Tag: Tehmina Janjua

  • نئی حکومت ترجیحی بنیاد پرسی پیک پرکام جاری رکھے گی‘  تہمینہ جنجوعہ

    نئی حکومت ترجیحی بنیاد پرسی پیک پرکام جاری رکھے گی‘ تہمینہ جنجوعہ

    اسلام آباد: سیکریٹری خارجہ تہمینہ جنجوعہ کا کہنا ہے کہ نئی حکومت ترجیحی بنیاد پرپاک چین اقتصادی راہداری کے منصوبے پرکام جاری رکھے گی۔

    تفصیلات کے مطابق چین کے ذرائع ابلاغ کے وفد نے وفاقی دارالحکومت اسلام آباد میں وزارت خارجہ کا دورہ کیا۔ سیکریٹری خارجہ تہمینہ جنجوعہ نے چینی وفد کا استقبال کیا۔

    سیکریٹری خارجہ نے چینی وفد سے بات چیت کے دوران کہا کہ پاکستان میں جو بھی اقتدارمیں آتا ہے وہ ایک اہم منصوبے کی حیثیت سے سی پیک منصوبے پر کام جاری رکھنے کا عزم رکھتا ہے۔

    تہمینہ جنجوعہ نے یہ بھی کہا کہ پاک چین اقتصادی راہداری منصوبے سے پاکستان کے عوام کے لیے مشترکہ ثمرات اور خوشحالی آئے گی۔

    انہوں نے مزید کہا کہ ہم جانتے ہیں کہ چین پاکستان اقتصادی راہداری نہ صرف دونوں ملکوں کے درمیان ایک اہم منصوبہ ہے بلکہ اس منصوبے سے پورے خطے کی ترقی میں مدد ملے گی۔

    سی پیک کی کامیابی میں کوئی بھی رکاوٹ نہیں بن سکتا‘ نگراں وزیر خارجہ

    خیال رہے کہ گزشتہ روز نگراں وزیر خارجہ عبداللہ حسین ہارون کا کہنا تھا کہ آئی ایم ایف پیکیج کو سی پیک سے مشروط کرنا درست نہیں ہے، کوئی بھی سی پیک کی کامیابی میں رکاوٹ نہیں بن سکتا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بھارت نے 22 حریت پسندوں کو انتہاپسند قرار دے کر ہٹ لسٹ تیار کی ہے، تہمینہ جنجوعہ

    بھارت نے 22 حریت پسندوں کو انتہاپسند قرار دے کر ہٹ لسٹ تیار کی ہے، تہمینہ جنجوعہ

    اسلام آباد: سیکرٹری خارجہ تہمینہ جنجوعہ کا کہنا ہے کہ بھارت  نے 22حریت پسندوں کو انتہا پسند قرار دیا ہے اور لسٹ تیار کی ہے، 22 شخصیات کو نشانہ بنایا جائے گا۔

    تفصیلات کے مطابق اسلام آباد میں سینیٹ قائمہ کمیٹی کشمیر و گلگت بلتستان کا اجلاس ہوا، سیکرٹری خارجہ تہمینہ جنجوعہ نے قائمہ کمیٹی امور کشمیر و گلگت بلتستان کو بریفنگ دیتے ہوئے کہا کہ پاکستان نے ہر عالمی فورم پر مسئلہ کشمیر بھرپور اجاگر کیا، سفیروں کو انسانی حقوق کمیٹی کی رپورٹ پر بریفنگ دیں گے۔

    تہمینہ جنجوعہ کا کہنا تھا کہ بھارت انسانی حقوق کونسل کی رپورٹ پربوکھلاہٹ کاشکارہے، رپورٹ نے مقبوضہ کشمیر میں بھارتی بربریت عیاں کردی، انسانی حقوق کونسل کی رپورٹ سے پاکستانی مؤقف کو تقویت ملی۔

