ARYNews.tv | Urdu – Har Lamha Bakhabar

Tag: Test

  • کالجز کےطلبہ وطالبات کا تھیلیسیما ٹیسٹ کرانے کا فیصلہ

    کالجز کےطلبہ وطالبات کا تھیلیسیما ٹیسٹ کرانے کا فیصلہ

    کراچی : پاکستان میں خطرناک مرض تھیلیسیما سے بچاو کیلئے بڑے پیمانے پراقدامات کئے جارہے ہیں۔ سندھ کے سرکاری کالجوں میں طلبہ و طالبات کاتھیلیسیما ٹیسٹ کرانے کا فیصلہ کر لیا گیا۔

    حکومت سندھ نے نوجوان نسل کو تھیلیسیما سے بچانے کیلئے اقدامات شروع کردئیے۔سندھ کے سرکاری کالجوں میں طلبہ و طالبات کاتھیلیسیما ٹیسٹ کرنے کا فیصلہ کرلیا گیا۔

    ڈپٹی کمشنر سینٹرل نے پائلٹ پروجیکٹ تیار کیا ہے جو ڈائریکٹر جنرل کالج سندھ کو جلد ارسال کیا جائے گا۔پروجیکٹ کے تحت پہلے مرحلے میں کراچی کے کالجوں میں تھیلیسیما ٹیسٹ کئے جائیں گے۔

    جبکہ ڈائریکٹر جنرل کالجزڈاکٹر ناصر انصارنے اے آروائی نیوز کو بتایا کہ تھیلیسیما ایک خطرناک مرض ہے ۔ٹیسٹ کا مقصد نئی نسل کو تھیلیسیمیا سے آگاہی فراہم کرنا ہے۔انٹر کے سرٹیفکیٹ کا اجراء تھیلیسیما ٹیسٹ سے مشروط کرنے کا فیصلہ کیا گیا ہے۔

  • جنید خان ورلڈ کپ اسکواڈ سے باہر

    جنید خان ورلڈ کپ اسکواڈ سے باہر

    لاہور: فاسٹ بولرجنید خان فٹنس ٹیسٹ میں ناکام، ورلڈ کپ سے باہر،تفصیلات کے مطابق انجرڈ فاسٹ بولر جنید خان لاہورمیں ہونے والے  دو روزہ فٹنس ٹیسٹ میں ناکام  ہوگئے۔

    جس باعث فاسٹ بالرجنید خان کی ورلڈ کپ اسکواڈ میں شمولیت کا کوئی امکان نہین رہا۔ جنید خان عالمی کپ کی تیاریوں کیلئے لگائے گئے تریبتی کیمپ میں زخمی ہوئے تھے۔

    جس کے بعد انھیں نیوزی لینڈ کیخلاف دو ون ڈے کی سیریز کیلئے ٹیم کے ہمراہ نہیں بھیجا گیا تھا۔ پی سی بی ذرائع کا کہنا ہے کہ جنید خان ابھی تک صحت یاب نہیں ہوسکے ہیں اور انھیں چلنے پھرنے میں دشواری ہورہی ہے۔

    ذرائع کا کہنا ہے کہ ٹیم انتظامیہ نے آل رائونڈر بلاول بھٹی کو جنید خان کی جگہ ورلڈ کپ اسکواڈ میں شامل کرنے کا فیصلہ کرلیا ہے۔

    واضح رہے کہ اے آروائی نیوز نے گزشتہ روز ہی مذکورہ خبر سے اپنے ناظرین کو آگاہ کر دیا تھا۔اس حوالے سے جنید خان نے اپنے ٹوئیٹر پیغام میں کہا ہے کہ مجھے افسوس ہے کہ میں فٹنس ٹیسٹ پاس نہ کر سکا اور یہ ہی اللہ کو منظور تھا۔

    ان کا کہنا تھا کہ میری تمام نیک خواہشات اوردعائیں پاکستانی ٹیم کے ساتھ ہوں۔

  • شارجہ ٹیسٹ: دوسرےدن کے اختتام پر نیوزی لینڈ نے249رنز بنالئے

    شارجہ ٹیسٹ: دوسرےدن کے اختتام پر نیوزی لینڈ نے249رنز بنالئے

    شارجہ: پاکستان کے خلاف تیسرے ٹیسٹ کے دوسرے دن کھیل کے اختتام تک نیوزی لینڈ کی ٹیم نے ایک وکٹ کے نقصان پر 249 رنز بنالئے، برینڈن مکلم اور کین ولیمسن 153اور 76رنز کے ساتھ کریز پر موجود ہیں۔

