Tag: Test sy bahar

لاہور: پاکستان ٹیم کے اوپننگ بیٹسمین احمد شہزاد کو پی سی بی کے ڈاکٹر نے فٹ قرار دے دیا، احمد شہزاد نیوزی لینڈ کیخلاف ون ڈے اور ٹی ٹوئنٹی کیلئے دستیاب ہونگے۔

نیوزی لینڈ کیخلاف ابو ظہبی ٹیسٹ میں سر پرگیند لگنے کے باعث انجرڈ ہونے والےاوپننگ بلے باز احمد شہزاد کو پاکستان کرکٹ بورڈ کے ڈاکٹرز پینل نے فٹ قرار دے دیا ہے۔ احمد شہزاد نے ڈاکٹر کی زیر نگرانی ٹرئینگ کا آغاز کردیا ہے۔ احمد شہزاد کا کہنا ہے کہ نیوز ی لینڈ کیخلاف دو ٹی ٹوئنٹی اور پانچ ون ڈے میچز کی سیریز کیلئے دستیاب ہوں۔ آسٹریلوی بلے باز فل ہیوز کی صحتیابی کیلئے دعا گو ہوں۔

ابوظہبی: پاکستان کے اوپننگ بیٹسمین احمد شہزاد انجری کے باعث نیوزی لینڈ کے خلاف ٹیسٹ سیریز سے باہر ہوگئے۔پاکستان کرکٹ ٹیم کے مینجر معین خان کا کہنا ہے کہ ڈاکٹرز نے احمد شہزاد کو چار سے چھ ہفتے آرام کا مشورہ دیا ہے۔

اوپننگ بیٹسمین نیوزی لینڈ کے خلاف بقیہ سیریز میں ٹیم کا حصہ نہیں ہوں گے۔ لیکن وہ ون ڈے اور ٹی ٹوئنٹی کے لئے ٹیم کو دستیاب ہوں گے۔ احمد شہزاد آج رات وطن واپس پہنچ رہے ہیں۔

ابوظہبی ٹیسٹ کے دوسرے روز کورے اینڈرسن کی گیند لگنے سے احمد شہزاد بری طرح زخمی ہوگئے تھے۔ اسکین رپورٹ میں احمد شہزاد کے سر میں فریکچر بتایا گیا تھا۔ کیویز کے خلاف میچ میں اوپننگ بیٹسمین نے ایک سو چھیتر رنز کی شاندار اننگز کھیلی تھی۔