اسمارٹ فون کی ایک اورانقلابی ڈیوائس،جس کے زریعے صارفین تین سو ساٹھ ڈگری کیمرے سے انوکھے منظردیکھ سکیں۔
گیئر وی آر نامی ہیڈ سیٹس کو سام سنگ نے فیس کے ساتھ مل کر تیار کیا ہے،اس میں گلیکسی نوٹ فور کو اسکرین کے طور پر استعمال کیا جاسکے گا۔
یہ پورٹیبل ڈیوائس کسی بھی ایونٹ یا مقام کو محفوظ کرسکے گی،اس میں سترہ ایچ ڈی کیمرے استعمال کئے گئے ہیں جو تین سو ساٹھ ڈگری کے اینگل سے مناظر محفوظ کر سکیں گے۔
اس میں مناظر بالکل انسانی آنکھ جیسے نظر آئیں گے مگر تھری ڈی فیچر کے ساتھ دیکھے جاسکیں گے۔
چارجنگ کے ماروں، بے چاروں کے لئے اچھی خبر یہ ہے کہ موبائل فون بنانے والی کمپنی نے سپر کپیسٹرز توانائی کو اسٹور کرنے والی بیٹری تیارکرلی ہے،جو چارجنگ کی زبردست صلاحیت رکھتی ہے۔
کمپنی کے مطابق اس بیٹری کو دس ہزار بار تک ریچارج کیا جا سکتا ہے،سپر بیٹریاں مستقبل میں نہ صرف موبائل فون بلکہ درجنوں دیگر آلات جیسے لیپ ٹاپس، الیکٹرک کارز وغیرہ میں بھی نصب کی جاسکیں گی۔
ایپل کمپنی نے موبائل فون میں ایک ایسی جدت کا اضافہ کردیا ہے جس کے تحت گھر بیٹھے سینما کی طرح بڑی دیوار پر فلمیں دیکھی جا سکتی ہیں۔
فلموں کے علاوہ دفاتر کے پروجیکٹس کو بھی موبائل فون میں ڈاؤن لوڈ کر کے کہیں بھی دیکھا جاسکتا ہے اور اپنے فارغ لمحات کو پرمسرت بنایا جاسکتا ہے۔
ماہرین نے اندھیروں کا خاتمہ جوتوں سے کر ڈالا، جوتوں اور چپلوں کی صنعت سے وابستہ ماہرین نے ایسے جوتے اورچپلیں بنالی ہیں جو روشنی بھی دے سکتی ہیں۔ ان جوتوں میں چھوٹے چھوٹے بلب لگے ہوتے ہیں جو اندھیرے میں چلنے کے لئے بڑے مددگار ہیں۔
یہ جوتے نا صرف روشنی دیتے ہیں بلکہ پانی میں خراب ہونے سے بھی محفوظ ہیں اور ضرورت پڑنے پرانہیں دھویا بھی جاسکتا ہے، یہ بیٹری آپریٹڈ لائٹ دینے والے جوتے مارکیٹ میں دیدہ زیب رنگوں اوربچوں کی مناسبت سے طرح طرح کے ڈیزائن میں بھی دستیاب ہوں گے۔
نیدرلینڈ کے شہر ایمسٹرڈیم میں طالب علم نے ایمبولینس ڈرون متعارف کرا دیا ہے،جو 60 میل فی گھنٹہ کی رفتار سے پرواز کرسکتا ہے،ایمبولینس ڈرون ایمرجنسی کی صورت میں موبائل کال ٹریک کرتا ہوا دل کے مریض کے پاس انتہائی کم وقت میں پہنچ سکے گا،ڈرون میں لگا کیمرا مریض کے پاس موجود شخص کا کنٹرول روم میں بیٹھے شخص سے براہ راست رابطہ کرائے گا جو مریض کو طبی امداد دینے کیلئے رہنمائی فراہم کرے گا،چھ چھوٹے پروں پر مشتمل ایمبولینس ڈرون چار کلوگرام تک وزن اٹھانے کی صلاحیت رکھتا ہے۔
ایپل کا آئی پیڈٹو،چھ ملی میٹرموٹاہے اوراس میں ٹچ آئی ڈی فنگر پرنٹ سینسر نصب ہے،اس میں پہلی بار اینٹی ریفلیکٹیوکوٹنگ استعمال کی گئی ہے جو دن کی روشنی میں بھی اسکرین کو سہولت سے دیکھنے میں مدد دیتی ہے۔
آئی پیڈ ٹوکے دوسرے نئے فیچرز میں آٹھ میگا پکسل کا کیمرا شامل ہے جو سلو موشن ویڈیو بنا سکتا ہے،نئے ایپل آئی پیڈ ٹو سے دنیا بھر میں ٹیبلٹس کی فروخت میں گیارہ فیصد اضافہ ہوا ہے۔
یونانی سائنسدانوں نے ایسا روبوٹ آکٹوپس تیار کیا ہے،جو پانی میں تیرنے کی صلاحیت رکھتا ہے، فاﺅنڈیشن فارریسرچ اینڈ ٹیکنالوجی نامی ادارے کے تحت بنایا جانے والا یہ روبوٹ آکٹوپس آٹھ مصنوعی بازوﺅں پرمشتمل ہے، جو صرف ایک سیکنڈ میں سات انچ تک پھیلنے کی صلاحیت رکھتے ہیں۔
سائنسدانوں کا کہنا ہے کہ یہ روبوٹک آکٹوپس سمندر میں موجود مچھلیوں کی اقسام اور آبی ماحولیات کو جانچنےکیلئے تخلیق کیا گیا ہے۔
جاپانی انجینئرز نے چند سیکنڈز میں کارمیں بدلنے والاچارعشاریہ تین فٹ لمبا روبوٹ تیارکیا ہے،روبوٹ کی حالت میں یہ ایک کلو میٹر فی گھنٹہ کی رفتار سےچلتا ہے جبکہ کار کی شکل اختیار کرنے پردس کلو میٹر فی گھنٹہ کی رفتار پکڑ سکتا ہے،کمپنی کا کہنا ہے کہ اگلا روبوٹ سولہ فٹ لمبا بنایا جائے گا،انجینئرزکا کہنا ہے کہ یہ آئیڈیا ہالی وڈ کی فلم ”ٹرانسفارمرز“سے لیا گیا ہے۔
سائنسدانوں نے انٹیلی جنٹ نامی مائیکرو چپ ایجادکی ہے جو بھوک کم کرنے میں مدد گارثابت ہے،یہ چپ وزن کم کرنےوالی سرجری کا متبادل بھی ہے،چپ کودماغ کی نس سے جوڑا جاتاہےجوبھوک کو کنٹرول کرتی رہتی ہے،چپ کےذریعے الیکٹریکل سگنل دماغ تک بھیجے جاتےہیں،اس طرح دماغ جسم کو کھانےسے ہاتھ روک لینےکاسگنل دیتاہے۔
کمپیوٹربنانےوالی مشہورکمپنی ایپل کےماہرین کاکہنا ہےکہ ان کی اسمارٹ واچ میں ایسا ایپ موجود ہے،جو دل کی ڈھرکن نوٹ کرتا ہے اور صارف کو تندرست رہنےکیلئے ورزش سےمتعلق معلومات بھی فراہم کرتاہے.
ایپل واچ سےنہ صرف کالزکی جاسکتی ہیں بلکہ ٹچ اسکرین کی سہولت کے ساتھ ایک بٹن بھی دیا گیا ہے، جس سے ایپل واچ کے مختلف فنکشنز کو کنٹرول کرسکتےہیں۔