز کا اعلان کردیا

    خیال رہے کہ پاکستان کی سیکیورٹی پر آئی سی سی کا اعتماد بھی بڑھنے لگا ہے، آئی سی سی نے پاکستان اور سری لنکا کے درمیان سیریز کے لیے آسٹریلیا کے ڈیوڈ بون کو میچ ریفری مقرر کردیا۔

    آئی سی سی ایلیٹ پینل میں شامل مائیکل گف، جول ولسن اور علیم ڈار امپائرنگ کے فرائض انجام دیں گے۔

    رپورٹ کے مطابق آئی سی سی انٹرنیشنل پینل میں شامل احسن رضا، شوزب رضا اور آصف یعقوب بھی سیریز میں ذمہ داریاں نبھائیں گے۔

  • سری لنکا کے خلاف سیریز کے لیے قومی ٹیم کے تربیتی کیمپ کا آغاز

    سری لنکا کے خلاف سیریز کے لیے قومی ٹیم کے تربیتی کیمپ کا آغاز

    لاہور: مہمان ٹیم سری لنکا کے خلاف سیریز کے لیے قومی ٹیم کے 4روزہ تربیتی کیمپ کا آغاز ہوگیا۔

    تفصیلات کے مطابق پاک سری لنکا سریز کے لیے قومی ٹیم جم کر محنت کررہی ہے، قذافی اسٹیڈیم لاہور میں تربیتی کیمپ کا آغاز ہوچکا ہے۔

    کپتان سرفراز احمد اور محمد حسنین کراچی سے آج جمعرات کے روز لاہور پہنچ جائیں گے، ہیڈ کوچ مصباح الحق اور بالنگ کوچ وقار یونس کی زیر نگرانی تربیتی کیمپ قذافی اسٹیڈیم میں جاری رہے گا۔

    سری لنکا کے خلاف ایک روزہ، ٹی ٹوینٹی سیریز 27 ستمبر سے 9 اکتوبر تک جاری رہے گی، سرفراز احمد 2017 سے تینوں فارمیٹ میں قومی ٹیم کی قیادت کررہے ہیں۔

    دو روز قبل سری لنکا کے خلاف سیریز کے لیے 20 ممکنہ کھلاڑیوں کا اعلان کیا گیا تھا۔

    پاک سری لنکا سیریز، ٹکٹوں کی آن لائن بکنگ 20 ستمبر سے شروع ہوگی

    ممکنہ کھلاڑیوں میں کپتان سرفراز احمد، بابر اعظم، احمد شہزاد، آصف علی، عابد علی، عثمان شنواری، فہیم اشرف، فخر زمان، حارث سہیل، حسن علی، افتخار احمد، عماد وسیم، وہاب ریاض، امام الحق، شاداب خان اور عمر اکمل شامل ہیں۔

    تمام کھلاڑی 18 ستمبر کو نیشنل کرکٹ اکیڈمی لاہورمیں رپورٹ کریں گے۔ مصباح الحق 21 ستمبر کو ون ڈے اور ٹی 20 ٹیموں کا اعلان کریں گے۔ قومی ایک روزہ کرکٹ ٹیم 24 ستمبر کو کراچی روانہ ہوجائے گی۔

  • سری لنکن ٹیم 25 ستمبر کو کراچی پہنچے گی

    سری لنکن ٹیم 25 ستمبر کو کراچی پہنچے گی

    کراچی: سری لنکا کی ٹیم شیڈول کے مطابق پچیس ستمبر کو کراچی پہنچے گی، دونوں ٹیموں کے درمیان تین ون ڈے اور تین ٹی ٹوئنٹی میچز کھیلے جائیں گے۔

    تفصیلات کے مطابق دونوں ٹیموں کے درمیان تین ون ڈے انٹرنیشنل میچز 27 ستمبر، 29 ستمبر اور 2 اکتوبر کو نیشنل اسٹیڈیم کراچی میں کھیلے جائیں گے۔

    پہلے سے جاری کردہ شیڈول کے مطابق تین ون ڈے انٹرنیشنل میچز 27 ستمبر، 29 ستمبر اور 2 اکتوبر کو نیشنل اسٹیڈیم کراچی میں کھیلے جائیں گے جبکہ ٹی ٹوئنٹی سیریز کے تینوں میچز قذافی اسٹیڈیم لاہور میں 5، 7 اور 9 اکتوبر کو ہونا ہے۔

    سری لنکا کے وزیر کھیل ہارین فرنینڈونے گذشتہ ماہ ایک پریس کانفرنس میں یہ اعلان کیا تھا کہ سری لنکا کی ٹیم پاکستان میں ون ڈے سیریز کھیلے گی۔

    بعد ازاں چیئرمین پاکستان کرکٹ بورڈ احسان مانی نے سری لنکن کرکٹ بورڈ کے صدر سے فون پر بات کی تھی جس میں یہ فیصلہ کیا گیا کہ پہلے ون ڈے اور ٹی ٹوئنٹی سیریز کھیلی جائے گی اور اس کے بعد دونوں ممالک میں ٹیسٹ سیریز ہوگی۔

