ARYNews.tv | Urdu – Har Lamha Bakhabar

Tag: terrorists

  • سی ٹی ڈی کے انٹیلی جنس بیسڈ آپریشنز، 10 دہشت گرد گرفتار

    سی ٹی ڈی کے انٹیلی جنس بیسڈ آپریشنز، 10 دہشت گرد گرفتار

    محکمہ انسداد دہشتگردی (سی ٹی دی) نے پنجاب کے مختلف شہروں میں 189 انٹیلی جنس بیسڈ آپریشنز کر کے 10 دہشتگردوں کو گرفتار کر لیا۔

    ترجمان سی ٹی ڈی کے مطابق انٹیلی جنس بیسڈ آپریشنز لاہور، بہاولپور، راولپنڈی، گوجرانوالہ اور جہلم میں کیے گئے جس دوران  10 دہشتگردوں کو گرفتار کیا گیا۔

    سی ٹی ڈی ترجمان کا بتانا ہے کہ راولپنڈی سے 2 خطرناک دہشت گرد  کو گرفتار کیا گیا جس کا تعلق ننکانہ صاحب سے ہے، دہشت گردوں سے دھماکا خیز مواد، ڈیٹونیٹر، پمفلٹ اور نقدی برآمد ہوا۔

    ترجمان سی ٹی ڈی کے مطابق دہشت گرد مختلف مقامات پر کارروائی کر کے خوف و ہراس پھیلانا چاہتے تھے، رواں ہفتے میں 2053 کومبنگ آپریشنز میں 263 مشتبہ افراد گرفتار  کیے، کومبنگ آپریشنز میں 82473 افراد سے پوچھ گچھ بھی کی گئی۔

  • سی ٹی ڈی پنجاب کی مختلف شہروں میں کارروائی، 23 دہشتگرد گرفتار

    سی ٹی ڈی پنجاب کی مختلف شہروں میں کارروائی، 23 دہشتگرد گرفتار

    لاہور: محکمہ انسدادِ دہشت گردی (سی ٹی ڈی) نے پنجاب کے مختلف شہروں میں کارروائی کرتے ہوئے 23 دہشت گردوں کو گرفتار کر لیا۔

    تفصیلات کے مطابق ترجمان سی ٹی ڈی پنجاب نے بتایا کہ صوبے کے مختلف شہروں میں انٹیلی جنس کی بنیاد پر 200 آئی بی اوز آپریشنز کیے گئے، اس دوران 23 دہشتگرد کو گرفتار کیا گیا۔

    ترجمان سی ٹی ڈی کا کہنا تھا کہ کارروائی لاہور، جہلم، سیالکوٹ، راولپنڈی، گجرات، میانوالی، سرگودھا، فیصل آباد  میں کی گئیں۔

    ترجمان نے بتایا کہ لاہور سے فتنہ الخوارج کے 7 خطرناک دہشتگرد کو اسلحہ  اور باروی مواد سمیت گرفتار کیا گیا، دہشتگردوں سے لاہور کے اہم تعلیمی ادارے کے نقشے بھی برآمد ہوئے۔

    سی ٹی ڈی ترجمان نے مزید بتایا کہ دہشتگردوں سے دھماکا خیز مواد، 4 آئی ای ڈی بم، 33 ڈیٹونیٹر حفاظتی فیوز، پمفلیٹ اور نقدی برآمد ہوا، دہشت گرد مختلف مقامات پر کارروائی کر کے خوف و ہراس پھیلانا چاہتے تھے۔

  • جنوبی وزیرستان : فائرنگ کے تبادلے میں 6 خارجی دہشت گرد ہلاک، 4 اہلکار شہید

    جنوبی وزیرستان : فائرنگ کے تبادلے میں 6 خارجی دہشت گرد ہلاک، 4 اہلکار شہید

    راولپنڈی : جنوبی وزیرستان میں سیکیورٹی فورسز اور خارجیوں کے درمیان فائرنگ کے تبادلہ میں 6 خارجی دہشت گرد ہلاک جبکہ مقابلے میں 4 سیکیورٹی اہلکار شہید ہوئے۔

