ARYNews.tv | Urdu – Har Lamha Bakhabar

Tag: teenagers

  • میٹا ٹین ایجرز کی نیوز فیڈ سے کیا چیزیں چھپانے لگا ہے؟

    میٹا ٹین ایجرز کی نیوز فیڈ سے کیا چیزیں چھپانے لگا ہے؟

    سان فرانسسکو: میٹا ٹین ایجرز کی نیوز فیڈ سے خود کشی سمیت دیگر کئی قسم کا نامناسب مواد چھپانے لگا ہے۔

    غیر ملکی میڈیا رپورٹس کے مطابق 9 جنوری کو فیس بک، انسٹاگرام اور واٹس ایپ کی مالک کمپنی میٹا نے ٹین ایجرز کی نیوز فیڈ سے خود کشی سمیت نامناسب مواد چھپانے کا اعلان کیا تھا، میٹا کا کہنا تھا کہ وہ انسٹاگرام اور فیس بک پر نوعمروں کے اکاؤنٹس سے خود کشی، خود کو نقصان پہنچانے اور کھانے سے متعلق بیماریوں کے بارے میں پوسٹس ’ہائیڈ‘ کرے گا۔

    اس حوالے سے بلاگ پوسٹ میں بتایا گیا تھا کہ میٹا کے پلیٹ فارمز کا پہلے سے ہی یہ مقصد ہے کہ وہ ٹین ایجرز کو ان کی عمر کے لحاظ سے نامناسب مواد نہ دکھائے، چناں چہ اب ٹین ایجرز کو اپنی فیڈز پر ایسی نامناسب پوسٹس نظر نہیں آئیں گی۔

    میٹا کا کہنا ہے کہ نوعمروں کو اب ان ایپس پر محفوظ، اور عمر کے لحاظ سے مناسب چیزیں ہی دکھائی دیں گی، نیز اب ٹین ایجرز کے اکاؤنٹس (اگر انھوں نے انسٹاگرام یا فیس بک پر سائن اپ کرتے وقت عمر سے متعلق جھوٹ نہ بولا ہو) انتہائی پابندیوں والی ’سیٹنگز‘ میں رکھے جا رہے ہیں، اور وہ ایسی چیزیں بھی سرچ نہیں کر سکتے جو ان کے لیے نقصان دہ ہو سکتی ہیں۔

  • زیادہ بچوں والے گھرانوں میں نفسیاتی مسائل کا انکشاف، تحقیق

    زیادہ بچوں والے گھرانوں میں نفسیاتی مسائل کا انکشاف، تحقیق

    سائنسدانوں کی ٹیم تحقیق کے بعد اس نتیجے پر پہنچی ہے کہ جن خاندانوں میں بچوں کی تعداد زیادہ ہوتی ہے ان میں ذہنی صحت کے مسائل کا سامنا رہتا ہے۔

    اس حوالے سے دی گارڈین میں شائع ہونے والی تحقیق کے مطابق سائنسدانوں نے چین اور امریکہ میں بہن بھائیوں کی تعداد اور بچوں کی ذہنی صحت کے درمیان تعلق کا جائزہ لیا۔

    تحقیق کے بعد اس بات کا تعین کیا گیا کہ بہت سے بچوں والے خاندانوں میں بہن بھائیوں کو ذہنی صحت کے زیادہ مسائل کا سامنا کرنا پڑسکتا ہے۔

    14سال کی اوسط عمر کے حامل طلباء کے درمیان کی گئی تحقیق میں دونوں ممالک کے محققین نے بچوں سے دماغی صحت کے بارے میں کئی سوالات دریافت کیے۔

    تحقیق سے اس بات کا تعین ہوا ہے کہ چین اور امریکہ میں اکیلے اور ایک بہن یا بھائی ہونے والے بچوں کی ذہنی صحت زیادہ بہن بھائیوں کے مقابلے میں بہتر ہوتی ہے۔

    دوسری طرف سوتیلے بہن بھائی ہونے والے بچوں میں ان کے بغیر ہونے والوں کے مقابلے میں زیادہ نفسیاتی مسائل پائے گئے ہیں۔