    یہ ٹیسٹ سیریز آئی سی سی کی ورلڈ ٹیسٹ چمپئن شپ کا حصہ ہے۔

  • قومی کرکٹ ٹیم کا پری سیزن کیمپ، آج سے مہارت بہتر بنانے پر کام ہوگا

    قومی کرکٹ ٹیم کا پری سیزن کیمپ، آج سے مہارت بہتر بنانے پر کام ہوگا

    لاہور: قومی کرکٹرز کے پری سیزن کیمپ میں آج (منگل) سے بیٹنگ، بولنگ اور فیلڈنگ میں مہارت بہتر بنانے کے لیے کام شروع ہوگا۔

    تفصیلات کے مطابق اس کیمپ میں پہلے مرحلے میں کھلاڑیوں کے فٹنس ٹیسٹ لئے گئے تھے، اس کے بعد جسمانی استعداد بہتر بنانے کے لیے مشقوں کا سلسلہ جاری رہا، کل سے کرکٹ میں صلاحتیں نکھارنے پر کام شروع ہوگا۔

    مصباح الحق کی نگرانی میں ٹریننگ کے لیے پری سیزن کیمپ میں 20 کرکٹرز کو طلب کیا گیا ہے، سابق کپتان خاص طور پر بیٹنگ تکنیک میں بہتری اور مستقل مزاجی سے کارکردگی دکھانے کے نسخے بتائیں گے۔

    یاد رہے کہ ہائی پر فارمنس کیمپ کے لہے 12 ابھرتے ہوئے کرکٹرز بھی نیشنل کرکٹ اکیڈمی میں موجود ہیں۔

    دوسری جانب سری لنکن کرکٹ ٹیم نے پاکستان میں محدود اوورز کی سیریز کھیلنے کے لیے گرین سگنل دے دیا ہے، ون ڈے اور ٹی ٹوینٹی سیریز کا شیڈول جاری کردیا گیا۔

    سری لنکا کے دورہ پاکستان کے شیڈول کا اعلان کردیا گیا

    پاکستان کرکٹ بورڈ کے مطابق سری لنکن ٹیم 27 ستمبر سے 9 اکتوبر تک پاکستان کا دورہ کرے گی، دورے میں تین ون ڈے اور تین ٹی ٹوینٹی میچز کھیلے جائیں گے۔

    ون ڈے سیریز کراچی میں شیڈول ہے، ٹی ٹوینٹی سیریز پانچ سے 9 اکتوبر تک لاہور میں ہوگی، ٹیسٹ سیریز دسمبر تک موخر کردی گئی ہے۔

  • قومی کرکٹرز کے دو روزہ فٹنس ٹیسٹ کا نیشنل کرکٹ اکیڈمی میں آغاز

    قومی کرکٹرز کے دو روزہ فٹنس ٹیسٹ کا نیشنل کرکٹ اکیڈمی میں آغاز

    لاہور: قومی کرکٹرز کے دو روزہ فٹنس ٹیسٹ کا نیشنل کرکٹ اکیڈمی میں آغاز ہوگیا۔ سابق کپتان مصباح الحق پہلی بار کیمپ کمانڈنٹ کی ذمہ داریاں نبھا رہے ہیں۔

    تفصیلات کے مطابق نیشنل کرکٹ اکیڈمی میں قومی کرکٹ ٹیم کے کھلاڑیوں کے لیے دو روزہ فٹنس ٹیسٹ کا آغاز ہوچکا ہے، سابق کپتان مصباح الحق نے فٹنس ٹیسٹ سے پہلے کھلاڑیوں کو لیکچر بھی دیا جس میں فٹنس کی اہمیت کو اجاگر کیا۔

    21 میں 18 کھلاڑیوں کے پہلے مرحلے میں فٹنس ٹیسٹ ہوں گے۔ جن میں سرفراز احمد، یاسر شاہ، شاہین آفریدی، اسد شفیق، حارث سہیل، شان مسعود، محمد رضوان، عثمان شنواری، فخرزمان، امام الحق، وہاب ریاض، عابدعلی، راحت علی، افتخار احمد، ظفر گوہر، بلال آصف اور میر حمزہ شامل ہیں۔

    قومی کرکٹ ٹیم کے سینٹرل کنٹریکٹ کھلاڑیوں کے یویو ٹیسٹ مکمل ہوگئے

    شاداب خان 22 اگست کو رپورٹ کریں گے، اظہر علی 24 جب کہ حسن علی 26 اگست کو لاہور پہنچیں گے۔ فٹنس ٹیسٹ کے بعد کنڈیشنگ کیمپ 22اگست سے رکھا گیا ہے جس میں بیٹنگ، بولنگ اور فیلڈنگ کی خامیوں کو دور کرنے پر بھی توجہ دی جائےگی۔

    7 ستمبر تک جاری رہنے والے اس پری سیزن کیمپ کا مقصد بین الاقوامی کرکٹ کی تیاری کرنا ہے۔

    خیال رہے کہ گذشتہ روز قومی کرکٹ ٹیم کے سینٹرل کنٹریکٹ کھلاڑیوں کے یویو ٹیسٹ مکمل ہوگئے، فٹنس ٹیسٹ دو گروپس میں لیے جارہے ہیں۔