Tag: Telegram Founder

سماجی ویب سائٹ ٹیلی گرام کے بانی اور سی اِی او پاول دورو کو فرانس میں گرفتار کیا گیا تھا، فرانسیسی حکومت نے ان پر بارہ الزامات عائد کردیئے ہیں۔

غیر ملکی ذرائع ابلاغ کے مطابق سماجی رابطے کی ویب سائٹ ٹیلی گرام کے بانی پاول دورو پر فرانسیسی حکومت نے بارہ الزامات عائد کردیئے ہیں، پاول دورو کو کل تک حراست میں رکھا جاسکتا ہے۔

فرانسیسی میڈیا کا کہنا ہے کہ پاول دورو کو بیس برس تک قید کا سامنا ہے، 39 سالہ کے پاول دورو پر قانون نافذ کرنیوالے حکام سے عدم تعاون، منشیات کی اسمگلنگ، کمسنوں سے مجرمانہ فعل اور دھوکہ دہی میں ملوث ہونے کا شبہ ظاہر کیا گیا ہے۔ پاول دورو روس اور فرانس دونوں ممالک کی شہریت رکھتے ہیں۔

سوڈان میں ڈیم پھٹ گیا، 30 افراد ہلاک، متعدد لاپتہ

واضح رہے کہ پاول دورو روس میں پیدا ہوئے تھے، تاہم اپنا سوشل میڈیا پلیٹ فارم بند کرنے سے متعلق مطالبات تسلیم کرنے سے انکار کرتے ہوئے انہوں نے روس چھوڑ دیا تھا، انہیں ہفتے کو آزربائیجان سے پیرس پہنچنے پر گرفتار کرلیا گیا تھا۔