لندن : انٹیل سینٹر کی رپورٹ کے مطابق پاکستان دنیا کے خطرناک ترین ممالک میں آٹھویں نمبر پر ہے۔
رپورٹ کے مطابق مارچ 2015 تک خطرناک ملکوں کی جاری کردہ فہرست میں مشرق وسطیٰ کے عراق اور شام پہلے اور دوسرے نمبر پر ہیں،تاحال دونوں ممالک میں خانہ جنگی جاری ہے ۔
انٹیل سینٹر واشنگٹن میں واقع ایک امریکی ادارہ ہے جو کہ حساس اداروں کے لئے کام کرتا ہے، اس ادارے کا اہم کام دہشتگردوں اور باغیوں کے اقدام سے آگاہ کرنا ہوتا ہے، جس میں ان کے پیغام ، تصاویر ، ویڈیوز اور واقعات میں مارے جانے اور مارنے والوں کی تعداد سے فہرست مرتب کرتا ہے۔
دنیا کے خطرناک ترین ممالک میں پاکستان کا آٹھواں نمبر ہے جبکہ ہمسایہ ملک افغانستان کا نمبر پانچواں ہے۔
رپورٹ کے مطابق دنیا کے 10 خطرناک ترین ممالک درج ذیل ہیں ۔
عراق، شام ، نائجیریا، سومالیہ،افغانستان ، لیبیا،یمن،پاکستان ، یوکرین اور مصر
