Tag: tenis star

دبئی: ٹینس کے مشہور کھلاڑی راجر فیڈرر نے کرکٹ ورلڈ کپ میں بھارت اور پاکستان کے میچ سے قبل بھارتی ٹیم کی قمیض کے ساتھ تصویر پوسٹ کرنے پر معذرت کی ہے۔

راجر فیڈرر نے ایڈیلیڈ میں کھیلے جانے والے میچ سے قبل فیس بک پیج پر اپنی ایک تصویر لگائی جس میں ان کے ہاتھ میں بھارتی کرکٹ ٹیم کی نیلی کرکٹ کٹ کی شرٹ تھی۔

 فرانسیسی خبر رساں ادارے اے ایف پی کے مطابق دبئی اوپن کے شروع ہونے سے قبل راجر فیڈرر کا کہنا تھا کہ یہ نائیکی کی جانب سے پروموشن کی تصویر تھی۔

 فیڈرر کا کہنا تھا کہ سب کو معلوم ہے کہ وہ جنوبی افریقہ کی حمایت کرتے ہیں، اس تصویر کے کا مقصدکسی کے جذبات مجروح کرنا نہیں تھا جس کے لیے وہ معذرت خواہ ہیں۔

 اس تصویر کے باعث راجر فیڈرر کے پاکستانی مداحوں میں کافی غصہ پایا جاتا تھا۔