    پاک فوج کے شعبہ تعلقات عامہ (آئی ایس پی آر) کے مطابق 12اور13اگست کی درمیانی رات جنوبی وزیرستان میں سیکیورٹی فورسز اور خوارج دہشت گردوں میں فائرنگ کا تبادلہ ہوا۔

    آئی ایس پی آر کے مطابق فائرنگ کے تبادلے میں 6 خارجی دہشت گرد مارے گئے، شدید فائرنگ کے تبادلے کے دوران پاک فوج کے 4 بہادر جوان شہید ہوگئے۔

    خارجیوں سے فائرنگ کے تبادلے میں شہید ہونے والے اہلکاروں میں حوالدار نثار حسین، نائیک راشد گل، نائیک عرفان اللہ خان اور سپاہی عثمان رفاقت شامل ہیں۔

    آئی ایس پی آر کا کہنا ہے کہ مقابلے میں 6 خارجی مارے گئے جبکہ پاک فوج کا علاقے میں خارجیوں کے خلاف آپریشن جاری ہے۔

    پاک فوج کے ترجمان نے کہا ہے کہ سیکیورٹی فورسز ملک سے دہشت گردی کی لعنت کے خاتمے کیلئے پرعزم ہیں، بہادر جوانوں کی قربانیاں ہمارے عزم کو مزید تقویت دیتی ہیں۔

  • لاہور سے کالعدم تنظیم کے 9 دہشت گرد گرفتار

    لاہور سے کالعدم تنظیم کے 9 دہشت گرد گرفتار

    لاہور: صوبہ پنجاب کے دارالحکومت لاہور میں محکمہ انسداد دہشت گردی (سی ٹی ڈی) کی کارروائی میں کالعدم تنظیم سے تعلق رکھنے والے 9 دہشت گرد گرفتار کرلیے گئے۔

    تفصیلات کے مطابق لاہور میں محکمہ انسداد دہشت گردی (سی ٹی ڈی) نے کالعدم تنظیم سے تعلق رکھنے والے 9 دہشت گرد گرفتار کیے ہیں۔

    سی ٹی ڈی حکام کا کہنا ہے کہ دہشت گردوں سے خودکش جیکٹ، دھماکہ خیز مواد، ہینڈ گرینیڈ، ڈیٹونیٹر، اسلحہ، ریموٹ کنٹرول ڈیوائس اور حساس مواد برآمد ہوا۔

    حکام کے مطابق دہشت گردوں کی شناخت 26 مشتبہ افراد سے تفتیش کے دوران ہوئی، گرفتار دہشت گردوں کے خلاف 10 مقدمات درج کیے گئے ہیں اور تفتیش جاری ہے۔

    سی ٹی ڈی کا مزید کہنا ہے کہ رواں ہفتے 564 کومبنگ آپریشنز میں 93 مشتبہ افراد گرفتار کیے گئے، ریاست دشمن عناصر کو سلاخوں کے پیچھے پہنچانے میں کوئی کسر نہیں چھوڑی جائے گی۔

  • مختلف شہروں میں دہشت گردی کی منصوبہ بندی: لاہور سے 7 دہشت گرد گرفتار

    مختلف شہروں میں دہشت گردی کی منصوبہ بندی: لاہور سے 7 دہشت گرد گرفتار

    لاہور: صوبہ پنجاب کے دارالحکومت لاہور میں محکمہ انسداد دہشت گردی (سی ٹی ڈی) نے بڑی کارروائی کرتے ہوئے 7 دہشت گرد گرفتار کرلیے، ملزمان مختلف شہروں میں دہشت گردی کی منصوبہ بندی میں ملوث ہیں۔

    تفصیلات کے مطابق لاہور میں محکمہ انسداد دہشت گردی (سی ٹی ڈی) نے بڑی کارروائی کرتے ہوئے کالعدم تنظیموں کے 7 دہشت گرد گرفتار کرلیے۔

