Tag: Test squad

پاکستان کے ساتھ ٹیسٹ سیریز کیلئے سری لنکن اسکواڈ کا اعلان

کولمبو : پاکستان اور سری لنکا کے درمیان کھیلی جانے والی ٹیسٹ سیریز کی تمام تیاریاں مکمل کرلی گئیں، اس سلسلے میں سری لنکا نے اسکواڈ کا اعلان کردیا۔

سری لنکا کرکٹ بورڈ کے مطابق پاکستان کے خلاف 2 ٹیسٹ میچوں پر مشتمل سیریز کے لیے دمتھ کرونا رتنے سری لنکن ٹیم کی قیادت کریں گے۔

ٹیم کے دیگر کھلاڑیوں میں پاتھم نسانکا، اوشادا فرنینڈو، اینجیلو میتھیوز، کوسل مینڈس، دھننجایا ڈی سلویٰ، کامینڈو مینڈس، نیروشن ڈکویلا شامل ہیں۔

سری لنکن کھلاڑی دنیش چندی مل، رمیش مینڈس، ماہیش تھیکشانا، کاسن رجیتھا، وشوا فرنینڈو، اسیتھا فرنینڈو، دلشان مدھوشنکا، پرابتھ جےسوریا، دونتھ ویلا لاگے، جیفری واندرسے بھی اسکواڈ کا حصہ ہوں گے۔

واضح رہے کہ پاکستان اور سری لنکا کے درمیان پہلا ٹیسٹ 16 جولائی کو گال میں کھیلا جائے گا۔

اس سے قبل پاکستان کرکٹ بورڈ (پی سی بی) نے کہا تھا کہ سری لنکا میں کشیدہ صورتحال کے باوجود سیریز شیڈول کے مطابق ہوگی۔

جولائی 14, 2022
آسٹریلیا کا دورہ پاکستان کیلئے ٹیسٹ اسکواڈ کا اعلان

سڈنی : آسٹریلیا نے دورہ پاکستان کیلئے18رکنی ٹیسٹ اسکواڈ کا اعلان کردیا، ترجمان کرکٹ آسٹریلیا کا کہنا ہے کہ پیٹ کمنز ٹیم کے کپتان، اسٹیو اسمتھ نائب کپتان ہوں گے۔

ذرائع کے مطابق آسٹریلیا کی ٹیم اگلے ماہ تقریباً25سال بعد پاکستان کے دورے پر پہنچے گی، پاکستان اور آسٹریلیا کے درمیان 3ٹیسٹ میچ کھیلے جائیں گے۔

پہلا ٹیسٹ میچ 4مارچ سے راولپنڈی میں شروع ہوگا جبکہ دوسرا ٹیسٹ12مارچ سے کراچی میں اور تیسرا ٹیسٹ 21مارچ سے لاہور میں شروع ہوگا۔

آسٹریلوی اسکواڈ کے کھلاڑیوں میں ایشٹن آگر، اسکاٹ بولانڈ، الیکس کرے، کمیرون گرین، مارکس ہیرس، جاش ہیزل وڈ ٹریوس ہیڈ، جاش انگلس شامل ہیں۔

اس کے علاوہ عثمان خواجہ، مارنس لابوشین، ناتھن لیون، مچل مارش، مائیکل نیسر، مچل اسٹارک، مچل سویپسن، ڈیوڈ وارنر بھی ٹیم کا حصہ ہیں۔

سیریز میں شامل چاروں وائٹ بال میچز بھی راولپنڈی میں کھیلے جائیں گے جبکہ آسٹریلیا کرکٹ ٹیم 5 مارچ کو راولپنڈی میں آخری ٹی ٹوئنٹی بین الاقوامی میچ کھیلے گی اور 5 مارچ کے بعد وطن واپس روانہ ہو جائے گی۔

آسٹریلیا کرکٹ ٹیم 27 فروری کو بذریعہ چارٹرڈ پرواز اسلام آباد پہنچے گی۔ آئسولیشن مکمل کرنے کے بعد آسٹریلیا کرکٹ ٹیم کو راولپنڈی اسٹیڈیم میں ٹریننگ کی اجازت ہو گی۔