    اس تحقیق میں یہ بھی بتایا گیا ہے کہ نفسیاتی مسائل ان بہن بھائیوں میں زیادہ واضح ہوتے ہیں جن کی عمر میں فرق ہوتا ہے۔

    سائنسدان ڈاکٹر ڈوگ ڈاؤنی نے اپنے نتائج کے حوالے سے اپنا جائزہ پیش کرتے ہوئے کہا کہ اگر آپ والدین کے وسائل کے بارے میں ایک پیسٹری کی طرح سوچتے ہیں تو ایک بچے کو ساری پیسٹری مل جائے گی لیکن جب زیادہ بہن بھائی ہوتے ہیں تو ہر بچے کو اپنے والدین کی طرف سے کم وسائل اور توجہ ملتی ہے اور اس کا اثر ان کی دماغ صحت پر پڑسکتا ہے۔

  • جلتی ہوئی عمارت کی پانچویں منزل سے لڑکوں نے اپنی جان کیسے بچائی؟ دل دہلا دینے والی ویڈیو

    جلتی ہوئی عمارت کی پانچویں منزل سے لڑکوں نے اپنی جان کیسے بچائی؟ دل دہلا دینے والی ویڈیو

    امریکی شہر نیویارک میں آتشزدگی کا شکار عمارت سے 2 نوجوان لڑکوں نے پائپ کے ذریعے چھلانگ لگا کر اپنی جانیں بچائیں، دونوں لڑکے معمولی طور پر زخمی بھی ہوئے۔

    امریکی میڈیا کے مطابق نیویارک کے علاقے مین ہٹن میں واقع اس عمارت میں الیکٹرک بائیک کی بیٹریز کی وجہ سے آگ بھڑکی۔

    نیویارک فائر ڈپارٹمنٹ کے مطابق آتشزدگی سے 1 شخص ہلاک جبکہ 1 خاتون زخمی ہوئیں جنہیں اسپتال منتقل کردیا گیا، جلتی ہوئی منزل پر 2 لڑکے بھی پھنس گئے جو اپنی جان بچاتے ہوئے زخمی ہوئے۔

    سوشل میڈیا پر وائرل ویڈیو میں دیکھا جاسکتا ہے کہ ایک لڑکا پانچویں منزل کی کھڑکی سے لٹک رہا ہے، مذکورہ فلور پر گہرا سیاہ دھواں پھیلا ہوا ہے۔

    لڑکا برابر میں موجود پائپ تک پہنچ جاتا ہے اور اسی دوران دوسرا لڑکا کھڑکی تک آتا ہے۔ اسی دوران کھڑکی میں آگ بھڑکتی ہوئی دکھائی دیتی ہے۔

    دونوں لڑکے پائپ کے ذریعے پھسلتے ہوئے نیچے تک آتے ہیں جہاں ریسکیو عملہ فوری طور پر انہیں اپنی نگرانی میں لے لیتا ہے۔

    پائپ سے نیچے اترنے کی وجہ دونوں لڑکے معمولی طور پر زخمی بھی ہوئے ہیں جنہیں اسپتال منتقل کیا گیا ہے۔

  • موٹاپے نے ماں کو بچوں سے جُدا کردیا، انوکھا مقدمہ

    موٹاپے نے ماں کو بچوں سے جُدا کردیا، انوکھا مقدمہ

    لندن : برطانیہ میں اپنی نوعیت کے انوکھے مقدمے کی سماعت ہوئی جس میں عدالت نے قرار دیا کہ بچوں کو موٹاپے سے نجات نہ دلانے کی پاداش ماں کے دونوں بچے دارالامان میں رہیں گے۔

    برطانیہ میں موٹاپے کا شکار ہونے کی وجہ سے نوجوان بہن بھائی کو حکومت نے ماں سے چھین کر اپنی تحویل میں لے لیا۔

    غیر ملکی خبر رساں ادارے کے مطابق 17سال بھائی اور اس کی 13سالہ بہن ماں کے ساتھ رہتے ہوئے اپنا موٹاپا کم کرنے میں ناکام رہے جس پر حکام نے عدالت سے رجوع کر لیا۔

