ARYNews.tv | Urdu – Har Lamha Bakhabar

Tag: test positive for COVID-19

  • مشیر تجارت عبدالرزاق داؤد کا کورونا ٹیسٹ مثبت آگیا

    مشیر تجارت عبدالرزاق داؤد کا کورونا ٹیسٹ مثبت آگیا

    اسلام آباد : مشیر تجارت عبدالرزاق داؤد بھی کورونا میں مبتلا ہوگئے ، جس کے بعد انھوں نے خود کو قرنطینہ کرلیا ہے اور دعاؤں کی درخواست ہے۔

    تفصیلات کے مطابق پاکستان میں کورونا کے وار جاری ہے ، مشیر تجارت عبدالرزاق داؤد نے سماجی رابطے کی ویب سائٹ ٹوئٹر پرکورونا ٹیسٹ مثبت آنے کی تصدیق کرتے ہوئے کہا
    مجھے کورونا کی عمومی علامت ہیں، جس پر خود کو قرنطینہ کرلیا ہے، دعاؤں کی درخواست ہے۔

    خیال رہے پاکستان میں بھارتی ڈیلٹا ویرنیٹ کے پھیلاؤ میں تیزی آگئی ہے ، ایک دن میں 89 افراد کورونا کے باعث جان سے گئے ، جس کے بعد اموات کی مجموعی تعداد 26 ہزار کے قریب پہنچ گئی۔

    این سی او سی کے مطابق 24 گھنٹوں کے دوران 4 ہزار 103 افراد میں کورونا کی تصدیق ہوئی اور مثبت کیسز کی شرح 6.65 فیصد ریکارڈ کی گئی۔

  • 24 گھنٹے کے دوران سعودی عرب سے کراچی آنے والے 24 مسافر کورونا میں مبتلا نکلے

    24 گھنٹے کے دوران سعودی عرب سے کراچی آنے والے 24 مسافر کورونا میں مبتلا نکلے

    کراچی : ایک دن میں سعودی عرب سے کراچی آنے والے 24 مسافر کورونا میں مبتلا نکلے ، مسافروں کو قرنطینہ کے لئے اسپتال منتقل کردیا گیا ہے۔

    تفصیلات کے مطابق بیرون ملک سے کراچی آنیوالے مسافروں میں کورونا وائرس کی تصدیق کا عمل جاری ہے ، جناح انٹرنیشنل ایئرپورٹ پر سعودی عرب سے آنیوالے7مسافر کورونا میں مبتلا نکلے، جس کے بعد مسافروں کوقرنطینہ کے لئے اسپتال منتقل کردیاگیا ، 24گھنٹے کے دوران سعودی عرب سے آنے والے کورونا زدہ مسافروں کی تعداد 24 ہوگئی ہے۔

    دوسری جانب محکمہ صحت سندھ نے 5 مئی سے 25 جون تک کی رپورٹ جاری کردی ہے،جس میں بتایا گیا کہ بیرون ملک سے آنیوالے مسافروں کے ریپڈٹیسٹ کئے گئے۔

    کراچی ایئرپورٹ پر51ہزار769مسافروں کےریپڈٹیسٹ کئے گئے ، اس دوران 133مسافروں میں کوروناکی تصدیق ہوئی، سب سےزیادہ سعودی عرب،دبئی سےآنےوالےمسافروں میں تشخیص ہوئی۔

    خیال رہے کورونا کا پھیلاؤ روکنے کے لیے کراچی کے جناح انٹرنیشنل ایئرپورٹ پر بیرون ملک سے آنے والے ‏‏مسافروں کے لئے سخت اقدامات کیے گئے ہیں۔

    محکمہ صحت کی ٹیموں نے خصوصی کاؤنٹر پر ریپڈ ٹیسٹ لیے جا ‏رہے ہیں اور بغیر ٹیسٹ کے کسی ‏بھی مسافر کو ائیرپورٹ سےباہر جانےکی اجازت نہیں دی جارہی۔

  • خلیجی ممالک سے کراچی پہنچنے والے مزید 6 مسافر کورونا میں مبتلا نکلے

    خلیجی ممالک سے کراچی پہنچنے والے مزید 6 مسافر کورونا میں مبتلا نکلے

    کراچی: خلیجی ممالک سے آج کراچی پہنچنے والے مزید6مسافر کورونامیں مبتلا نکلے، گذشتہ روز بھی سعودی عرب سےآنےوالے9مسافر میں کورونا کی تصدیق ہوئی تھی۔

    تفصیلات کے مطابق خلیجی ممالک سےکورونا مثبت مسافروں کی آمدکاسلسلہ جاری ہے، آج بھی کراچی پہنچنے والے مزید6مسافروں میں کورونا کی تصدیق ہوئی ، کوروناموجودگی کی تصدیق ریپڈانٹیجنٹ ٹیسٹ کےذریعےہوئی۔

