ARYNews.tv | Urdu – Har Lamha Bakhabar

Tag: Texas shooting

  • ٹیکساس کے شاپنگ سینٹر میں مسلح شخص نے قیامت ڈھا دی، 8 افراد ہلاک، لاشوں کے خوفناک مناظر

    ٹیکساس کے شاپنگ سینٹر میں مسلح شخص نے قیامت ڈھا دی، 8 افراد ہلاک، لاشوں کے خوفناک مناظر

    ٹیکساس: امریکی ریاست ٹیکساس کے ایک شاپنگ سینٹر میں فائرنگ سے 8 افراد ہلاک ہو گئے، حملہ آور بھی پولیس کی فائرنگ سے مارا گیا۔

    امریکی میڈیا رپورٹس کے مطابق ڈیلاس، ٹیکساس میں ایک مسلح شخص نے شاپنگ مال میں لوگوں پر اندھا دھند فائرنگ کر دی، جس سے آٹھ افراد ہلاک ہو گئے۔

    واقع ایلن شہر کے مال میں پیش آیا، عینی شاہدین نے بتایا کہ ایک شخص نے لوگوں پر اندھا دھند فائرنگ کی، پولیس کا کہنا ہے کہ فائرنگ کرنے والے شخص کو بھی گولی مار کر ہلاک کر دیا گیا ہے۔

    واقعے کے بعد مال سے سینکڑوں لوگوں کو نکالا گیا، فائرنگ سے 7 افراد زخمی بھی ہو گئے ہیں، مرنے والوں میں کچھ بچے بتائے جاتے ہیں، جب کہ زیر علاج افراد میں سے 3 کی حالت نازک ہے۔

    ٹیکساس کے گورنر گریگ ایبٹ نے فائرنگ کو ناقابل بیان سانحہ قرار دے دیا۔

    امریکی پولیس نے عوام سے اپیل کی ہے کہ اگر انھوں نے کوئی ویڈیو بنائی ہے تو وہ ایف بی آئی سے رابطہ کریں، تاکہ شواہد اکٹھے کیے جا سکیں۔

    گن وائلنس آرکائیو کے مطابق اس سال اب تک امریکا میں کم از کم 198 ’ماس شوٹنگ‘ کے واقعات پیش آئے ہیں، ایسے واقعات جن میں چار یا اس سے زیادہ افراد ہلاک یا زخمی ہوئے ہوں۔

  • امریکا میں‌ نامعلوم شخص کی فائرنگ سے متعدد افراد زخمی

    امریکا میں‌ نامعلوم شخص کی فائرنگ سے متعدد افراد زخمی

    واشنگٹن : ایک اور امریکی ریاست میں فائرنگ کا واقعہ رونما ہوا ہے، افسوسناک واقعے میں 13 افراد زخمی ہوئے ہیں۔

    غیر ملکی میڈیا رپورٹ کے مطابق اس بار فائرنگ کا واقعہ امریکی ریاست ٹیکساس کے شہر آسٹن کی 36 انٹرٹینمنٹ اسٹریٹ پر پیش آیا۔

    میڈیا رپورٹس کے مطابق نامعلوم شخص نے جمعے اور ہفتے کی درمیانی شب مقامی وقت کے مطابق رات ڈیڑھ بجے کے قریب شہریوں پر اندھا دھند فائرنگ شروع کردی۔

    فائرنگ کے نتیجے میں 13 افراد زخمی ہوگئے جن میں سے 2 زخمیوں کی حالت انتہائی تشویشناک بتائی جارہی ہے۔

    عینی شاہدین کے مطابق فائرنگ اتنی شدید تھی کہ لوگوں نے لیٹ کر اپنی جانیں بچائیں۔

    امریکی خبر رساں اداروں کا کہنا ہے کہ فائرنگ کے بعد مسلح شخص فرار ہونے میں کامیاب ہوگیا، واقعے کے بعد پولیس نے حملہ آور کی تلاش شروع کردی ہے، فوری طور پر فائرنگ کی وجوہات کا علم نہیں ہوسکا ہے۔