    فیملی کورٹ کی جج جیلیان ایلس کا کہنا تھا کہ ماں کی طرف سے ان بچوں پر خاطرخواہ توجہ نہ دیا جانا ثابت ہو چکا ہے، یہی وجہ تھی کہ دونوں بچے سوشل ورکرز کی طرف سے جم کی ممبر شپس اور دیگر ضروری مدد فراہم کرنے کے باوجود ماں کے ساتھ رہتے ہوئے موٹاپا کم کرنے میں ناکام رہے۔

    جج نے اپنے ریمارکس میں کہا کہ بچوں کا موٹاپا مسلسل بڑھنے کی وجہ سے ان کی صحت کو سنگین خطرات لاحق ہوسکتے ہیں چنانچہ انہیں ایک فوسٹر فیملی کے ساتھ رکھا جائے جہاں ان کی مناسب دیکھ بھال ہوں اور ان کی صحت کے حوالے سے ضروریات پوری ہو سکیں۔

    واضح رہے کہ یہ اپنی نوعیت کا پہلا عدالتی فیصلہ ہے جو منظرعام پر لایا گیا ہے۔ مقدمے کی سماعت کے بعد عدالت نے مذکورہ دونوں بچوں کو ان کی والدہ سے لے کر فوسٹر کیئر میں رکھنے کا فیصلہ سنا دیا ہے۔

  • کم عمری میں جلد کا خیال رکھنے کے لیے قدرتی اشیا سے بنا ماسک

    کم عمری میں جلد کا خیال رکھنے کے لیے قدرتی اشیا سے بنا ماسک

    کم عمری میں بھاری بھرکم کاسمیٹکس اشیا استعمال کرنے سے پرہیز کرنا چاہیئے لیکن جلد کا خیال رکھنا بھی ضروری ہے تاہم اس کے لیے قدرتی اشیا نہایت مؤثر ثابت ہوسکتی ہیں۔

    اے آر وائی ڈیجیٹل کے پروگرام گڈ مارننگ پاکستان میں ڈاکٹر بتول نے کم عمر نوجوانوں کی جلد کی حفاظت کے لیے فروٹ ماسک بنانے کا طریقہ بتایا۔

    ڈاکٹر بتول نے بتایا کہ کم عمر لڑکیاں اور لڑکے اپنی جلد کا خیال نہیں رکھ پاتے اور کھیلنے کودنے اور اسکول وغیرہ جانے کے لیے باہر نکلنے سے ان کی جلد اور اس کی رنگت بھی بے حد خراب ہوجاتی ہے۔

    انہوں نے کہا کہ اگر جلد کی حفاظت اسی عمر سے شروع کردی جائے تو وہ تادیر صحت مند رہتی ہے۔

    ڈاکٹر بتول نے مصنوعی اشیا کے بجائے پھلوں کا ماسک لگانے کا مشورہ دیا۔

    انہوں نے بتایا کہ اسٹرابری میں الفاہائیڈروکسی ایسڈ ہوتا ہے جو جلد کی رنگت کو یکساں کرتا ہے، مسام بند کرتا ہے جبکہ چہرے کے داغ دھبوں میں بھی کمی کرتا ہے۔

    ڈاکٹر بتول کے مطابق 2 اسٹرابریز کاٹ کر اس پر ایک چٹکی میٹھا سوڈا چھڑکیں، اچھی طرح ملانے کے بعد 5 منٹ تک اس سے مساج کریں اور 20 منٹ کے لیے چھوڑ دیں۔

    انہوں نے بتایا کہ اس ماسک سے نہ صرف جلد کی رنگت نکھر جاتی ہے بلکہ جلد نرم و ملائم بھی ہوجاتی ہے۔