فروری 8, 2022
پاکستان کے خلاف آسٹریلوی ٹیسٹ اسکواڈ کا اعلان

پرتھ: آسٹریلیا نے پاکستان کے خلاف ٹیسٹ سیریز کے لیے اسکواڈ کا اعلان کردیا، دونوں ٹیموں کے درمیان پہلا ٹیسٹ 21 نومبر سے برسبین میں شروع ہوگا۔

تفصیلات کے مطابق آسٹریلوی کرکٹ بورڈ نے پاکستان کے خلاف ٹیسٹ سیریز کے لیے اسکواڈ کا اعلان کردیا ہے، دونوں ٹیمیں پریکٹس میچ کے بعد اب ٹیسٹ سیریز میں ٹکرائیں گی، آسٹریلوی اسکواڈ کی کپتانی ٹِم پین کریں گے۔

پاکستان سے دو دو ہاتھ کرنے کے لیے کپتان ٹم پین، ڈیوڈ وارنر، اسٹیو اسمتھ، مچل اسٹارک، کیمرون بینکروفٹ، جوبرنز، پیٹ کمنز اور جوش ہیذل ووڈ اسکواڈ میں شامل کیے گئے ہیں۔

AUS SQUAD to be named later today: David Warner, Joe Burns, Marnus Labuschagne, Steve Smith, Travis Head, Matthew Wade, Cameron Bancroft, Tim Paine (capt), Mitchell Starc, Pat Cummins, Nathan Lyon, Josh Hazlewood, James Pattinson, Michael Neser @NewsCorpCricket @telegraph_sport

— Ben Horne (@BenHorne8) November 13, 2019

اس کے علاوہ دیگر کھلاڑیوں میں ٹریوس ہیڈ، لبوشین، نیتھن لائن، مائیکل نیسر، جیمز پیٹنسن اور میتھیو ویڈ بھی اسکواڈ کا حصہ ہوں گے، پاکستان اور آسٹریلیا کے درمیان 2 ٹیسٹ میچز کی سیریز کھیلی جائے گی، دونوں ٹیموں کے درمیان پہلا ٹیسٹ 21 نومبر سے برسبین میں شروع ہوگا۔

خیال رہے کہ گزشتہ روز پاکستان اور آسٹریلیا اے کے درمیان تین روزہ پریکٹس میچ ہار جیت کے فیصلے کے بغیر ختم ہوگیا تھا۔

پاکستان اور آسٹریلیا اے کا میچ ہار جیت کے فیصلے کے بغیر ختم

پاکستان اور آسٹریلیا اے کے درمیان پرتھ میں کھیلا جانے والا تین روزہ پریکٹس میچ ڈرا ہوا، 459 رنز کے ہدف کے تعاقب میں آسٹریلیا اے کی ٹیم نے آخری روز 2 وکٹوں پر 91 رنز بنائے تھے۔

میچ میں پاکستانی کھلاڑیوں نے آل راؤنڈ پرفارمنس کا مظاہرہ کیا تھا، بابر اعظم اور اسد شفیق نے سنچریاں اسکور کیں، عمران خان سینئر نے پہلی اننگز میں پانچ کھلاڑیوں کو پویلین کی راہ دکھائی۔

نومبر 14, 2019
شعیب ملک کو انگلینڈ کے خلاف ٹیسٹ ٹیم میں شامل کرلیا گیا

لاہور : آل راؤنڈر شعیب ملک بالآخر پانچ سال بعد قومی ٹیسٹ کرکٹ ٹیم کا حصہ بن گئے ۔

تفصیلات کے مطابق آل راؤنڈر شعیب ملک کو انگلینڈ کے خلاف ٹیسٹ سیریزکے لئے اسکواڈ میں شامل کرلیا گیا ہے۔

