ARYNews.tv | Urdu – Har Lamha Bakhabar

Tag: test fires

  • پاکستان کا نصربیلسٹک میزائل کا ایک اور کامیاب تجربہ

    پاکستان کا نصربیلسٹک میزائل کا ایک اور کامیاب تجربہ

    راولپنڈی : پاکستان نے نصربیلسٹک میزائل کا ایک اور کامیاب تجربہ کیا ،تجربے کے دوسرے مرحلے میں دوران پرواز اور ہدف تک پہنچنے میں صلاحیتوں کا جائزہ لیاگیا، 24 جنوری کو بھی بیلسٹک میزائل نصر کا کامیاب تجربہ کیا گیا تھا۔

    پاک فوج کے شعبہ برائے تعلقات عامہ (آئی ایس پی آر) کے مطابق پاکستان کی جانب سے نصر بیلسٹک میزائل کا ایک اور کامیاب تجربہ کیاگیا ، تجربے کے دوسرے مرحلے میں دوران پرواز اور ہدف تک پہنچنے میں صلاحیتوں کا جائزہ لیاگیا۔

    چیئرمین جوائنٹ چیفس آف اسٹاف کمیٹی جنرل زبیرمحمودحیات نےتجربےکامشاہدہ کیا، تجربے کے موقع پر اعلیٰ عسکری حکام، سائنسدان اور انجینئرز بھی موجودتھے۔

    آئی ایس پی آر کا کہنا ہے کہ نصربیلسٹک میزائل کا 24 جنوری اور آج ایک بار پھرتجربہ کیاگیا، نصربیلسٹک میزائل بغیر نشاندہی کامیابی سے ہدف تک پہنچنےکی صلاحیت رکھتاہے اور زمین سے زمین تک مختصر فاصلےتک مارکر سکتاہے۔

    چیئرمین جوائنٹ چیفس آف اسٹاف کمیٹی جنرل زبیرمحمودحیات کا کہنا ہے کہ تجربےسےدفاعی صلاحیتوں سےمتعلق ایک اورسنگ میل عبورکرلیا، ویپن سسٹم کےکامیاب تجربے پر ماہرین مبارکباد کے مستحق ہیں۔

    مزید پڑھیں : پاکستان کا زمین سے زمین تک مار کرنے والے نصر میزائل کا کامیاب تجربہ

    یاد رہے گذشتہ ہفتے بھی پاکستان نے زمین سے زمین تک مار کرنے والے نصر میزائل کا کامیاب تجربہ کیاتھا، آئی ایس پی آر کا کہنا تھا کہ بیلسٹک میزائل نصر سے آپریشنل صلاحیت میں اضافہ ہوگا، نصر میزائل انتہائی کامیابی سے ’’شوت اینڈاسکوٹ‘‘ ویپن سسٹم کا حامل ہے۔

    ترجمان کے مطابق ویپن سسٹم بھرپور دفاعی صلاحیت کاحامل ہے، نصر میزائل بیلسٹک میزائل، ایئرڈیفنس سسٹمز کو تباہ کرنے کی صلاحیت رکھتا ہے، تجربے سے آرمی اسٹریٹجک فورسز کمانڈ کی صلاحیت میں اضافہ ہوگا۔

  • روس کا ہیروشیما اور ناگاساکی پر گرائے گئے ایٹم بم سے 2 ہزار گنا زیادہ تباہ کن ایٹمی بیلسٹک میزائل کا تجربہ

    روس کا ہیروشیما اور ناگاساکی پر گرائے گئے ایٹم بم سے 2 ہزار گنا زیادہ تباہ کن ایٹمی بیلسٹک میزائل کا تجربہ

    ماسکو: روس نے نئے ایٹمی بیلسٹک میزائل، سیٹن ٹو کا کامیاب تجربہ کیا ہے، جو 12 جوہری ہتھیار ایک ساتھ لے جانے کی صلاحیت رکھتا ہے۔