  • داعشی لڑکی کی برطانوی شہریت منسوخ، اہل خانہ کا قانونی چارہ جوئی کا فیصلہ

    داعشی لڑکی کی برطانوی شہریت منسوخ، اہل خانہ کا قانونی چارہ جوئی کا فیصلہ

    لندن : برطانوی حکومت نے داعشی لڑکی شمیمہ بیگم کی شہریت منسوخ کردی، دہشت گرد لڑکی کے اہل خانہ نے حکومتی اقدام کے خلاف عدالت سے رجوع کرنے کا فیصلہ کیا ہے۔۔

    تفصیلات کے مطابق شام و عراق میں دہشتگردانہ کارروائیاں کرنے والی تنظیم داعش میں شمولیت اختیار کرنے والی برطانوی لڑکی نے کچھ دن قبل برطانیہ لوٹنے کی خواہش کا اظہارکیا تھا، برطانوی حکومت نے داعشی لڑکی کی برطانوی شہریت منسوخ کردی ہے۔

    برطانوی میڈیا کا کہنا ہے کہ شمیمہ بیگم کے والدین نے بیٹی کی برطانوی شہریت منسوخ کیے جانے کے خلاف کورٹ میں اپیل کرنے کا عندیہ دیا ہے۔

    حکومتی ذرائع کا کہنا ہے کہ ممکن ہے داعشی میں شامل ہونے والی 19 سالہ لڑکی نے برطانوی شہریت ترک کردی ہو کیوں وہ کسی بھی ملک کی شہریت لے سکتی تھی۔

    وزارت داخلہ کے ترجمان کا کہنا تھا کہ دہشت گرد خاتون کی برطانوی شہریت شواہد کی بنیاد پر منسوخ کی گئی ہے، گزشتہ دنوں وزیر داخلہ ساجد جاوید واضح طور پر کہا تھا کہ ’میری پہلی ترجیح برطانیہ اور برطانوی شہریوں کی سیکیورٹی اور حفاظت ہے‘۔

    مقامی خبر رساں ادارے کا کہنا ہے کہ شمیمہ بیگم کا خیال ہے کہ ان کے آباؤ اجداد کا تعلق بنگلا دیش سے ہے لیکن ان کے پاس بنگلادیشی پاسپورٹ نہیں ہے اور انہوں نے کبھی بنگلادیش کا سفر بھی نہیں کیا۔

    مزید پڑھیں : داعش میں شمولیت اختیار کرنے والی برطانوی لڑکی ، گھر لوٹنے کی خواہش مند

    یاد رہے کہ برطانوی داعشی لڑکی نے بتایا تھا کہ ’میں فروری 2015 اپنی دو سہیلیوں 15 سالہ امیرہ عباسی، اور 16 سالہ خدیجہ سلطانہ کے ہمراہ گھر والوں سے جھوٹ کہہ کر لندن کے گیٹ وک ایئرپورٹ سے ترکی کے دارالحکومت استنبول پہنچی تھی جہاں سے ہم تینوں سہلیاں داعش میں شمولیت کے لیے شام چلی گئی تھیں‘۔

    شمیمہ بیگم اب ایک پناہ گزین کیمپ میں زندگی گزار رہی ہے اور وہ اپنے نومولود بیٹے کی خاطر واپس برطانیہ لوٹنا چاہتی ہے۔

    مزید پڑھیں : انتہا پسندی کی طرف مائل ہونے والی شمیمہ کو ایک موقع دینا چاہیے، سابق داعشی خاتون

    مقامی میڈیا کا کہنا ہے کہ کسی کو شمیمہ سے ہمدردی نہیں ہے لیکن تانیہ جویا مذکورہ لڑکی کی مشکلات کے معتلق سب کچھ جاتنی ہیں، سابق داعشی خاتون تانیہ نے کہا کہ 19 سالہ لڑکی حاملہ لڑکی کو اپنے بچے کے ہمراہ برطانیہ لوٹنے کا موقع دینا چاہیے۔

    غیر ملکی خبر رساں ادارے کا کہنا ہے کہ تانیہ جویا امریکا سے تعلق رکھنے والے داعش کے سینئر دہشت گرد جون کی اہلیہ تھیں جو اب مکمل طور پرسماجی بحالی کے عمل سے گزرچکی ہیں اوراب اپنے دوسرے شوہر کے ہمراہ خوشحال زندگی گزار رہی ہیں۔