    تفصیلات کے مطابق شارجہ کرکٹ اسٹیڈیم میں کھیلے جانے والے میچ میں پاکستان کی پوری ٹیم 351رنز بنا کر آؤٹ ہوگئی۔ جواب میں نیوزی لینڈ کی جانب سے محتاط انداز میں اننگز کا آغاز کیاگیا، تاہم اوپننگ بلے باز ٹام لیتھم تیرہ رنز بنا کر راحت علی کے ہاتھوں آوٹ ہوگئے۔ جبکہ کیوی جارحانہ بلے باز برینڈن مکلم اور کین ولیمسن ناٹ آوٹ کریز پر موجود ہیں۔برینڈن مکلم نے 153رنز بنائے ہیں جبکہ کین ولیمسن 76رنز کے ساتھ ناٹ آؤٹ ہیں۔

  • شارجہ ٹیسٹ: قومی ٹیم تین سواکیاون رنز بنا کرآؤٹ

    شارجہ ٹیسٹ: قومی ٹیم تین سواکیاون رنز بنا کرآؤٹ

    شارجہ: پاکستان اور نیوزی لینڈ کے درمیان کھیلے جارہے ٹیسٹ میچ کے دوسرے دن کا کھیل جو آسٹریلوی کرکٹر فلپ ہیوز کی موت کےسوگ میں ملتوی کردیا گیا تھا۔

    آج شروع کیا گیا،میچ کے آغاز میں آنجہانی آسٹریلوی کرکٹر فلپ ہیوز کی یاد میں شارجہ ٹیسٹ دو منٹ کی خاموشی اختیار کی گئی۔فلپ ہیوز کی موت کے سوگ میں شارجہ ٹیسٹ کے دوسرے دن کا کھیل ملتوی کردیا گیا تھا۔

    جمعے کو میچ سے قبل فلپ ہیوز کو عقیدت پیش کرنے کے لئے دو منٹ کی خاموشی اختیار کی گئی۔ کھلاڑی اور آفیشلز بازو پر سیاں پٹیاں باندھ کر میدان میں اتریں ہیں۔

    شارجہ ٹیسٹ کا اختتام اب اتوار کے بجائے پیر کو ہوگا، تازہ ترین اطلاعات کے مطابق اب تک پاکستان کی پوری ٹیم 351 رنز بنا کر پویلین لوٹ چکی ہے۔

    پاکستان کی طرف سے محمد حفیظ 197 رنز بنا کر نمایاں رہے جبکہ اظہر علی نے 39 مصباح الحق نے 38 رنز بنائے، نیوزی لینڈ کی جانب سے ٹم کریگ نے سات شاہینوں کو پویلین کی راہ دکھائی۔

  • شارجہ ٹیسٹ : حفیظ کی شاندارسنچری، پاکستان کی پوزیشن مستحکم

    شارجہ ٹیسٹ : حفیظ کی شاندارسنچری، پاکستان کی پوزیشن مستحکم

    شارجہ: پاکستان اور نیوزی لینڈ کے درمیان جاری تیسرے ٹیسٹ میچ کے افتتاحی روز کا کھیل ختم ہو گیا ہے اور پاکستان نے 3 وکٹوں کے نقصان پر 281 رنز بنا لئے ہیں

    شارجہ میں کھیلے جارہے میچ میں پاکستان نے ٹاس جیت کر بیٹنگ کا فیصلہ کیا، پہلے دن کے اختتام پر قومی ٹیم نے 3 وکٹوں کے نقصان پر 281 رنز بنائے، محمد حفیظ  کیریئر کی پہلی ڈبل سنچری بنانے کے قریب ہیں، کپتان مصباح الحق بھی ان کے ساتھ 38 رنز بناکر ناٹ آؤٹ ہیں، پروفیسر 178 رنز بناچکے ہیں، انہوں نے اننگز میں 23 چوکے اور 3 چھکے لگائے۔