    ترجمان سی ٹی ڈی کا کہنا ہے کہ دہشت گردوں سے بارودی مواد، اسلحہ اور ممنوعہ لٹریچر برآمد کیا گیا، ملزمان مختلف شہروں میں دہشت گردی کی منصوبہ بندی میں ملوث ہیں۔

    ترجمان کے مطابق ملزمان کی شناخت خالد محمود، محسن وقار، محمد عثمان، شیر محمد، لقمان رفیق اور فاروق کے نام سے ہوئی۔

    ترجمان کا کہنا ہے کہ رواں ہفتے مختلف شہروں میں 443 کومبنگ آپریشن کیے گئے، آپریشن کے دوران 19 ہزار 630 مشتبہ افراد کو چیک کیا گیا۔

    ترجمان کے مطابق 90 افراد کو کالعدم تنظیموں سے تعلق رکھنے پر گرفتار کیا گیا۔

  • جنوبی وزیرستان میں سیکیورٹی فورسز کا آپریشن، 4 دہشت گرد ہلاک

    جنوبی وزیرستان میں سیکیورٹی فورسز کا آپریشن، 4 دہشت گرد ہلاک

    راولپنڈی: سیکیورٹی فورسز نے جنوبی وزیرستان میں دہشت گردوں کے خلاف کامیاب کارروائی کی ہے، کارروائی کے دوران پاک فوج کے دو جوان بھی وطن عزیز پر قربان ہوگئے ہیں۔

    پاک فوج کے شعبہ تعلقات عامہ ( آئی ایس پی آر) کے مطابق جنوبی وزیرستان کے علاقے مکین میں سیکیورٹی فورسز نے خفیہ اطلاعات پر آپریشن کیا ، آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا۔

    آئی ایس پی آر کے مطابق سیکیورٹی فورسز نے دہشت گردوں کو بھرپور جواب دیتے ہوئے چار دہشت گردوں کو ہلاک کردیا، دہشت گردوں سے فائرنگ کے تبادلے میں پاک فوج کے کیپٹن سعد اور لانس نائیک ریاض نے جام شہادت نوش کیا ہے۔

    یہ بھی پڑھیں: سیکیورٹی فورسز کے آپریشن میں 4 دہشت گرد مارے گئے

    آئی ایس پی آر کے مطابق کسی بھی دہشتگرد کی موجودگی ختم کرنے کے لئے علاقے میں کلیئرنس آپریشن جاری ہے، پاک فوج دہشتگردی کی لعنت کو ختم کرنے کے لیے پرعزم ہے۔

    واضح رہے کہ ملک دشمن عناصر کے خلاف سیکیورٹی فورسز کا گذشتہ چوبیس گھنٹوں کے دوران یہ دوسری بڑی کارروائی ہے، اس سے قبل لکی مروت میں سیکیورٹی فورسز کے مشترکہ آپریشن کے دوران فائرنگ کا تبادلہ ہوا تھا جس کے نتیجے میں چار دہشت گرد ہلاک جبکہ ایک گرفتار کیا گیا تھا۔

    ترجمان پاک فوج کے مطابق دہشت گردوں کی شناخت ساجد، علیم، آفتاب، فضل الرحمان کے نام سے کی گئی، دہشت گردوں کے قبضے سے بڑی مقدار میں ہتھیار اور ایمونیشن برآمد کئے گئے تھے۔

  • کیچ: سیکیورٹی فورسز کی چیک پوسٹ پر دہشتگردوں کا حملہ

    کیچ: سیکیورٹی فورسز کی چیک پوسٹ پر دہشتگردوں کا حملہ

    راولپنڈی: بلوچستان میں دہشت گردوں کی جانب سے سیکیورٹی فورسز کی چیک پوسٹ پر حملہ کیا گیا ہے، پاک سرزمین کا دفاع کرتے ہوئے دو جوانوں نے جام شہادت نوش کیا ہے۔