    آسٹن پولیس چیف کا کہنا ہے کہ ‘تاحال یہ کہنا کہ دیگر شہریوں کی زندگیاں خطرے میں نہیں ہیں، قبل از وقت ہوگا کیوں کہ حملہ آور ابھی تک گرفتار نہیں ہوسکا ہے، حملہ آور کی گرفتاری اور واقعے کے محرکات جاننے کےلیے وفاقی تفتيشی بيورو (ايف بی آئی) سے مدد کے ليے رابطہ کيا گیا ہے۔

    مزید پڑھیں: امریکی ریاست فلوریڈا میں فائرنگ سے 2 افراد ہلاک، متعدد زخمی

    واضح رہے کہ گزشتہ چند ماہ کے دوران امریکا میں فائرنگ کے واقعات میں اضافہ دیکھنے میں آیا ہے، چند روز قبل بھی مختلف ریاستوں میں فائرنگ کے واقعات میں چھ افراد ہلاک اور چار زخمی ہوئے تھے جب کہ گزشتہ ماہ فائرنگ کے واقعات میں 20 سے زائد افراد زخمی جب کہ 2 افراد ہلاک ہوئے تھے۔

  • امریکی ریاست ٹیکساس کے شاپنگ مال میں فائرنگ، 20 افراد ہلاک

    امریکی ریاست ٹیکساس کے شاپنگ مال میں فائرنگ، 20 افراد ہلاک

    ایل پاسو: امریکی ریاست ٹیکساس میں واقع شاپنگ مال میں فائرنگ سے 20 افراد ہلاک اور درجنوں افراد زخمی ہوگئے، پولیس نے فائرنگ میں ملوث 21 سالہ ملزم کو گرفتار کرلیا۔

    تفصیلات کے مطابق امریکی ریاست ٹیکساس کے شہر ایل پاسو کے سیلو وسٹا شاپنگ مال میں فائرنگ کے نتیجے میں 20 افراد ہلاک جبکہ 40 زخمی ہوگئے پولیس نے فائرنگ میں ملوث ایک سفید فام لڑکے پیٹرک کو گرفتار کیا ہے۔

    فائرنگ ایل پاسو کے سیلو وسٹا شاپنگ مال میں ہوئی جو کہ میکسیکو بارڈر سے چند میل کے فاصلے پر ہے۔

    ایل پاسو پولیس چیف کے مطابق فائرنگ کے واقعے میں 20 افراد ہلاک جبکہ 40 زخمی ہیں جنہیں اسپتال منتقل کردیا گیا، کئی افراد کی حالت تشویش ناک بتائی جاتی ہے۔

    ایل پاسو پولیس نے سماجی رابطے کی ویب سائٹ ٹویٹر پر ایک پیغام جاری کیا ہے جس میں کہا گیا ہے کہ زخمیوں کو بچانے کے لیے خون درکار ہے، مخیر عوام خون کا عطیہ دیں۔

    امریکی میڈیا نے 21 سالہ حملہ آور کا نام پیٹرک کروسئس بتایا ہے اور وہ ڈلاس کے علاقے کا رہائشی ہے۔

    دریں اثنا امریکی صدر ڈونلڈ ٹرمپ نے ٹویٹر پر اپنے پیغام میں کہا کہ ایل پاسو شاپنگ سینٹر میں فائرنگ کے حوالے سے بری اطلاعات ہیں، کئی لوگ ہلاک ہوئے ہیں۔ انہوں نے کہا کہ مقامی انتظامیہ اور قانون نافذ کرنے والوں کے ساتھ ہیں۔

    ڈونلڈ ٹرمپ نے گورنر کو ہدایت دی ہے کہ وفاقی حکومت کی طرف سے مکمل تعاون فراہم کیا جائے۔