    واضح رہے کہ داعش کے ساتھ گزارے گئے دنوں میں شمیمہ کے دو بچے پیدا ہوکر ناقص طبی سہولیات اور ناکافی غذا کے سبب موت کے منہ میں جاچکے ہیں، اوراب وہ اپنے تیسرے بچے کی زندگی کے لیےبرطانیہ واپس آنا چاہتی ہے۔

  • بنگلا دیش میں طالب علم کی ہلاکت پرشدید مظاہروں میں 317 بسیں نذر آتش

    بنگلا دیش میں طالب علم کی ہلاکت پرشدید مظاہروں میں 317 بسیں نذر آتش

    ڈھاکا : بنگلا دیش  میں تیز رفتار بس کی ٹکر سے نوجوانوں کی ہلاکت پر طالب علموں کی جانب سے کیے جانے والے شدید احتجاج کے دوران 317 بسیں نذر آتش جبکہ 51 افراد زخمی ہوگئے۔

    تفصیلات کے مطابق بنگلا دیش کے دارالحکومت ڈھاکا کی گنجان آباد سڑک پر ڈورتی ہوئی تیز رفتار بس نے  موٹر سائیکل سواروں کو کچل دیا تھا، نوجوانوں کی ہلاکت کے بعد کالج کے طلبہ کی جانب سے شدید مظاہرے کیے جارہے ہیں۔

    غیر ملکی خبر رساں ادارے کا کہنا تھا کہ آئندہ انتخابات سے قبل سے شہر میں پر تشدد مظاہروں کا ہونا موجودہ حکومت کو کمزور اور انتخابات پر اثر انداز ہوسکتا ہے۔

    بنگلادیشی پولیس کا کہنا تھا کہ نوجوانوں کو کچلنے والی بس کے ڈرائیور کو گرفتار کرکے واقعے کی تحقیقات کا آغاز کردیا گیا ہے۔

    بنگلادیشی خبر رساں اداروں کے مطابق کالج کے طلبہ نے نوجوانوں کی ہلاکت پر شہر کا ٹریفک سسٹم مفلوج احتجاجاً کردیا تھا، جس کے بعد مظاہرے پرتشدد ہوگئے اور مظاہرین کی جانب سے 317 بسوں کو آگ لگادی گی، جبکہ 51 افراد مظاہروں کے دوران زخمی ہوگئے۔

    غیر ملکی خبر رساں ادارے کا کہنا تھا کہ اس قبل بھی ایک تیز رفتار بس نے طالب کو روند دیا تھا جس کے بعد طلبہ نے لاپرواہ بس ڈرائیور کی گرفتاری اور سزا کے لیے مظاہرے کیے تھے۔

    بنگلا دیش کے وزیر داخلہ کا کہنا تھا کہ ’حکومت کی جانب سے طلبہ کو بارہا یقین دہانی کروائی گئی ہے کہ واقعے میں ملوث شخص کو سخت سزا دی جائے اور ان کے تمام مطالبات بھی تسلیم کیے جائیں گے۔

    وزیر داخلہ اسد زمان نے کہا کہ آئندہ پارلیمانی اجلاس میں بس حادثوں سے متعلق قانون کے لیے مسودہ بھی پیش کیا جائے گا، ساتھ ساتھ اسد زمان کا نے اپوزیشن جماعت پر الزام لگاتے ہوئے کہا کہ مظاہروں میں بنگلا دیشن نیشنل پارٹی نے اپنے طلبہ کارکنان کو مظاہرین میں شامل کیا ہے۔

    بنگلا دیشی وزیر داخلہ کا کہنا تھا کہ سیکیورٹی اداروں کے پاس اپوزیشن جماعت بی این پی کے طلبہ ونگ کے ممبران کا مظاہروں میں ملوث ہونے کے واضح ثبوت موجود ہیں۔

    ان کا کہنا تھا کہ والدین اپن بچوں کو ان مظاہروں سے دور رکھیں، طلبہ کو پر تشدد احتجاج پر اکسانے والوں کے خلاف سخت کارروائی کی جائے گی۔

