کولمبو: پاکستان اور سری لنکا بورڈ الیون کے درمیان تین روزہ وارم اپ میچ ہارجیت کے فیصلے کے بغیر ختم ہوگیا۔
تفصیلات کے مطابق پاکستان اور سری لنکا بورڈ الیون کے درمیان وارم اپ میچ ڈرا ہوگیا۔ پاکستان نے سری لنکا الیون کو جیت کیلئے 264 رنزکا ہدف دیا تھا۔
سری لنکا الیون نے دوسری اننگز میں 3 وکٹوں پر 129 رنزبنائے، کولمبو میں میچ کے تیسرے اور آخری روز پاکستان نے تینتس رنز کی برتری کے ساتھ دوسری اننگز کا آغاز کیا تو شان مسعود اور اظہر علی نے محتاط انداز سے کھیلتے ہوئے اسکور آگے بڑھایا۔
شان مسعود نے نصف سنچری اسکور کی۔ وہ انہتر رنزبناکر آؤٹ ہوئے۔ اظہر علی نے اڑتالیس رنزبنائے۔ پاکستان نے دوسری اننگز دو سو ستاون رنز چھ کھلاڑی آؤٹ پر ڈکلئیر کردی۔
قومی ٹیم نے میزبان ٹیم کو جیت کیلئے دو سو چونسٹھ رنز کا ہدف دیا۔ جواب میں سری لنکن الیون نے تیز کھیلا اور اختتام تک تین وکٹوں پر ایک سو انتیس رنزبنائے۔
پاکستان اور سری لنکا کے درمیان تین میچز کی سیریز کاپہلا ٹیسٹ سترہ جون سے گال میں کھیلا جائے گا۔