شعیب ملک کی شمولیت کے بعد ٹیسٹ اسکواڈ کی تعداد سولہ ہوگئی ہے۔ شعیب ملک دوہزار دس کے بعد طویل فارمیٹ میں ٹیم کا حصہ بنے ہیں۔

ون ڈے اور ٹی ٹوئنٹی میں شاندار کارکردگی دکھانے پر قومی کرکٹ ٹیم کے مینجر انتخاب عالم اور ہیڈ کوچ وقار یونس نے پی سی بی کی سلیکشن کمیٹی سے شعیب ملک کو اسکواڈ میں شامل کرنے کی درخواست کی تھی۔

شعیب ملک بتیس ٹیسٹ میچز میں پاکستان کی نمائندگی کرچکے ہیں۔ انہوں نے 2010 میں آخری ٹیسٹ انگلینڈ کے خلاف ہی کھیلاتھا۔

یاد رہے کہ پاکستان اور انگلینڈ کے درمیان پہلا ٹیسٹ میچ مصباح الحق کی زیر قیادت تیرہ اکتوبر سے شارجہ میں کھیلا جائے گا۔

اکتوبر 6, 2015
ورلڈ کپ کھیلنا ہر کھلاڑی کی خواہش ہوتی ہے، یاسر شاہ

کراچی: ٹیسٹ کرکٹر یاسر شاہ کہتے ہیں کہ دباؤ میں آئے بغیر وہ ڈومیسٹک کرکٹ کھیل رہے ہیں تاکہ پرفارمنس میں مزید بہتری آسکے،ورلڈ کپ اسکواڈ میں شامل ہونا ہرکھلاڑی کی خواہش ہے۔

نیشنل اسٹیڈیم کراچی میں میڈیا سے بات کرتے ہوئے اسپنر یاسر شاہ نے کہا کہ جب انھوں نے دوہزار گیارہ میں ڈیبیو کیا تو بولنگ میں کافی خامیاں تھی،مشتاق احمد سے کافی کچھ سیکھنے کو ملا ہے ساٹ ٹیسٹ کرکٹر نے کہا کہ وہ لیگ اسپن اور فلپر پر کافی محنت کررہے ہیں،ایونٹ کے بعد سابق کرکٹر عبدالقادر سے گگلی کو بہتر بنانے کی ٹپس لینگے۔

شین وارن کو یاسر شاہ آئیڈل سمجھتے ہیں اور انکی خواہش ہے کہ آسٹریلیا جانے کا موقع ملا تو وہ ان سے ضرور ٹپس لینگے،انکا کہنا ہے کہ آسٹریلیا میں کبھی کھیلا نہیں ہوں،حتمی اسکواڈ میں شامل ہوا تو اچھی کارکردگی دکھانے کی کوشش کرونگا۔

جنوری 3, 2015
آسٹریلیا کیخلاف پاکستان ٹیم کا اعلان، یونس خان ٹیم میں جگہ نہ بناسکے

لاہور: پاکستان کرکٹ بورڈ نے آسٹریلیا کے خلاف ون ڈے اورٹی ٹوئنٹی ٹیموں کا اعلان کردیا، تجربہ کاریونس خان ٹیم میں جگہ نہ بناسکے۔

قومی سلیکشن کمیٹی کے چیئرمین معین خان نے قذافی سٹیڈیم میں پریس کانفرنس کرتے ہوئے کہا کہ ٹیم کے اعلان میں کوئی ڈیڈ لاک نہیں تھا۔ ورلڈ کپ کو مدِنظر رکھتے ہوئے نوجوان کھلاڑیوں کو زیادہ موقع دیا گیا ہے، یونس خان سمیت تمام سینئرکھلاڑیوں کےلئے دروازے بند نہیں ہوئے۔

اے آروائی نیوز نے روایت برقرار رکھتے ہوئے یونس خان کو ون ڈے ٹیم میں شامل نہ کرنے خبر سب سے پہلے بریک کی، یونس خان کا نام سلیکشن کمیٹی اور ٹیم مینجمنٹ کے درمیان بحث میں رہا، یونس کی جگہ اسد شفق کو ون ڈے اسکواڈمیں جگہ ملی، سعیداجمل کے متبادل کے طور پر بائیں ہاتھ کے اسپنر رضا حسن کو ون ڈے اور ٹی ٹوئنٹی ٹیموں میں شامل کیا گیا، اویس ضیا کی ٹی ٹوئنٹی ٹیم اورعمرامین کی دونوں ٹیموں میں واپسی میں ہوئی۔