    شارجہ ٹیسٹ میں آل راؤنڈر محمد حفیظ کی شاندار سنچری کی بدولت پاکستان کی پوزیشن مستحکم ہوگئی ہے،حفیظ نے شاندار بیٹنگ کرتے ہوئے کیرئیر کی ساتویں سنچری بنائی، سچنری کے باوجود مصباح کے ساتھ مل کر حفیظ نے ایک سو اکیس رنز کی ناقابل شکست شراکت قائم کی،حفیظ ایک سو اٹہتر اور مصباح اڑتیس رنز کیساتھ دوسرے روز کھیل کا آغاز کرینگے۔

  • شارجہ ٹیسٹ کل سے شروع ہوگا،محمد حفیظ کی واپسی

    شارجہ ٹیسٹ کل سے شروع ہوگا،محمد حفیظ کی واپسی

    شارجہ : پاکستان اور نیوزی لینڈ کے درمیان سیریز کا تیسرا اور آخری ٹیسٹ کل سے شارجہ شروع ہورہا ہے۔ قومی آل راونڈر محمد حٖفیظ نے بولنگ ایکشن ٹیسٹ کے بعد شارجہ میں ٹیم کو دوبارہ جوائن کرلیا ہے۔

    تفصیلات کے مطابق  پاکستان اور نیوزی لینڈ کے درمیان فائنل ٹیسٹ کل سے  شارجہ کی سرزمین پر کھیلا جائے گا، سیریز میں شاہینوں کو ایک صفر کی سبقت حاصل ہے،لیکن کیویز کے بھی ارادے خطرناک ہیں ۔

    پاکستانی ٹیم نے آخری ٹیسٹ کیلئے بھرپور تیاریاں کررکھی ہیں۔ فزیکل ٹریننگ کے ساتھ خامیوں کو بھی دور کیا جارہا ہے۔  قومی ٹیم کے لئے اچھی خبر یہ ہے کہ آل راونڈر محمد حفیظ نے برطانیہ میں بولنگ ایکشن کا ٹیسٹ دینے کے بعد شارجہ میں دوبارہ ٹیم کو جوائن کرلیا ہے۔

    انہوں نے قومی کھلاڑیوں کے ساتھ بھرپور پریکٹس کی، تیسرے ٹیسٹ کے لئے توفیق عمر کی جگہ حفیظ کو ٹیم میں شامل کیا جائے گا۔ جبکہ انجرڈ فاسٹ بولر احسان عادل کی جگہ محمد طلحہ ٹیم کا حصہ ہوں گے۔

    نیوزی لینڈ ٹیم بھی پیچھے ہٹنے کو تیار نہیں ہے۔ تجربہ کار کھلاڑی ڈینیئل ویٹوری کو بلا لیا گیا ہے، تاکہ مقابلہ برابر کیا جاسکے۔ کرکٹ لورز کو یقین ہے کہ شارجہ کرکٹ اسٹیڈیم میں گھمسان کا رن پڑنے والا ہے، جیت اسی کی ہوگی جو مکمل تیار ہوگا اور اپنی خامیوں کو دور کریگا۔

  • دبئی ٹیسٹ ڈرا ہونے پر مایوسی ہوئی، مصباح الحق

    دبئی ٹیسٹ ڈرا ہونے پر مایوسی ہوئی، مصباح الحق

    دبئی: پاکستان ٹیم کے کپتان مصباح الحق کا کہنا ہے کہ دبئی ٹیسٹ ڈرا ہونے پر مایوسی ہوئی، سرفراز احمد اور یاسر شاہ کی جتینی تعریف کی جائے کم ہے، دونوں ٹیموں کے پاس میچ جیتنے کا موقع تھا۔

    دبئی ٹیسٹ میں نیوزی لینڈ کے دو سو اکسٹھ رنز کے تعاقب میں قومی بیٹنگ لائن لڑکھڑا گئی، مصباح الحق کا کہنا ہے کہ ٹیم کی کارکردگی پر مایوسی ہوئی، کیچز پکڑ لیتے تو نتائج مختلف ہوتے، ہدف کے تعاقب پر مصباح الحق نے کہا کہ چالیس سے پینتالیس اوورز تک نارمل کرکٹ کھیلنے کے بعد سرفراز کو پرموٹ کرنے کا پلان تھا لیکن وکٹیں گرنے کیوجہ سے دفاعی حکمت عملی اپنائی۔