    گذشتہ روز بھی سعودی عرب سےآنےوالے9مسافرکورونامثبت نکلے تھے ، جس کے بعد مسافروں کولیاقت آبادقرنطینہ سینٹر منتقل ‏کردیا گیا تھا۔

    خیال رہے کورونا کا پھیلاؤ روکنے کے لیے کراچی کے جناح انٹرنیشنل ایئرپورٹ پر بیرون ملک سے آنے والے ‏‏مسافروں کے لئے سخت اقدامات کیے گئے ہیں۔

    محکمہ صحت کی ٹیموں نے خصوصی کاؤنٹر پر ریپڈ ٹیسٹ لیے جا ‏رہے ہیں اور بغیر ٹیسٹ کے کسی ‏بھی مسافر کو ائیرپورٹ سےباہر جانےکی اجازت نہیں دی جارہی۔

    ائیرپورٹ منیجر کا کہنا ہے کہ رپورٹ مثبت ‏آنے پر مسافر کو ‏اپنےخرچےپرقریبی ہوٹل میں قرنطینہ ہوناہوگا تاہم رپورٹ منفی آنے پر مسافر کو گھر جانے کی اجازت ہو گی۔

  • پی ایس ایل 6 : مزید 3 کھلاڑی کورونا کا شکار

    پی ایس ایل 6 : مزید 3 کھلاڑی کورونا کا شکار

    کراچی : پی ایس ایل 6 میں 2 ٹیموں کے مزید 3 کھلاڑی کورونا کا شکار ہوگئے ، علامات ظاہر ہونے پر گزشتہ روز دوپہر میں کورونا ٹیسٹ کروائے گئے تھے۔

    تفصیلات کے مطابق پاکستان سُپر لیگ (پی ایس ایل) کے سیزن 6 میں 2 ٹیموں کے مزید 3 کھلاڑیوں کے کورونا ٹیسٹ مثبت نکل آئے،پی سی بی کا کہنا ہے کہ تینوں کھلاڑی 10 روز تک آئسولیشن میں رہیں گے، متاثرہ کھلاڑیوں نے بدھ کے روز منعقدہ میچز میں شرکت نہیں کی، علامات ظاہر ہونے پرگزشتہ روز دوپہر میں کورونا ٹیسٹ کروائے گئے تھے۔

    پی ایس ایل6 کی آرگنائزنگ کمیٹی آج ورچوئل میٹنگ کاانعقادکرےگی ، جس میں تمام ٹیموں کے مالکان اورمینجمنٹ شرکت کرے گی۔

    اس سے قبل پی ایس ایل 6 میں تین کھلاڑیوں اور ایک آفیشل میں کورونا کی تصدیق ہوئی تھی ، جس میں اسلام آباد یونائیٹڈ کے فواد احمد اور لوئس گریگری اور کوئٹہ گلیڈی ایٹرز کے ٹام بینٹن شامل تھے۔

    کورونا مثبت آنے کے بعد تینوں کھلاڑیوں اور فیلڈنگ کوچ کامران خان کو دس دن کے لیے فوری طور پر قرنطینہ کردیا گیا تھا

    یاد رہے اسلام آباد یونائیٹڈ کے آسٹریلوی اسپنر فواد احمد کورونا وائرس میں مبتلا ہوئے تھے جس کے بعد اسلام آباد یونائیٹڈ اور کوئٹہ گلیڈی ایٹرز کا میچ ایک روز کے لیے ملتوی کردیا گیا تھا۔

    خیال رہے پاکستان کرکٹ بورڈ نے پی ایس ایل سکس میں شامل کھلاڑیوں اور آفیشلز کو کورونا ویکسین لگوانے کی پیشکش کی ، ویکسین آج لگائی جائے گی۔

    کھلاڑیوں اور آفیشلز کو ویکسین لگوانے یا نہ لگوانے کے فیصلے کا اختیار ہوگا، چیف ایگزیکٹیو پی سی بی وسیم خان نے کہا کہ پی سی بی ، کھلاڑیوں اور آفیشلز کی صحت کو بہت سنجیدگی سے لیتا، اسی لئے بائیو سیکیور ببل میں موجود تمام افراد کو ویکسین لگوانے کی پیشکش کی۔

    واضح رہے پاکستان سپرلیگ میں آج اسلام آبادیونائیٹڈاورلاہورقلندرزکےدرمیان میچ کھیلاجائےگا، یہ میچ کراچی نیشنل اسٹیڈیم میں شام سات بجے شروع ہوگا، دونوں ٹیمیں پوائنٹس ٹیبل پرٹاپ پوزیشن حاصل کرنے کے لئے آج ایکشن میں دکھائی دیں گے۔