    پاک فوج کے شعبہ تعلقات عامہ آئی ایس پی آر کی جانب سے جاری بیان کے مطابق بلوچستان کے علاقےکیچ میں دہشت گردوں نے سیکیورٹی فورسز کی چیک پوسٹ پرحملہ کیا، اس دوران سیکیورٹی فورسز اور دہشت گردوں کے درمیان فائرنگ کا تبادلہ ہوا، فائرنگ کے تبادلے میں لانس نائیک منظر عباس اور سپاہی عبدا لفاتح شہید ہوگئے جبکہ دہشت گرد فرار ہوگئے۔

    یہ بھی پڑھیں: آرمی چیف کا پاک امریکا بامقصد رابطوں کی ضرورت پر زور

    آئی ایس پی آر کے مطابق لانس نائیک منظر عباس شہید کا تعلق خوشاب اور شہیدسپاہی عبدالفاتح کا تعلق خضدار سے ہے،فرار دہشت گردوں کی تلاش میں علاقے میں سرچ آپریشن جاری ہے۔

    ترجمان پاک فوج نے اس عزم کا اظہار کیا ہے کہ سیکیورٹی فورسز دشمن عناصر کی کاررو ائیوں کو ناکام بنانےکیلئے پُرعزم ہیں، دشمن عناصرکامقصد بلوچستان میں امن واستحکام اور ترقی کو متاثر کرنا ہے۔

  • پشاور میں فورسز کی کارروائی، داعش کے 3 دہشت گرد ہلاک

    پشاور میں فورسز کی کارروائی، داعش کے 3 دہشت گرد ہلاک

    پشاور: صوبہ خیبر پختونخواہ کے دارالحکومت پشاور میں پولیس اور محکمہ انسداد دہشت گردی (سی ٹی ڈی) کی کارروائی میں داعش کے 3 دہشت گرد ہلاک ہوگئے۔

    تفصیلات کے مطابق پشاور میں تھانہ فقیر آباد کی حدود میں پولیس اور محکمہ انسداد دہشت گردی (سی ٹی ڈی) نے مشترکہ آپریشن کیا، آپریشن کے دوران دہشت گردوں نے پولیس پارٹی پر اندھا دھند فائرنگ کی۔

    سی ٹی ڈی اور پولیس کی جوابی فائرنگ سے 3 دہشت گرد ہلاک ہوگئے۔

    پولیس کا کہنا ہے کہ تینوں دہشت گرد ٹارگٹ کلنگ اور دیگر سنگین مقدمات میں مطلوب تھے، دہشت گرد رنگ روڈ قبرستان میں واردات کی غرض سے موجود تھے۔

    پولیس کے مطابق ہلاک ملزمان دہشت گردی کی کارروائیوں میں ملوث تھے، آپریشن کے دوران ملزمان کے قبضے سے جدید خود کار اسلحہ اور مختلف دستاویزات برآمد ہوئے۔

    دہشت گردوں کا تعلق داعش سے تھا

    کیپٹل سٹی پولیس آفیسر (سی سی پی او) نے بعد ازاں میڈیا کو بتایا کہ پشاور میں ہلاک دہشت گردوں کا تعلق داعش سے تھا، ہلاک ملزمان میں ایک کمانڈر حیات تھا جو پشاور داعش کا انچارج تھا۔

    سی سی پی او کے مطابق مرکزی کمانڈر سلیمان تھا جس کا تعلق باجوڑ سے تھا، تیسرا دہشت گرد افغانی تھا۔

    سی سی پی او کا کہن ا ہے کہ 2 پولیس اہلکاروں اور سکھ شہری ستنام سنگھ کے قتل میں داعش نیٹ ورک ملوث تھا جکس میں مذکورہ ملزمان بھی شامل تھے، سنہ 2017 میں پشاور میں داعش کا ہیڈ کوارٹر بھی پکڑا گیا تھا۔