    تفصیلات کے مطابق روسی فوج نے تربیتی مشقوں کے دوران اپنے نئے تباہ کن ایٹمی بیلسٹک میزائل کا تجربہ کیا ہے، جس کے بارے میں دعویٰ کیا جارہا ہے کہ یہ میزائل کسی بھی ملک کو ایک ہی حملے میں صفحہ ہستی سے مٹا سکتا ہے۔

    تجربے کے دوران میزائل نے 5 ہزار 793 کلومیٹر کا فاصلہ طے کرکے ہدف کو کامیابی سے نشانہ بنایا۔

    بیلسٹک میزائل کو ’آر ایس 28 سرمٹ‘ بھی کہا جاتا ہے ، یہ 12 جوہری ہتھیار ایک ساتھ لے جانے کی صلاحیت رکھتا ہے

    اس میزائل کا وزن 100 ٹن ہے اور یہ میزائل ہیروشیما اور ناگاساکی پر گرائے گئے امریکی ایٹم بم سے 2 ہزار گنا زیادہ تباہ کن ہے۔

    مزید پڑھیں : روس کے پاس امریکا سے زیادہ خطرناک تمام بموں کا باپ

    اس سے قبل روس نے دعویٰ کیا تھا کہ اس کے پاس امریکا سے زیادہ خطرناک تمام بموں کا باپ ہے، یہ تھرمو بیرک غیر جوہری بم اپنے اندر 44 ٹن دھماکہ خیز مواد رکھتا ہے اور اس کی تباہی کا دائرہ کار ایک ہزار فٹ تک ہوسکتا ہے۔

    سنہ 2007 میں تیار کیے جانے والا یہ بم غیر جوہری ہے اور تابکار مادوں و شعاعوں کا اخراج نہیں کر سکتا، تاہم یہ بم ہلاکت خیزی میں کہیں آگے ہے اور یہ فضا میں موجود آکسیجن کو استعمال کرتے ہوئے اپنے ٹارگٹ کو بھاپ بنا کر اڑا سکتا ہے، عمارتوں کو بالکل ملیا میٹ کرسکتا ہے، اور وقفے وقفے سے سماعت شکن دھماکوں کا باعث بن سکتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • برطانوی بحریہ کا آواز سے3 گنا زیادہ تیز رفتار سے چلنے والے میزائل کا تجربہ

    برطانوی بحریہ کا آواز سے3 گنا زیادہ تیز رفتار سے چلنے والے میزائل کا تجربہ

    اسکاٹ لینڈ : برطانوی بحریہ نے آواز سے 3گنا زیادہ تیز رفتار سے چلنے والے میزائل کا تجربہ کیا۔

    تفصیلات کے مطابق برطانوی بحریہ نے سی سیپٹر نامی میزائل تیار کرلیا، جو آواز سے3 گنا زیادہ تیز رفتار سے چلنے کی صلاحیت رکھتا ہے۔

    برطانوی اور امریکی نیوی نے اسکاٹ لینڈ کے ساحل پر طاقت کا بھرپور مظاہرہ کیا اور ساحلی علاقے میں موجود ایم ایم ایس آرگیل سے سوپر سونک میزائل فائرکیا۔

    سی سیپٹر میزائل سپر سانک میزائلز کو فضا میں تباہ کرنے کی صلاحیت رکھتا ہے، سی سیپٹرمیزائل کو نیوکلیئر آبدوزوں کی حفاظت کیلئے بھی استعمال کیا جائے گا۔

    اس موقع پر برطانوی وزیر دفاع نے کہا کہ کہ بحریہ نے سپرسانک میزائل کے نظام کو اس طرح ڈیزائن کیا ہے ، جو آواز سے 3گنا تیز رفتار سے دشمنوں کے میزائلوں کو تباہ کردے گا۔

    یاد رہے کہ چند روز قبل شمالی کوریا نے ہائیڈروجن بم کا کامیاب تجربہ کیا تھا ، جس کے نتیجے میں6.3  شدت کا زلزلہ ریکارڈ کیا گیا تھا، کہا جارہا ہے کہ یہ بم روایتی ایٹم بم سے کئی گنا زیادہ طاقتور ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