    سرفراز احمد کی فارم کے متعلق مصباح نے کہا کہ وکٹ کیپر زندگی کی بہتری فارم میں ہے، نوجوان اسپنر یاسر شاہ کی کارکردگی کو سہراتے ہوئے مصباح نے کہا کہ یاسر شاہ کی پرفارمنس ہر میچ میں بہتر ہورہی ہے۔

  • پاکستان اورنیوزی لینڈ کےدرمیان دبئی ٹیسٹ ڈرا ہوگیا

    پاکستان اورنیوزی لینڈ کےدرمیان دبئی ٹیسٹ ڈرا ہوگیا

    دبئی: پاکستان اور نیوزی لینڈ کے درمیان دبئی ٹیسٹ ہار جیت کے فیصلے کے بغیر ختم ہوگیا، قومی ٹیم کو سیریز میں ایک صفر کی برتری حاصل۔

    پاکستانی شاہینوں اور کیویز کے درمیان دبئی ٹیسٹ نتیجہ خیز رہا، دو سو اکسٹھ رنز کے تعاقب میں قومی ٹیم ایک سو چھیانوے رنز بناسکی، نیوزی لینڈ نے دوسری نامکمل اننگز چھ کھلاڑی آؤٹ ایک سو سٹرسٹھ رنز پر شروع کی اور پوری ٹیم دو سو پچاس رنز بناکر آؤٹ ہوگئی۔

    راس ٹیلر نے ایک سو چار رنز کی جارحانہ اننگز کھیلی، ذوالفقاربابر نے چار اور یاسر شاہ نے پانچ کھلاڑیوں کو آؤٹ کیا، باہتر اوورز میں پاکستان کو دو سو اکسٹھ رنز کا ہدف ملا، مایوس کن آغاز اور پھر مڈل آڈر کی غیر ذمہ داری بلے بازی نے پاکستان کیلئے مشکلات بڑھائی۔ رہی سہی کسر سست بیٹنگ نے پوری کردی

    وقفے وقفے سے وکٹیں کرنے کے باعث شاہین ہدف کا تعاقب نہ کرسکے۔کھیل کے اختتام تک پاکستان نے پانچ وکٹوں پر ایک سو چھیانوے رنز بنائے،سیریز کا تیسرا میچ چھبیس سے نومبر کو شارجہ میں شروع ہوگا۔

  • دبئی ٹیسٹ:نیوزی لینڈ نے نو کھلاڑی آؤٹ پراننگ ڈکلیئرکردی

    دبئی ٹیسٹ:نیوزی لینڈ نے نو کھلاڑی آؤٹ پراننگ ڈکلیئرکردی

    دبئی ٹیسٹ: پاکستان اور نیوزی لینڈ کے درمیان دبئی میں  کھیلے جارہے ٹیسٹ میچ کے پانچویں روز نیوزی لینڈ نے اپنی اننگز 167 رنز چھ کھلاڑی آؤٹ پر شروع کی تاہم نیوزی لینڈ کےکپتان میکلم نے نو کھلاڑی آؤٹ پر اننگز ڈکلیئرکردی۔

      نیوزی لینڈ کی ٹیم نے پاکستان کو 261 رنز کا ٹارگٹ دیا ہے جو پاکستانی ٹیم کو 74.1 اوورز میں پورا کرنا ہے، نیوزی لینڈ کے راس ٹیلر نے ایک سو چار،برنڈن میکلم 45 مارک کریگ چونتیس جبکہ ٹم ساؤتھی بیس رنز بنا کر نمایاں رہے۔

    پاکستانی باؤلرز یاسر شاہ نے پانچ وکٹس لیں اور ذوالفقار بابر نے چارکھلاڑیوں کو آؤٹ کیا۔تازہ ترین اطلاعات کے مطابق پاکستان کی بیٹنگ جاری ہے اور ابتک قومی ٹیم کے اوپنر توفیق عمر چاررنز بنا کرکیچ آؤٹ ہوکر پویلین لوٹ گئےہیں۔

    اس وقت شان مسعود اور محمد اظہر اکتیس رنز ایک کھلاڑی آؤٹ پرکریز پر موجود ہیں اور بارہویں اوور کا کھیل جاری ہے۔