Tag: thana lohi

اسلام آباد: بحریہ ٹاون کے سربراہ ملک ریاض نےکرپشن میں کمی کے لئے ایک اور پانچ ہزار کے نوٹ ختم کرنے کی تجویز دے دی۔ کہتے ہیں ملک کو حکمران نہیں رہنماچاہیئے۔

دسویں سی ای او سمٹ ایشیا دوہزارپندرہ اسلام آبادمیں منعقد ہوئی جس میں ملک ریاض نےخصوصی شرکت کی، تقریب سے خطاب میں اُن کا کہنا تھا ملک میں پینے کا صاف پانی نہیں،آٹھ کروڑ بچے اسکول نہیں جاتے، یہاں ہربڑی بیماری موجود ہےلیکن اس کاعلاج نہیں، نظام اور اس کو چلانے والے ملک کی ترقی میں رکاوٹ ہیں۔

#MalikRiaz Chairman #BahriaTown sharing his story at 10th CEO Summit Asia 2015.#BelieveInPakistan #CEOSummitAsia15 pic.twitter.com/a8BQWW2EZ5

— Sameer Alvi (@SameerAlvi40) August 26, 2015

انھوں نےمطالبہ کیا ٹیکس میں پچاس فیصدکمی کی جائے، کرپشن کےخاتمے کے لئےبانڈز ،ایک اور پانچ ہزارکےنوٹ ختم کئے جائیں۔

 سی ای او سمٹ ایشیاء کی جانب سے ملک ریاض کو بہترین کارکردگی پر بزنس لیڈر شپ کا ایوارڈ بھی دیا گیا۔

لاہور : ملک ریاض نےپانچ کروڑروپے بھتہ طلب کرنےوالوں کےخلاف تھانہ لوہی میں درخواست دے دی، بلیک میلرزمیں ریٹائرڈ کرنل شفیق، رشید اورطارق کمال شامل،اےآروائی نیوزنےدرخواست کی کاپی حاصل کرلی۔

بحریہ ٹاؤن کے سربراہ ملک ریاض نے اپنے وکیل بابراعوان کے ہمراہ اسلام آباد کے تھانہ لوہی میں بلیک میلز کے خلاف درخواست دی۔

درخواست میں ریٹائرڈ کرنل شفیق، رشید اورطارق کمال پر بلیک میلنگ کے الزامات لگائے گئے ہیں۔ تھانہ لوہی میں درخواست جمع کرانے بعد بابراعوان نے میڈیا سے بات چیت میں بتایا کہ ملک ریاض نےضابطہ فوجداری کے درخواست کیےساتھ ثبوت بھی دیئے ہیں۔

بابراعوان نے بتایا کہ ڈیوٹی افسر نے درخواست کا اندراج کر لیا ہے۔ عدلیہ، قانون کے رکھوالے اور میڈیا حقائق عوام کے سامنے لائیں۔

اس موقع پر ملک ریاض بھی اپنے وکیل بابراعوان کے ساتھ میڈیا سے بات چیت میں موجود تھے۔ لیکن انہوں نے پوچھے گئے سوال پر جواب دیا کہ تفصیلات وکیل بابر اعوان بتائیں گے۔ بابراعوان کا کہنا تھا یہ ایک فوجداری جرم ہےجس کا مقدمہ درج ہوناچاہئے۔