    سیکرٹری خارجہ نے کہا کہ بھارت نے 22حریت پسند شخصیات کی لسٹ تیار کی ہے اور انھیں انتہا پسند قرار دیا ہے، بھارت کی جانب سے22شخصیات کو نشانہ بنایا جائے گا۔

    سینیٹر عبدالقیوم نے مسئلہ کشمیر پر پارلیمنٹ کی مشترکہ کمیٹی کے قیام کا مطالبہ کرتے ہوئے کہا کہ مشترکہ کمیٹی اراکین سینیٹ وقومی اسمبلی پر مشتمل ہو۔

    قائمہ کمیٹی نے کشمیر میں بھارتی مظالم کے خلاف قرارداد منظور کرلی اور اقوام متحدہ سے انسانی حقوق رپورٹ پر فوری کارروائی کا مطالبہ کردیا۔

    اس سے قبل کنوینر کل جماعتی حریت کانفرنس آزاد کشمیرغلام محمد نے کمیٹی کو بریفنگ دیتے ہوئے کہا کہ مقبوضہ کشمیر کی صورتحال کشیدہ ہوتی جارہی ہے، بھارت تحریک آزادی کو دہشت گردی سے جوڑنے کی کوشش کر رہا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • دہشت گردوں کے خلاف کارروائیاں جاری رکھیں گے

    دہشت گردوں کے خلاف کارروائیاں جاری رکھیں گے

    واشنگٹن: سیکریٹری خارجہ تہمینہ جنجوعہ کا کہنا ہے کہ امریکہ نے یقین دلایا ہے کہ افغانستان کی سرزمین پاکستان کے خلاف استعمال نہیں ہونے دیں گے۔

    تفصیلات کے مطابق واشنگٹن میں پریس کانفرنس کرتے ہوئے سیکریٹری خارجہ تہمینہ جنجوعہ نے کہا کہ حکومت پاکستان نے اعزاز چوہدری سے نئے سفیر کے آنے تک ذمہ داریاں انجام دینے کی درخواست کی ہے۔

    تہمینہ جنجوعہ نے کہا کہ امریکہ میں سفیر کی تعیناتی حکومت کا فیصلہ ہے، اس اہم وقت میں واشنگٹن کی پوسٹ کو خالی نہیں چھوڑا جاسکتا۔

    سیکریٹری خارجہ نے کہا کہ افغان بارڈرزسمیت بھارتی سرحدوں پربھی چیلنج کا سامنا ہے، دہشت گردوں کے خلاف کارروائیاں جاری رکھیں گے، امریکہ سمیت کسی کے دباؤمیں آکرکوئی فیصلہ نہیں کریں گے۔

    تہمینہ جنجوعہ نے کہا کہ افغانستان میں پاکستان دشمن عناصر کو بھارت مدد فراہم کر رہا ہے، افغانستان میں پاکستان مخالف خفیہ پناہ گاہوں کوختم کرنے کی ضرورت ہے، امریکہ نے یقین دلایا ہے کہ افغانستان کی سرزمین پاکستان کے خلاف استعمال نہیں ہونے دیں گے۔

    خیال رہے کہ گزشتہ روز واشنگٹن میں امریکی صحافیوں سے گفتگو کرتے ہوئے سیکریٹری خارجہ تہمینہ جنجوعہ کا کہنا تھا کہ پاکستان اپنی سرزمین سے دہشت گردی کے خاتمے کے لیے پرعزم ہے۔

    سیکریٹری خارجہ تہمینہ جنجوعہ کا کہنا تھا کہ پاکستان اورامریکہ دہشت گردی کے خلاف کامیاب اتحادی ہیں، دونوں ملکوں نے مشترکہ کوششوں سے القاعدہ کا خاتمہ کیا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پاکستان اپنی سرزمین سےدہشت گردی کےخاتمے کے لیے پرعزم ہے‘ تہمینہ جنجوعہ

    پاکستان اپنی سرزمین سےدہشت گردی کےخاتمے کے لیے پرعزم ہے‘ تہمینہ جنجوعہ

    واشنگٹن: سیکریٹری خارجہ تہمینہ جنجوعہ کا کہنا ہے کہ پاکستان اورامریکہ دہشت گردی کے خلاف کامیاب اتحادی ہیں، دونوں ملکوں نے مشترکہ کوششوں سے القاعدہ کا خاتمہ کیا۔

    تفصیلات کے مطابق واشنگٹن میں امریکی صحافیوں سے گفتگو کرتے ہوئے سیکریٹری خارجہ تہمینہ جنجوعہ نے کہا کہ پاکستان اپنی سرزمین سے دہشت گردی کے خاتمے کے لیے پرعزم ہے جبکہ دہشت گردی کے خلاف خطے کا مشترکہ اقدام پاکستان کی بنیادی حکمت عملی ہے۔

    سیکریٹری خارجہ تہمینہ جنجوعہ نے کہا کہ پاکستان اورامریکہ دہشت گردی کے خلاف کامیاب اتحادی ہیں، دونوں ملکوں نے مشترکہ کوششوں سے القاعدہ کا خاتمہ کیا۔

    سی پیک کے حوالے سے تہمینہ جنجوعہ نے کہا کہ پاک چین اقتصادی راہداری منصوبہ خطے کے ممالک کو جوڑنے کے لیے نہایت ضروری ہے۔

    ذرائع کے مطابق واشنگٹن میں سیکریٹری خارجہ تہمینہ جنجوعہ کی اسٹیٹ ڈپارٹمنٹ میں اعلیٰ امریکی حکام سے ملاقاتیں طے ہیں اس بات کا بھی امکان ہے وہ امریکی نائب صدارتی معاون اور امریکی قومی سلامتی کونسل کی ڈائریکٹر لیزا کرٹس سے بھی ملاقات کریں گے۔

    سیکریٹری خارجہ تہمینہ جنجوعہ امن کے لیے بنائے گئے امریکی ادارے کے ماہرین سے بھی خطاب کریں گی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سیکریٹری خارجہ آج امریکی قومی سلامتی کے نائب مشیر سے ملاقات کریں گی

    سیکریٹری خارجہ آج امریکی قومی سلامتی کے نائب مشیر سے ملاقات کریں گی

    اسلام آباد: سیکریٹری خارجہ تہمینہ جنجوعہ آج واشنگٹن پہنچیں گی جہاں وہ امریکی قومی سلامتی کے نائب مشیر سے ملاقات کریں گی۔

    تفصیلات کے مطابق 2 روزہ دورہ واشنگٹن میں سیکریٹری خارجہ تہمینہ جنجوعہ امریکی قومی سلامتی کے نائب مشیر اور امریکی نائب وزیر خارجہ سے ملاقات کریں گی۔

    تہمینہ جنجوعہ امریکا کے خصوصی سفیر ایلس ویلز سے بھی ملاقات کریں گی۔

    پاکستانی سفارتخانہ تہمینہ جنجوعہ کی امریکی میڈیا سے تفصیلی گفتگو کروانے کے لیے بھی اقدامات کر رہا ہے۔

    تہمینہ جنجوعہ یو ایس آئی پی میں پاک امریکا تعلقات پر خطاب کریں گی۔ ان کا دورہ امریکا پاک امریکا تعلقات کے حوالے سے اہمیت کا حامل ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • امریکی نائب صدرپینس اورپینٹاگون کےبیانات پر تشویش ہے ، سیکریٹری خارجہ

    امریکی نائب صدرپینس اورپینٹاگون کےبیانات پر تشویش ہے ، سیکریٹری خارجہ

    اسلام آباد : سیکریٹری خارجہ تہمینہ جنجوعہ کا کہنا ہے کہ پاکستان کومسلسل بدنام کرنےکی کوشش کی جا رہی ہے، پاکستان نے دہشت گردوں کی محفوظ ٹھکانے ختم کردیئے ہیں، امریکی نائب صدرپینس اورپینٹاگون کے بیانات پر تشویش ہے۔

    تفصیلات کے مطابق سینیٹ کمیٹی برائےخارجہ امورکااجلاس ہوا، اجلاس میں سیکریٹری خارجہ تہمینہ جنجوعہ نےامریکی الزامات پر جواب پڑھ کرسنایا۔

    سیکریٹری خارجہ تہمینہ جنجوعہ نے کمیٹی کو بریفنگ دیتے ہوئے کہا کہ پاکستان نے امریکی ہرزہ سرائی کویکسرمستردکردیا ہے، پاکستان دشمن ممالک کی ریاستی دہشتگردی کانشانہ ہے، پاکستان کومسلسل بدنام کرنےکی کوشش کی جا رہی ہے۔

    تہمینہ جنجوعہ کا کہنا تھا کہ امریکاکو ہمارے خدشات پر بھی توجہ دینی چاہئے، یکطرفہ کارروائی کے بیان پرامریکاسےبات چیت ہورہی ہے، امریکاکوپاکستان،بھارت کیساتھ ایک جیسابرتاؤکرناچاہئے، پاکستان بھارت سے مذاکرات چاہتا ہے، بھارت مقبوضہ کشمیر میں ریاستی دہشت گردی کر رہا ہے۔

    سیکریٹری خارجہ نے کہا کہ کہ امریکی نائب صدر اور پنٹاگون کے بیانات پر تشویش ہے، پاکستان نے دہشت گردوں کی محفوظ ٹھکانے ختم کردیئے۔


    مزید پڑھیں : دہشت گردوں کو پناہ دینےسےپاکستان کوبہت کچھ کھونا پڑے گا‘ مائیک پنس


    انھوں نے نے کمیٹی کو بریفنگ دیتے ہوئے بتایا کہ حال ہی میں پاکستان کا دورہ کرنے والے امریکی وزیر دفاع جیمز میٹس کی وزیراعظم، وزیر دفاع، وزیر خارجہ اور داخلہ سے ملاقاتیں ہوئیں، جیمزمیٹس سے سیکیورٹی صورتحال سمیت دوطرفہ تعلقات پر بات ہوئی۔

    تہمینہ جنجوعہ نے کہا کہ جیمز میٹس سے ملاقاتوں میں القاعدہ ،نائن الیون اور افغانستان پر بھی تبادلہ خیال کیا گیا جب کہ افغان سرزمین پاکستان کے خلاف استعمال ہونے کا معاملہ بھی اٹھایا گیا اور افغان سرزمین پاکستان کے خلاف استعمال ہونےکے مسئلے کےحل کایقین دلایا گیا۔

    قائمہ کمیٹی نے اقوام متحدہ کی جنرل اسمبلی میں فلسطین پر مؤقف اپنانے پر وزارت خارجہ کو خراج تحسین پیش کیا، اس پرسیکریٹری خارجہ نے کہا کہ ہم نے فلسطین کے معاملے پر واضح مؤقف اپنایا، حیران کن طورپربھارت نےبھی قراردادکےحق میں ووٹ دیا وزیراعظم پاکستان کی تجویز پر جنرل اجلاس طلب ہونا خوش آئند ہے۔

    انکا مزید کہنا تھا کہ کہنا تھا کہ امریکی سیکیورٹی پالیسی پر پاکستان نے واضح جواب دیا ہے،بریفنگ پاکستان نےدہشت گردی کے خلاف بلاتفریق کارروائی کی ہے، پاکستان ہمسایہ بھارت کی جانب سےدہشتگردی کاشکار ہے،ثبوت دیئے گئے، پاکستان ذمہ دار ملک ہے، نیوکلیئر اثاثوں کیلئےانتہائی فول پروف انتظامات ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان نے سی پیک پر امریکی تحفظات مسترد کردیے: تہمینہ جنجوعہ

    پاکستان نے سی پیک پر امریکی تحفظات مسترد کردیے: تہمینہ جنجوعہ

    اسلام آباد: سیکریٹری خارجہ تہمینہ جنجوعہ کا کہنا ہے کہ پاکستان نے اپنے علاقوں کو دہشت گردی سے پاک کردیا جبکہ سی پیک پر امریکی تحفظات مسترد کردیے گئے۔ بھارت کا خطے میں تھانیدار کا کردار قبول نہیں۔

    تفصیلات کے مطابق سینیٹ کی قائمہ کمیٹی برائے خارجہ کے اجلاس میں سیکریٹری خارجہ تہمینہ جنجوعہ نے بریفنگ دیتے ہوئے کہا کہ آرمی چیف کا دورہ کابل انتہائی اہم تھا جس میں اہم ملاقاتیں ہوئیں۔

    انہوں نے بتایا کہ افغان صدر اشرف غنی کے مطابق بھارت افغان ٹرانزٹ ٹریڈ کےذریعے رسائی چاہتا ہے جس پر آرمی چیف نے جواب دیا کہ بھارت یہ درخواست پاکستان سے کرے۔

    تہمینہ جنجوعہ نے کہا کہ پاکستان میں دہشت گردوں کی محفوظ پناہ گاہیں نہیں، پاکستان نے اپنے علاقوں کو دہشت گردی سے پاک کر دیا ہے۔

    ان کا کہنا تھا کہ بھارتی ایجنسی را افغان سرزمین پاکستان کے خلاف استعمال کر رہی ہے۔ بھارت کا خطے میں تھانیدار کا کردار ناقابل قبول ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان کی جانب سے کلبھوشن تک رسائی کا بھارتی مطالبہ مسترد

    پاکستان کی جانب سے کلبھوشن تک رسائی کا بھارتی مطالبہ مسترد

    اسلام آباد: پاکستان نے بھارتی جاسوس کلبھوشن یادیو تک رسائی کے بھارتی مطالبے کو ایک بار پھر مسترد کردیا۔

    تفصیلات کے مطابق بھارت کی درخواست پر بھارتی ہائی کمشنر اور سیکریٹری خارجہ تہمینہ جنجوعہ کے درمیان ملاقات ہوئی۔ ملاقات میں بھارتی ہائی کمشنر نے کلبھوشن تک رسائی کا مطالبہ دہرایا۔

    بھارتی ہائی کمشنر گوتم بمبا والا نے کلبھوشن یادیو سے متعلق فیصلے پر نظر ثانی کی اپیل اور درخواست پیش کی۔ یہ اپیل اور درخواست کلبھوشن یادیو کی ماں کی جانب سے جمع کروائی گئی۔

    تہمینہ جنجوعہ نے معاملے پر پاکستانی مؤقف سے آگاہ کرتے ہوئے کہا کہ 2008 کے دو طرفہ معاہدے کے تحت جاسوس تک رسائی نہیں دی جاسکتی۔

    مزید پڑھیں: کلبھوشن کی واپسی کے لیے مختلف آپشنز پر غور

    سیکریٹری خارجہ کا کہنا تھا کہ کلبھوشن بھارتی خفیہ ایجنسی را کے لیے کام کر رہا تھا۔ کلبھوشن کو رنگے ہاتھوں گرفتار کیا۔

    انہوں نے دو ٹوک جواب دیتے ہوئے کہا کہ کلبھوشن جاسوسی، دہشت گردی اور دہشت گردوں کی مالی معاونت کا اعتراف کر چکا ہے۔

    ملاقات کے بعد میڈیا کے نمائندوں سے گفتگو کرتے ہوئے بھارتی ہائی کمشنر کا کہنا تھا کہ کلبھوشن یادیو سے متعلق درخواست باضابطہ طور پر جمع کروا دی ہے تاکہ اسے جلد سے جلد رہا کیا جاسکے۔

    ایک صحافی نے ان سے سوال کیا کہ کلبھوشن دہشت گرد ہے، کیا آپ سمجھتے ہیں ایسے لوگوں کو رہا کردیا جانا چاہیئے؟ جس پر گوتم بمبا والا سوال کا جواب دیے بغیر وہاں سے روانہ ہوگئے۔

    یاد رہے کہ 10 اپریل کو بھارتی جاسوس کلبھوشن یادیو کو سزائے موت سنائی گئی تھی۔ کلبھوشن کو فیلڈ جنرل کورٹ مارشل کی جانب سے پاکستان میں جاسوسی، انتشار پھیلانے پر سزا سنائی گئی۔

    کلبھوشن کا مقدمہ آرمی ایکٹ کے تحت فیلڈ جنرل کورٹ مارشل میں چلایا گیا تھا۔

    سزائے موت کے اعلان کے بعد بھارتی وزیر خارجہ سشما سوراج نے گیڈر بھبھکی دیتے ہوئے کہا تھا کہ پاکستان کلبھوشن کی سزا کے فیصلے کے نتائج پر غور کرلے۔ دونوں ممالک کے تعلقات پر کیا اثر پڑے گا اس کا بھی جائزہ لے۔

    بھارتی وزیرخارجہ نے کہا تھا کہ پاکستان دو طرفہ تعلقات کو پیش نظر رکھ کر کلبھوشن یادیو کے معاملے پر آگے بڑھے ورنہ سنگین نتائج بھگتنا پڑیں گے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسلامی فوجی اتحاد دہشتگردی کے خلاف ہے، کسی ملک کے خلاف نہیں، تہمینہ جنجوعہ

    اسلامی فوجی اتحاد دہشتگردی کے خلاف ہے، کسی ملک کے خلاف نہیں، تہمینہ جنجوعہ

     اسلام آباد : سیکریٹری خارجہ تہمینہ جنجوعہ کا کہنا ہے کہ اسلامی فوجی اتحاد دہشتگردی کے خلاف ہے، کسی ملک کے خلاف نہیں ، راحیل شریف کسی طور ایرانی مفاد کے خلاف کام نہیں کرسکتے۔

    تفصیلات کے مطابق قومی اسمبلی کی خارجہ امور کمیٹی کا اجلاس چیئرمین کمیٹی سرداراویس خان لغاری کی زیر صدارت ہوا، اجلاس میں سیکرٹری خارجہ تہمینہ جنجوعہ سمیت دفتر خارجہ کے اعلی حکام نے شرکت کی اور کیمٹی کو مختلف اہم امور پر بریفنگ دی۔

    سیکریٹری خارجہ تہمینہ جنجوعہ قومی اسمبلی کی خارجہ امور کمیٹی کو بتایا کہ کسی بھی ریٹائرڈ فوجی افسرکو کہیں بھی ملازمت کا حق ہے، اسلامی فوجی اتحاد دہشتگردی کے خلاف ہے، راحیل شریف کسی طور ایرانی مفاد کے خلاف کام نہیں کرسکتے۔

    انہوں نے کہا اسلامی اتحاد کی سربراہی،پاک ایران تعلقات کو دیکھنا ہوگا ایران سے تعلقات میں توازن ضروری ہے، ایران ہمسایہ برادرملک ہے، تجارت318ملین ڈالر ہے، ایران پر پابندیوں کے خاتمے کے بعد تجارت مزید بڑھے گی، دونوں ممالک میں آزاد تجارت کا معاہدہ بھی ہوگا، ہم ایران سے گیس پائپ لائن کا منصوبہ مکمل کرنا چاہتے ہیں۔

     چاہتے ہیں اسلامی ممالک دہشتگردی کے خلاف اکٹھے ہوں

    سیکریٹری خارجہ نے مزید کہا کہ چاہتے ہیں اسلامی ممالک دہشتگردی کے خلاف اکٹھے ہوں، ایران کے ساتھ پاکستان کا کوئی سرحدی تنازع نہیں ، پاک ایران بارڈردوستی کی سرحد ہے، گپت اورمندہ ین پر دو مزید کراسنگ پوائنٹس کھول رہے ہیں۔

    تہمینہ جنجوعہ کا کہنا ہے کہ سعودی عرب، ایران، یمن سے متعلق پالیسی تبدیل نہیں ہوئی، پاکستان مسلم ممالک کو یکجا دیکھنا چاہتا ہے، ایران اور سعودی عرب کے تعلقات مشکلات کاشکار ہیں ہم ایران سعودی عرب کشیدگی میں کمی کی کوششیں کر رہے ہیں۔

    خارجہ امور کمیٹی نے سیکرٹری خارجہ کا عہدہ سنبھالنے پر تہمینہ جنجوعہ کو مبارک باددی۔پیپلزپارٹی کے بانی ذوالفقار علی بھٹو کی برسی کی وجہ سے پی پی پی کے اراکین خارجہ امور کمیٹی اجلاس میں شریک نہیں ہو سکے۔

  • تہمینہ جنجوعہ نےسیکرٹری خارجہ کا چارج سنبھال لیا

    تہمینہ جنجوعہ نےسیکرٹری خارجہ کا چارج سنبھال لیا

    اسلام آباد:تہمینہ جنجوعہ نےپاکستان کے نئےسیکرٹری خارجہ کاچارج سنبھال لیا۔وہ اس عہدے پر تعینات ہونے والی پاکستان کی پہلی خاتون ہیں۔

    تفصیلات کےمطابق وفاقی دارالحکومت اسلام آباد میں تہمینہ جنجوعہ نے پاکستان کےنئےسیکریٹری خارجہ کا عہدہ سنبھال لیا وہ اس سے قبل جنیوا میں پاکستان کی مستقل مندوب کی حیثیت سے خدمات انجام دے رہیں تھیں۔

    تہمنیہ جنجوعہ نے آج سیکریٹری خارجہ اعزازاحمد چوہدری کی جگہ چارج سنبھالا ہے جنہیں امریکہ میں پاکستان کا سفیر متعین کردیاگیاہے۔

    تہمینہ جنجوعہ کی جگہ جاپان میں موجودہ سفیر فرخ عامل کو جنیوا بھیجنے کا فیصلہ کیا گیا ہے۔

    خیال رہےکہ تہمینہ جنجوعہ 2011 میں وزارت خارجہ کے ترجمان کی حیثیت سے بھی ذمہ داریاں ادا کرچکی ہیں جبکہ انہیں دو طرفہ اور کثیر الفریقی معاملات میں بہتر طریقے سے کام کرنے کا بھی وسیع تجربہ حاصل ہے۔

    مزید پڑھیں:نئےسیکریٹری خارجہ کی تعیناتی کیلئے وزیراعظم کو نام ارسال

    یاد رہےکہ رواں سال 20جنوری کو سیکریٹری خارجہ کی تعیناتی کےلیے وزیراعظم نوازشریف کو4 امیدواروں کا پروفائل ارسال کیاگیاتھا،فہرست میں عبدالباسط، ابن عباس، غالب اقبال، تہمینہ جنجوعہ شامل تھے۔

    مزید پڑھیں:تہمینہ جنجوعہ نئی سیکرٹری خارجہ تعینات

    واضح رہےکہ گزشتہ ماہ ترجمان دفتر خارجہ نفیس زکریاکاکہناتھا کہ اقوام متحدہ میں پاکستان کی مستقل مندوب تہمینہ جنجوعہ کو نئی سیکریٹری خارجہ تعینات کردیا گیاہے۔