ون ڈے ٹیم میں احمد شہزاد، محمد حفیظ، عمر اکمل، فواد عالم، صہیب مقصود، سرفراز احمد، شاہد آفریدی،محمد عرفان، انوارعلی وہاب ریاض اور جنید خان کو ٹیم میں شامل کیا گیا ہے، ٹی ٹوئنٹی میں آفریدی، احمد شہزاد، محمد حفیظ، عمر اکمل، عمر امین، صہیب مقصود، اویس ضیا، رضا حسن، وہاب ریاض، بلاول بھٹی، انور علی، محمد عرفان، سہیل تنویر اور لاہور لائنز کے سعد نسیم کو پہلی مرتبی ٹی ٹوئنٹی اسکواڈ میں جگہ دی گئ ہے، جبکہ ٹیسٹ سکواڈ کا اعلان ون ڈے سیریز کے دوران کیا جائے گا۔ ون ڈے اور ٹیسٹ ٹیم کی قیادت مصباح الحق اور ٹی ٹوینٹی کی قیادت شاہد آفریدی کریں گے۔

ستمبر 24, 2014
پاک آسٹریلیا کرکٹ سیریز: یاسرشاہ کی شمولیت کا امکان

لاہور: آسٹریلیا کے خلاف سیریز کے لئے قومی ٹیم کا اعلان متوقع ہے۔ ٹیسٹ اسکواڈ میں سعید اجمل کے متبادل کے طور پر یاسر شاہ کو موقع دیا جاسکتا ہے۔آسٹریلیا کے خلاف سیریز کیلئے کون ہوگا ٹیم میں ان اور کون باہر اعلان منگل کو ہونے کا امکان ہے۔

تفصیلات کے مطابق سلیکشن کمیٹی اور مینجمنٹ کے درمیان ٹیم کے انتخاب کے لئے مشاورت جاری ہے، چیف سلیکٹر معین خان اور ہیڈ کوچ وقار یونس بہترین ٹیم تشکیل دینے کے لئے کھلاڑیوں کی کارکردگی کا جائزہ لے رہے ہیں۔

ٹیم کے انتخاب میں کپتان مصباح الحق کی رائے بھی بہت اہم ہے، چئیرمین پی سی بی شہریار خان کی منظوری کے بعد ٹیم کا اعلان کیا جائے گا، ذرائع کے مطابق سعید اجمل کی معطلی کے بعد اسپن بولنگ کا شعبہ مشکلات سے دوچار ہے جس کو پر کرنے کے لئے یاسر شاہ کو ٹیسٹ میں موقع دیئے جانے کا امکان ہے۔

ٹیسٹ اوپننگ کے مسئلے کو حل کرنے کے لئے احمد شہزاد کے ساتھ محمد حفیظ کو شامل کیا جاسکتا ہے، عمر اکمل کی دورہ سری لنکا میں ناقص کارکردگی کے بعد سرفراز احمد کو ٹیسٹ کے ساتھ ون ڈے میں بھی آزمایا جائے گا۔

تجربہ کار بیٹسمین یونس خان کو صرف ٹیسٹ تک محدود رکھا جائے گا جبکہ ون ڈے میں ان کی جگہ اسد شفیق کو شامل کیے جانے کا امکان ہے، پاکستان اور آسٹریلیا کے درمیان سیریز آئندہ ماہ متحدہ عرب امارات میں شیڈول ہے۔

سیریز کا واحد ٹی ٹوئنٹی میچ پانچ اکتوبر کو دبئی میں کھیلا جائے گا۔ ون ڈے سیریز کا آغاز سات اکتوبر سے ہوگا۔

ستمبر 23, 2014