کراچی : اسٹیٹ بینک کی جانب سے آئندہ دو ماہ کیلئے مانیٹری پالیسی کا اعلان آج کیا جائے گا، شرح سود میں کسی قسم کے دروبدل کا امکان نہیں۔
اسٹیٹ بینک کے مطابق مانیٹری پالیسی کمیٹی معاشی اعداد وشمار اور خاص طور افراط زر کا جائزہ لینے کے بعد آئندہ دو ماہ کے لئے شرح سود کا اعلان کرے گی۔
جاری کھاتوں کے خسارے میں دو سو فیصد کا اضافہ، بیرونی کھاتے دار دباؤ کا شکار ہے نتیجتاً مہنگائی کی شرح میں نمایاں اضافہ دیکھا جارہا ہے، گزشتہ ماہ مہنگائی میں اضافے کے شرح چار اعشاریہ آٹھ فیصد رہی جو کہ اپریل دوہزار سولہ میں چار اعشاریہ دو فیصد تھی۔
مزید پڑھیں : آئندہ 2 ماہ کے لیے مانیٹری پالیسی کا اعلان، شرح سود 5.75 کی موجودہ سطح پر برقرار
ایسے میں معاشی ماہرین کا کہنا ہے کہ شرح سود میں کسی قسم کے دروبدل کا امکان نہیں تاہم اسٹیٹ بینک کی جانب سے ملکی معیشت کو درپیش مسائل کی نشاندہی ضرور کی جائے گی ۔
واضح رہے کہ گزشتہ سال مئی میں آخری بار اسٹیٹ بینک نے شرح سود میں کمی کی تھی، اس وقت شرح سو د پانچ اعشاریہ سات پانچ فیصد ہے، جو ملکی تاریخ میں 42 سال کی کم ترین سطح ہے۔
