ARYNews.tv | Urdu – Har Lamha Bakhabar

Tag: Teapot

  • ہیئر اسٹائلسٹ کا انوکھا کارنامہ، بال کو ’چائے کی کیتلی‘ میں تبدیل کردیا

    ہیئر اسٹائلسٹ کا انوکھا کارنامہ، بال کو ’چائے کی کیتلی‘ میں تبدیل کردیا

    ہیئر اسٹائلسٹ نے بڑی مہارت کے ساتھ خاتون کے بالوں کو چائے کی کیتلی کا روپ دیکر سب کو حیران کردیا۔

    فوٹو اینڈ شیئرنگ ایپ انسٹاگرام پر ایک ویڈیو وائرل ہورہی ہے جس میں ایران سے تعلق رکھنے والی ہیئر اسٹائلسٹ نے خاتون کے بالوں کو چائے کی کیتلی کا روپ دیدیا۔

    ہیئر اسٹائلسٹ سعیدہ اریائی کو اپنے کسٹمر کے بالوں کو ’ٹی پوٹ ‘ میں تبدیل کرتے ہوئے دیکھا جاسکتا ہے جبکہ اس دوران انہوں نے ان بالوں سے کپ میں چائے بھی بھرلی۔

    ویڈیو میں دیکھا جاسکتا ہے کہ ہیئر اسٹائلسٹ نے پہلے پونی ٹیل باندھا بعدازاں بالوں پر پنوں کی مدد سے سر کے تاج پر دھاتی تاروں سے بنی چائے کی کیتلی کا ایک ڈھانچہ ترتیب دیا، اس عمل میں گلو گن کا استعمال کیاگیا۔

    بالوں کی مدد سے ڈیزائن دینے کے بعد ہیئر اسٹائلسٹ نے اس ہیئر ٹی پوٹ میں مائع بھی ڈالا جو بالوں سے کپ میں گرتا دیکھا جاسکتا ہے۔

    منفرد اور حیران کن ویڈیو شیئر کرتے ہوئے ہیئر اسٹائلسٹ نے کیپشن میں لکھا کہ’ یہ کام میری اور میری لڑکیوں کی دو دن کی محنت کا نتیجہ تھا، میں کچھ ایسا کرنا چاہتی تھی جو قدرتی محسوس ہو، اس لیے میں نے ایک ایسا برتن بنانے کا فیصلہ کیا جس سے چائے ضرور چھلکے‘۔

    ہیئر اسٹائلسٹ نے اس اسٹائل کے علاوہ متعدد حیران کن اسٹائل کی ویڈیو بھی اپنے انسٹاگرام پر شیئر کی ہے جسے دیکھ کر صارفین نے ان کے مہارت کی تعریف کی ہے۔

    واضح رہے کہ انہوں نے انسٹاگرام پر چند دن پہلے ویڈیو شیئر کی گئی جسے ہزاروں کی تعداد میں صارفین دیکھ چکے ہیں۔

  • گیراج سے ملنے والی چائے کی کیتلی نے زندگی بدل ڈالی

    گیراج سے ملنے والی چائے کی کیتلی نے زندگی بدل ڈالی

    لندن : برطانیہ میں لاک ڈاﺅن کے دوران جب گھر پر فارغ بیٹھنے کے سوا کوئی کام نہ تھا، ایک آدمی کو اپنے گھر کے گیراج کی صفائی ستھرائی کا خیال آیا اور صفائی کے دوران اسے وہاں سے ایسی چیز مل گئی کہ جس سے اس کی زندگی ہی بدل گئی گویا لاٹری نکل آئی۔

    غیرملکی خبر رساں ادارےکے مطابق اس 51سالہ آدمی کو گیراج میں پڑے کاٹھ کباڑ سے ایک چائے کی کیتلی مل گئی جو تاریخی طور پر اہمیت کی حامل تھی اور اس کی مالیت 1لاکھ پاﺅنڈ (تقریباً 2کروڑ 13لاکھ روپے) تھی۔

    رپورٹ کے مطابق یہ چائے کی کیتلی چین کے ایک قدیم بادشاہ شیان لونگ کی تھی جب یہ کیتلی اس آدمی کو ملی تو وہ اسے ایک نیلام گھر کے ماہر کے پاس لے گیا جس نے اسے اس کیتلی کی اصلیت بتائی تو اس کی خوشی کا ٹھکانہ نہ رہا۔

    اس آدمی کا کہنا ہے کہ یہ کیتلی ہمارے خاندان میں نسلوں سے چلی آ رہی ہے، مجھے یاد ہے کہ جب میں چھوٹا تھا تو میری ماں اس کیتلی کو الماری میں سجا کر رکھتی تھی۔

    میرا خیال ہے کہ یہ کیتلی میرا دادا چین سے لایا تھا وہ فوج میں تھا اور دوسری جنگ عظیم کے دوران وہ چین میں رہا تھا، واضح رہے کہ یہ کیتلی ہینسن آکشنیرز پر نیلام کی جارہی ہے اور اس کی بولی 24ستمبر کو ہوگی۔