    دوسری جانب سے بنگلادیش کی اپوزیشن جماعت کے جنرل سیکریٹری نے حکومت کی جانب سے عائد کیے جانے والے تمام الزامات کی تردید کرتے ہوئے کہا ہے کہ موجودہ حکومت ملکی بحران اور سڑکوں پر ہونے والے ہولناک حادثات کو روکنے میں مکمل طور پر ناکام ہوچکی ہے۔

    جنرل سیکریٹری مرزا فخر الااسلام کا کہنا ہے کہ جو حکومت طلبہ کے مسائل اور ٹریفک حادثات پر کنٹرول نہ حاصل کرسکے اسے فوری طور پر مستعفی ہوجانا چاہیے۔

    خیال رہے کہ بنگلا دیش میں ہر برس 4 ہزار افراد ٹریفک حادثات میں موت کا شکار ہوجاتے ہیں، جو دنیا بھر میں ٹریفک حادثات کی بلند ترین سطح ہے۔

  • برطانیہ میں اوباش نوجوانوں کا معذور خاتون پر مبینہ تشدد

    برطانیہ میں اوباش نوجوانوں کا معذور خاتون پر مبینہ تشدد

    لندن : برطانیہ میں تصاویر بنانے کے لیے معذور خاتون پر آٹا ڈالنے اور انڈوں سے مبینہ تشدد کرنے والے اوباش نوجوانوں کو عوام کی جانب سے شدید تنقید کا نشانہ بنایا جارہا ہے۔

    تفصیلات کے مطابق برطانیہ کی پولیس نے گذشتہ روز معذور خاتون پر مبینہ طور پر حملہ کرنے کے جرم میں 4 نوجوانوں کو حراست میں لے لیا ہے، جنہوں نے متاثرہ خاتون پر آٹا ڈال کر انڈے مارے تھے۔

    غیر ملکی خبر رساں ادارے کا کہنا تھا کہ اوباش نوجوانوں کی جانب سے پارک میں بیھٹی بزرگ خاتون پر مبینہ تشدد کرنے کی تصاویر بناکر سماجی رابطے کی ویب سایٹ پر شائع کردی گئی تھی، جس میں 4 نوجوانوں کو خاتون کے پیچھے کھڑا دیکھا جاسکتا ہے۔

    پولیس کا کہنا ہے کہ متاثرہ خاتون پر حملہ کرنے والے 2 نوجوانوں کی عمر 17 برس جبکہ دیگر دو نوجوانوں کی عمر 15 برس ہے، جنہیں مبینہ حملہ کرنے کے جرم میں گرفتار کیا گیا تھا تاہم کچھ دیر بعد ہی مذکورہ حملہ آور ضمانت پر رہا ہوگئے۔

    پولیس کا کہنا ہے کہ نوجوانوں نے چالیس سالہ خاتون کو جمعے کی شام ساڑھے 5 بجے زبانی تشدد کرنے کے بعد آٹا ڈال کر انڈوں کا نشانہ بنایا تھا، جس کے تنیجے میں خاتون کو شدید ذہنی صدمہ پہنچا ہے تاہم کوئی جسمانی چوٹ نہیں آئی۔

    برطانوی خبر رساں ادارے کا کہنا ہے کہ اوباش نوجوانوں کا بزرگ شہری کے ساتھ ناروا سلوک کرنے اور واقعے کی تصاویر سماجی رابطوں کی ویب سایٹ پر شیئر کرنے کے بعد لوگوں کی جانب سے شدید تنقید کا نشانہ بنایا جارہا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • برطانیہ‘ ڈرائیور نے مسجد کے باہر کھڑے نمازیوں پرگاڑی چڑھا دی

    برطانیہ‘ ڈرائیور نے مسجد کے باہر کھڑے نمازیوں پرگاڑی چڑھا دی

    لندن :برمنگھم میں کار سوار نے مسجد کے باہر کھڑے مسلمان نوجوانوں پر گاڑی چڑھادی، جس کے نتیجے میں دو نوجوان شدید زخمی ہو گئے۔