  • کراچی: ضلع شرقی کے تعلیمی اداروں میں 216 طلبا و اساتذہ میں کورونا کی تصدیق

    کراچی: ضلع شرقی کے تعلیمی اداروں میں 216 طلبا و اساتذہ میں کورونا کی تصدیق

    کراچی : ضلع شرقی کے تعلیمی اداروں میں 216 طلبا و اساتذہ میں کورونا کی تصدیق ہوگئی جبکہ 363ٹیسٹ کے نتائج آنا باقی ہیں۔

    تفصیلات کے مطابق محکمہ صحت ٹیم کی جانب سے کراچی کے ضلع شرقی کے تعلیمی اداروں میں 9158 کوویڈ ٹیسٹ کئے ، جس میں سے 216 طلباء و اساتذہ کے ٹیسٹ مثبت اور 8939 طلبا واساتذہ کے ٹیسٹ نیگیٹو آئے۔

    ڈسٹرکٹ ہیلتھ آفس شرقی کاکہنا ہے کہ تعلیمی اداروں میں کئے گئے ٹیسٹوں میں سے 363 ٹیسٹ کے نتائج آنا باقی ہیں۔

    یاد رہے گذشتہ روز صوبہ سندھ میں کورونا وائرس کے 556 نئے کیسز رپورٹ ہوئے تھے، جس کے بعد سندھ میں کورنا کیسز کی تعداد بڑھ کر ایک لاکھ 48 ہزار 343 ہو گئی ہے۔

    وزیراعلیٰ سید مراد علی شاہ کا کہنا تھا کہ صوبے میں کورونا وائرس سے مزید 17 افراد اپنی جانوں سے گئے ، جس کے بعد سندھ میں اب تک کورونا وائرس کی وجہ سے ہونے والی اموات کی کل تعداد دو ہزار 664 ہو گئی۔

    خیال رہے پاکستان میں کورونا کی ہلاکت خیزی میں تیزی سے اضافہ ہونے لگا، مہلک وائرس چوبیس گھنٹے کے دوران مزید تیس جانیں نگل گیا، جس سے کورونا وائرس سے اب تک اموات کی تعداد چھ ہزار نو سو تئیس ہوگئی جبکہ چوبیس گھنٹے کے دوران تیرہ سو چھہتر نئے کیس بھی رپورٹ ہوئے۔

  • ابوظہبی سے آنیوالے 100سے زائد مسافروں میں کورونا کی تصدیق

    ابوظہبی سے آنیوالے 100سے زائد مسافروں میں کورونا کی تصدیق

    اسلام آباد : بیرون ملک سےآنے والے مسافر کورونا وائرس ساتھ لے آئے، ابوظہبی سے آنیوالی پرواز کے100 سے زائد مسافروں میں  کورونا کی تصدیق ہوگئی، تمام مسافروں کو قرنطینہ میں رکھا گیا ہے۔

    تفصیلات کے مطابق ابوظہبی سے آنیوالی پرواز کے100 سے زائد مسافروں میں کوروناٹیسٹ مثبت آگیا ، 200سے زائد مسافر28اپریل کو پرواز ای وائے 321 کے ذریعے اسلام آباد پہنچے ، جہاں ایئرپورٹ پرتمام مسافروں کی خودکاراسکینرکے ذریعے اسکریننگ کی گئی تھی۔

    اسکریننگ کے بعد ایس او پی کے تحت محکمہ صحت کی ٹیم نے تمام مسافروں کو قرنطینہ منتقل کیاتھا،قرنطینہ کےدوران مسافروں کے سواب ٹیسٹ لے کر این آئی ایچ بھجوائے گئے تھے۔

    خیال رہے بیرون ملک پھنسے ہوئے پاکستانیوں کو وطن پہنچانے کے سلسلے میں وفاقی حکومت نے خصوصی آپریشن جاری رکھے ہوئے ہے۔

    یاد رہے کرونا وائرس کے پیش نظر سول ایوی ایشن نے 18 سے 30 اپریل تک مسافروں کے لئے نئی ہیلتھ پالیسی کا اعلان کیا تھا ، جس کے مطابق فضائی سفر کرنے والے مسافروں کے لیے ہیلتھ فارم دینا لازمی ہو گا، فارم میں نزلہ، زکام، کھانسی اورگلے کی خراش سے متعلق معلومات درج کی جائیں گی۔

    سی اے اے کے مطابق ائیرپورٹ آمد اورروانگی کے وقت درج تمام ایس اوپیزپرعملدرآمد لازمی ہوگا، مسافرقرنطینہ کی مدت میں توسیع اور قرنطینہ کے دوران حکام کے مطابق ضرورت پر خوراک کی قیمت ادا کرنے کا پابند ہوگا جبکہ حکومت مسافروں کی ترجیحات کے مطابق رہائش دینے کی پابند ہوگی اور مسافرغلط معلومات دینے پر سزا کا مرتکب ہوگا۔