لاس اینجلس: ہالی ووڈ کی ایکشن اور تھرلر سے بھرپور فلم دی لاس اسکاؤٹ کا ٹریلر جاری کردیا گیا، فلم 17 جولائی کو سینماؤں کی زینت بنے گی
تفصیلات کے مطابق سنسنی سے بھرپور فلموں کے مداحوں کے لیے ہالی ووڈ کی سائنس فکشن فلم ’دی لاسٹ اسکاؤٹ‘ کا پہلا ٹریلر جاری کردیا گیا ہے۔
اس فلم کی کہانی 2065 میں جنگوں کے باعث زمین کی تباہی کے گرد گھوم رہی ہے، یہ فلم 17جولائی کوسینما گھروں میں ریلیز کی جائے گی۔
علاوہ ازیں جانی ڈیپ ایک بارپھر کیپٹن جیک اسپیرو بن گئے، گہرا سمندر، بڑا خزانہ، لمبی جنگ، ایڈونچر اور ایکشن سے بھرپور ’پائریٹس آف دی کیریبین 5‘کے نئے ٹریلر نے دھوم مچادی۔
اس فلم کی کہانی گزشتہ فلموں کی طرح بہادر اور نِڈر جیک اسپیرو کے گِرد گھوم رہی ہے جو اپنے ساتھیوں کے ہمراہ نامعلوم خزانے کی تلاش میں سمندری سفر پر نکلتا ہے۔ یہ فلم 2 ماہ بعد ریلیز کی جائے گی۔
