دبئی: پاکستانی شاہین دبئی ٹیسٹ کے تیسرےروز مشکلات میں گھر گئی، میزبان ٹیم کی دو سو اکیاسی رنز پر چھ وکٹیں گرگئیں، خسارہ ختم کرنے کیلئے مزید ایک سو بائیس رنز درکار ہیں۔
دبئی ٹیسٹ میں کیویز نے شاہینوں کو اونچی اڑان بھرنے سے روک لیا۔ یونس خان اور اظہر علی نے نصف سنچریاں بنائی، لیکن دونوں ہی لمبی اننگز کھیلنے میں کامیاب نہ ہوسکے۔ کھیل کے اختتام پر پاکستان نے چھ وکٹ پر دو سو اکیاسی رنز بنالئے۔
پاکستان نے پہلی نامکمل اننگز چونتیس رنز دو کھلاڑی آؤٹ پر شروع تو یونس خان اور اظہر علی نے ایک سو تیرہ رنز کی شراکت قائم کرکے ٹیم کی پوزیشن کو مستحکم بنایا، یونس خان باہتر رنز بناکر پویلین لوٹ گئے، کپتان مصباح الحق نے اظہر علی کے ساتھ مل کچھ مزاحمت دکھائی، لیکن مصباح بھی ٹیم کو مشکلات میں چھوڑ گئے۔
اظہر علی نے بھی دیر نہ لگائی اور پچہتر رنز پر بولڈ ہو کر قومی ٹیم کی بیچ منجدھار میں چھوڑ کر پویلین لوٹ گئے، اسد شفیق کی اننگز کو بھی اچھا آغاز ملا لیکن یونس اور اظہر کی طرح اسد شفیق بھی لمبی باری نہ کھیل پائے، سرفراز احمد اٹھائیس اور یاسر شاہ ایک رن کے ساتھ چوتھےروز کھیل کا آغاز کرینگے۔