    انہوں نے بتایا کہ گزشتہ رات مقابلے میں 2 دہشت گرد فرار بھی ہوگئے۔

  • بلوچستان میں دہشت گردوں کی فائرنگ، پاک فوج کا جوان شہید

    بلوچستان میں دہشت گردوں کی فائرنگ، پاک فوج کا جوان شہید

    راولپنڈی: بلوچستان میں دہشتگردوں نے سکیورٹی فورسز کی چیک پوسٹ پر حملہ کیا گیا ہے جس کے نتیجے میں پاک فوج کے ایک جوان نے جام شہادت نوش کیا ہے۔

    پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق بلوچستان کے ضلع کیچ میں فوجی چیک پوسٹ پر دہشت گردوں کی جانب سے فائرنگ کی گئی۔

    آئی ایس پی آر کے مطابق سکیورٹی فورسز کی جانب سے فوری اور مؤثر جوابی کارروائی کی گئی، فائرنگ کے تبادلے میں پاک فوج کا سپاہی شہید ہو گیا، شہید ہونے والے سپاہی کا نام محمد قیصر ہے۔

    آئی ایس پی آر کے مطابق دہشت گرد حملے کے بعد سکیورٹی فورسز کی جانب سے علاقے میں کلیئرنس آپریشن جاری ہے۔

    سیکیورٹی فورسز میں آج ہونے والا یہ دوسرا حملہ ہے، اس سے قبل ہنگو کے علاقے تھل میں دہشت گردوں کی جانب سے فوجی پوسٹ پر حملہ کیا گیا ، جس کے نتیجے میں 26سالہ سپاہی وقاص شہید ہوا۔

    یاد رہے دو روز قبل شمالی وزیرستان کے علاقے اسپن وام میں فورسز کی چیک پوسٹ پر نامعلوم دہشت گردوں نے فائرنگ کی گئی تھی ، جس پر فورسز کی جانب سے دہشت گردوں کو فوری اور جوابی ردعمل دیا اور ان کے ٹھکانوں کو نشانہ بنایا۔

    دہشت گردوں سے فائرنگ کے تبادلے میں پچیس سالہ سپاہی سیف اللہ نے جام شہادت نوش کیا تھا۔

  • پاک افغان بارڈر پر سرحد پار سے فائرنگ، حوالدار شہید

    پاک افغان بارڈر پر سرحد پار سے فائرنگ، حوالدار شہید

    راولپنڈی: پاک افغان بارڈر پر ایک بار پھر سرحد پار سے دہشت گردانہ کارروائی کی گئی ہے، پاک فوج نے بھی بھرپور جواب دیا ہے۔

    آئی ایس پی آر کے مطابق پاک افغان بارڈر پرلوئر دیر میں سرحد پارسےدہشت گردوں نے فائرنگ کی، فائرنگ افغان علاقے سے فوجی چوکی پر کی گئی۔

    آئی ایس پی آر کے مطابق دہشت گردی کے واقعے پر پاک فوج کی جانب سےفوری جوابی کارروائی کی گئی، پاک فوج کی جوابی فائرنگ سےایک دہشت گرد ہلاک جبکہ تین زخمی ہوئے۔

    ترجمان پاک فوج کے مطابق دہشت گردوں کی فائرنگ سے پاک فوج کا ایک اور سپوت وطن پر قربان ہوا، چھتیس سالہ حوالدار گل امیر نے شہادت حاصل کی ، شہید کا تعلق لکی مروت سے تھا۔

    واضح رہے کہ اس سے قبل بھی متعدد ایسے واقعات رونما ہوچکے ہیں جس میں پاکستانی شہریوں اور پاک فوج کے جوانوں کو نشانہ بنایا گیا ہے۔

    مئی میں بھی پاک افغان بارڈر پر باڑلگانے کے دوران سرحد پار سے فائرنگ کے نتیجے میں چار ایف سی اہلکارشہید اور 6 زخمی ہوئے تھے۔