    تفصیلات کے مطابق جمعے کے روز تیز رفتار کارسوار نے برطانیہ کے شہر برمنگھم میں واقع مسجد سے نماز بڑھ کر نکلنے والے مسلمانوں پر کار چڑھادی اس اچانک افتاد پر بھگڈر مچ گئی اور کئی لوگ سڑک پر گر گئے اور دیگر گاڑیوں میں بھی تصادم ہو گیا۔

    ویسٹ مڈلینڈ پولیس کا کہنا تھا کہ کار حادثے میں دو نوجوان شدید زخمی ہوئے ہیں، زخمی ہونے والوں کی عمریں 17 اور 19 سال ہے۔

    ریسکیو ادارے نے فوری طور پر جائے وقوعہ پر پہنچ کر زخمیوں کو طبی امداد کے لیے اسپتال منتقل کیا تھا، جہاں 19 سالہ زخمی نوجوان کے سر اور کمر میں چوٹیں آنے کی وجہ سے حالت تشویش ناک بتائی جاتی ہے۔

    دوسری جانب تیز رفتار گاڑی کی زد میں آنے والے 17 سالہ نوجوان کے سر اور ٹانگوں میں شدید زخم آئے ہیں البتہ حالت خطرے سے باہر ہے۔

    پولیس حکام تاحال واقعے میں ملوث کار سوار کو گرفتار کرنے میں ناکام رہے ہیں، تاہم ابتدائی تفتیش سے یہ بات سامنے آئی ہے کہ حادثہ دہشت گردی یا نفرت پر مبنی نہیں تھا بلکہ اتفاقیہ طور پر پیش آیا۔

    برطانوی پولیس حملہ آور کی گرفتاری کے لیے جائے وقوعہ کے اردگرد لگے سی سی ٹی وی کیمروں کی ویڈیو سے بھی مدد لے رہی ہے۔

    پولیس نے عینی شاہدین اور عوام سے گذارش کی ہے کہ واقعے میں ملوث ڈائیور اور گاڑی کے معلومات پولیس تک پہنچائیں تاکہ ملزم کو گرفتار کیا جاسکے۔

    خیال رہے واقعے کے وقت سیکڑوں نمازی مسجد کے اندر اور باہر موجود تھے اور اچانک تیز رفتار گاڑی کے لوگوں پر چڑھ دوڑنے سے نمازیوں میں خوف و ہراس پھیل گیا اور سراسمیگی پھیل گئی۔

    واضح رہے کہ گذشتہ چند سالوں کے دوران برطانیہ میں مسلمان کے خلاف نفرت میں خطرناک حد تک اضافہ ہوا ہے۔

    برطانیہ میں گینگ کے ہاتھوں تشدد سے زخمی مسلمان طالبہ دم توڑگئی

    یاد رہے کہ گذشتہ ماہ برطانیہ کے شہر ناٹنگھم میں خواتین کے ایک نسل پرست گینگ نے دن دیہاڑے مسلم طالبہ کو بدترین تشدد کا نشانہ بنایا، جس کے باعث متاثرہ لڑکی تین ہفتے اسپتال میں داخل رہنے کے بعد زندگی کی بازی ہار گئی تھی۔

    برطانیہ میں مسلمانوں‌ کے خلاف نفرت انگیز خط کی تقسیم

    رواں ماہ برطانیہ میں تین اپریل کو مسلمانوں کو سزا دینے کے دن کے طور پر منایا گیا تھا، جس کے لیے خط بھی تقسیم کیے گئے تھے، خط میں تین اپریل کو ’پنش اے مسلم ڈے‘ یعنی مسلمانوں کو سزا دینے کا دن، کے طور پر منانے کو کہا گیا تھا۔

    یاد رہے کہ گذشتہ ماہ 12 مارچ کو پاکستانی نژاد رکن پارلیمنٹ محمد یاسین کو بھی ایک مشکوک پارسل موصول ہوا تھا، جس کو پولیس نے قبضے میں لے لیا تھا تاہم اس پارسل سے کوئی نقصان دہ چیز برآمد نہیں ہوئی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں