ARYNews.tv | Urdu – Har Lamha Bakhabar

Tag: tej bahadur yadav

  • بی ایس ایف کے سابق فوجی تیج بہادر نے مودی پرسوالات کی بوچھاڑ کردی

    بی ایس ایف کے سابق فوجی تیج بہادر نے مودی پرسوالات کی بوچھاڑ کردی

    نئی دہلی : بی ایس ایف کے سابق فوجی تیج بہادر نے انکشاف کیا 997جوانوں نے خود کشی کی ہے لیکن حکومت بتاتی نہیں اور کہا وہ مودی سے پلوامہ حملے پر سوال کریں گے، پاکستان ہر روز سر چڑھ کر بولتا ہے اور یہ صرف الیکشن کے وقت بولتے ہیں ۔

    تفصیلات کے مطابق بھارتی وزیراعظم مودی کو سابق بھارتی فوجی افسر نے آئینہ دکھا دیا، بی ایس ایف کے سابق فوجی تیج بہادر نے بی بی سی کو انٹرویو دیتے ہوئے مودی پرسوالات کی بوچھاڑ کردی اور کہا مودی جی بتائیں ملک میں سکیورٹی کی صورتِ حال بہتر ہوئی ، تو پلوامہ کا حملہ کیسے ہوا؟انہوں نے پلوامہ حملے کی تحقیقات کیوں نہیں کروائی؟

    سابق بھارتی فوجی کا کہنا تھا حالات اچھے ہیں تو بہت سےجوان میری انتخابی مہم کی حمایت کیوں کر رہےہیں؟

     بھارتی سینا میں997  جوانوں نے خودکشی کی

    تیج بہادر نے بتایا کہ سرکار خودکشی کرنے والے فوجیوں کو شہید قرار دیتی ہے ، بھارتی سینا میں نو سو ستانوے جوانوں نے خودکشی کی لیکن سرکار نے سات سو پچہتر کو شہید قراردیا۔

    تیج بہادر نے مودی کو تنقید کا نشانہ بناتے ہوئے کہا کہ پاکستان ہر روز سر چڑھ کر بولتا ہے اور یہ صرف الیکشن کے وقت بولتے ہیں ۔

    ان کا کہنا تھا مودی سرکارمیں بدعنوانوں کوتحفظ دیا جاتاہے اور اس کیخلاف آواز اٹھانے والوں کوختم کردیا جاتا ہے۔

    مزید پڑھیں : سابق بھارتی فوجی تیج بہادر کا مودی کے خلاف الیکشن لڑنے کا اعلان

    خیال رہے سماج وادی پارٹی کی جانب سے تیج بہادر وارانسی سے وزیر اعظم نریندر مودی کے خلاف انتخابات میں حصہ لے رہے ہیں۔

    تیج بہادر کا کہنا تھا الیکشن لڑنے کا مقصد ہارجیت نہیں دکھانا ہے، مودی سرکارنے کس طرح فوج کوناکام کیا،  بھارتی وزیراعظم نریندرمودی فوجیوں کے نام پرووٹ مانگتے ہیں۔

    واضح رہے کہ دو سال قبل بھارتی فوجی اہلکار تیج بہادریادیو نے سوشل میڈیا پر ایک ویڈیو جاری کی تھی، جس میں بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا، اپنی ویڈیو میں اس کا کہنا تھا کہ ہمیں ملنے والا کھانا افسران کھا جاتے ہیں یا پھر بازار میں بیچ دیا جاتا ہے۔

    بعدا زاں بی ایس ایف اہلکار تیج بہادر کو نوکری سے فارغ کردیا گیا تھا جبکہ تیج بہادر نے فیصلے کے خلاف عدالت جانے کا اعلان کیا تھا۔

  • بھارتی فوجیوں کی حالتِ زارآشکار کرنے والاسپاہی نوکری سے برطرف

    بھارتی فوجیوں کی حالتِ زارآشکار کرنے والاسپاہی نوکری سے برطرف

    نئی دہلی : بھارتی فوج میں اہلکاروں کو ناقص کھانے فراہم کئے جانے کی شکایت کرنے والے اہلکار کو نوکری سے برطرف کردیا گیا جبکہ تیج بہادر نے فیصلے کیخلاف عدالت جانے کا اعلان کیا ہے۔

    بھارتی فورسز میں اہلکاروں کو دئیے جانے والے ناقص کھانے کا بھانڈا پھوڑنے والے بی ایس ایف اہلکار تیج بہادر کو نوکری سے فارغ کردیا گیا، سوشل میڈیا پر ویڈیو منظرعام پر آنے کے بعد بھارتی حکام نے اپنی اصلاح کے بجائے تیج بہادر کی زندگی مشکل کردی تھی۔

    حکام نے ڈسپلن کی خلاف ورزی اور بارڈر سیکورٹی فورسز کی ساکھ کو نقصان پہنچانے کا بہانہ بنا کر بالاخرتیج بہادر کو نوکری سے برطرف کردیا گیا۔

    بھارتی میڈیا کے مطابق تیج بہادر کی اہلیہ نے میڈیا کو بتایا کہ تیج بہادر نے قتل نہیں کیا اس لئے نوکری سے نکالنا غلط ہے، سب جانتے ہیں کہ اہلکاروں کو غیر معیاری کھانا دیا جاتا ہے، بی ایس ایف اہلکار بولنے سے ڈرتے ہیں۔

    دوسری جانب تیج بہادر نے فیصلے کو عدالت میں چیلنج کرنے کا اعلان کیا ہے۔

    مزید پڑھیں : بھارتی فوجی نے ویڈیو جاری کرکے اپنی فوج کو بے نقاب کردیا

    یاد رہے کہ بھارتی فوجی اہلکار تیج بہادریادیو نے سوشل میڈیا پر ایک ویڈیو جاری کی تھی، جس میں بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا، اپنی ویڈیو میں اسکا کہنا تھا کہ ہمیں ملنے والا کھانا افسران کھا جاتے ہیں یا پھر بازار میں بیچ دیا جاتا ہے۔

    بھارتی فوجی کا مزید کہنا تھا کہ ناشتے میں پتلا پراٹھا اور تھوڑی سی چائے ملتی ہے، بعض اوقات رات کو کھانا نہ ہونے کے باعث تو بھوکا بھی سونا پڑتا ہے کیا اس طرح ہم ڈیوٹی دے سکتے ہیں؟ صبح چھ بجے سے شام پانچ بجے تک مسلسل کھڑے ہو کر ڈیوٹی دیتے ہیں لیکن کھانے میں ہمیں ایسی دال دی جاتی ہے جس میں صرف ہلدی اور نمک ڈالا جاتا ہے اور نہ اس میں پیاز ہوتا ہے نہ گھی اور نہ ہی لہسن۔’